[القلب الضايع]

((السلام عليكم ورحمة الله وبركته))

صباحكم خير ومحبه..

لااعرف من اين ابدا وكيف اتكلم

مالي الا انتم بعد الله سبحانه افضفض..

كنا كل خميس نجتمع في بيت الوالد فله ووناسه..

سنوات طويله ..

توفي ابي الاسبوع الماضي

فا اتصلت على بيت اهلي مثل العادة وقلت ماذا تريدونني اجيب معي ..

قالت اختي امي تقول خلاص الخميس خصصناه لخوالي وانتم ابحثو عن يوم اخر..

تفجاة طبعن الذي في البيت زوجة ابي رحمة الله ليست امي

ماكنت اتوقع ان يحصل مثل هذا ابدا حزنت واحترت اين اذهب بهذا اليوم..

ومتى اذهب اليهم ما اقدر اطلع وقت الاختبارات وادراسة..

لم يمضي على وفاة ابي اسبوع لماذا هذه الانانيه اين اخوتي..

لم يسالو عني وخواتي هل خلاص لم يصبح لي اهل مثل قبل..

ماذا افعل وكيف اتصرف معقول اضل ساكته؟؟؟

[غــــ م ــــوض]

يآحبيلك شكلك حبيّبه

بسألك أنتي لك خوآت .. والبيت لأبوك ..؟

[القلب الضايع]

اقتباس المشاركة الأساسية كتبها غــــ م ــــوض يآحبيلك شكلك حبيّبه بسألك أنتي لك خوآت .. والبيت لأبوك ..؟

ايه البيت لبوي ولي خمس خوات واربعه اخوة..

شكرا حبيبتي على احساسك

[غــــ م ــــوض]

والله إذا هو بيت أبوك وتبون تجتمعون به لكم حق لو ماكانت مرت أبوك موجوده

بعدين وشلون خصصو الخميس لخواله وأمه بالحداد .. !!

والله إني حاسه بك ومجربه لايضيق صدرك بس

واذا تقوين وين أروح بهاليوم .. أحسن لك أنتي وخواتك خوذن لكن استراحه لكن واستانسن

وخلن يوم ثاني لهم مع إنه موب ضروري تخصيص يوم لهم تكفي زياره عصريه حق وواجب

[نبض المشاعر]

اذا لك اخوات شقيقات فاجتمعوا كل خميس عند وحده

ولا تقطعي علاقتك بمرت ابوك وبناته بل على العكس اسالي عنهم صلة بابيك غفر الله له

والله يرزقك على نيتك ويسخر لك الطيبين من خلقه

[رحيل الفؤاد]

أسأل الله أن يغفر لوالدك ويرحمه ويسكنه فسيح جنانه..

وأما بالنسبة لموضوعك فالأفضل تجتمعين مع أخواتك باستراحة تستأجرونها سنوي

كل خميس.. وإذا كان ببداية الشهر يجتمعوا معكم أخوانكم من الأب..

أوإذا زوجة الوالد متضايقة من حضوركم عندها فالشكوى لله زوروها بيوم ثاني غير يوم الخوال

يعني يكون الأربعاء لكم.. والخميس لأهلها..

إكراماً لأخوتكم من أبيكم ولأن البيت بيتكم..

،،
،،

دعواتي لك بلم الشمل مع أهلك وأحبابك..

،،،،

[القلب الضايع]

اقتباس المشاركة الأساسية كتبها غــــ م ــــوض والله إذا هو بيت أبوك وتبون تجتمعون به لكم حق لو ماكانت مرت أبوك موجوده بعدين وشلون خصصو الخميس لخواله وأمه بالحداد .. !! والله إني حاسه بك ومجربه لايضيق صدرك بس واذا تقوين وين أروح بهاليوم .. أحسن لك أنتي وخواتك خوذن لكن استراحه لكن واستانسن وخلن يوم ثاني لهم مع إنه موب ضروري تخصيص يوم لهم تكفي زياره عصريه حق وواجب

اخواني الي عديتهم لك كلهم اشقاء انا وحيدة لي اخ عايش برا بريدة

[القلب الضايع]

اقتباس المشاركة الأساسية كتبها نبض المشاعر اذا لك اخوات شقيقات فاجتمعوا كل خميس عند وحده ولا تقطعي علاقتك بمرت ابوك وبناته بل على العكس اسالي عنهم صلة بابيك غفر الله له والله يرزقك على نيتك ويسخر لك الطيبين من خلقه

مالي الى واحد وعايش برا بريدة

شكرا لمشركتك

[القلب الضايع]

اقتباس المشاركة الأساسية كتبها رحيل الفؤاد أسأل الله أن يغفر لوالدك ويرحمه ويسكنه فسيح جنانه.. وأما بالنسبة لموضوعك فالأفضل تجتمعين مع أخواتك باستراحة تستأجرونها سنوي كل خميس.. وإذا كان ببداية الشهر يجتمعوا معكم أخوانكم من الأب.. أوإذا زوجة الوالد متضايقة من حضوركم عندها فالشكوى لله زوروها بيوم ثاني غير يوم الخوال يعني يكون الأربعاء لكم.. والخميس لأهلها.. إكراماً لأخوتكم من أبيكم ولأن البيت بيتكم.. ،، ،، دعواتي لك بلم الشمل مع أهلك وأحبابك.. ،،،،

من حنا يحسره انا مالي اشقا الى واحد وبرا بريدة حتى خواتي من امي رافضين ادخل معهم الخميس من زمان يقولون نبيه لحالنا

شكرا لك حبيبتي

[بنت برريدة]

رحم الله ابوك واغناك الله عن الكل..


ادعي من قلب أنه ما يحيجيك لأحد ويغينك ..


الخميس خليه للعائله اطلعي انت ورجلتس واكشتوا وسووا جو مب لازم ألا خوات..


ولا تعالي لمي انا مثلتس ما عنديا ا حد اروح له ^_^

الله يجمع شملي مع من يحبونني وأحبهم وينصرنا على من فرق بيننا..

[نجدية حرة]

اقتباس المشاركة الأساسية كتبها القلب الضايع اخواني الي عديتهم لك كلهم اشقاء انا وحيدة لي اخ عايش برا بريدة

ياحياتي أنتي تعالي عندنا بيت أهلي مفتوح لك,,

ياقلبي لايضيق صدرك أنتي حاولي تحببين خواتك فيك حاولي تكسبينهم لأنهم واضح ان امهم مسيطرة عليهم وكنها ماصدقت جت الفرصة وتتخلص!!

حاولي تكسبين خواتك مثلاً مو ضروري تروحين عندهم إعزميهم عندك بالبيت من فترة لفترة طبعاً مو عزيمه خليها جمعة ووناسة بدل الخميس وبكذا أظن ماراح ينسونك لو تجتمعون بإستراحة مو شرط ببيت أبوك اذا زوجة أبوك مو حابة,,وإعزمي زوجة ابوك لعل قلبها يحن عليك,,

طيب بسألك ماعندك خوال وبنات خالات وخوال تجتمعين معهم؟!

[muhannad]

,,


الله يغفر لابوك ويرحمه ,,
ويسهل أمرك ويعينك
ما عندي شي اقوله
بس حيبت ادعي لك ولابوك ,,

,,

[تباشير المطر ~]

وعليكم السلام ورحمة الله وبركاته
القلب الضائع بدايه أحسن الله عزائك وجبر الله مصابك ،
رحم الله والدك وجعله الله من أهل الفردوس الأعلى ،
ياحبيلك أبقولك شي وتكفين طيعين :
( لاترجين السعادة من الناس ) خلي رجاك بالله عزوجل وبس
والله لو تعيشين بالبيت دايم وقلبك متعلق بالله مااااراح تحسين بحزن أووحده ،
انا قريت موضوعك الأول مشكلة خواتك من الأم واللحين مشكلة خواتك من الأب ،
انتبهي تزعلين أو يصير بخاطرك شي عليهم ,
أنت ربك مسعد قلبك لأنك متعلقه به سبحانه
ماراح يأثر عليك لو أخطأوا عليك صح ولا لا .. ؟
اللحين إجازة يعني دااايم الأيام مفتوحة للإجتماع ،
بس إذا فتحت المدرسة - ان شاء الله -
حاولي تتدورين يوم مناسب مثلًا الإربعاء عند أخوانك من الأب ( لأن الخميس لخوالهم )
والخميس ( لأمك ) موب دايم لأني أذكرك تقولين انهم يقولون مانبي كل أسبوع نجتمع .
وأن أعتذروا عادي لاتحطين بخاطرك أنت ِ غنية عنهم ، أنتي تبين صلة الرحم ،
خوذي الأمور ببساطة الي يبيك حطيه بعيونك ، والي ماهميتيه على راحته ،
ليش توصخين قلبك بكره أو حقد على الي أخطاء عليك وأنت ِ أكبر من كذا
( طبعًا أنا أتكلم موب عنك يعني عن الي راح يصير
ولا أنتي أحس من كلامك قلبك طيب وه والله أني حبيتك )
لايضيق صدرك واطلعي مع زوجك وعيالك
واستناسي الدنيا تبي تروح لاتكدرين خاطرك .
ليييتك بس تقربين لنا كان نجتمع خميس وإربعاء وجمعه

[جروح القلب]

أحسن الله عزاك , وغفر الله لوالدك.

أنا رايي...............لاتصيرين حساسه !!

أنتي روحيلهم أي يوم تحسين ماعندهم أحد , وسولفي معهم و خوذي وعطي , مثل يوم والدك موجود , لأن أعظم

الوصل وصل من يقطع , ووصل ود ابوك الله يغفرله .

ثم عقب الجلسه قولي لمرت أبوك أني ودي يصير لي يوم معكم , وأبيه يصير يوم مناسب لك و لهم.

وبذلك تضربين عصفورين بحجر........

أن زوجة أبوك تحس بحبك لهم وحرصك على الجيه , و انه هي الي حددت اليوم يعني برضاه يعني مايصيرله علثه

ويوم الخميس خليه للحموله , أو خوالك.

أرجو أني أفدتك .