[الاسلام هو الحل]

اقتباس المشاركة الأساسية كتبها صافي* السلام عليكم اخوتي في الله إذا حولك الطبيب الى المختبر فمن حقك ان تاخذ اوراق التحليل وتعملها في مستوصف او مستشفى آخر ولا يملك احد منعك من ذلك فان هذا حق مكتسب لك . اسعار تحاليل هذا المستشفى فلكية وغير معقولة ، تخيلوا يا اخوان اختبار الحمل 270ريال !!! لذلك فإني انصح باجراء التحاليل خارج المستشفى والتنيجة واحدة وخل فلوسك في جيبك انت و اولادك اولى بها .

طبعا .... أكيد هذا من حق المريض .. المهم يكون في نتائج موثوق فيها .... و ما يهم وين تعمل الفحص ما دام انه جديد و صحيح ....

الله يوفق الجميع و ما تشوفون شر او مرض

[سهيل اليماني (1)]

يارجال اختبار الحمل يهون

أنا لقيت تحليل البول العادي ( أعزكم الله ) بـ( 264 ريال )

وفي مستوصف المحيميد صلحت نفس التحليل وطلّع نفس النتيجه بـ( 20 ريال )

يعني نصب عيني عينك عند الحبيب أفندي

[محفز]

اعتقد أن الدكتور رايح يشخص حالتك بناءا على التحليل

فإذا قال لك أنا رايح اشخص حالتك بناءا على هذه التحاليل الي جبتها من مستوصف خارجي

لالا لا لا لا أتحمل مصداقيتها من عدمه

بهذه الحال لا تطمئن

وراااااااااااااااايح تسوي الحاليل عندهم

يعني ما غزينا .

[ابواياد]

اقتباس المشاركة الأساسية كتبها طالب عفو ربة الي يبي الدح ما يقول اح

يابعدي ماحد رايح له إلا مريض لاتقول( دح )
ماقول إلا الحمدلله الذي عافانا من ما أبتلاهم فيه وفضلنا على كثيراً من خلقه تفضيلا

[khaledjaser]

تدفع هنا في مدينتك وعند ابنائك أفضل من ان تذهب غربا أو شرقا ووتتغرب ووتتبهذل واحمد الله على هذه النعمه التي تتمناها جميع مدن المملكة ولا داعي للخرابيط والكلام الي مالة داعي على مستشفى عالمي وما حد غصبك علية رح لأي مستوصف وحلل وسوي الي تبي وخلي الغالي لأهلة ولمن يحتاج خدماته بأي ثمن والله يشفينا ويشفي مرضانا .

[توفي-38]

ياناس ليش كل مافتح عندنا في بريدة شيء صح تحطونه تحت المجهر أتوقع إن هؤلاء من خارج بريدة يمكن السبب ............. (اللبيب بالآشارة يفهم )والحبيب ماخدع أحد يعلم بكل المصاريف بالتلفون قبل ماتجي وتعني علشان ما تقول أخداعون وبعدين الله يوفق د.سليمان الحبيب اللي جاب المستشفى عندنا بدل ماحنا خر مر على هالرياض خلوا اللي عنده فلوس تخدمه فلوسة بدل مايتمنن ألدكاترة والممرضات اللي بالمستشفى الحكومي وكأنهم يشتغلون ببلاش.

[سمو المعالي]

اللي مامعهوش مايلزمهوش

[يزوودي]

الحكومي افضل بس الاهلي افضل اشوي بس ياخي ادفع 500ريال وخلاص

[*&*]

السلام عليكم ورحمه الله
ليش كل مادخلت هنا لقيت مواضيع عن الحبيب ؟
ياسعده الحبيب ياخذ حسننااات
....
ياناااااس ترى ماحد جااء وضربك علششان تدخل فيه
عندك مشكله وتبي تعرضه على دكتور او استشاري روح ومعاك كامل اوراقك .. يعني بس حق الكشف تبي تدفع
.. لكن اللى يقول حرامي وماادري ايش .؟؟
هذي اسعارهم .. وفي البدائل متوفره
اشوف اهل القصيم ارتاحوا لما فتح عندهم
الله يمتعكم بالصحة والعافية ولا يحوجكم لاحد اللهم آمين

[الكواسر نت]

اقتباس المشاركة الأساسية كتبها خفاق با النسبه لتحاليل الحمل ... بخمسين ريال في اي مسشفى انا استغرب من اللي يروح للحبيب عشان يقول رحت للحبيب .. مسشفى الولاده فاتح ابوابه وبلاش ويتابع الحمل اول باول با النسبه لمسشفى الحبيب .. هو ما وقف بوسط الشارع وقال ادخلو غصب .. عنده اسعار ويمشي بها .. يا اخوان عنده اخصائيين بعضهم ساكنين في بريدة وبعضهم يجون با الشهر 6 مرات تقريبا .. عشان الكشف للمرضى بدل ما كانو الناس تروح للرياض ... الدكاتره الأخصائيين فيه سعوديين وغير سعوديين رواتبهم عاليه والمبنى راقي والنضافه على اشده في هذا المسشفى .. رواتب الدكاتره تتعدى الخمسين الف مع بدل السكن والترحال .. لما ترقد با المسشفى الممرضين المتابعين لك اثنين ولا ثلاث تلاقيهم حولك ولا يبعدون عندك ياخي اذا دخلته تنفتح نفسك من زين المعامله صح بفلوسك بس احسن من اي مسشفى ثاني...

كلامك سليم

[انا هي27]

الفليو الفليو الفليو الفليو الفليو الفليو الفليو الفليو الفليو

متابعة الحمل بالحبيب حول عشرة الالاف باي حق

ومستوصف الفليو حول الفين مع العلم ان الدكتور اخصائية وليست مقيمه للمعلومية

دمتم بود

[ابن السعودية]

بالنسبة لنوعية التحاليل ،، فأجهزة التحاليل الاعتيادية الموجودة في الحبيب هي نفسها في مستشفى الولادة والتخصصي لا فرق ..
لهذا فالتحاليل هي نفسها وبنفس الدقة ، من هنا لا خوف من دقة النتائج والتحاليل << اتحدث من واقع عملي.
اما بالنسبة للاسعار ، فمستشفى الحبيب لديه ميزه قد لا توجد عند غيره وهي الراحة التامة وانت تتعامل مع الطبيب ، فعندما تأخذ استشارة بمئتين ريال فأنت تدخل على استشاري له خبرته ، واما المستشفيات الاخرى فهم اخصائيين فقط .
وهنا الفارق .

[أديب المجلس]

المستشفى غالي صح ولكن بعض التخصصات بامكانك الذهاب لمستشفيات اخرى فالاطباء توفيق ويختلفون بالتشخيص لكل طبيب حسب خبرته وتعليمة فلاتجد ابدا اطباء يتفقون على تشخيص معين فلابد من تباين

وعلى العموم التوفيق على الله فيجب ان تلتمس الانسب وليس كل غالي ونظيف ومرتب جيد والسلام

[عرفت اشلون]

ابسوي عملية ووددي اسويها ببريده لاني مستقرفيها

بخشمي بشيل لحميه وش ازين دكترو ياللي تعملون مع الحبيب....؟؟

واذ حق الرياض ازين تراااصرفلي عند خوالي هاه..؟

واحد مادح لي الالماني الشايب