[& مصدر مجهول &]

بسم الله الرحمن الرحيم
حيا الله كل اعضاء بريده ستي المحترمين :

السلام عليكم ورحمة الله وبركاته أما بعد...
اليوم الصباح وانا جالس على النت اتصفح شوي الا وداخل علي اخوي الصغير
ويصيح قلت وش فيك قال ان يدي توجعني كنا نلعب كوره وكان احد الشباب الله
يهديه مسويلي فيها عبدالله الجمعان على غفله شاة الكوره بقوه وضربت اخوي
مع اطرف اصابعه وطقة اليد المهم انا وديته (لمستشفى المركزي) قسم الاسعاف
دخلت عليهم واخوي كانت حالته مره صعبه واضح ان الضربه قويه المهم رحت
للاستقبال وعطوني ورقه تحويل للطبيب شاف الطبيب ايده بعد مااخذ اشاعه عليها
قالي انه يبغالها (تجبيس)رحت الى غرفة الضمادات واعطيتهم الاشاعه قالو لي
استريح.

فجلست وجلس اخوي على السرير حتى يعملوله جبس لكن الجبس طول ملينا
وحنا ننتظر وكان في الغرفه طبيبان (سوداني واردني وخمس سساتر وكل طبيب
يقول للثاني انت سو الجبس انت اللي اخذ الحاله من اولها والثاني يرفض انه
يسوي الجبس يقول ان عندي حاله برا ابروح اشوفه ويحاول يتهرب من السالفه
انا يوم شفت الوضع كذا قلت لهم ان كانكم ماتعرفون تسوون جبس ترا عادي
اوديه لمستشفى ثاني والشرهه على الحكومه اللي توظف هالاشكال طبعا السوداني
تنرفز من كلامي وقال خلاص انا اسويها ويقول في نفسه والله ياانا بلشت بعمري
جلس يسوي الجبس وهو ماله خلق وواضح انه متورط )
فالحمدلله سوا العمليه وعدت على خير مع اني والله ماادري كيف سواه..........

فانا اقول لكل من يهمه الامر انهم يشوفون صرفه لهالاجانب اللي والله مايدرون
وين الله حاطهم ....؟؟؟

وارجو من كل من قرأ قصتي ان يعطيني رايه ولا يبخل ويمكن ان شاء الله اذا درت
الحكومه بالوضع فانهم يشوفون صرفه للاجـــــــــــــــــــــانب...........




تقبلوا تحياتي ::::: مصدر مجهوووووول.

[استحي منك]

والله انك صادق كم من حاله صارت زي كذا
الممرضين اصحاب الشهادات الثانويه نايمين مالقوا شغل والاجانب مايعرفون شي موظفين مشكله

[دايم الغيرة]

هذي فضيحة ؟ هذي ضعف رقابة واجانب يتدلعون

[وادي الرمة]

اقتباس المشاركة الأساسية كتبها & مصدر مجهول & بسم الله الرحمن الرحيم فانا اقول لكل من يهمه الامر انهم يشوفون صرفه لهالاجانب اللي والله مايدرون وين الله حاطهم ....؟؟؟ وارجو من كل من قرأ قصتي ان يعطيني رايه ولا يبخل ويمكن ان شاء الله اذا درت الحكومه بالوضع فانهم يشوفون صرفه للاجـــــــــــــــــــــانب........... تقبلوا تحياتي ::::: مصدر مجهوووووول.

بصراحة الوضع مزري

و لو ان الصراخ يفيد لصرخنا
للاسف مستشفياتنا عاهات مستديمة

مقابر


لكن لا حياة لمن تنادي

حسبنا الله و نعم الوكيل

[الدب الصيني]

الحمدلله على سلامه اخيك ..

لكن موضوع فضيحه لا ترا السالفه عاديه ماتسوى مجرد انهم اختلفوا قدامك ولا دايم هم مشغولين ولا احد يدري وش يبدي عموما اخوي اتمنى انك ماتزعل علي ...

السالفه عاديه جدآ وتحصل يوميآ ..

تقبل مروري بدون زعل .

[احلالالام الروح]

الله يخلف على حكومتنا بس ماقول الا الله يقومهم من سباتهم مررة طوول
وهذا شي عااادي مو بس في بريده فيه بجدة اخس منكم
وتقبل مروري
اختك احلالالالام الروح

[الوساااام]

ياخوي كل البلاء من المدير الي بس بالأسم ..!
رح لقسم للاسنان بالمركزي وتشوف العجايب ..
لا نظافة زي الناس .. مواعيد بعد 6 شهو 8 شهور الى سنة .. على بالهم أفضل مستشفى ..!
ازودواجية بالمواعيد ..
دكاترة الظاهر انهم ميكانيكين .. قسم بالله مايعرف كوعة من بوعه ..
وقسم التركيبات سعوديين للأسف نايمين وشايفين انفسهم ومواعيدهم سنوية بحجة قلتهم والقسم مليان سعوديين ..!!!!!!
واذا جيت تشتكي يقولك مافيه مدير ضع شكواك عند الاستقبال ..!!
كأنهم عارفين الطبخة .. ناس متمادين ومستهترين دون حسيب او رقيب ..

حسبنا الله ونعم الوكيل ..

[مدلوقة]

الله يغني عنهم بالعافيه ما عليهم رقااااااابة

[اميـr]

هههههههههههه
الله يخلف بس
...

الأمور مدحردة ونا أخوك

[المخلبـ الحاد]

لا تقلون مآإأفيه رقابة

برايكـ المدير بيحط كررسي ويجلس عندهم ويخلي شغله
من المفترض رفع شكوى عليه مو أهم شيء تكتب بالأخبــــار

ومن قال أنه مايدورون ويشوفون وش يصير بس وش الفايده عند المدير بيقول أنا أحسن واحد
لو رفعت شكوى أخوي بالمستشفى يكون أحسسسن لكـ
تقبل مروري
أخوكـ
المخلب الحاد

[منسم بس عاقل]

الله يستر الغريب الصحه تتعاقد مع دكاتره من الخارج والله اعلم من صحة الشهادة الي معه