[ابتسامة تواضع]

اقتباس المشاركة الأساسية كتبها سعيد بن مسعدة فأهل بريدة والنعم فيهم لو تركوا الخشونة والغلظة واستبدلوها بمعاني الرحمة والشفقة والمودة والسماحة ....

بالعكس اللي اشوفه الحين من شباب المستقبل خاصه=
رحمه وشفقه بين قوسين صايرين (رومنسين)

هذا اللي يحصل
بس عطهم الكلام الين بجد راح يتكلمون معك بااحسن من المعامله اللي تعاملهم به



وبنسبه للموضوع
معروفه عند بعض المدن
ان اهل القصمان اهله شايفين انفسهم
بس وش نقول ربي يهدينا ويهديهم

[أبو رُبـــــى]

يقولون الشيبان

( كل يعد ما واجه )

[mome]

تبون الصراحه ولا شي غير الصراحه
البريداويين يحسون انهم شعب الله المختار

[نجم الزهرة]

اقتباس المشاركة الأساسية كتبها فسفوريه وش السالفه كل من بلش مالقى موضوع ينزلوه كتب عن اهل بريده

كلام سليم

لكن فيه زيادة يعني هالأيام كان يكلمني واحد من أهل حايل يقول أنتم يا أهل بريدة فيكم واحدة جميلة وهي عندكم مبدأ تمشون عليه

إنكم إذا جت وقت الصلاة تصلون يعني يقول حنا في الربيعية تفحيط حتى الفجر ثم ياقفون ويصلي أما عندنا العكس

والثاني عندكم السلام على أي شخص

ويقول أيضا : وفيكم سلبية أنا في بريدة أربع سنوات ولا واحد قال تفضل

[عزوتي شمر(بنت شمر)]

والله حنا ماعلينا من كلام غيرنا الواحد عليه من نفسه وبس
وكثيييير يقولون كذا بس تكون هي رده فعل ويحكمون على الديره كله بمعامله من واحد جااهل او طايش
يعني كل محنا ملائكه ولا شياطين حنا بشر
نغلط ونضحك ونبكي ونصحح اغلاطنا
ومحنا مكلوفين نتحمل اغلاط غيرنا

[عاشق بلا معشوق]

كل السعودية كذا لا بد من وجود الصالح والطالح

[لماذاهذا]

الناس أجناس ,,,وكلن له طريقه في التعامل

وأهل القصيم ناس طيبين جدا"وذو أخلاق وأدب عالي وجم أنا لا امدح ولاأفتخر لانهم أهلي .

لكن الحق يقال لهم .

لكن فيه شوذا

وشاذا لاقاعده له .

وهو في جميع مناطق لا يحديد ولا تخصيص .

أسال الله الهديه للجميع والتوفيق .
جزاك الله خير

[حائلى واعيش ببريده]

الصراحه فيه حاجه وحده ملاحظها على الاغلبيه يعنى اذا كنت مثلآ بسوق او مكان يكثر فيه الاجتماع
الاحظ اذا افشيت السلام ورفعت صوتي ابن امه يرد ولا يرفع صوته اوعلى الاقل يرد بصوت عادى وعليكم السلام يناظرون بس احس انى كائن غريب ونازل من كوكب ثانى خخخخخخخخخخخخخخخ
انا مادرى هل هذى شوفت نفس او طبع فيهم او يجهلون معنا السلام المشكله انه حتى الملتزم نفس المشكله

والصراحه ماكتبت تسذا الى انى احبكم وعايش بوسط اهلى وناسي

[بدلها]

الحكم ليس للكل بعض

[مزاجي 2004]

اقتباس المشاركة الأساسية كتبها mome تبون الصراحه ولا شي غير الصراحه البريداويين يحسون انهم شعب الله المختار

كلام سليم واوافقك عليه

[أبونوافـ]

في بعض الردود
وجيههم مغسولة بمرقة الدجاج ماجي

يسبون أهل بريدة في منتداهم

ياغريب كن أديب

[مديرة متميزه]

والله في اهل بريدة الشرافه ، وشوفت النفس في بعض العوائل 0

[الوباء المدمر]

اقتباس المشاركة الأساسية كتبها مديرة متميزه والله في اهل بريدة الشرافه ، وشوفت النفس في بعض العوائل 0

بعض العوائل يعني مهوب كلهم

فعلا فيه ناس ببريده ودك تزيلهم عن الكره الأرضيه

وفيه ناس ترفع الراس

بالعربي ماشوه سمعه

بريده إلا المدرسين الي يتعيينون خارج بريده هم الي ينقلون صوره خاطئه عن بريده

[قانون السيطرة]

اقتباس المشاركة الأساسية كتبها نجم الزهرة كلام سليم لكن فيه زيادة يعني هالأيام كان يكلمني واحد من أهل حايل يقول أنتم يا أهل بريدة فيكم واحدة جميلة وهي عندكم مبدأ تمشون عليه إنكم إذا جت وقت الصلاة تصلون يعني يقول حنا في الربيعية تفحيط حتى الفجر ثم ياقفون ويصلي أما عندنا العكس والثاني عندكم السلام على أي شخص ويقول أيضا : وفيكم سلبية أنا في بريدة أربع سنوات ولا واحد قال تفضل

هههههههه
هذا يلمح لك يبيك تعزمه .

ياخي غريبة تسكت له .

أنا رحت لحايل عشر مرات غداي وعشاي وفطوري من المطاعم .. الله أكبر يحدوني بالسيارة يبيوني أقلط !! ياخي قل لخويك يصير واقعي . لا ينفخ نفسه وينفخ ديرته زيادة على اللزوم .. والنعم بهم .

أنا يجوني ضيوف من الطايف وحايل والرياض وكل ديرة حتى من الشام <<
وأقوم بالواجب وبزود ولله الحمد .

وسكنت بعشرين منطقة لظروف العمل ما عمري شفت زميل قال تفضل .

ولانب بحاجة حبة رز ,, أعزم جيش بحاله .

بس مفهوم تفضل وما تفضل في الوقت الحالي اصبح غائبا عن كل المدن لتغير أساليب الحياة وسرعة االعقارب وإلخ .

وعلى فكرة الكرم والبخل ليس له هوية .