[ابو راكـان]

عصير مشوي قسم بالله لما اقرا اسمك اموووووووووووت ضحك

انا اعتبرني اخوووك قال ماعندي اخو وانا وين رحت لاعمرك تكذب على عليهم >>>وده بهوشة

لالا حبيب قلبي اذا بغيت شيء ترا انا تحت الخدمة دق على 05921؟؟؟؟؟

[عطــر الأمــاكن]

انزعج عندما اذكر سالفه صارت ببريده نقز واحد قال ( ما اصدق تصير ببريده !!!! )

وبريده وشي يعني ؟؟ فيه الخير وفيها الشر .. ديره كبيره كل يوم تتوسع اكبر من قبل . يعني منزهه من كل شئ ؟؟؟؟

بريدة احبه وهي ديرتي وديرة اجدادي وجميع اقاربي منها .

تلقاك اول لا بغيت وحده ماهي من محارمك سواء بتوصلهم غرض ولا شئ لازم تكلم اختك تكلمه ثم تنتظر الرد من اختك ( يبيلك ساعه تنتظر تخبر لامسكن خط بالسوالف هالحريم ) عشان تروحله كله بس ماتكلم هالبنت .

الان الوضع اسهل بكثير اتصل انت وكل شئ با ادب واحترام وبحدود .

لا يجيني احد طاير ويقعد يخرجني من المله انت علماني وانت ليبرالي وانت مدري ايش ؟؟!

ليه التششددد ؟؟؟؟؟؟؟؟؟؟

بالنسبه لي اسلم واذا هناك مشاوير وش يمنع انه تروح طبعاً لازم الاسره سواء .

ترى التشدد ماهو زين وبنفس الوقت الانفتاح واجد ماهو زين . الوسطيه زينه

للاسف احنا مجتمع غالباً ما يقبل بالوسطيه يا يميييييين يا يسار مافيه وسط .

انكسار الاماني اعتقد والله العالم انه تبحث عن الاثاره من خلال ردوده .

او انه بنت ال براهيم او العساف وابوه سكرتير ( عبدالعزيز بن فهد )الخاص .

[ميديم]

السلام عليكم..
اي يكون بينهم سلام وإحترام فقط..
اما يجلسون بمجلس واحد ويسولفون ومدري ايش لا وألف لا..حتى بوجود الاهل..
لانه في النهاية رجل غريب وليس من محارمها..
بيتنا كذا ولله الحمد وعاجبنا الوضع..

[السامي البريداوي]

موضوع جداً جميل .
وأنا مع التوسط في هذه المسألة

[مش ولابد]

بالنسبه لي انا ماكد كلمت حريم اخواني ابد لامن قريب ولا من بعيد انا واخواني




وشكراَ على الموضوع

[نبض المشاعر]

انا ساكنه مع اهل زوجي

بيني وبين اخوان زوجي احترام اسلم ويسلمون يجلسون بنفس المجلس مع امهم وابيهم وانا معهم بجلالي

احيانا يدخلون علي بالمطبخ وانا اطبخ يتنحنحون من باب الشارع والحمد لله محترمين ولا شفت منهم اي شي

اركب معهم وزوجاتهم معهم واولادهم ويركبون معنا يعني متعودين علينا ومتعودين عليهم

[راقيه باخلاقي]

وش اللي يمنع انها ماتسلم عليهم او تجلس معهم لكن ماتوصل انها تقهويهم او تتغدا وتتعشاء معهم
الحمد لله مدامها متستره مافيها شيء
بالعكس انا اشوف اللي ماتسلم مايطيقونها اخوان زوجها

[صمت النار]

ياناس المسألة مجرد سلام بين الاخ وزوجة اخية

مو سواليف ودق حنك وتوصيل مشاوير

الحمد لله والشكر في عائلتنا الموقره بيننا سلام إذا كان فيه غيبة طويلة ..

وكثيراً ماتجلس العائلة في مكان واحد ( في صالة الجلوس ) عادي الزوجة متعطية ويادار مادخلك شر ..

والحمد لله الحياء موجود سواء من الزوجة أو أخو الزوج ( إلا أنا احياناً اتسدح ولا همني ) واللي مايعجبها تروح لغرفة النساء

وفوق هذا ارقام زوجات اخوتي موجودة في جوالي

والحمد لله من كنت طفل صغير ومن قبل لا اجي للدنيا والوالدة تسلم على عيال عم ابوي

عاد مابقى إلا هي , اقول لزوجتي انتبهي لاتسلمين على اخوي , وإذا راحت السوق عادي تكلم صاحب المحل ..

الله يهديكم ويفتح على قلوبكم ويبعد عنكم الغلو في الدين والتشدد اللي بيدمركم

[ـالتُفاحة الورديّة]

8888

لا ياصمت النار مو تشدد بس كل عائله وله عاداته وتقاليده

[أحب الشتاء]

المفروض انك رقمت وحنا نختار ارقام اختيارات يعني

عن نفسي ارى ان زوجة اخوك لاتقربك ولاتشوفه ولاتسلم عليك ولاتعرفن ولا اعرفه

حتى لو طلقه اخوي اومات لاقدر الله ومافيه من الحريم غيره والله ماتزوجه الله لايقوله

[ام الزلمات]

بنسبة لي شخصيا..على حسب العمر
يعني لو كنت انا اكبر من اخو زوجي بكثير فهنا عادي اسلم عليه واجلس عنده بجلالي


لاكن لو صرت اصغر من اخو الزوج بعدة سنوات فهنا اسلم بس
ولا اجلس

ممممممم ممكن اركب معه بوجود الاهل

[فصول بريدة]

الحمو الموت

[•°انكسار الأماني°•]

اقتباس المشاركة الأساسية كتبها كبير المحايدين أقول أختي انكسار الأماني : أتمنى أن تكوني انجبار الأماني مو انكسارها ارفقي شوي الله يهديك , ترا ما قلنا فصفصي مع أخو زوجك أو دقيها سواليف لحالكم الأمر بكل بساطة : إزالة الحرج الشديد بين الزوجة وإخوة زوجها , وأنتي تقولين أنه رجال غريب مثله مثل أي شخص غريب !! أقول : غريب من ناحية المحرمية والخلوة والكشف , أما من ناحية العلاقات الاجتماعية فهو ليس غريب لأنه عم عيالك وأخو زوجك , والعرب قبل الإسلام وبعده كانت تحادث نساءهم في بيوتهم من نساء أولادهم ونساء إخوتهم , ولا يوجد في الشرع ما يحرم ذلك . الشرع حرم الخلوة والسفر بدون محرم والخضوع بالقول . اما الكلام العادي والركوب في السيارة بدون خلوة والخدمة في البيت فلا إشكال . أنا أقول لك عن نفسي وأنا متزوج وأبو عيال ولي أخوان مثلي : لما أسافر مثلاً للرياض أروح لبيت أخوي , وإذا ما كان موجود , تفتح لي زوجته الباب وأسلم عليها وأدخل المجلس , وبعد شوي تحط لي القهوة عند الباب , وهي بكامل حشمتها وتسترها , وإذا جاء أخوي ما عنده أي مشكلة . وانا أسلم على زوجات إخوتي في أسبوع زواجهن وأبارك لهن , وليس للعادات البالية أي علاقة بالموضوع الموضوع موضوع شرع فما حرمه الشرع حرمناه وما أباحه أبحناه , وما سكت عنه فهو داخل في المصالح والمفاسد , وتقدر بحسبها . شكرا لك أختي انجبار .

تأكد بيجي اليوم اللي أفصفص بوه معهم إذا خليت الجلسة بينهم عادي وبيجي برضو اليوم إللي أكشف لهم من باب ( أخوان زوجي ) ترى عادات المجتمع تتغير كل عشر سنوات ..
المهم إذا الشرع يبيح لي أتكلم وأضيّف أخو زوجي فأيضاً يبيح لي فعل ذلك مع بقية الرجال مثل أبناء خالتي أبناء عمي أبناء الجار أصدقاء زوجي إلـخ ..
وراه شرع ربعنا يحرم الكلام مع راعي المحل وفي المقابل يجيز التكلم مع أخو الزوج ..؟ بس لأنه عم ؟؟
وشرعهم أيضاً يحرم إن البنت تتكلم أو تجتمع بزميل في العمل وإن كان في حدود عملها وفي المقابل يبيح إجتماعها مع أخو زوجها
بل يحرم عليها البقاء في وظيفة يتواجد فيها رجال وهي وظيفة ومع ذلك يناقضون مايقولون بجلوسهم معها ..
إذا على إنتفاء الخلوة فأكيد كلا الحالتين بيكون هناك في الجلسة آخرين معهم ولن يكونوا بمفردهم ..
العادات البالية ياكبير المحايدين (متناقضة) وهي التي تجيز لفئة ماتحرمه على آخرى , فأين موقع العادات البالية في رد من ينفي هذا الفعل ؟؟

* أخو الزوج حاله حال أي رجل ولايحتاج أن يزال الحرج الشديد بيننا .. وإذا قدر الله وأزلته فمؤكد أني سأزيله مع كل الرجال غيره ..

..

اقتباس انكسار الاماني اعتقد والله العالم انه تبحث عن الاثاره من خلال ردوده . او انه بنت ال براهيم او العساف وابوه سكرتير ( عبدالعزيز بن فهد )الخاص .

لاأبشرك بنت عائلة من عوائل بريدة لاتهش ولاتنش ..
كل ماأعرفه عنها أنها غير متناقضة

[بنت الهاشمي]

والله حنا على حسب الشخص احد عادي يسلمن
ويجلسن ويسولفن معه واحد مايسلم عليهن
خير شر ولا تمر من عنده يعني مافي وسط
واما تركب عادي مافيها شي لكن ماأؤيد انه تجلس
وتسولف وتقهقه قلة ادب المرأة بدون حيا ماتسوى شي..