[سموه الاحاسيس]

بسم الله الرحمن الرحيم
الى متى الاستهتار والتسيب الواحد في بيته مو مرتاح انواع السرقات وبكل حي منتشره وكتبنا وصحنا ولا من مجيب يوصل الحد الى خطف البنات مو لهاالدرجه قبل امس بالحسون سنتر مخطوفه بنت وامه انواع الصياح ولا من مجيب البنت وراحت امس انا بالسوق وتحديدا عند صراف الراجي جتني حرمه غريبه وقالت لي الغرض اللي بالكيسه عند التسجيلات لك خوذيه تكفين رحت وشفت من بعيد بصراحه خفت والحمدلله قاريه الورد يوم رحت اشوف من بعيد لقيته قاروره مويه صحه الميه اللي فيه خضراء رحت دورت على الهيئه بس ماحصلت احد وحتى سألت عنهم قالوا اليوم ماشفنا احد
بصراحه الواحد صار يخاف على اهله تقل بشيكاغو مو ببلد المسلين الله المستعان

[مافـﮯشـﮯءاسمہ محال]

واااو يمممه توحشيت ..

الله يحفظنا من كل شر ...يارب...

[لاالي]

يماااااااااااااااااااااااااااه خوفتين معقوله لهدرجه التسيب وين الهيئه كان رجعتي لها وصكيتيها كف الحقيره

[برفسور ملتمس]

والله كاثره السرقات بالقصيم ، وتحديداً بريدة ..

وأتوقع نبي نتصدر على أعلى نسبة سرقة ويتم حسابها بالدقائق..

هالحين من كبر الديرة يوم ماحصلوهم ، لو مسروق فلوس ، مجوهرات ، كفرات ، تنبلع ..

بس عاد هالمرة ، أوااااادم ..

[دفا]

بريده صار فيها كثافة سكانيه عجيبه
وشي اكيد الكل ماتوقع خلال خمس سنوات
السكان اضعاف اضعاف
والدليل الشقق مفروشه
تروح تحجز ماتحصل عوايل وعزابي

بمعنى اذا التركيبه السكانيه تغيرت بهذا الشكل
شي اكيد يصاحبها مشاكل وتتطورات غريبه شوي

ولا ازيدك من الشعر بيت
بعض المشاكل الخفيفه تحصل بسبب مفهوم الكلام
يعني احياناً اجدع اذني ابي افهم بعض الكلام
في بعض المحلات او المحطات ما اقدر افهم

مدري احس بريده اصبحت منطقه لحاله
وشكلي ابي اضف اهلي وسكن في احد المحافظات ياحظهم
ماعندهم ازعاجح ولايحزنون
واكلف ماعليهم ربع ساعه او ساعة زمن وهم ببريده
يتقضون حتى لو عنده عزيمه يجي بريده

أحــــــــــــــــــــــــــــــــــبك بريده

الله يحرسك من كل شر ويوفق اميرها ونائبه لفعل الخير فهم اهل له ان شاءالله

[عذاب الحرمان]

حسبي الله عليهم حتي في هذه الايام الفضيله لاحول ولاقوه الا بالله الله يردهم لاهلهم سالمين

[عايشه بحلمي]

ياااااااااااااااااااااااااارب
تحفظنااااااااااااااااااااااااااااااااااااا

[جود بلس]

الله يستر علينا وعلى المسلمين يأآآآآآآآآآآب

[برفسور ملتمس]

[QUOTE=دفا;2622795][right]بريده صار فيها كثافة سكانيه عجيبه

___________

كلامك جميل ، بس أعتقد ( شيكاغو ) على كبرها والجرائم الي فيها ،

المجرم مايجلس يوم أو يومين بالكثير ، الا ينجاب ، ..

فالكثافة السكانية ، يكون بالمقابل كثافة أمنية مشددة ،

بطولة كأس العالم بافريقيا ، الي حاصله على أكبر نسبة سرقة وجرائم ..

لما جت البطولة قدرو يصيطرون على الوضع ،

وبريدة كلها بيتين وكم شقة مفروشة وثلاث شوارع ، وكل 4 دقايق سرقة ..

[البندري]

يمه
كل شي يهون الا خطف البنات لا تكفين كل شي ولا هاالعلم

[ام الملايين]

وتسبديه وشو هالماء الاخضر الله ياخذه
الله يستر علينا
يابنات لاتنسون الورد

[يربش بريده]

حسبي الله عليهم حتي في هذه الايام الفضيله لاحول ولاقوه الا بالله

[قاآآآآسم]

من جد نحتاج اشياء كثير مثل الفنأدق
والشقق
كثافة أمنية

اقتباس وبريدة كلها بيتين وكم شقة مفروشة وثلاث شوارع ، وكل 4 دقايق سرقة ..

ملا تلآحظ إنك بآلغت
أجـل بيتين
الحين تنكلم عن الكثافة السكآنية يقول بيتين