[ابو نع نع]

الاحسن لتلميع الكفرات سلفر <<تلميع للكفرات جديد مثل الكاوا بس عيبوه مايثبت على الكفر

[Aziz6080]

اقتباس المشاركة الأساسية كتبها sport جاك بزر وقام يهاوش ويلجلج !!

شكلك ناسي اننا ببريده غير


هذي نكته من النكت الي تجينا << لا احد يعلق عليه رجاءَ
فيه قصمنجي مطرود من الاستعلامات ليش ؟
كل ما دق واحد يبي رقم قاله وش تبيبه .

[الطير و ي ص]

ماقول الى زيادة السفاهه

[عبد العزيز2007]

جديد اقرأ واحكم عليهم من نفسك

لكـل المبتدايـن بالنصــــب

.. السلام عليكم ..







الموضوع واصح من عنوانه





كثرت اسالت الاعضاء وش اسوي ووش اركب ومن هالاكلم






!! يلا نبدا !!




1- اول شي هو للهلي تغسل بطن الموتر ولمعه بكرواكس .


2- غطس الشكمان والشيالات و صواميل البطن و قاعدة السست و صواميل السست وسلك الجلنط وممكن تجلي .


3- استكرات وكاله احسن شي تخليه بلاد بدون خرابيط .


4- تجااليد وكاله تنده وكبوت .


5- لوحه بدون خروووم يعني لزق .


6- فك الفيبر واكواع الجنوط والصدام .


7- ركب جنوط (مرسيدس - سووود - فضي ) او (دووووج ) او ( بلاد فضي - او سود )


الجنوط كلهن واحد بس الرشه غير احسن شي رشة الحسون باعنيزه هاذي الفضي


والسود فيه ورشه بصناعية النسيم يرش سود لمعه الجنط بـ30 ريال لمعه تشوف وجهك فيها


8- كفرات يوكوهاما خط مقاس 75- 205 .


9- قرطس الطاره والدرج والقير و الشماسات واحسن تخليه بلاد .


10- حط كم خيشـــــه باالصندوق عشان ينزل الموتر .


11- اشر صواميل نيكل وفنجال مغطس على السود بــــس


12- قزاز فصل للهلي القديمه .


13- ذهب العلامة تايوتا و هيلوكس واحسن تخليه بلد




نجي للغبار والشغل الحلو



1- غبـــر بــــلاد


جب غبار سطح او مكنسه اشخله بشماغ او شراب جب تايد وملمع قزاز حط بيالتين شاهي



غبار ونص بياله تايد ونص بياله ملمع قزاز حطهن بالمرشه وعب مويه ورش الموتر اربع او ثلاث مرات .




2- غبارالربلاات


قبل ماتغبر الموتر جب شماغ عبه غبار سطح عشان يكون اصفر


جب المرش عبه مويه


رش شوي على الربلاات وهز الشماغ وراجع رش وهز الشماغ وكذا نكون قطيناء من الربل طريقه مضونه 100%



3- الشهااااب


احسن شي يكون الشهاب على غبار المطر والطريقه سهله مره ومضمونه


اول شي نجيب غبار مكنسه عشانه غامق ورماد حق النار


اشخل الغبار والرماد باشماغ وحط بيالتين غبار وبياله رماد ونص بياله تايد ورش على الجوانب خل التنده والكبوت


عليهن غبار بلاد احسن شي .




4- اهم شي مهوب كل ماغـــبـــرت غسلة السياره تفريك يعني بصابون


اذا انحاس الغبار يعني تمسح جب لي الماء وسيل السياره كلها بدون ماتلمس السياره وارجع غبر من جديد .



4- اذا جاء مطر غبر مطر وخفف الغبار ورش فوقه غبار المطر .



5- اكتم لمعة الصدامات وخصوص الصدام الى ورا .



التلميع



1- غسل الكفرات والصجااااات


2- لمع الكفرات بــكاوا و الصياج بــسلفر شفاااف




اشياء ممكن يستغناء ينهاء


1-امسح اللوحه والاصطبات .



2- تليييين الكفرات يعني الى قدام 10 والى ورا 15 .


3- تفك المرايات للهلي القديمه والجديده تصفط المراية .


4- لمع اللوحه بكرواكس بس لا يجي الحروف انتبه انتبه

[$الفتى السعودي$]

اقتباس المشاركة الأساسية كتبها sport آميــــن وأنت أولهم وآخرهم ان شاء الله

الله يسمع منك اخوي واكون اخرهم ومانشوف مثل هالتخلف اللي حاصل عندنا

[ĎђǿǾǿற]

~


فيفـآدول . فيمتو . سكر . تآنج برتقآل . عصير فرآوله . و و و ..!

حشآ مقـآظي بيـت ذولـي .. مـآهب حقآت تلميع ..~

آلله يجزآك آلجنـه .. هآذولآ نآأس فآضين ويخربطون .. وبحيآأتي مآشفت آحد يسوي هـآلطريقـه .~؟

اما تحط سكر بالكفر . ولا فيمتوآ .. هآذآ أستهتآر بالنعمه .. ومآيسويه آلآ السفيـه .~

كل آلشبآب تلميعهم بكآوآ ولآ سلفـَر .. والتحتي جلآآ ولآ كآر وآكس .~؟

وآنآ حسيت آن آلموضوع له هدف .~

تعآلوآ شوفوآ آلشَّبآب وش يسْتعمـل بآلتلميع آو بآلنصب .. يستهْترون ويلعبون بالنعمه عشآن ينصبون .~؟

(- حسـب مآأفهــمت .~؟

~

[عبد العزيز2007]

زي مآ انتم شايفين الكآوآ بهالاسوآق سعره يلحس المخ مره 6 ريال ومره 5 ريال ومره 4

ومره بقيمه ماتصدقهآ يعني القاك ماخذ قرض عشان تشتري علبة كآوآ هههههه>>اقول بلاسمآجه واقض علينا بس


خصوصآ اللي عنده محلات زينه الله يعينه تلقاه يشتري بالجمله ومنلحس كل يوم له بسعر ككككك ـإأآ ~

فهذآك اليوم وانا اطقطق بالعلب حقت الكآوآ>>>بدينآ بالتسذب

والقالك علبة كآوآ شآطحه الصدز مهب شاطحه بس انا فاضي وقعدت اناضر به وتسذآ

الا يوم شكيت بالعلبه ,.,

قلت يآولد انقز مثل الذيب وجب علبة ثانيه

واناضر بالعلبه الثانيه الا ولله مهب مثله >>يطلع الفوآرق السبعه ههههههههه

فاكتشفت ان انا وجبهتي اللي معي مهب اصليه كآوآ تجآري تسذبي ههههه

يعني حنآ نلمع على النيه ونصبغ والصدز مهب الكآوآ اللي نبي

بتقول وش الفرق سوآء كآن اصلي ولا تجآري .,

اقولك انا

طال عمرك لمعة الكاوا هذآ تبهت نضرك تقعد خمس دقآيق تلمع بعدين

تروح اللمعه ..

شي طبيعي لا صبغة بتكون قبل خمس دقآيق قد مشيت

يعني مادريت عن الموتر يوم تاصل التربيه الا موترك تقل مالمعته هههههه>>>واثق انهم بيروحون التربيه ههههه


ايه فقلت نجيب لزكرت صور توضح الكآوآ الاصلي عن الكآوآ التقليد ..

بعدين الصدز قهر تضيع درآهمك ولا آستفدت شي

اول شي نبدآ

بتعريفآت عن الكآوآ مع انه مآيحتآج تعريف اهب تقل جني كلن يعرفه هالكآوآ ههههههههههه
..

وش رآيكم بيدي وه وش زيني مملوح كككككك





هذي صوره عآديه للكآوآ ..


... ~ ...


هذي صوره للكآوآ الاصلي والكآوآ التقليد لعنه الله>>>طلع كآفر مآعد هو بكآوآ هههههههه






... ~ ...

هنا صوره مقربه تشوف الكآوآ التجآري على اليمين تجي كتآبة زرقآ مهب بيضآ

والي يسار الاصلي شحليل كتآبته هههه يعني تكون باهته كتابة الاصلي شوي ..






... ~ ...


طيب

هنا اهم شي واللي هو مكآن الصنع ..
الاصلي يكون مكتوب فيه مكان الصنع واللي هي زي ما آنتم شايفين صنع في لبنآن>>اوخص يالبنان يعرفون الكآوآ هههههه






... ~ ...


وهنآ في التقليدي يجي مكتوب كلام انجليزي >>وآضح انه دآج بالانجليزي

المرآد كلام انجليزي بدون صنع في لبنآن اعتقد وآضحه يالبا قلوبكم





... ~ ...


وهنآ عندنآ الفتحه اللي في اسفنجة العلبة حقت التلميع او الصبغ


التقليد اللي ع اليمين وانها تكون مهب مقصوصه او مقصوصه لاكن مايكون بلف العلبه الاحمر طالع برآ

زي مآهو ضآهر عندكم بالصوره اللحين

اما الاصلي اللي علي اليسار يكون مقصوص والبلف طالع طبعآ خبركم عارفين لانكم دآيمآ تستخدمونه





... ~ ...


وهنآ يآطويل العمر>>سوآلي شآآآيب كككككك ـإأ

تاريخ الكآوآ>> اومآ تآريخهه طلع لبن ذا هههههههههههه

مهب تاريخ يالربع ولله مدري وشو رقم المهم اي علبة كآوآ اصليه تلقا عليها ذا الرقم

مدري وشهو اتوقع رقم الصنف الموهم ماتلقاه الا بالاصلي

والتقليدي على اليمين زي مانتم شايفين ماعليه ذا الرقم الاسود اللي فوق

طبعآ البعض الله يجزآه خير بيقول ليش ماحطيت دوآئر .. عشان توضح ولله ماعرف

بس الرقم تشوفونه فوق الاستكر على نفس العلبه متكون من اربع ارقام وحرف انجليزي






... ~ ...


عآد هنآ جينآ لصدزي ..

الاسفنج حق الاصلي زي ماتشوفونه على اليمين به طبقة من تحت صفرآء

هذي اسفنجه والطبقه اللي فوق بيضآ هذآ اسفنج مقوى >>اقطعهآ يامقوى هههههه

لكن التقليدي على اليسار يكون اسفنج مقوى فقط ممآيؤدي الى صعوبة خروج البويآ من فوهة العلبه





...~...



وهنآ عندك الشيء الوآضح جدآ وهو عن طريق الملمس يعني تدخل محل زينه او بقاله ..

السلام هآه صديق بالله جيب ووآحد كآوآ يجيب الكآوآ اول ماتمسك الكآوآ تحسه قاسي لدرجة

انك تعجز تضغطه بيدك يعني تعصره هههههه اللي هو هو ..

ادر انه تقليدي يابعد قلبي

زي ما انتوآ شآيفين اخوكم شـ ع ـبولا هنآ يتعصر عشان يضغط العلبه بس فشل رغم المحآولات







... ~ ...



وهنآ الاصلي شوفوآ كيف ينضغط بطرآوه وسهوله

زي مآ انتوآ شآيفين اللحين كيف ضغطه شـ ع ـبولا .. بقوته الفائفه ههههه ..




>>آومآ ضاغطه كذآ مسوي فآندآم انت وجهك ههههههههه

لا اتسذب عليكم ترآ العلبه شبه فآَضيه هنآ
لاكن الاصل يكون اطرآ من التقليدي بكثير زي ماقلنا

التقليدي قوي جدآ لايمكن عصره هههههه


..

هنآ نكون وصلنآ لنهآية موضوعنآ

وآرجو آنكم استفدتوآ قبل المتعه ..

وآرجو ان سمآجتي مازآدت عن حده هههههههه

..

ومن هذآ الباب اعتذر عن كل من اخطآت وغلطت عليه في هذآ المنتدى

زي ما نتوآ عارفين ابن آدم لازم يجيب العيد هههههههه

وآرجوآ ان يبقى شـ ع ـبولا في قلوبكم قبل ان يصبح في منتدآكم ..


الشكر موصول

لـ آخوي دورآن>>حمود

الذي كآفح لكي يطور هذا المنتدى ..

واشكر آيضآ ..

بعد قلبي رآِشد >>

من سآعدني وسآندني لآصل لمآ وصلت اليه الان

صفقوله

[عبد العزيز2007]

السلام عليكم ورحمة الله وبركاته ..

اولا اليكم موضوعي المتواضع لما يحتويه من فوائد باذن الله

كما ان الموضوع يتحدث عن (التذهيبه) المطفيه او الغامقه بمعنى اصح طبعا تذهيب تماثيل الاغطيه للجنوط ...

نضرا الا ان بعض الشباب اقبلوا على هذا اللون بكثره فقلت مابالي لا انزل موضوع

يحتوي على طريقة التذهيب وايضا بتكاليف وخسائر اقل ...


))))))<< التذهيبه لاتصلح الى على المكحلات>>>(((((((
اقول لغه الولد صح خخخ

المراد >>>>ماينفع لازم يرجع اللغه الاصليه

قم يفك التمثال من الجنط وهي انك تضغط وصلة العلامه اللي طالعه من الداخل

واللي هي هذي

...:.. الصورة الاولى ...:...



وبعدين تطلع معكـ زي كذا طبع كل شي بتفاهم زين انتبه لاتكسر العلامه


....:.. الصورة الثانيه ....:....



وبعدين تشتري بخاخ بويا ذهبي زي منتم شايفين بشرط نفس ذا البخاخ انتبه
تشري ابو خمس ريال انا ولله شاريه من بريده راح تحصلونه عند محلات البويا
اللي برياض عندكم هنا >>>>وش عند اللي ساكن بالخارج

وهذي صورته

.....:..الصورة الثالثه.....:....



وبعدين ترش على التمثال بما يقارب 20 الى 30 سانتي متر على اساس تكون

واثق يعني ماتسيل ولا تكثر وهذا

....:...الصورة الرابعه....:...




بعدين هذي الصوره عشان ماتقولون شعبولا ضحك علينا واشترا علامه مذهبه
وقال هذي تذهيبتي
شوفوا العلامه هذي مرشوشه مع النص والاطراف مهب مرشوشه يعني بنص الشغل

....:...الصورة الخامسه......:.




بعدين لاتشوفون يدي بيضا تقولون وش هالزين ترا ولله هذا الفلاش مخليها تسذا

ولا انا اشين ماخلق ربي المراد نرجع موضوعنا ..

وبعدين اللحين هذي التثمال مرشوش مع كل الاطراف انتبه ترش مع النص

وتنسى الجوانب >>>>الاطراف زي الصورة الخامسه اللي قبل شوي ...


...:...الصورة السادسه...:...



هذي العلامات مرشوشه جاهزه ماعليك الا تروح تقهوى ولا تروح تزين اي شي

يعني 5 الى 10 دقايق تكون ناشف البويا ...

....:...الصورة السابعه.....:...




ثمين تركب العلامه او التمثال المذكر في اعلاه>>>يقرا معروضات واجد الله يصلحه هه

ركبها بالغطا او الطاسه كلن وسمايته عاد

...:...الصورة الثامنه...:...





وهذي صورة الغطا من جهه ثانيه

..:...الصورة التاسعه...:..





وبعدين تركب الغطا بالجنط وانشاء لله يعجبك لاكن تذكر ان هذي التذهيبه الغامقه

يعني البعض يحسب ان هذي التذهيبه المائله للاصفر يعني الفاتحه هذيك غير عن هذي

..:...الصورة العاشره.:..




وهذي صورة الجنط من قريب

>>>>على طاري وش رايكم بالكفر والجنط ترا ولله جد تو ماشريتهن

..:...الصورة الحاديه عشر..:..




وبعدين صورة بعيده وجانبيه لعيونكم

...:...الصورة الاثنيه عشر ...:..




واتمنى ان يعجبكم الموضوع هو الصدز مهب شرط يعجبكم اهم شي تستفيدون

[just smile]

هههههههههههه والله فضاوهـ بس احسن له يجلس تحت السياره بالساعات ولا يطيح في بلاوي ثانيه

[SPoRT]

اقتباس المشاركة الأساسية كتبها $الفتى السعودي$ الله يسمع منك اخوي واكون اخرهم ومانشوف مثل هالتخلف اللي حاصل عندنا

انا معك تخلف !!! لكن هذا اهتمام الشباب ياخي بترد ولا الاعضاء كثار مهب واقفه عليك انت !!!

اخوي عبدالعزيز واصل موضوعك المتجدد الرآآآئع بكل ماتعنيه الكلمة !! صحيح اني مانب راعي نصب
لكن شدني طريقة طرحك الرآآئعة .....

[عبد العزيز2007]

السلام عليكم ورحمة الله وبركاته::..


اليوم جايبلكم طريقه جديده لمحافظه على بقاء لمعة بطن الموتر


اليكم الطريقه


بعد تجلية الموتر من الاسفل ومع مرور الوقت وطلعات البر راح يرجع زي أول لذلك بقولكم علىطريقة تجعل لمعة الموتر تدوم طويلاً وتظهر لمعته من الاسفل حتى لو كان قديم (يعني البويا رايح فيها) الطريقة:


1) تقوم بتجلية السيارة من الاسفل (بواسطة ملمع car wax والقطن ) ثم تغسلها بالماء


2) تروح أقرب محل بويات منازل وتطلب منه (ورنيش) وهو مادة شفافةيدهن بها المعدن أو الخشب وتعطية لمعةقويةمثل اللي يستخدمونة في طلاء ابواب الخشب قيمة العلبة تقريباً 15 ريال، وتاخذ معاه فرشاة عريض .


3) تدهن الموتر من الأسفل بطبقة خفيفة من الورنيش بالفرشاه ولاثقلة لانه راح يتعبك ماينشف بسرعة .


4) ملاحظة/ لاتمشي على الموتر حتى ينشف ( يعني لاتقرب من الغبار) . وبعدين طهبل على راحتك وطعس زي ماتبي واذا رجعت بس رش عليه ماء وشف كيف اللمعة.


تقبلو تحياتي

[يارب القاء اسم]

انا مااشوف فيها شي ..!

منها يلهاء عن اهله بشغله بالسياره ولايزعجهم ,

ومنها مايجلس بالبيت كانه بنت ..

[عبد العزيز2007]

الموضوع واصح من العنوان هو غبار الربلاات





هو يجي نوعين غامق وفاتح





اول شي ؛ الغامق



المكونات .. 1 غبار مكنسه 2.. شماغ 3.. قطن او منديل


الطريقه .. جب القطن وبلله با مويه وامسح على الربلاات



جب الشماغ وحط فيه غبار وهز على الربلاات لين يصير متساوي واللون المطلوب





........................



ثاني شي الفاتح




المكونات .. غبار سطح او حوش او ريغه .. شماغ .. قطن او منديل .




الطريقه .. جب المنديل او القطن وامسح على الربلاات جب الشماغ وهز لين يصير اللون المطلوب

[Đяєαм]

تررقل انت ؟