[حكايةمات راويها]

افضل انه يموت ولا ياخذ فوقي وحده الجــــــــــــــــاره تحــــــــــــــر

[سامي بريدة]

اقتباس المشاركة الأساسية كتبها الجمان ^^^ اي رد عقلي هي قالت لك انه ماحطت نفسها مكان اللي متزوج عليها زوجها يعني لو حطت نفسها مكان اللي متزوج عليها زوجها كان تغير رايها 180 درجة وكلنا لو نحط المتزوجين مكان اخواننا وحريمهم يتمنن يموتون كان يتغير راينا على اية حال تمني موت الزوج بسبب زواجه فقط تطرف غير معقول وقبول زواجه واعتباره امر عادي تطرف مضاد .... ,, تقبل مروري ولقافتي ,,,

تفضلي نص كلامها

اقتباس والفرق بينا اني فكرت بعقلي وانتي فكرتي بعاطفتك واتوقع اني ماأخطيت الرجل لوه اهل يبوونوه وعيال بيفقدون

[سامي بريدة]

اقتباس المشاركة الأساسية كتبها في صــمتي جروح سامي نبارك على الثانية والله ذكرتن بسالفة واحد من العيال يقول في بلدة قال الحاكم من لم يتزوج ثانية راح يعدم واحد مسكن راح يستشير زوجتة وقالها الحاكم يقول اذا لم اتزوج راح يعدموني قالت زوجتة أن شاء الله أنك شهيد

الله يبارك بعمرك وعسى الله كل يرزقه بثانية وثالثة والله يالحريم كثرن بهالوقت

وجلسن بالبيوت المطلقة والكبيرة والأرملة



قالت إيش قالت إن شاء الله إنك شهيد <<< يوم صارت الدعوى عرس قالت شهيد

حريم دينهن على كيفهن <<< أقصد بعضهن تراي لا أحد يقول أنت معمم

[سامي بريدة]

اقتباس المشاركة الأساسية كتبها شوق المريخ اي انا معك <يموت ولا يعرس علي تدري ليششششش لان البعض عندهـ الغيييييييرهـ زايدهـ شوي يعني مثلي صراحه ماتحمل الجوااااار<الضرهـ

والله أنت حرة

لكن

ليس هذا من الدين بشئ !!!

[سامي بريدة]

اقتباس المشاركة الأساسية كتبها ح ـنايـا الـ ق ـلب . النَمَاذِجَ الخَطَيرهَ بَالمُجَتَمعَ هَيْ سَبب خَوفَ المَرأةَ مِن الَزَواَجَ ! بَعَض الرِجَاَل إذا تَزَوَجَ علَى آم أَوَلاَدَه .. يَنَسَاهَا وَيَنَسَى مَاضَيَهَا سَواءَ حَلَو آو مُر ! ومَا يُكَرِهَ الزَوَجاتَ بالتِعَدادَ هَو العَدل والَحَب ! فالَزَوَجهَ تَكَرهُ التَعدادَ إذا لَم يَكُون بِهِ عَدل ! وإذا كَانَت تُحِبُ زَوَجَها حَدَ الجَنون .. الله يَوَفَقه لَتزَوجْ ( :

صدقت أختنا الفاضلة

كلام منطقي جدا

جزاك الله خيرا

[قمر بيتنا]

وانت مآعندك سآلفه غير الحريم ؟؟

اكــيد يموت ولايعرس ..

وعيآله لا يخاف ابربيهم احسن تربيه ان شاء الله ..

يموت والقلب دآعي له ..

ولا يموت والقلب يلعن الساعه اللي ارتبطت فيه ..

واللي يقول حريم ماعندهن سالفه وتفكيرهن سطحي ووووو ..

اقول له اقضب الارض ولو سمحت .. اللي ايده بالماء موب زي اللي ايده بالنار ..

وانتم وقفت معكم تطبيق للشرع الا عند التعدد والحريم ؟؟

صدق رسول الله صلى الله عليه وسلم ( ماتركت بعدي فتنة اشد على الرجال من النسآء)

يبتلون يدورون شيء يتعلق بالحريم ..

هذا يبي يفتح مضمار سيارات يتعلمن السواقه للحريم

وهذا يبي يطبق الشرع ب بالتعدد !!

لعنبو داركم صلوا وتصدقو وصوموا واطلبوا العلم الشرعي خير لكم مليون مره من تجميع الحريم

!

[القلم الذهبي]

ياشين الرجال لاقالوا نطبق كلام الرسول التعدد

اقول بس تعلمو من الرسول كيف كان يعامل زوجاته

وبعدين وقفت ع التعدد تاخذون قول الرسول
والله من البلاوي اللي تحت رووسكم .
وياما تحت السواهي دواهي

[سحابة عابرة]

احم احم ..
السلام عليكم ..
اولا ..>> المرأة بطبعه اصلا الغيرهـ حتى زوجات الرسول كانن يغارن من بعض >> شعاد حنا بهذا الزمن <<
وهو الرسول اللهم صلي وسلم عليه >> نبي وحبيب الله << موب رجال مثلكم عااااااااادي .. >> لو انا بزمانهن واخذ الرسول اللهم صلي وسلم عليه كان لو يحط فوقي عشر عادي لكن رجال مثلكم هههههه << وحده متفائله هههههههههه ..

ثانيا >> تخيل ان التعدد محلل للحريم وتشوف مرتكـ مع رجال ثاني غيركـ يشاركـ فيها >> وش شعوركـ <<
*اعرف واحد كان يبي يتزوج على زوجته ويوم علم زوجته انه يبي يتزوج ضاق صدرهـ وبدت تدعي بلي فيه خير له ولزوجه >> ويوم نام هذا الرجل شاف بالمنام ان زوجته عطته البزران ومسكت ايد رجل ثاني وراحت معه >> وهي لابسه فستان كأنه عروس << وخلت البزران معه وهو احتتتتتتتتتتتتتتترق قلبه من الغيرهـ ليه تروح زوجته مع رجل ثاني ولا بعد تاركه البزران معه وازعجوه بدو يبكون >> الرجال قام من النوم وقال لزوجته اني خلاص مانب متزوج>> والغى كل شي >> لاني حسيت بالي انتي تحسين فيه من قههههههر قالت اني كنت ادعي بالليل ان ربي يدبر الصالح والي فيه خير ..
شوفو هذا وهو حلم يالرجاجيل وش عاد لو هو حقيقه وش تبي تسوون ..


*ووحده مره تسولف علي تقول انه قاله زوجه ودي اتزوج تقول بديت اصيح وضاق صدري واسكت ويوم صار مره قلت له فلان >> وش رايك لو الحريم هن الي محلل لهن التعدد وش تبي تسوي لو تزوجت رجال ثاني غيرك >> تدرون وش سوى >> تقول بدى يلعن ويسبن تقول انه قال والله لو انتم الي تتزوجون كان طلقتك واخذت غيرك ما وقفت عليك اخليك تبتلين معي >> ناظرو شعورهـ وهو الموضوع كله انه مستحيل يصير وش عاد لو صار صدق ..

فالزواج او التعدد اذا كان الرجال كفؤ .. ويبي يعدل فهذا الي يحق له العرس ولا بهذا الزمن الرجال الحمد لله والشكر ما يعرفون العدل تلقاه يتزوج ويطير بالثانيه لانه الصغيرهـ ..

الرجال الي صدق يبي يتزوج لا ياخذ وحده صغيره ما عمره تزوجت ياخذ مطلقه ارمله عانس >> ذولي الي بهن الاجر اما الصغيره تلقى من ياخذه ..

انا بصراحه راح اقعد معه الشكوى لله اذا اخذ وحده مثل عانس - مطلقه - ارمله و اذا عدل طبعا نار زوجي ولا جنت اهلي >> وبتقل غلاته عندي وراح اكرهه بس اخليه زوجي بالاسم .. او اطلب الطلاق اذا اخذ بنت صغيره ما كد تزوجت .. لان الرجال الي ما قدرني ما راح اقدره ..

اما اني ادعي عليه او اتمنى له بالموت فهذا اصلا وشرعا ما يجوز اني ادعي على مسلم او اتمنى له بالموت ..اتطلق والحمد لله ربي بيعوضني باحسن منه او اقعد اربي عيالي اصرف لي ..

وعسى ربي ما يقوله انه يعرس علي ويخليه لي ولعين ترجيه يــــــــــــــارب >> مع اني للحين ما تزوجت بس هذا الي اقوله لنفسي بالمستقبل والله اعلم ..


ومشكور على الطرح ......

[غدا يوم اخر]

بقول راييطبعان انا ماتزوجت >>على شان ماتقولون ماجربتي وماتعرفين

انا اتمنى المووووووووت لي اموت ولا اشوفه مع وحده غيري انتم تخيو انكم مكان الحريم
لاني احبه مااتمنى له الموت واذا اعرس بصير جسد بلا روح و اذا مات برضو جسد بلا روح يعني انا اموت اريح لي
وبعدين الرجل مايتزوج الا اذا كانت فيه مبررات لزواجه اماتقصير من الزوجه او غيره
والله اذا كان فيه سبب مقنع انه يتزوج يمكن المره تتقبل شوووووووي واذا كان هالشي يتعدل بتعدله
بس اذا والله بيتزوج كيذا
هذا شي يقههر


قديمك نديمك لو الجديد اغنااك

[ام لمى ودرر]

والله انك ترفعععععععععععع الضغط يا ساميهذا اولا ثانيا خياراتك كلها ما جازتلي وثالثا اعلمك بلي قلته لأبو عيالي ؟لأ قدر الله وفكرت تتزوج لأتحسبن زي الحريم بروح لأهلي او بطلع من بيتى او ابزعل وادعي عليك بالموت هذا الشيء لأ يمكن يصير وليلة عرسك باخذ بندول نايت وانام من العصر الي بكرى الظهر عشان مايرتفع معاي الضغط والسكر جميع واموت او انشل علما باني سليمه بس الحذر واجب بمثل هذه الحالات !!!!!!!!!!!!وانت انس اني زوجه لك بيوم من الايام اعتبرن مت وانا اختك بس فيني شبه من ام عيالك الله يرحمه كثير !وظن هذا انسب حل باالنسبه لي ؟؟؟؟؟؟؟اما اني ابي اطلب الطلاق! ماقدر لأني احبك ولأاستغني عن شوفتك .(بس بحول الغلا اخوي )

[most66]

اتمنى يموت بعد عمرطويل يعني مايتزوج ابدا بثانية لانة لاتزوج تبدى الحرمة با الغيبة والسبابةوين راح ومنين جاء اكيد عندها<>>> تم التصويت

[سامي بريدة]

اقتباس المشاركة الأساسية كتبها اوركييد والله موضوع وحادثه غريبه000وانا برئي كامراه00اولا اعرف السبب والدوافع قبل الحكم على القرار000اذا كان 00فقط كذا تجديد 00فاقول له اذا كنت احبه اموت انا ولاتموت انت اسعد بحياتك ولكن لاتعذبني وانا حيه000واذا كنت لا احبه حبا فوق نفسي فاقول الطلاق ارحم علي من عذابك واطفالك000فجعلني طليقه اختار ما اريد من الازواج مثل ماتختار انت00ولكن انا كستغربه جدا جدا اغلب اسالتكم واتهمتكم موجه الى المراه000اين الرجل لماذا لاتوجه له اسئله000

كلامك أوله جميل ولكنك خربتيه بآخره

نحن لا نتهم وإنما واقع ملموس

قبل فترة تزوج أحد الشباب بثانية فلما علمت زوجته الأولى

بدأت تدعو عليه ألا يزوجه الله الحور العين !وهي أعلم بحالها وصحتها

ورقدت بالمستشفى لعدة أيام

لماذا كل هذا ؟ !

أنا لا أقول بأن تكون مرأة بلا غيرة ولكن لتخف الغيرة قليلا

أو لتسلط الغيرة على دين الله فإذا خالف شرع الله فالله يقويها ونحن معها قلبا وقالبا .

[سامي بريدة]

اقتباس المشاركة الأساسية كتبها &بريداويه& m.a.s.i_1ٍ يآليتك تفتحي موضوع وتحطي خيآرآتكـ نشوف الرجآل وش بيقولون ..........................................

أعانكن الله على أنفسكن

ولو فتح موضوع للرجال لوجدنا الغيرة أقل بكثير مما هي عند الحريم

والسبب بسيط جدا

لأن غيرته تكون وفق شرع الله ولله الحمد .

[نوسا]

اللي خلق هالرجل خلق غيرة

ابكي مرة ولا ابكي كل يوم