[وائل ابن ربيعه]

السلام عليكم
اليوم ياخواني جئتكم بخبر يقين عن عمائر الراجحي او مايسمى مشروع الراجحي اللي بالصفراء عند جامع الراجحي حدثني احدالمسؤولين هناك الذين يعملون هناك عندما سألته لماذا المشروع متوقف وقال لي في الحقيقة ان هناك كان مصري هالمصري هو الذي يشرف على المشروع فذهب وقت طويل ولم ينجز الا40% علما ان المصري هذا قد سلب مبلغ ليس بالسهل ونقل لمحافظة البكيرية ليعمل كمهندس واعيد بعد ذلك للعمل في المشروع
وقدكانت العمالة في بداية المشروع عددها 2700 عامل ومبلط ومليص ودهان وغيره
اما الان عددهم 150 عامل فقط
وقال لي ايضا ان عدد الفلل كثير جدا تقريبا ان المربع الواحد او الشارع الواحد به 40 فيلا
وهذا ماقال لي واردت ان يكون منتدى بريدة ستي اول من يعرف وزواره واعضاؤه والمشرفين الكرام

[ملف علاقي]

طيب وش استفدنا من هاالكلام يعني المشروع هذا كله واقف علي مصري والله من ردي الأداره لا بعد ويبونه ينجح يا اخي مشاريع الراجحي تبي تبتل قثرده ولخبطه وباالنهايه فشل شوف المدارس الي نفذها وشلون والله يقول احد الربع ان فيه مجمع تعليمي بنا ه الراجحي وسلمه وبعد 4 سنوات تم اخلائه ايل للسقوط وله هالحين سنتين فاضي لا حسيب ولا رقيب ............. تصفي بس الصبر

[ا ب د 7772]

مشكور اخوي
تقبل مروري

[كايف]

انا اللي اعرفه ان المشروع متوقف بأمر البلدية لعدم توفر مخارج للطواريء .. والله اعلم

[دفا]

المشرووع اغرب من الخيااال مدري كيف صاااار والغريب ان الامانه مالها دور بالاخطاااااء

لو هو مسكين يبني فله كااان طلعوا المر بتسبده بس عشااانه هاموووور وله واااسطه مسكتين عنه

[وادي الذئاب]

اقتباس المشاركة الأساسية كتبها كايف انا اللي اعرفه ان المشروع متوقف بأمر البلدية لعدم توفر مخارج للطواريء .. والله اعلم

^^^^ والله انا سمعت كذا بعد والضاهر انه هذا الخبر الصحبح شاكر لك اخوي

[روسانا]

والله من الزحمة

عند الانتهاء من المشروع

[رذر فورد]

شوارع ضيقه وحوسه

وعمائر أدوارها بالعشرين

شيء غريب

شكل الناس اللى يبي يسكنون بهالعمائر . يبي يمشون رجل

مع طريق الملك عبدالله

[علي الكتلوني]

مشكور........

[صريح جد]

اقتباس المشاركة الأساسية كتبها رذر فورد شوارع ضيقه وحوسه وعمائر أدوارها بالعشرين شيء غريب شكل الناس اللى يبي يسكنون بهالعمائر . يبي يمشون رجل مع طريق الملك عبدالله

هههههههه
والله انك صادق تراي غير مستغرب من ها الوضع لانه عادي يصير في بلادي بسبب الفوضاء والاهمال
اجل عمائر سكنيه وتجاريه مجموعه مع بعض وشوارع ضيقه يحول ياطريق الملك خالد منول دب والحين صار نحيف مرة وانت تمشي تصدم في ها العاماير وها المحلات اهم شي ان ها التجار يستفيدون من كل شي واحنا ما جابو خبرنا المفروض كان هناك ارتداد كبير في طريق اللملك خالد وابعاد هذة المحلات حوالي عشرين متر حتى يكون هناك مواقف للسيارات والزحمه الي موجودة في بريده الان نضحك على طريق الخبيب نقول وشلون صار في ها الضيق والان يحدث في طريق اللملك خالد ويمكن يكون اضيق من شارع الخبيب الله يكون في عوننا

[MaGeeDo]

اقتباس المشاركة الأساسية كتبها ملف علاقي طيب وش استفدنا من هاالكلام يعني المشروع هذا كله واقف علي مصري والله من ردي الأداره لا بعد ويبونه ينجح يا اخي مشاريع الراجحي تبي تبتل قثرده ولخبطه وباالنهايه فشل شوف المدارس الي نفذها وشلون والله يقول احد الربع ان فيه مجمع تعليمي بنا ه الراجحي وسلمه وبعد 4 سنوات تم اخلائه ايل للسقوط وله هالحين سنتين فاضي لا حسيب ولا رقيب ............. تصفي بس الصبر

واكبر دليل على كلامك الحين عماير الراجحي الي قبل موفنبيك رح شفها من الخلف الدور الثالث كله مقضوض ويبنى من جديد ,,

وقبل سنتين تقريبا كان احد اقربائي ساكن اجار سنوي بعماره رقم 7 والله ان سقف المطبخ طايح وهو بالدور الثاني ,, وطلع لشقه ثانيه بنفس الدور وماجلس والله يمكن 3 شهور الا نفس الحكايه سقط احجار من السقف ,,

ولاحياة لمن تنادي ..

والله اني احيانن اقول ان فيه انواع الرشاوي للمهندسين ,,

وكذلك وان شاء الله مايكون لحقين البلديه او الدفاع المدني ليه مايخلون العماير الان وهم يدرون ان الوضع خطير ,,

[سالم2000]

يعني مشروع بهذه الضخامة متوقف على مصري ؟؟؟؟؟؟؟؟؟؟؟؟

سلم لي على خويك

[ابوكلبشة]

اقتباس المشاركة الأساسية كتبها سالم2000 يعني مشروع بهذه الضخامة متوقف على مصري ؟؟؟؟؟؟؟؟؟؟؟؟ سلم لي على خويك

والله اني ابقول نفس كلامك ...
وشو هالمصري اللي متحكم بكل شئ , الراجحي يبي يتركه كذا ؟! يروح ويجي على كيفة ؟!
والحين تقول المصري سلب مبلغ ليس بالسهل , وشلون يرجع ثانية ؟!

[صقرشمر]

من حصل شئ يستاهله ياناس
وش بلاكم على الرجال وعماله الخيرية
متفرعة بالقصيم
تقبلو مروري