[دفا]

اقتباس المشاركة الأساسية كتبها عين الحقيقة نصيحة دعه يتصل بأحد المختصين .... فقضايا أسرية تصل إلى درجة التفكير بالطلاق ! لاينبغي عرضها على من هبّ ودب ّ ..! فهناك من يدلي بدلوه وهو أصلاً لم يتزوج ! ولايعرف الحياة الزوجية ! فالأفضل أن تجعله يتصل بالشيخ عبدالرحمن المحرج أو الشيخ عبدالعزيز المقبل فلديهم خبرة كبيييييييييييرة في حل المشاكل الزوجية .. .

اشكرك على النصيحة ماقصرت

[دفا]

اقتباس المشاركة الأساسية كتبها حلا... صحيح بس يلمح لها بالزواج ويشوف

الله يستر اخاااف يجيها جلطه ويبلش

[دفا]

اقتباس المشاركة الأساسية كتبها طموح مشرق أنا مو وجهة نظري يراجع نفسه ويعمل لها جلسة خاااصة بدون الأطفال وبمكان حلو غير المنزل ممكن فندق شاليه ووو ويبدأ يصارحها وويبدأ حياة جديدة ويشوف ليش تعمل كذا ولا يبخل على نفسه من إستشارة المختصين بهذا الشأن كأمثال المقبل والمحرج ولا تنس أخي..الدعااااء الدعاااااااء بإن الله يصلح مابينكم.. دعواتي لكم بحياة زوجية سعيدة

امين

حسب كلامه انه جرب وجلس معها ويقول اجلس اسبوع الامور زينه بس ترجع السالفه

اشكرك على المشاركة

[دفا]

اقتباس المشاركة الأساسية كتبها صبح صبح هلا باخوي دفا .. وشلونك عساك طيب ..؟ اممممممم .. قريت المشكلة .. واتوقع ان حله سهل جدا .. يعني الحمد لله .. عندهم وبيت .. وامورهم شبه ماشيه .. انا من رايي تخيل خويك يتنازل شوي .. ويروح لمه او يدق عليه ويقوله لا تعشين اليوم .. انا بعشيك وخلي العيال ينامون .. خلهم يروحون جميع ويتشمون ولا يفتح الموضوع ابد مجرد يدخلون مطعم ويطلبون وياكلون .. واذا اكلو وخلصو يطلبون شاهي يعني شغل روقاااااان اخر شئ .. وبعدين يفتح الموضوع .. لاكن المشكلة هنا .. وش يقوله بالضبط .!؟ اول شئ او اهم شئ .. يذكر محاسن البنت .. يعني مثلا .. انتي كلك حلوهـ ورهيبه وتجوزين لي واحبك قووووة لاكن بك عييييييب (بسيييط) وقاهرن واتمنى انك تغيرينه .. ويذكر له العيب .. ويقوله المشكلة .. لاكن بدون غضب او نظرات غضب .. خله يصير تقل مكتوم من تعامله عشان تحس بتانيب ضمير .. وهي اصلن راح تكون متفاهمه جدا جدا من مجرد ماقاله نبي نطلع نتعشاء برا .. يعني راح تكون متجاوبه معه من زمااان .. هذا الحل اللي عندي .. لاكن قل لخويك تراه السالفه ماتستاهل تتطلع برا البيت كل شئ يجي بالتفاهم .. مو الهروب من المشكلة .. يناظر مصلحة عياله ومصلحة زوجته بعد .. وووووووو .. بس

ماقصرت ولعلمك اكثر من مره سوا طريقتك بس يقول ترجع السالفه ربك يعينه

[دفا]

اقتباس المشاركة الأساسية كتبها متصفحة سأحلل الموقف من وجهة نظري .. وحسب مافهمت من سياق القصة .. رفيقك ضعيف الشخصية أو مسالم نوعًا ما .. هادئ الطباع , صبور , تفكيره بيومه فقط , يحب زوجته كثيرًا , يحس أن الزواج مجرد خدمة إنسانية يتبادلان فيها المصالح العامة مثل إخدمي أمي أخدم أمك .. وهكذا , لآيحب المسؤلية , كثير الجلوس مع رفقائه أو لوحده بالمنزل .. زوجته إنسانة قيادية , تطمح للأفضل دائمًا , عاطفية , تفتقر للجو الأسري الذي تعيشه بمنزل أسرتها سابقًا .. لذلك يجب عليه أن يأخذ بزمام الأمر .. يكون هو المدبر الأول والأخير بالمنزل , يبهرها بقوة شخصيته , يحاول إسعادها بأشياء بسيطة جدًا تعبر عن الرومنسية المفتقدة بالمنزل .. مثل حفل عشاء بسيط , أو وردة حمراء بين كل فترة وفترة .. يجب عليه تجديد الحياة مع زوجته وأولاده ككل .. يجب عليه ان يرسم خارطة طريق للعائلة أجمع .. يجب عليه تحديد يوم أو يومين بالشهر ك جلسة عائلية يقضيها معهم بعيدًا عن شقاء الحياة .. يبين لها أنها وابنائها أهم من رفقائه وذلك بمناقشة امورهم وتلبية متطلباتهم .. كل ذلك بحدود المعقول سوف ينعش الحياة الزوجية من جديد .. ولا يوجد من يعيق الحياة كما ذكر ولكن هو روتينها الممل دعاها لإختلاق المشاكل فقط لجذب الأنتباه لها ..

تفاصيل ردك واضح وان شاءالله اورد الخبر له

مشكرره

[دفا]

اقتباس المشاركة الأساسية كتبها صافية : للأسف أغلب حالات الطلاق بسبب هذه المشكلة وللأسف لأنها تافهه جدا اذا صار ذابحه البر ويجبر زوجته على البر بأمه يا ناس الدنيا تغيرت الامهات ألحين يخدمونهم الخدم وبنت الناس اذا قدمت شي فهو من طيبها وكرمها واذا ما قدمت شي ماهي ملزومة كثر خيرها اذا سلمت وزارتهم وكانت لطيفة معهم بالكلام احد زميلاتي طيبة جدا وكان زوجها بره بأهله فقط عن طريق زوجته فيجبرها بزيارة امه يوميا مما أدى الى حدوث غيرة بين الزوجة والاخوات ولأنهن يتضايقن منها كل يوم عندهم مما أدى الى حدوث مشاكل وانفصالهما عن بعض وأحد الامهات الكبيرات جميع زوجات ابنها طيبات معها جدا وعايشات مع ابنائها بسعادة واستقرار ولما سألناها قالت اني ما أطلب منهم زيارتي دائما واقول لابنائي لا تحضروا زوجاتكم الا وهن راضيات جدا وموافقات على الزيارة المطلوب من الزوجة هو الاحتـــــــــــــــرام فقـــــــــــــــــــط وغيرة زود وكرم منها لا تكرهوا زوجاتكم بأهلكم ولا تكرهوا أهلكم بزوجاتكم اي واحد مقبل على الزواج لا يهدم بيته بسبب اهله ، اهلك كل اللي يبون انك تتوفق مع زوجتك وتعيش معها بسعادة لصاحب الموضوع اخي دفـــــــا اعذرني لردي على صمت النار وبالنسبة لصاحبك فلا يمكن التوصل لحل مشكلة زوجية الا بعد سماع كل الطرفين فالافضل لهما الاتصال بمستشار اسري

وهذا اللي انا قلت له لاتجبر زوجتك على اهلك حتى لو ماترووح خلها براحتها
لان الزوجه اذا ماراحت من كيفها وش الفايده تروح والام اولادها اولى ببرها

اشكرك على المشاركة

[دفا]

اقتباس المشاركة الأساسية كتبها حبييبة أبوها أعانة الله واصلح له زوجــة.. ثــم كل أمرأة لهــا أسلوب تعامل يختلف عن غيرها.. فعليه هو ان يبحث عمايستطيع أن يأثر فيهــا.. وليكون واثق بنفســةوبشخصيتة أمامها.. فالرجل المهزوز الشخصيــة تكرهه المرأة. كـــان الله في عــونــة..

امين
كلام سليم مهزوز الشخصية لا احد يحترمه من زوجه واهل

اشكرك على المشاركة

[دفا]

اقتباس المشاركة الأساسية كتبها أحب الشتاء اول شي سلم لي على خويك وقل له الحريم نوعين منهن من اذا وريته العين الحمرا عقلت ومسكت الجاده ومنهن عكس ذلك تشيل الدنيا ولا تقعده اذا خويك زوجته ماينفع فيها الشده هذا النوع يقتلها الهجر يعني اسهجه لين تجي تحب رجولك هذا اذا هو ماقصر معاها اما اذا كان مخطي يراجع حساباته معها ويطلب رضاها والله يوفقنا واياه وكل مسلم

حلوووو
انت تقصد النوع الاول تخاف من العين الحمرا
والثانيه بالهجر
كفووووووو

خوفي الحريم هم اللي جالسين يطبقون علينا ههههههههههههه

اشكرك تبي الصراحه انا اعجبني اقتراحك انا بجرب هههههههههههههههههههههههههه

[دفا]

اقتباس المشاركة الأساسية كتبها عآشق الوفآ..! يأدبهــآ بآلثــآنية , والله أعلـــم

واخر كلام ع طول ثانيه

يارجال عسااه بحمله يشيل

الزوج يقول انا ابي زوجتي وابي حل للمشكلة هههههههههههههه

[دفا]

اقتباس المشاركة الأساسية كتبها ام الوريدات كلام سليم نعم هي بنت الناس اذا اخدمت امه كثر الله خيره و جزاه الله خير وبنات الرجال ما يقصرن و الواجب على الرجل انه يبر بامه ويطيعه وهذه قصه ام(الجدة ) ينام عندها ولد ولدها وفي ذلك اليوم زعلت مرة الولد من الام واخذت فراش ابنها الذي ينام عند الام وابن الام(الجدة) خارج البيت عندما جاء للبيت استقبلته الام وقالت له ولدك اخذته امه لينام عندها وانا اريدك ان تنام عندي فوافق وقال ان ولدها سينام عندها وانا سانام عندك جاءت مرةاالولد تبحث عن زوجها فراته نائم عند امه وفي الليله الثانيه جابت مرة الولد فراش ابنها لينام عند الام (الجدة) قال الرجل لامه انها جابت فراش الابن فهل تسمحين لي ان انام عندها قالت نعم فتادبت امرة الولد

كلام سليم اللي يبر الام ولدها موهب بنت النااااس

تبغين الصدق انا انتقد كل زوج يجبر زوجته تخدم اهله احسها اهانه له قبل زوجته لاني ما ارضااها على نفسي عشان ارضااه لزوجتي

لان الخدمة بالطيب هي افضل شيء


شكرى علىمرورك

[دفا]

اقتباس المشاركة الأساسية كتبها نبض المشاعر انصحه بركعتين تالي اليل ثم انصحه بالذهاب الى اهل الاختصاص فهم اعلم وادرى منا اصلح الله له شانه

ونعم بالله

صحيح اهل الشور والمعرفه اعرف
لكن من باب ابداء الاراء ليس الا

[دفا]

اقتباس المشاركة الأساسية كتبها ملاك الغلا المشاكل الأسريه صعب حله لأنك ماتسمع الا من طرف واحد وبكذا ماراح توصل لنتيجه غريب امرك تجبرالزوجه على خدمة الام وهي مو ملزومه هذا واجب الزوج اما الزوجه اذا خدمت فهو تكرم منه هذي امك وانت اللي تبر به مب بنت الناس لأنه زوجتك مو خدامة لامك الا اذا كنت قايل لاهله من البدايه انا ابيه خدامه لامي هذا شي ثاني !! وزياده على كذا تنصحه انه يمنعه من زيارة اهله بأي حق !! ياكوني خدامه يامافي روحه لاهلك !! وبنفس اسلوبه هي بتقوله انا بعد بكيفي مابي اخدم يعني وحده بوحده اسمحلي اللي يمشي على المنطق هذا مافيه ذرة رجوله ! ولو به خير كان هو خدم امه مب بنت الناس والله لايحيجنا ولا امهاتنا والمسلمين لغير وجهه الكريم

تفاعل قوي مع الردود ويبقى رأأأ]ك

وانا معك اجبار الزوجه لخدمة اهلي هذي بحد ذاااتها اجرااااام وليس بر
ولو انا ابي البر اخذ اجر امي انا لان اولى فيها

وياااعسااني احب روجولها الله يخليها لي ولكم وكل مسلم

[دفا]

اقتباس المشاركة الأساسية كتبها ابوي كل الوجووووود اصلا ياكثر هالاشكال من الزوجات لانه يمكن يناظر خاطره بشكل لأني اشوف كثير من مجتمعنا نفس زوجته تحس ان تأديب الرجل كذا وهو يمكن معطيه وجه بزود لأن المرأه مب دايم تعطى وجه,,,,,وهو ماله شخصيه عنده والحمدلله الشرع أحل لزوج اربع نساء علشان يأدبه ولازم الزوج يظهر شخصيته على زوجته مب يروح يشخص على امه وزوجته يخاف منه لأني اعرف رجال على هالشاكله........

اعجبني صرااحتك في الرد وشلون المرأة ماتعطى وجه دايم
خوفي تتزوجين ومايعطيك وجه وتتوهقين

واما سالفت التشخيص على الاهل عكس الزوجه والله احس في هذا الوقت كثير
يمكن اذا انه يحب زوجته ينسى نفسه ههههههههههه

[دفا]

اقتباس المشاركة الأساسية كتبها صمت النار الأخ دفا اوافق الأخت متصفحة في كلامها جملة وتفصيلاً وبالأخص أن زميلك ضعيف شخصية .. فكلنا نعرف أن العود من أول ركزة ,, والخيل من خيالها والحرمة من رجالها .. طبعاً خلاص راحت عليه لكن قد يستطيع تعديل بعض من حياته زوجته واضح كوضوح الشمس أنها من النوع المتسلط , وتعجبت من غيرتها الزايدة ...!!! فالغيرة على الزوج ناتجة من الحب , وإن كانت تحبه فكيف تفعل ماتفعل , وبالأخص إهانته أمام أبنائه .. وهنا يجب أن يتدارك نفسه , فإن لم يضع حد لها فإن شخصيته على أبنائه ستكون ضعيفة جداً .. واقولها من خلال واقع وتجارب للغير وليس من الخيال واسمح لي اقولك الخطأ من زميلك والدليل تفكيرة بترك البيت وهذا أكبر خطأ .. الواجب عليه : - يبقى في بيته وإن كان هناك من يجب أن يخرج فبالتأكيد هي الزوجة وإلى بيت أهلها إلى أن تعتدل - يغير من تصرفاته وبشكل تدريجي لا بشكل مباشر , وبالاخص الحب ( ومو كل مازعلت قالها وش فيك ياقلبي , ومو كل ماطلبت شيء قالها سمي من عيوني ) وكذلك إذا أنه من النوع النشبة اللي طول الوقت في البيت يحاول يطلع لو يروح يدور في السيارة لساعات أهم شيء يبتعد لساعات .. - يبتعد عن الغضب من الأمور الصغيره ( التافهه ) - يحاول أن ينسى الماضي وأي مشكلة تحصل لايحاول ذكر مواقف سابقه , يحاول ثم يحاول ثم يحاول ان يروضها من جديد وكما يريد ( ولا يكون ذلك في حرمانها من حقوقها الواجبه عليه ) - أي موضوع أو مشكله صغيره يحاول أن يقلل من الكلام معها . يعني لايكبرها وهي صغيره . - المرأة المتسلطة معروفة بطول لسانها , وإن حصل نقاش وطولة لسان منها فليحقرها ولا يرد عليها وثق حينها ستشتعل الزوجة وتطالبه بأن يرد عليها ( وهذا ماتريدة المرأة المتسلطة ) حينها يرد عليها بإختصار دون الخوض في المشكلة أو الموضوع ويقول : إذا أصبحتي محترمة وتكلمتي بإحترام ساقوم بالرد عليك , ويقوم من مكانه إلى غرفة أخرى , والأفضل الخروج من البيت .. - إن كان من الازواج اللي ينقلون الكلام عند زوجاتهم أو بمعنى اوضح من يذكر تصرفات زوجة فلان وعلان فقل له يبتعد هن هذا الأمر فالمقارنة سبب من أسباب المشاكل , وإن كانت هي من النساء الاتي يتحدثن عن فلانه وعلانه وتعمل مقارنه بينها وبين زوجها , فيجب أن يوقفها عن هذا الأمر ويبين لها أن لهم حياتهم وظروفهم الخاصة ولا مقارنه بينهم وبين الغير .. ( وسبق أن حصل لي موقف في هذه النقطة وغيرها مما سبق ومما سياتي وكانت النتائج إيجابية 100% ) - الهجر الهجر الهجر .. ليس في الفراش فقط , بل حتى في الاكل في البيت , وانتبه يخق بسرعة قول احررررررق قبل لاتنحرق , طبعاً بعد الهجر ورجوعة لايفتح سيرة الهجر والاسباب وووالخ خلاص مشكلة وإنتهت والزوجة عرفت خطاها , وحتى هي يحاول أن لاتفتح الموضوع معه . لأنه إذا فتح الموضوع فما راح يستفيد شيء .. - نقطة مهمة جداً وهي أن ينبهها بأن مشاكلهم أو أي حوار ونقاش حاد لايكون أمام الاطفال ولا تخرج المشكلة خارج البيت وإن حصل فلن يكون هناك إلا تصرف واحد سيتصرفه ( حينها إن كانت عاقله فستحسب لهذا التصرف الذي سيحدث الف حساب ) ولو سألته وش هالتصرف يقول : بعدين تعرفين ,, ومثل ماقلنا احرررررررق - يفرض شخصيته في بيته وانه الرجل وصاحب القرار , وهناك خطوط حمراء لايمكن تجاوزها بل حتى النقاش لامجال فيها . وهناك بعض الأمور لامانع من مناقشتها بينهم .. هذا رأيي بإختصار وهو من خلال تجارب حصلت لي ولمن أعرفهم .. وإن حصل إنه مافيه فايدة تتعدل الزوجة .. فـ اللهم لك الحمد والشكر الله أحل له أن يتزوج من اربع وأحل له إنه يطلق .. الإنسان يتزوج يبي الراحة والإستقرار مو الهم والغم والنكد وطولة اللسان وكثرة المشاكل .. واللي مو قد الزواج لايتزوج واللي مو قد التربية لا يجيب عيال فكونااااا تكفون <<< هذي خارج الموضوع

اولا اشكرك لاني كنت متابع ردودك ومداخلتك مع الاعضاء

ونصائحك جدآ واضحة ومهما ابدينا النصائح ووووربما تناسبنا ولاتناسب طرف اخر
وانا اقولك مشكلة اي زوج اذا يحب زوجته في الغاااالب تركبه وتسلب كل حقوقة
فيصبح انسان وديع وهذا ماحصل لاخينا ولكن يبدو انه استيقض في اخر لحظة وعسى الله يصلح حاله وكل مسلم