[شموخ طفله]

اقتباس المشاركة الأساسية كتبها جروح الزمن اسمعيني يالغلا زين الرؤية الشرعية حق لك وله واذا تمت فعلا بعض الشباب عنده تردد عجيب غريب يعني لو وضع نفسه مكان الفتاة لما قبل ان يخرج بعد الرؤية الشريعه ويترك الفتاة اسبوع اسبوعين وهو مارد على الناس لو كانت اخته لما رضي لكن الله المستعان الناس ماتفكر الا بمصلحتها يعني يفترض يالغلا انك تحطين اسوء الاحتمالات مو تشائم لا لكن علشان ماتنصدمين صدقيني اذا مااخذت انتي من الحياة دروس واستفدت منها ماحد يبي يجي ويعطيك دروس يعني مثل ماقالو البنات المده تختلف احد يرد علطول واحد بعد ثلاثه ايام واحد اكثر من اسبوع لكن ابقولك ترا حتى بعد الرؤية الشرعية ورد الخاطب عليكم يمكن تتعثر الامور قريبة لي شافها ورد عليهم بعد ثلاثة ايام ومرتاحه واهو مرتاح ويمدح فيها وراح وحللو ؟؟ المفاجأه اعتذر ماصار شي تخيلي بعد فرحتها علشان كذا اقولك هيئ نفسك ولايهمك شي الحمدلله والنظره مو للجمال وحدها انما للراحة النفسيه وافتراضا لو لم يحصل شي واسال الله لك التوفيق وانه يرد لكم خليك عاديه جدا ولاتنكسرين ولايصير بخاطرك ربي كاتب لك واحد احسن منه قد يكون مافي خيره انك تاخذينه والحمدلله على كل حال كلامي هذا من خلال تجربه وواقع وأسال الله ان يوفقك وان يرزقني ويعوض صبري خيييير

نعم صدقتي اختي
الله يجزاك خير
طيب تتوقعين الرد بعد اسبوع او ايبوعين يكون بالرفض ام بالقبول...........

[شموخ طفله]

اقتباس المشاركة الأساسية كتبها أم التوأم شوفي صراحه ما اكذب عليك واقول ماهمني لا ؟؟ هامني ونص يوم الاول حزنت الثاني حزنت كثير وبكيت الثالث لسا ما ادري بدأت تقل ثقتي بنفسي وشكلي لكن انا احاول انو مايصير هالشي عندي واجاهد نفسي لكن كثيرا ماتغلبني قلة الثقة لكن بأانتصر عليها باذن الله لكن هذا كله ماراح يروح هدر كله على أجر الشوكة هالبسيطة اللي يشاكها المسلم له أجر عليها فكيف بالامور الكبيرة أسأل الله أن يخلف علي بمن هو خيرا منهم علما وتقى وخلقا وصلاح و و و و و كل شي الله يربط على قلبك ويثبتك ويكتب لنا ولك مافيه الخير في ديننا ودنيانا

الله يجزاك خير
هذا اللي انا خايفه منه
ان الثقه بالنفس تقل شيئا فشيئا

[بيساان]

شموخ الله يطمن قلبك ويسمعك الاخبار الزينه

اعتقد ان اللي يتأخر بالرد اكثر من ثلاث ايام نيته مو صافيه ..او انه رايح بيشوف وحده ثانيه ..

مثل ماقالو البنات هيئي نفسك لاسوء الاحتمالات وفعلا النضره الشرعيه هذي ماله علاقه بالمضهر ارتياح قلبي فقط لاغير

[شموخ طفله]

اقتباس المشاركة الأساسية كتبها بيساان شموخ الله يطمن قلبك ويسمعك الاخبار الزينه اعتقد ان اللي يتأخر بالرد اكثر من ثلاث ايام نيته مو صافيه ..او انه رايح بيشوف وحده ثانيه .. مثل ماقالو البنات هيئي نفسك لاسوء الاحتمالات وفعلا النضره الشرعيه هذي ماله علاقه بالمضهر ارتياح قلبي فقط لاغير

طيب ماذا تقولين ان كان على خلق ودين ..............
وتشهد له الرجال بذلك

[عبدالله الصالح]

اقتباس المشاركة الأساسية كتبها شموخ طفله طيب ماذا تقولين ان كان على خلق ودين .............. وتشهد له الرجال بذلك

الخلق والدين هذا أول محك حقيقي لإختبارهـ ..

أسأل الله أن يكون على الظن ويرزقك زوجاً صالحا .. آآمين.

[ضايق الصدر]

عادي يابنت الحلال لو تم الرفض
صدقيني نحن مسيٌرون ولسنا مخيٌرون
نصيبك بيجيك لو ايش ماكان هو ولا غيره مكتوب لك
والرضا بالقدر من الايمان والحمدلله على كل حال
ماوقفت على احد ابد .
ادعي ان كان لك خير يجعله من نصيبك وان كان لك شر الله يصرفه عنك

واعتقد والله اعلم كل ماتأخر الرد اكثر من يوم او يومين يعني بانه مااصار شي

مررت كثيرا بهذه المواقف لي وللاقارب والامر ولله الحمد عادي , بس انتي وسعي صدرك ولايضيق صدرك على اشياء عاديه والكثير مررو فيها .
ولي صديق رأي فتاة كانت جميله على قوله لكنه مارتاح
فالرفض والقبول لايأتي من جمال المظهر بل قد يكون من راحه بالجلسه والصدر وهذي تجي من الله
فانتي لاتتحسيين ولاتخجلين حتى عند اهلك او اخوانك فقولي الحمدلله لعله خير وكوني واثقه من نفسك
والله يكتب لك الخير بدربك

[شموخ طفله]

اقتباس المشاركة الأساسية كتبها ضايق الصدر عادي يابنت الحلال لو تم الرفض صدقيني نحن مسيٌرون ولسنا مخيٌرون نصيبك بيجيك لو ايش ماكان هو ولا غيره مكتوب لك والرضا بالقدر من الايمان والحمدلله على كل حال ماوقفت على احد ابد . ادعي ان كان لك خير يجعله من نصيبك وان كان لك شر الله يصرفه عنك واعتقد والله اعلم كل ماتأخر الرد اكثر من يوم او يومين يعني بانه مااصار شي مررت كثيرا بهذه المواقف لي وللاقارب والامر ولله الحمد عادي , بس انتي وسعي صدرك ولايضيق صدرك على اشياء عاديه والكثير مررو فيها . ولي صديق رأي فتاة كانت جميله على قوله لكنه مارتاح فالرفض والقبول لايأتي من جمال المظهر بل قد يكون من راحه بالجلسه والصدر وهذي تجي من الله فانتي لاتتحسيين ولاتخجلين حتى عند اهلك او اخوانك فقولي الحمدلله لعله خير وكوني واثقه من نفسك والله يكتب لك الخير بدربك

الحمد الله على كل حال
لكن اخي ارتفعت معنوياتي كثيرا لما علمت ان احدى صديقاتي جلس شهرين لم يرد عليهم واعطاهم الموافقة بعدها ...............
ان الناس تختلف وفيهم المتردد.............
ربي اكتب لي الخيرة اينما كانت ثم ارضني بها...............

[الجمان]

.
.

غريبة
انكسار وقلة ثقة بالنفس وماادري ايش
كل هذا عشانه شافك ولااعجبتيه
والله اللي يسمعكن يقول شبابنا لبنانيين يعرفون الجمال
ياحبيلكن لاتهتز ثقتكن بانفسكن ولاشي ترا شبابنا والله مايدبرون الزين
ومو معناته انه ردك انك شينه اوشكلك فيه شي
لأن اغلب الشباب مايعرف انت جميلة ولاعادية
هذا الواقع
فلاتصيرن حساسات ومااتوقع انه يستاهل كل هالتحطيم وقلة الثقة بالنفس
يروح ويجي احسن منه انشا الله
ويبدو لي ان المسألة راحة نفسية لااكثر ولااقل ...
الله يوفقنا واياكن ..

,,
تقبلي مروري ,,,

[جودالسمآء]

شوفي يالغلا لا ينكسر خاطرك وتضايقين


والله ما يستاهل كل هذا


وترا والواحد ما يدري وش الخيره


والله يوفقك ويكتب لك الخير حيث كان وانا وجميع بنات المسلمين ...

[نصراوي عسل]

شوفي اختي اذا الله كاتبه لك سواء تأخر أوماتأخر فهو من نصيبك فلا تشغلي بالك ووكلي أمرك لله وانسي

الأمر حتى يظهر بالموافقه أو الرفض ولعلمك لو رفض فلا يعني التقليل من شأنك وشكلك فكل له ذوقه وطلبه

وقد يكون له ظرف منعه وقد يكون ينتظر ولايريد اتخاذ الأمر حتى لايندم باتخاذ قرار مثل هذا ثم قد يكون شي

يمنعه ولايريد ان يصدمك برد لم يريده هذه عدة احتمالات ضعيها امامك ثم وكلي امرك لله مافيه لايمكن بل

مستحيل تأخذين ير نصيبك وماكتبه الله لك نسأل الله لك التوفيق ويرزقك الزوج الصالح

[رحيل ,,]

ياأختي لايضيق صدرك ..

الشباب موب واحد ..

أخوي رد على أهل البنت عقب أسبوع !! وزوج اختي يوم يخطبه رد عقب أربع أيام ..


أكثري من الدعاء وربي ماراح يخيب دعائك ..







الله يتمم لك على خير ..













..,

[loquacious]

عزيزتي اعتقد وصلتك أجوبتي على تساؤلاتك لي بالخاص .. !

وزي ماقلت لك انسي السالفة وعيشي حياتك بأريحية , وماراح يصير لك إلا المكتوب ..

موفقه

[شموخ طفله]

اقتباس المشاركة الأساسية كتبها الجمان . . غريبة انكسار وقلة ثقة بالنفس وماادري ايش كل هذا عشانه شافك ولااعجبتيه والله اللي يسمعكن يقول شبابنا لبنانيين يعرفون الجمال ياحبيلكن لاتهتز ثقتكن بانفسكن ولاشي ترا شبابنا والله مايدبرون الزين ومو معناته انه ردك انك شينه اوشكلك فيه شي لأن اغلب الشباب مايعرف انت جميلة ولاعادية هذا الواقع فلاتصيرن حساسات ومااتوقع انه يستاهل كل هالتحطيم وقلة الثقة بالنفس يروح ويجي احسن منه انشا الله ويبدو لي ان المسألة راحة نفسية لااكثر ولااقل ... الله يوفقنا واياكن .. ,, تقبلي مروري ,,,

الانكسار طبيعي فيما لو ان البنت شافها رجال وماحصل بينهم شي ..........
يعني غصب مهما كان قلب البنت رهيف ومهما حاولت تبين انه قويه الا انه من داخلها واذا جلست لحالها بيضيق صدرها وبتتحسس شوي من الموضوع...............

انا احس ان الموضوع يستاهل ......
الا اذا كنتي انتي لم تمري بمثل هذه التجربه فقولي الحمد الله ................
لكن ربما لم تعيشي مثل هذا الشعور ...................
الهم متعب والتفكير كذلك.....................

[شموخ طفله]

اقتباس المشاركة الأساسية كتبها جودالسمآء شوفي يالغلا لا ينكسر خاطرك وتضايقين والله ما يستاهل كل هذا وترا والواحد ما يدري وش الخيره والله يوفقك ويكتب لك الخير حيث كان وانا وجميع بنات المسلمين ...

مشكوره جزاك الله خير
والحمد الله على كل حال