[نوسا]

السلام عليكم

عندي طفل مكسور الفخذ عندة وبعض الاكل يقولون مايصلح مايجبر ياليت اللي عندة معلومة يفيدنا

[@سموالذوق@]

ماسمعت الا الملوخيه

ومادري عن صحة هالمعلومة

[فيتـامين]

الله يشفي ولدك عاجلاً غير آجل

وبالنسبة لي ، سبق وان كسِرت يدي كسر مضاعف ، وبنفس الحالة صاحوا علي بعض الناس .
اني ما اقرب من الكوكاو والشاهي والرز ، واشياء كثيرة .

وسألت الدكتور قال لي ، مافيه أي مشكلة اذا شربت شاهي ولا ماشربت ، يعني لا تحجب نفسك عن
بعض الأكلات .
لكن الأفضل انك تركز على بعض الأكلات ، يعني اللحوم على سبيل المثال .
وحسب ماسمعت ان السكر ممكن يؤثر على المكسور سلبياً، اذا ماكان يتناول أي ادوية من المستشفى


شيء أخير :
اذكر عن احد الاطفال انه كسرت يده ، واستمر على الحلب ،ولمدة عشرين يوم ولله الحمد وهو تمام .
لكن مشكلة الحلب انه له ريحة .



واعذريني على الإطالة بالكلام ، لكن حاولت اذكر كل معلومة اعرفها .
دعواتكم لي بالتوفيق ، ودعواتي لإبنك بالشفاء .

اخوكم: فيتامين

[مخفي]

أهم شي لا يكثر من الحلويات والسكريات


وشوري له يكثر من الحلب ( وحده بوحده )

[ام اشواق]

يمدحون الحلب مع الشوربه
ومايشوف شر ان شاءالله

[نوسا]

مشكورين ويعطيكم العافية

[على طريق الأمل]

نوسا
أتصلي على أستشاري أفضل

[ديـما]

الحمد لله على سلامته
وأهم شي عليك بالحلب مع الحليب يومياً لمدة أسبوعين
وأن شاء الله ماقدامه الا العافية

[ابو عادل 222]

صح كلام اخوي
الملوخيه حلوه
الله يشفيه

[خنفشارية]

الله يشفية
وإن شاء الله تشوفينه غزال
الممنوع الحلى

[بحر الهناء]

وكليه شوربه الماش مررررررره ممتاز

مثل الحلب وماله ريحه


الله يشفيه

[برووكي]

نصيحه في الله .. اكثر الناس .. يرحون لاوحد .. مشهور في بريده يعرف هاذي الاعراض .. يقاله .. الدخيل الله .. الصراحه ونعم الرجل ..

واذا بغيتي .. بيته ..
راسلني ع الخاص وان شاء الله افيدك ..

برووكي

[loquacious]

المااش حطيه بالشوربة ممتاز ممتاز أتعب وأنا أقول ممتاز ,,

اعرف بنت بالعشرين انكسرت يدها بحادث وجبروها وترجع تراجع ويجبرونها وهكذا طوولت ...

لحد ماصارت تشرب شوربة الماش , ويوم راجعت انذهل الطبيب قال انتي وش مسوية وفك التجبيره !!

بس انتي قلتي طفل ما أدري هو يتحمل الماش أو لأ , أسألي الطبيب أفضل ..

معافى بإذن الله ,,

[عبدالله الصالح]

أمنعيه من كل شيء حلو .. وخصوصاً الكاكاو ..

ضعي له مع كل وجبة إفطار وعشاء ملعقة ماش وحده بوحده بحول الله ..

هناك فهم خاطيء بأن الحلب للكسر .. والحقيقة إن الحلب لبناء اللحم فقط .. يعني لو فيه جرح عطيه حلب أما إن كان كسر فقط فالماش وبس ..

للفائدة عندي باكستاني عمره 64 سنه أنكسرت يده قبل شهر وجبت له ماش وعامله صبحاً ومساء وهو عنده سكر وقلب وضغط واليوم كنت عنده ولله الحمد فك الجبيره ورابط مشد فقط ..

شفاه الله وعافاه .. ولايرى بأس .. والله يعينكم عليه إذا بدأ العظم بالجبر وبدأت الحكة والقلق بالليل <<<< أبهوّلك حتى إذا ما صار شيء تكون لك مفاجئة ..

كوني بخير.