[ابو رائد 2010]

ما نسمع ونشاهد ونعايش أيضاً من هنا وهناك قصص من بعض الاباء وأنا أقول (البعض منهم) هداهم الله للحق وذلك بوضع متاريس وعوائق واختبارات قياسية للمتقدمين لخطبة بناتهم !!!

لانعرف ماسببها ومن المستفيد منها ؟؟ والعجيب والغريب هي بعض الردود المؤيدة لهؤلاء الاباء !!

[ألوان وتناتيف]

عادي يوافق ثم إذا تزوج يقول للبنك البطاقة ضاعت ويطلع جديدة للمدام وهذ ا واجب عليه إن كان رجال لازم يحافظ على حلال زوجته من جشع أبوها ولا تستدلون بأحاديث على كيفكم ..

وإن كان الأب خايف على بنته بدال هالأسلوب كان ربيته على الشجاعة وكيف تحافظ على ماله لأنك منت بدايم له ..

[الجمان]

.

^^^
اها
يحافظ على حلال زوجته من جشع ابوها !!!!
الظاهر ان القصة العكس الابو يبي يحافظ على حلال بنته من جشع زوجها
ووش نسبة الآباء الجشعين مقابل الأزواج الحرامية ؟؟؟

[البروفيسور.........]

مصارعه بين الاب والخطيب على راتب البنت , الرتب للبنت فقط , تتصرف فيه ماتشاء ....

ان شاء الله لو تعطيه اسرائيل , بكيييييفه ....

ليست المراة مطالبة بان توفر المعيشه للبيت , اين الرجاااااال ؟؟؟؟؟؟؟؟؟؟؟؟

[بريق الجواهر]

السلام عليكم للاسف معقول فيه ناس كذا ياخذون راتب البنت انا اقول مو من حق اي احد ياخذ راتبه الاهي الى اذا كان اهله محتاجين وهي تعرف ظروف اهله بس انا اقول اذاكان والد الزوجه طمعان براتب الزوجه ما اقول الى الله يهديه بس انا لو انا مكانه استخير عن الزواج بهذي الفتاة ادري بتقلون مو ذنبه بس خلي ابوه يطحين البنات بكبده من اسلوبه

[•°انكسار الأماني°•]

اقتباس المشاركة الأساسية كتبها سيف وفيصل عديم الحياء اللي ياخذ شقا بنته وهو مغنيه الله ولكن الجشع والطمع والبخل وحب التملك لو ما تزوج ابدا وتجلس عنده حتى تقاعد

يبقى الوالد أحق من الزوج بهذا المال ..
وفعله لهذا الشيء كما قالت الجمان لعلمه أن النساء ملعوب عليهن ..
ولذا لابد أن يأخذ على يد إبنته الغير واعية لمصلحتها ..


أجل الزواج شراكة << الأخ ناوي يأكل راتبها الله من البجاحة بعد ..

..

[بريق الجواهر]

موب القصد بياخذ راتبه بس اقل شيء اللي تشوفون الحين راتب الزوج ما يكفي (وكل شيء غالي) مافيه شيء لو تكفل نفسه لان الزواج ستر موب لازم الزوج بصرف على الزوجه بكل شيء خلاص سكنه بيت وهم مسئول عن الاكل والشرب والفواتير مافيه شيء اذا راحت للسوق تشري لها هي الملابس من فلوسه لايصير فيكم حسد

[الجمان]

.

^^^

اذا استخار يجيب الله عشره بداله
بالعكس هذي اللي تُحتَرم .. اما اللي تبي رجل يستر عليه وبس
هذي اللي تاخذ واحدن ياطا خشته
طبعا بعد مايستر عليه
لاحبيبتي الزواج واجبات ومسؤوليات مهب ستر وبس ...
وبعدين من قال ان الموظفه تصرف على نفسه بس
تصرف على نفسه وعياله وتقط باجار البيت
لا وتشري بيت وتحطه باسمه وتقعد عشرين سنه تسدد
ولاله اي منه ...
هذا الغالب طبعا ...

الظاهر اني ابطق لي خيمه بهالموضوع

[سيف وفيصل]

فيه مشاركات لم تفهم الموضوع أو لم تقرأه


فأرجو إعادة الموضوع والقراءة

بدون ألفاظ مسقطة

وأقل ما يقال أن كل إناء بما فيه ينضح


وسوف أضطر لعدم الرد في حالة الاستمرار وكل يعرف نفسه

وخصوصا من يدعي لنفسه


وما زلت اقول الزواج شراكة ...لكن قبح الله المفهوم الضيق لبعض الخلق


سوف أعود باذن الله

[نجدية حرة]

إنتهينا من ورقة المقاضي!

وبدينا براتب الزوجة؟!!

[•ღ عــذب السجايا ღ•]

’
من وجهت نظري مادام الرجل معجب بالبنت ومقتنع صدق
يوافق على شرط ابوه
وبعد الزواج
يخليه تترك الوظيفه
وراح توافق اكيد لانه ماراح تستفيد من وظيفته
تجلس بالبيت
وتقوم بخدمة زوجه وعياله

[عبدالعزيز إبراهيم]

راتب فلوس طلبات وتعجيز كل هذا بعيد عن الأصل في الزواج .. ويجب الترفع عن تلك والتفكير في بناء بيت سعيد الأب والزوج يحتاجا فهم معنى السعادة قبل الشروع في التزويج بالنسبة للاب وبناء بيت سعيد وزوجة تعطيها كل ما تملك أنت يالمتقدم على الزواج

شكرا

[xX DUNHILL xX]

ابو البنت موب رجل
والا وش يبي براتب بنته
ياخي خله لها المسكينه تتعب كل يوم دوام
ووجع راس وآخر الشهر تشوف تعبها يروح لغيرها ..

xX DUNHILL xX

[شخت البؤس]

اقتباس المشاركة الأساسية كتبها •°انكسار الأماني°• صديقك كاذب لايريد الزواج بل يريد المال , وليس من حقه لعان والد زوجته لأجل راتبها . أمْ أنه تناسى ( أنت ومالك لأبيك ) أي من حق الوالد أخذ راتب إبنته وليس من حق الزوج الإعتراض لأنه خاص بالزوجة .. هذا إن لم يكن الأب متقصد لقول ذلك إختبار له وإلا الوالد لن يهضم حق إبنته ولكن ليقطع أمل الزوج بهذا المال .. رجال عديمين حياء ,, قالوا إيش قالوا رجولة ..

طيب لنتفرض انه يريد الزوجة ولا يريد المال بتاتاً

اذا كان يريد الزوجة كل صباح تروح تدرس ؟؟ طيب من يجلس في البيت من يجلس عند اطفالها ؟؟


والمصيبة الكبرى ان المال الذي تجنيه من التدريس لا يذهب إلى الزوجة

يعني تضييع وقت من دون اي فائدة تذكر

وللمعلومية انتبهي لكلامك تراك محاسبة عليه

قال عمر بن عبد العزيز : من علم أن كلامه من عَمَلِهِ ، قل كلامه إلا فيما يعنيه


فـ ما له داعي تقولين انه صديقك كاذب ومن هذا الكلام لماذا الغيبة على امور ليست بالمهمة


ويسعدني انني رجل عديم الحياء