[أبوسياف]

إزالة دوار العثيم ببريدة ... للحد من الاختناقات المرورية


للحد من الاختناقات المرورية الحاصلة في دوار العثيم وسعيا لفض عملية الازدحام داخل الدوار خاصة في اوقات الدوامات الرسمية تعمل أمانة المنطقة على إزالته وسيكون هناك إشارة مرورية بدلا من الدوار .

[moath_Sulaiman]

الله يبشرك بالخير

[& مصدر مجهول &]

الله يعطيك العافيه على هالخبر

[هدد 2009]

اشوفهم يشتغلوون به
والصراحة ماعمري مريت الا وشوف الزحمة

[bsho]

اي والله مسووين زحمه

لان بريده متغير من ناحيه الكثافه السكانيه

الله يعطيك العافيه على الخبر

[سعد بريده]

واخ ــــــــيراً وخ ـــرو الدوار الي مادري وش يبي { دوار صغير وكل يوم عليه زح ــمه }

يع ـــطيكـ ,,’’,, ـالع ـــافيــهـ.. اخ ــــوي ابـــو ع ــــسافـ

<||>

؛؛

[سعد بريده]

اقتباس المشاركة الأساسية كتبها bsho اي والله مسووين زحمه لان بريده متغير من ناحيه الكثافه السكانيه الله يعطيك العافيه على الخبر

من نـــاح ـــيه الكــثافه { ماشاء الله } حدث ولا حرج بتطلع اردا من الرياض بس الله يستر

<||>

؛؛

[ْْْXXXراكب بورشXXX]

الحمدلله الله يبشرك بالخير

[الاب]

اجل زود اشارة ضوئية سيحل المشكلة
بريدة دخلت موسوعة غينس في كثرة الاشارات والمطبات
اشك في ان ازالة الدوار هو الحل

[وزير دفاع]

لكن مـــــأظن ان الاشـــــاره هي الحل

لان شارع عثمـــــان بن عفان صغير

ومـــــاتلاحظون شي

قبل سنتين يزينون الدوار والحين يهدونــــــه

هذا دليل تخبـــــط الامـــــــانه المعتاد

[abo-Khaled]

لا الامانة هالسبوعين بدت تشتغل صح

وابشركم الطلعة الي من دوار النافورة الى اشارة كودو

الشارع الزفت قشعوة ويبي يحطون جديد واخيرا بعد ماكسر مواترنا

[مـشـعـل]

الله يابشر بالخير

[الــمـجــد]

الله يبشركم بالخير على خبرية إزالة الدوار , وتجديد زفلت النزلة الى دوار النافورة .

ملاحظة :
بما ان ستكون اشارة بدال الدوار , وايضا بوقت الدوام الرسمي زحمة , ليش مايكون فيه اشارة ذكية مثل اللي بالجبيل يعني تولع مكان تواجد السيارات إلين يقضن همن تروح للإشارة اللي به سيارات ثانيات مهب تفتح على إشارة فاضيه وتقطعنا .

يعني مابه مشكلة لو ترسل الامانة مندوب هناك يستفسر عنهن وعن الشركة اللي تركبهن ويشرون النظام اللي يخلي الاشارة ذكية .

شكرا يا امانة بريدة على مانلاحظ من تحسينات محمودة مؤخراً .

وإلى الأمام

[الوساااام]

ياليت يكون المسار طولي دون أشارات ..

وإذا كان فيه اشارة يكون ريتير لليسار مفتوح لكل المسارات ..