[المنخرش]

اقتباس المشاركة الأساسية كتبها تيجان اخي بارك الله فيك النصيحه ضروريه وبعدين انت وش معصبك الله يهديك

أقول كيف الحال

[private.ID]

[حكاية خيآآآآل]

لما ابتعدت طاش ما طاش عن القناة الأولى وصدرت الفتوى من هيئة كبار العلماء بحرمة مشاهدتها ..
وانتقالها لفضائيات اخرى ...وكذلك محاكمة ما يصدر في الاعلام في وزراةة الثقافة ..
كل هذا يجعلهم يبدون ما يريدون وكانهم يقولون ما يجوز اصلا تتابعون على حسب الفتوى ولا يجوز لكم محاكمتنا فانتم تتكلمون في الهواء ونحن سنفعل ما يحلو لنا ...
رضيتم ام لم ترضوا ...

[loquacious]

اقتباس المشاركة الأساسية كتبها د/ بريدة اللي ما يعرف الصقر يشوية هذا اللي يخلي الإنسان ينتقد هذا المسلسل لأنهم يطلعون المجتمع بصورة كاذبة ليست صحيحة وبعد ذلك يطلعون السذج أمثالتس ويسبون المجتمع وإلا من يكتب حلقاتهم ؟ لبرالي وإلأ علماني سلق حفيانة هذا المجتمع الي تسخرين منه أثنى عليه المنصفين من عقلاء الغرب وبين قوسين ( لا نحتاج لثنائهم لكن شهادة لم أغتر بهم ) هذا وأتمنى من المسلم أن يعض على كتاب الله وسنة نبيه صلى الله عليه وآله وسلم بالنواجذ ويفخر بهما ويسخر مِن مَن خالفهما كما يسخرونا منا

شكلك عايش بالمريخ ماعشت بالمجتمع ... !

عموما ً أنا لم أنتقد شخصكم الكريم !

ولكن بما انك تقرّ انهم سخفين واللي يكتب الحلقات كذلك , فهؤلاء من أين خرجوا !

فهم يمثلون مجتمع بصورة سخيفة كسخفهم .. !

أتمنى أن تفهم ردي جيدا ً ولم أقصد مجتمعكم خاصة ..

[المدحدر]

اقتباس المشاركة الأساسية كتبها د/ بريدة همن خلهم ينتقدون ويسبون وش عليك منهم أنت ؟ هم على حق إن شاء الله ولو يسير المنتدى هذا كله نقد وسب لحلقات طاش ما ردعناهم بل شجعناهم لأن هذا حق واللي يقهر صحيح هو أن تحت أسمك عضو مبدع ؟ ما أدري منين طلع الإبداع ذا

لا فض فوك

[المنخرش]

اقتباس ولو يسير المنتدى هذا كله نقد وسب لحلقات طاش ما ردعناهم بل شجعناهم لأن هذا حق

قايلك مشكلة الذي يقرأ العنوان فقط ويرد على وجهه
والله ان ردك من جنبها ياعزيزي

[((ابوعبدالله))]

ما علليش المنخرش
رجعت وقريت الموضوع زين
وكلامك صراحة عين الصواب يعني حنا مالنا داعي نكتب عنهم
وفعلا ناس ما تدري وشي طاش مطاش راحت تابعه
مثل لوكتب واحد هذي دعوه للمسيحية
وهاذي استهتار بالهييئة ...............الخ
العالم ما تدري وشي ثمن يروحون يناضرونه بسبب تحذير واحد منه
ويروح يناضر وش السالفة ثمن تجوز له ويبتل يناضره

شكرا لك المنخرش على الموضوع الرائع واسئل الله ان لا يحرمك الاجر

[حكاية خيآآآآل]

الاستفزاز أحيانًا يكون جزءًا من عملية النجاح، وبناءًا عليه ينبغي ألا نكون مستعدين للاستفزاز بشكل كبير إلا بالقدر الإيجابي، أي بقدر بيان الحق وإيضاحه؛ لكن لا ينبغي أن يكون وقتنا كله مصروفًا لعملية ردود الأفعال والاستجابة السلبيَّة لاستفزاز معين، فنحن هنا نحقِّق الأجندة التي يريدها الآخرون.

[مـغـتـرب]

مشاهدة طاش محرمة ومن يشاهدها فهو آثم

[((ابوعبدالله))]

اقتباس المشاركة الأساسية كتبها الـطـرطـعـانـة مشاهدة طاش محرمة ومن يشاهدها فهو آثم

الله لا يهنك رح اقر الموضوع زين

[بكل فخر قصيمية]

اقتباس المشاركة الأساسية كتبها المنخرش السلام عليكم ورحمة الله بصراحة بدينا نشوف كل يوم موضوع عن عن حلقات طاش وتجده أشد المعارضين .. وأول المشاهدين لها تجده مفهي قدام الحلقة ثم يجي هنا يقول صار كذا نسأل الله العافية .. ويبدأ يسب ويشتم ويعلق تراكم أزعجتونا.. لو ما احد كتب عن طاش حتى لو شفتها .. احتفظفيها بنفسك ولا رح لموقع mbc انتقدهم هناك لو ما احد كتب .. كان انقرضوا خلاص مشكلت هاللي يكتبون .. يضن انه جالس يصلح بالمجتمع وهو يسوي دعاية .. مسويلي انه أحسن أحد ياناس حتى لو كفروا بالله وأشركوا .. احنا وش علاقتنا فيهم بجفره وعليقه تاكلهم إذا عندك كلام .. كل شخص لدي وسيلة تواصل فيهم تستطيع الوصول لها مباشرة وبسهوله وتوصل نصيحتك لهم لكن هنا احنا وش علاقتنا ؟ لو هذي ظل الجزيرة ولا احد المسلسلات المحافظة ماشفناكم حريصين إلى هالدرجة للأسف فرجائي .. انكم تخلون هالخرابيط صار كذا وصار كذا والممثل الفلاني كيف يرضى لنفسه يمثل في المكان الفلاني ومع الممثل النصراني والله ليوم رابع يوم ملينا قسم بالله مايحتاج تنقلنا صوره منهم اليوتيوب ينزل كليوم حلقة واللي يبغا يشفها اليوتيوب مقتوح لكل ولا يقعد يزعجنا اللهم لك صمت وعلى رزقك أفطرت

هههههههههههههههههههههههههههههههههههههههههههههههههه هههههه اي والله انك صادق ابفهم شي اللحين بس طاش ماطاش حرام والباقي حلال حكم هالدنيا

[فتاة الهدى]

إذا كان كلامك صحيح ياأخي المنخرش إذا ً لماذا المشايخ الآن أصبحوا ينتقدونها على مرأى ومسمع من الجميع
في الشاشات وفي المحاضرات وخاصة في هذه السنة .. إذا كان الانتقاد ليس ضروريا ..لما انتقدها هؤلاء الدعاة
وحذروا الناس منها .. ومعهم كل الحق في هذا لان الوضع اصبح خطيرا ولايحتمل السكوت .. ويجب التحذير ثم التحذير
حتى ولو كان المنتقد من مشاهدي هذا المسلسل فلا الومه لان مشاعر الغيرة عنده تحركت عندما رأى فيها الاستهزاء بدينه والدعوة الى المسيحية كما يقول اهل الدعوة
هذا مالدي تقبل مروري

[مساهم]

[quote=المنخرش;2434714]شكراً لإضافتكم أعزائي
والقصة حقت ديفيد .. بالصميم وأعتقد ان اللي ولف هذه القصة .. لأنه حس بمعاناتنا
وعلى نياتنا للأسف
المشكلة مازال البعض يمارس هذه الرسائل يضن انها دعوة إلى الله



ياعزيزي
لنكن واقعيين . إذا انت تحب الواقعية

عزيزي
هل من المعقول اننا نذهب لكل شخص وننصحه عشان مايتأثر ..؟ لاطبعاً
إذا هل من المعقول .. اننا نكتب في منتدى محافظ .. علشان يمكن لاسمح الله يكون بين ال 100 شخص .. 5 اشخاص يشاهدونها .. وشخصين يتأثرون فيها فلذلك لازم نكتب وننصح ..؟ طبعاً لا

عزيزي .. إذا انت تبحث عن أرض خصبه للمتأثرين وتريد بذلك نصيحتهم .. فخذ مني

يوجد منتدى اسمه ساحة الاقلاع ومنتديات ام بي سي ومنتدى طاش
وكثير منها تهتم بهذا المجال .. تستطيع ان تروح هناك وتنصح على راحتك .. وتأخذ ارائهم وطريقة انتقاد ونصيحة تكون لأشخاص هم من هواة هذه المسلسلات
ويكون كلامك له وقعه

لكن هنا
كأنك تتكلم قلينزي .. مانعرف وش تتكلمون عنه

حلقة مسيحية ومادري ايش
حنا أصلاً مالنا علاقة فيها ولانشاهدها ..
فكيف تجي تنصحنا

..؟

امر أخر ياغالي

وش رايك ..
لو جاء واحد وكتب عن مسلسل .. بيني وبينك .. ويتكلم عن فايز وطقته
وش تقولون له


أخي العزيز المنخرش.. أولا: سؤالك الذي يقول : هل من المعقول اننا نذهب لكل شخص وننصحه عشان مايتأثر ..؟ هذا سؤال في غير محله! لأننا استخدمنا الساحة المفتوحة وليس الذهاب لكل شخص!
ثانيا: قولك اننا نكتب في منتدى محافظ وحنا أصلاً مالنا علاقة فيها ولانشاهدها ..فكيف تجي تنصحنا .
سبحان الله . وهل أحد قصدك بذاتك في المنتدى ونصحك حتى تشمئز من ذلك؟! ثم إن حكمك على إننا أصلاً مالنا علاقة فيها ولانشاهدها غير صحيح ! وهل تعرف كل أعضاء المنتدى حتى تحكم أنه منتدى محافظ و وليس لهم علاقة ولايشاهدونه أصلا على حد تعبيرك؟! خذ مثالا: لي أصدقاء أعضاء في المنتدى ومن أشد المعجبين بهذا المسلسل الطائش. ولا تقل لي اذهب وانصحهم فقد نصحتهم وقد يوجد من هو على شاكلتهم في هذه الساحة. أما عن استدلالك بمسلسل بيني وبينك ولو جاء واحد وكتب ويتكلم عن فايز وطقته فإن كان المسلسل يمس بالدين فنحن نرحب بنقده وش المشكلة يعني ؟!
وبعدين هذا القسم اسمه سااااااااااحة مفتوووحة وليست حكرا على مواضيع معينة!
بل بالعكس اللي يكتب هذا من حبه لإصلاح أهل ديرته في المقام الأول! شكرا أخي المنخرش على أسلوبك المحترم في الرد!

[هم منسي]

السلام عليكم ...

ورمضان كريم ولو هي متاخره ...

انا الصراحه ماتابعت طاش بهالسنه ولا شفت الا حلقتين بس وفعلا برأيي انهم ابدعو فيها ...

واقصد فيها اول وحلقه .. وحلقه الشعب في عيوني << او على مااعتقد انه كذا ..

كلامي اللي ابقوله وماابي احد يفهمه بالمقلوب انه في قضايا مهمه جدأ وما نلاقي احد يقدر ويتجرأ انه يعرضها مثل طاش واكبر مثال قضية السيول والتصريف وشفنا كيف بوقته انه مافيه احد تكلم ولا قال شي ...

بس هم تكلمو وناقشو الموضوع بكل وضوح وماهمهم احد من المسئولين ...

صحيح فيه اوقات يعرضون اشياء مو حلو انهم يعرضونه ..بس الغالب وبالسنوات اللي فاتت اغلب ولا حضو (((((الاغلب )))) حلقات مفيده للمجتمع السعودي ...

مو قصة ان القضايا اللي يتكلمون عنها ماتحبون احد يفتحها فتقولون لا يفتحونه ..

لكن .. مانختلف على انه فيه اوقات طاش تتعدى الحدود فقط ...

هذا رايي وحبيت ادلو بدلوي بهالموضوع ...

والله يعينك ياصاحب الموضوع لانه في غالب الاعضاء الله يهديهم يقرون الموضوع على السريع او انهم يقرون العنوان فقط ...