 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
16-09-2004, 09:59 AM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هذا ماحصل بيني وبين موظف التعداد البارحه .. ومن فينا الهدر ..
هلا بالشباب ..
هلا بالشابات <<<<< يقعدن يهوشن بعد .. يقولن انتم بمنتدى بريده تحاربون الحريم .. تعرفون ياشباب .. هاليومين هي ايام التعداد .. والبارح بعد صلاة العشاء كنت قاعد باليت .. وفجاءة واذا بجرس ناقوس الباب يدق <<<<< لو ادري وش دخل الناقوس .. بس هي تجي دايم مع الدق .. رحت وفتحت .. واشوف قدامي هاك الشاب اللطيف .. قال لي .. السلاااااااام عليكم .. وهو يبتسم وشايل معه شنطه سودا .. قلت وش يبي هذا .. اول مره اشوف مدرس خصوصي سعودي .. بس تو الدراسه باديه .. وش جايبه هاللحين .. <<< باديه والا صحن .. قلت وعليكم السلام .. تفضل .. احسب ابو الشباب يبي يقول اللي عنده عند الباب .. مادريت الا ابو الشباب صالق بوسط الحوش .. والله ياهوا ماصدق بعد ... وقلطته بالمجلس .. تواسى ابو الشباب بالمجلس .. وقام بطرح اسئلته .. وش اسمك وش اسم امك .. وش اسم خواتك واخوانك .. وكم اعمارهم .. وبأي سنه دراسيه هم .. كم صرفتوا اخر الشهر .. <<< ياربيه تقول ابوي طالع من قبره وقاعد يحاسبنا .. عاااااااااااااااااااااااااد هنا جاء السؤااااااااااااال اللي حسيت انه هدر .. قال .. اخوي محمد .. عندكم تلفزيون .. قلت بنفسي .. اذا بليتم فأستتروا .. ( لا ) ماعندنا .. قال .. طيب عندكم .. فيديو .. قلت ( لا ) وانا اضحك عليه .. قال طيب عندكم ( دش ) قلت ( لا ) ماعندنا .. هاللحين هالثور هالهدر .. اقوله ماعندنا تلفزيون .. يقول عنكم فيديوا والا دش ابو الشباب ماغير يقراء من الاستماره ويشخط .. مابقى الا يقراء اسم المطبعه اللي طابعين الاستماره ( المطابع الحكوميه ) المفروض انه يفهمه .,. ان بعض الاسئله مرتبطه ببعض .. واجاباته مرتبطه باللي قبله .. قال ابو الشباب .. شكراً اخوي على تجاوبك معنا .. قلت الله يحيك .. عاااااااااااااااااااااااااد يوم طلع مع الباب .. ويرفع رأسه .. ويشوف الدش حق قناااااااااااة المجد .. والله البلشه .. عاااااااااااااد من فينا الدبشه .. هو والا انا .. سي يو ..
__________________
. . .  .. قلب البحطلة ينبض ..ينبض ينبض ينبض .. . آخر من قام بالتعديل مدحت شوقي بريده; بتاريخ 16-09-2004 الساعة 10:06 AM. |
|
|
16-09-2004, 11:32 AM
|
#2 |
|
تاريخ التسجيل: Jun 2002
البلد: الريـــاض
المشاركات: 3,864
|
لا والله اسمحلي أنت الدبشه ..
هالحين قناة المجد من الإبتلاء !!<<< شد عليه بعدين هو يسألك مهب لأجل يناسبك .. يسألك لأجل غرض عام .. وتراه والله ما درى عنك .. من زينك .. <<< عذراً هذا واجب وطني ويجب الدفاع عنه !! شفت يالمصري .. يالدبشه .. طيب يوم إنه يسألك عن اسم أمك وزوجتك وراك ما لفعته بطراق وقلتله ( إخرس بلى بوشك ) .. أبومصير .. يقولون إنه يسأل عن أشياء خاصة في الحياة الزوجية .. ؟ هو صحيح وإلا لا ؟ تحياتي يالزعبول الحبوب .. ( إتجاه العين بزاوية 68ْ لليمين )<<< مشفره
__________________
أعاذل ذرني وانفرادي عن الورى *** فلست أرى فيهم صديقاً مصافيا
نداماي كتبٌ أستفيد علومها *** أحباي تغني عن لقائي الأعاديا وقد جلت في شرق البلاد وغربها *** أنقب عمن كان لله داعيا فلم أجد أر إلا طالباً لوجاهةٍ *** وجمّاع أموال وشيخاً مرائيا قبضت يدي عنهم وآثرت عزلـــةً *** عن الناس واستغنيت بالله كافيا |
|
|
|
16-09-2004, 11:49 AM
|
#3 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
سي يو ..
هلابك يالبي .. حنا هين ماشاءالله يطقون الباب ويلقوننا .. بس انت وفراخك ياهالطير .. كود يتعلقون بهالشجر يدورونك ..:D والا يقعدون يحترونك المغرب عند ( عشك ) الين ترجع .. عاااااااااااااااااااد تخيل وانت راجع وشايل معك ( دوده ) تبي تعشي عيالك ..:D :D :D دوده <<<<< وش جاب المنخرش هالحين بهذا .:D . يالبي .. هذولا ماخلوا شي ماسألوا عنه .. حتى رقم سروالي ..:D :D تصدق يقولون وش اسم الشغاله وش اسم ابوه .. وكم عياله .. هي مايخالف يعدونه .. بس وش دخل عياله .. لا وفلت حجره .. تحسب هنا توزيع درااااااااااااااهم .. ياويلي يوم سالناه كم عدد عياله قعدت تصيح .. بلشنا به .. كل هاك الليله نسكت به .. ياحبيل اميمتي .. تقوله ميخالف ميخالف .. شوفي انا بنيتي مع زوجه بعرعر ولا صحت .. الشكوى لله .. <<< هالكلاااااااااااااكه تقول ماصحت .. وهي مشغلتنا بالمناشق علشانه .. سي يو .. يالبي .. احترهم يالطير .. جايينك حقين التعداد .. <<<< احتر .. هم ( والا ) انتظر .. فرح .. سي يو ..
__________________
. . . .. قلب البحطلة ينبض ..ينبض ينبض ينبض .. . |
|
|
|
16-09-2004, 11:56 AM
|
#4 |
|
هوية صامتة
تاريخ التسجيل: May 2003
البلد: Buraydah City
المشاركات: 12,458
|
ايه الله يعيننا ,,
ما بقى يقول متى تنامون ,, ودمتم سالمين ,,
__________________
|
|
|
|
16-09-2004, 01:59 PM
|
#5 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
الصبااااااااااااخ ..
هلابك يالبي .. اقول يالبي هين الأسئله اللي بالأستمااااااااااااره .. بس لاتعطيه وجه وتقهويه ..وهو يشرب بيالة الشاهي .. يمهن كترك بالأسئله .. عااااااااااااااااد همن يدخل بالأسئله اللي ماله دخل بالتعداد .. انتم من وين .. بكم شريتو هالزوليه .. ماشاء الله وش جهاز الجوال اللي معك .. السياره اللي برى لك .. ياخي يمدحون الهايلوكسات .. بس امي حالفة علي ماأشري ونيت .. واذا جاك رساله .. قال وشي .. ضحكنا معك <<< عاااااد شلق بصل .. ودك تلفوه بالزوليه وتجدعه بالشارع هو وشنطته .. بس تعال يالصبااااااااااخ .. ماقلت لي .. اينا الهدر .. انا والا هو ..
__________________
. . . .. قلب البحطلة ينبض ..ينبض ينبض ينبض .. . |
|
|
|
16-09-2004, 04:14 PM
|
#6 | |||||||||||||||||||
|
هوية صامتة
تاريخ التسجيل: May 2003
البلد: Buraydah City
المشاركات: 12,458
|
منه الهدر والله اذا شغلهم كذا لقافة اذن هو هدر ,, ودمتم سالمين ,,
__________________
|
|||||||||||||||||||
|
|
|
16-09-2004, 04:16 PM
|
#7 |
|
عـضـو
تاريخ التسجيل: Jan 2002
البلد: بريدة
المشاركات: 2,133
|
:D :D :D
حنا هين ماشاءالله يطقون الباب ويلقوننا .. بس انت وفراخك ياهالطير .. كود يتعلقون بهالشجر يدورونك .. والا يقعدون يحترونك المغرب عند ( عشك ) الين ترجع .. عاااااااااااااااااااد تخيل وانت راجع وشايل معك ( دوده ) تبي تعشي عيالك .. دوده <<<<< وش جاب المنخرش هالحين بهذا . :D :D :D ------------------------- مدحت الشرهة مهب عليك على الموظف اللي معطيك وجه هالحين يالهدر تقول ماعندنا تلفزيون وهو يشوف قناة المجد === يمكن تشتغل على التلفون بس تصدق كلكم ماعندك أحد ولا المفروض لاسألك عن التلفزيون وقلت ماعندنا من الطبيعي مايسألك عن الفيديو والدش <<< ياعيني على الذهانة |
|
|
|
16-09-2004, 08:39 PM
|
#8 |
|
عـضـو
تاريخ التسجيل: Oct 2001
المشاركات: 1,061
|
بصراحه يابوشوقي المفروض تقوله حنا ماعندنا دش لكن عندنا اقلط :D
<==== انواااع خفة الدم :D اجل هو يسال عن وجود دش؟!! ذكر واحد باحد المنتديات هالشي لكن ماصدقناوه وش يبون بهالسؤال ؟!! المعازيب ابخص اكيد يبون يبنون استراتيجة البلد على معرفة عدد الدشوش وبالتالي تكون الدراسات المستقبليه على حسب متابعة اخواننا المواطنين لما يدور بالدش ومن ثم توضع الحلول المناسبه على ضوء تلك المعلومات التي تم تقصيها وجمعها من اخواننا المواطنين <== اقول ماودك تلفقه؟! ( وجه حمتز بالحيل وبيده خشبه) مابقي الا يقولك قم جب لنا عشاء من المطعم وترى احب المشويات لا تجيب بيتزا :D ودك تطيح براعي تعداد عيار ويحب النكت وتفلونه انت وياوه بالمجلس وتقلبونه نكت لين الفجر همن اذا صليتوا الفجر تدكون لاقرب مطعم همن تضربون لكم كبدة حاشي والا صحن فووول وانتم قاعدين تفطرون بالمطعم تعبون الاستماره اللي معه بس انتبهوا ينقط زيت على الورقه همن يفصلون الضعيف :D
__________________
    انتبه .. سيتغير التوقيع بين كل فتره واخرى .. كن معنا :)  |
|
|
|
16-09-2004, 09:40 PM
|
#9 |
|
عـضـو
تاريخ التسجيل: Jun 2002
البلد: ..الأفق
المشاركات: 543
|
مدددددددددددددددددددحت حسبي الله على بليسك
أنت يا مدحت يا إنك ساحر أو تستخدم الجن بسم الله علينا أو أحتماااااااال ثالث ............ متزوج سبع حريم أجل ينتظروووووون الطير عند عشه ((((( والله ينت مووووووت بعد شكل الطير تغير لون ريشه
__________________
http://abbd1990.jeeran.com/asma-allah-old/00allah.jpg |
|
|
|
16-09-2004, 11:05 PM
|
#10 |
|
عـضـو
تاريخ التسجيل: Aug 2004
البلد: جزيره العرب
المشاركات: 2,443
|
يارجال هذأ جاسوس جاي يشرف عليك
ياغبي لوقلت له ادفعلي مصروف شهريآ وأعطيك اسرار البيت ؟؟بس فاتك ؟؟
__________________
|
|
|
|
17-09-2004, 12:55 AM
|
#11 |
|
عـضـو
تاريخ التسجيل: Jul 2004
المشاركات: 72
|
انت المخطئ دايم ماتدري ان الموظف موظف
|
|
|
|
17-09-2004, 09:42 PM
|
#12 |
|
عـضـو
تاريخ التسجيل: Apr 2003
المشاركات: 659
|
أقول : ياخالي مدحت !!
الهدر اللي قاعد بثيابك .. ما تدري إنه جاب حاصلك وراح يعطيه الـ fbi عز الله إنك ورطت لكن مادام إنك من الخوال ماهنا شر ..إن شاء الله دق تلفون علي ،، وابشــــــــــــــر ،،،،،،،،،،،،، |
|
|
|
17-09-2004, 11:29 PM
|
#13 |
|
عـضـو
تاريخ التسجيل: Sep 2002
البلد: بريــــــــدة
المشاركات: 3,533
|
أنت الدبشه :D :D :D :D
|
|
|
|
18-09-2004, 02:00 AM
|
#14 |
|
عـضـو
تاريخ التسجيل: May 2004
البلد: بريدة
المشاركات: 276
|
والله هذه قصه مضحكة يا البي مدحت
__________________
المري |
|
|
|
| الإشارات المرجعية |
|
|
النمط المتتابع
