[الفضـي]

حددت أمانة منطقة القصيم مطلع العام القادم 1432هـ موعداً نهائيا لاستخدام العبوات المستخدمة حالياً في عمليات تداول و بيع الخضار و الفواكه ( السطول البلاستيكية بكافة أنواعها ) و استبدالها بالعبوات الحديثة التي اعتمدت مؤخراً بمواصفات قياسية محددة و اشتراطات صحية عالية . وشددت أمانة منطقة القصيم على أنها سوف تمنع بداية من تاريخ 1/1/1432هـ استخدام العبوات البلاستيكية ( السطول ) في عرض وتسويق المنتجات الزراعية من الخضار و الفواكه سواء في ساحات المزادات أو البيع للمستهلكين في محلات الفواكه و الخضروات في كافة مدن و محافظات منطقة القصيم، و يساهم هذا التغيير بشكل إيجابي في عملية ترتيب المنتج و سهولة نقله بشكل مناسب كما أنها تتيح للمستهلك سهولة فحص البضاعة قبل الاقتناء .
و يأتي التنظيم الجديد للعبوات بناءاً على توجيهات صاحب السمو الملكي الأمير الدكتور فيصل بن مشعل بن سعود بن عبدالعزيز نائب أمير منطقة القصيم بعد لقاء سموه مع عدد من الجهات المعنية بإمارة المنطقة ، و تقرير إيقاف العمل في العبوات الحالية واستبدالها بعبوات مخصصة و مصنعة من الكرتون أو البلاستيك وفق المعايير التي حددتها أمانة المنطقة و عممتها على كافة بلدياتها لتطبيقها .

[الفضـي]

يعني فيه تطور

[كآيدهمـ]

هههههههههههههههههه
يبي يخلون السوق ( اتيكيت )
يعني تبي ترتفع الاسعار اكثر
طيب التمر كيف يبي ينباع ؟
يبي يكون بكياس السلمان موزع
كيسة الصامولي بسعر وكيسة المفرود بسعر

[6137]

الحين مخلين شوارعك اللي تحوم التسبد وحاطن حيلك بالمحافر وش التخلف ذا

امانة القصيم ماعنده شئ اسمه مهم متى ماطنت مع ابوسلطان حط لك ثيل ولا حصاة يقاله يبي يزين المظهر الخارجي زين شوراعك اول

[يزيد السهيل]

زين الشوارع وحذف المطبات
وتعال زين السوق

[515]

اقتباس المشاركة الأساسية كتبها يزيد السهيل زين الشوارع وحذف المطبات وتعال زين السوق

كلام سليم 100%

[روسانا]

الله هم اجعله خير

الاحلام كثيرة

[مجنون وطني]

هههههههههههه ياأمانة السطول
ممكن تصلحون هالمطبات وهالحفر اللي كسرت ولعنت أبو خامس سياراتنا
كل يوم أذرعه ومقصات وبعدين طور سطولك يامال السطله .

[فديت القصيم]

حلو فيه تقدم...بس ياليت تصلحون الشوارع أول

[اخو دريحم]

والله يا السطل عندي له معزه لغسل البيالات



وتحت النخله نجمع به ماء للعصافير



وداعا للسطل

[أبو غــلا]

^^

أجل تجمع ماء للعصافير

دايم نجي لم السطول نلقى المطايير غارقات بوسطه




::

عمل رائع ..

إن شاء الله للأفضــل يارب

[رووح الورد]

ياسفااباه والله قهر
حسافاه السطل والله انه دايم يفيدنا والشيبان يحبوونه
بس عاد الشكوى لله وش نسووي

[( الامتياز )]

وش فيه السطل كل عمرنا ناخذ منه

وهالامانة جيدين بهالخربطة بس روحوا شوفو حل لها الشوراع

قال سطل قال

[ابووليـــد]

...
كويس ..

اخيراً يحـلون مشكلة السطــول ..

اوساخ و حشـرات وكل شي ..

اقل شي سطل لونه ابيض يوضح كل شي ..

ما أروعك ايهاً اللون الفضــي ..

...