[راصـد]

السلام عليكم

كل عام وأنتم بخير

السالفة مأطول عليكم محلات القهوة ( ×××××× )كما يسمى

أسعارهم تقريبا متقاربة إلا واحد ( اسبريسو ) أنا ما أدري ليش رافع سعره من زينه ..

مثال : أنا من محبي الموكا وخاصة البارد سعره تقريبا 8 ريال

بس اسبريسو رافعه وحاط الصغير بـ13 والكبير 15

ليش مأدري كان أول بعشرة وكان غالي بس الحين 15 ريال ..

أرجو من صاحب المحل يرااجع أموره

[وحيد100]

السلام عليكم

يا أخي القهوة ما راح تموت لو ما شربتها يعني ليست من الأغذية الرئيسية ..

بعدين معجبك السعر اشتر منه ، مهوب معجبك اشتر من غيره ، ما أحد ألزمك به ، بعدين الرجل آخذ وكالة عالمية .. وليست مجرد مطاريس قهوة ..

تحياتي لك ..

[صقرشمر]

ياحبيل كابتشينو البيت
بلى شغل اندنوسي بلى خرابيط

[صقرشمر]

مو معقول اسعار وحدات الاكواب
بس الناس امزجه

تقبل مروري

[ابوو فهد]

بس اعلمك خذ توفي بارد والله ياهو خقاق بس ياخي به مشكلة انه اذا بقى ربعه يجمد ولا تقدر تشفط شي


بس انت خذ معه ملعقة وابد كله كانه عسكريم

[نبرمان]

اقتباس المشاركة الأساسية كتبها صقرشمر ياحبيل كابتشينو البيت بلى شغل اندنوسي بلى خرابيط

[مدلوقة]

ناس همومهم تافهه ارجو الرقي قال ايش قهوة غالية محد حدك ولاراح تموت لو ماشربتها الحمدلله متى تكبرون بس

["عفنااAاك"]

صدق من قال البيت البيت لو كان ........؟؟؟
كل عام وانتم بخير

[ابوفيصل اليحيى]

اخوي راعي المحل حاط رقمه لاقتراحات اتصل عليه وقله ليش ترفع اسعارهن
وكل عام وانتم بالف خير

[6alal]

طيب وش الفرق بين 8 و15
اهم شي الوناااسه

[البيضة]

القهوة العربية + تميرات + حلى = وووناسة وانت جالس على الثيل هع

[توبه منك يادنيا]

اقتباس المشاركة الأساسية كتبها 6alal طيب وش الفرق بين 8 و15 اهم شي الوناااسه

اهم شي الونااسه
واللي معه ريال بيشري لو هو 100
ولي مامعه ريال تراء مولزم
يشتري صراحه
يعبر نفسه بقهوه البيت

[مجهربريده]

السلام عليكم ورحمة الله وبركاته
اخي العزيز راصد
عندما قرأت ماسطرته يدك جالت بخاطري هذه القصيده للشاعر محمدالعبدالله القاضي

دنيت لي مـن غالـي البـن مـالاق
بالكف صافيها عن العـذق منسـوق
احمس ثلاث يا نديمـي علـى سـاق
ريحه على جمر الغضى يفضح السوق
وايـاك والنيـه وبالـك والاحـراق
واصحا تصير بحمسة البن مطفـوق
دقـه بنجـر يسمعـه كـل مشتـاق
راع الهوى يطرب الـى دق بخفـوق
لقـم بدلـه مولـع كنـهـا ســاق
مصبوبـة مربوبـة تقـل غرنـوق
خله تفوح وراعـي الكيـف يشتـاق
الى طفح له جوهـر صـح لـه ذوق

إلى أن قال:

زله على وضحا بها خمسة ارناق
هيل ومسمار بالاسباب مسحـوق
مع زعفران والشمطري إلى انساق
والعنبر الغالي على الطاق مطبوق
إلى اجتمـع هـذا وهـذا بتيفـاق
صبه كفيت العوق عن كل مخلوق

[التواضع]

ياخي مستغرب منكم يابريدة اي موضوع لازم فيه احد يهاوش
مثل ماقال بعض الناس اشر من غيره منتب ملزوم
نفس الشي مب لازم تعطينا رايك منتب ملزوم