[التايه]

"أنا قمت في زيارة لمركز كارفور الموقع رائع جدا ولكن هناك بعض الملاحظات حيث موظفي الكشير يتأخرون في الحساب ايضا لاتوجد إلا شبكة واحدة فقط لسحب ولا يوجد مصلى داخل المركز بل يتم اقفال المركز عند الآذان

[التايه]

"أنا قمت في زيارة لمركز كارفور الموقع رائع جدا ولكن هناك بعض الملاحظات حيث موظفي الكشير يتأخرون في الحساب ايضا لاتوجد إلا شبكة واحدة فقط لسحب ولا يوجد مصلى داخل المركز بل يتم اقفال المركز عند الآذان

[برفسور ملتمس]

حي بن صبيح;السلام عليكم ورحمة الله وبركاته

وعليكم السلام ..
امسي على الاعضاء الاخوة والاخوات والزوار في بريده ستي

اهلا ومساء النور والسرور ..

اهنيكم ياهل بريده والقصيم عامه على افتتاح مركز كارفور للتسوق ولكن لدي بعض السلبيات على هذا المركز ؟؟؟

الله يبارك فيك ، بس المفروض التهنئة للمستفيد وهو ( كارفور ) وحنا مجرد زبائن عند محل مخيرين يانشتري منه أو مانشتري وبالمناسبة ترى ماحد قال للطيران أكيد كارفور للتسوق
1ــ المركز واجهه حضاريه لهذه المدينه
الحمدلله عاصمة القصيم (بريدة) قال عنها الامير سلطان اذا كانت المملكة جسد فالقصيم قلبها .. ماعتقد كارفور بيضيف وجاهة أكثر من كلام
" ولي العهد " ..

2ــ الموقع ليس مناسبا لان المدينه كلها بدات تتجه شمالا وليس جنوب فوق كل هذا فاتح جنب بند وهايبر بنده يعني بصير منافس لشركة بنده الموقره

عزيزي ترى مو من هب ودب راح اختار مكان " لازم شروط للرخصة تحدده من الأمانة " غير كذا هو ( مستأجر ) ملاحظة : اذكر لي مكان شمال بريدة يتسع لكارفور مع العلم أنك لاتعلم المساحات ومواقف السيارات المرخصة لمثل هالأسواق وغيرها .إلخ .
3ــ اسعاره غاليه المفروض مثل هذا السوق الذي له اهميه لدينا المفروض تكون اسعاره مناسبه

والله لو نجي للمفروض " المفروض مانعطي المواضيع أكبر من حجمها ، وأيضاً المفروض مانتدخل بألأسعار ، وماطقوك على يدك وقالو تعال اشتري ، تبي تشتري بهالسعر جازلك ماتبي اقطع الشارع وشف بنده "<< ترى هذا نظامهم بس جبتها لك على بلاطة ..
4ــ الخدمه ليست بالوجه المطلوب >>> المفترض تكون خدمه الزبون هي محط اهتمامهم قبل كل شي ؟؟؟؟

بلى من شفاحتكم " ماتوقعو بيشوفون شهابة للهدرجة " قالو نفتح يوم اسبوع ونضبط الاوضاع ، تفاجئو بدخولكم للسوق قبل يقص شريط الافتتاح ..
5ـــ المكان من الداخل مكتوم لا تكيف مثل الناس يعني بالمختصر المفيد مافيه تهويه هذا في فصل الشتاء واجل وشلون بالصيف

وشلون تكييف وبعدين تهوية ، " ياعزيزي كل البضاعة جديدة مفككه من الكراتين والمنيوم وانارة وحتى التسعيرات وكل شي جديد " ماقد شريت سيارة وشميت ريحة الوكالة
6ـــ السلع ليست مرتبه مثلا الكترونيات بجانب الادوات المطبخ والرحلات ومايفصلهن الا رف او رفين

صح عليك المفروض يوزعون كل شي بمكانه الصحيح ..
7ـــ ناتي الى المهم وهذا مخزي من شركه راقيه بهذا المستوى حسن المظر من الموظفين ليس هناك ترتيب اوانا قه تليق بموظفي كارفور

والله ياخوي ماخذين فكرة عن الديرة وأنت عارف " حسن المظهر " عند البعض يحسه تميلح قدام البنات ، فجاييين على شهابتهم غير انكم نطيتوبهم بالافتتاح ومامداهم ولاتنسى ترى معاهم حق جايين يبيعون ولايناسبون+ تراهم من ديرتنا اصبر يتعلمون الاتيكيت بعدين ..
8ـــ ليس هناك مكان لراحة الموظفين سوف اذكرمثالا يدل على صدق كلامي ؛؛؛؛ اليوم انا ذهبت اليهم ونا داخل المركز الجديدبحلته البهيه الاواذااشوف الموظفين واقفين عند الباب شرب من الدخان الريحه واصله الى الداخل وذا ماصدقتو اذهبو الساعه12 وشو ف بام عينك..

أن كان قصدك الساعة (12بالليل ) فماينلامون الموظفين ، تنلام انت وش موديك هالحزة ، واما ان كنت تقصد الساعة ( 12 الظهر ) فبرضه وش تسبدك رايح وقت الصلاة وبالقايله ، تعال بوقت مناسب عشان تحكم عليهم ..

والسلام مسك الختام اعذروني على الاطاله ولكن هذه النقاط لازم ينظرون بهااداره كارفور لان هذا مركز جديد بهذه المدينه ولازم ويكسبون زبائنهم بكل ود واحترام

وعليكم السلام ، تشرفنا وسررنا بنقدك ، أبشر طال عمرك بس لاتعود له تجي قبل الافتتاح وتحكم عليهم ..
ملاحظه ترى هذه الاجابيات والسلبيات تصب في مصلحت كارفور اولا واخيرا؟؟؟؟؟؟

صادق وشكراً لاطلالتك البهية وبالامارية اغديك تجيب سلبيات الأمانة الي توافق على الرخص ..

[زهورالريف]

من السلبيات رحت يوم الاثنين الماضي تقريبا الساعه 12 ليلا
راح زوجي بيحاسب وننتظر والله العظيم نقريبآ ثلث الى نصف ساعه ومافي غيرنا عند الكاشير ماعندهم صرافه كل شوي يقول الحين نقدر نسحب وصرافت زوجي دارت على الكاشيرات كلهن والهنود ينقلون الحاسبه مع المحاسبين
مادري وش السالفه لمين اعتذروا وطلع زوجي يسحب من برا ّ!!

[اقدار مكتوبه]

اقتباس المشاركة الأساسية كتبها انسه سالي الصراحه انا موقعه مو حلوو بجنب بنده وهايبر بنده ماتجي ذي؟؟؟ والباقي مادري عنه لاني مازرته الى الان... ودمتم بحفظ الله..

الحين لو نحطه لكم في اخر الدنيا تقولون بعيد ..ماهوب زين مكانه ..هذا اطلقـ مكان المشوره ماهي بعليس ع اللي يسوقـ ولا انتي ماغير تمشين ..

[ابو العرب]

شكرا لك

[ya7ala]

الله يعين
لكن بالعكس انا رحت له حلو ومرتب ويوسع الصدر احسن من غيره
بس فعلا اسعاره غالية اتوقع يمكن علشانه جديد مثلا.........

[شمس الشرقيه]

واانت ياصاحب الموضوع وش سلبيااتك ؟!!

[أبورامي]

ليش الجنوب مالهم رب !!!!

[ماعبركـ لاتعبرهـ..,]

الصراحة موقعة ولا اروووع ,,,

قريب لمنا يالشمال وبرضو اشوف اهل الجنوب ماتعوقهم الجيه لمه.,,

وبعدين بالعكس ترتيب ومعامله راقيه,,,, لكن الصحيح ان اسعارهم غاليه,,,شوي..

لكن الايجابي من انه يفتح جنب بنده ....او اي سوق.... حتى لو كان بعيد ....الايجابي انه ..يكون فيه تنافس بالاسعار ,,,,

بين كار فور وهايبر بنده والمبارك ’,,,إلخ,,



لكن من فتح كارفور والدنيا شابه عليه,,, ياخي خلاص اللي مااعجبة ترا فيه الف واحد معجبه ,,,

وفؤادة بعد تفخييييم لمدينتنا بريدة ..........

شكرآ واحترامي لك حي بن صبيح,,,

وجهت نظري واحترامي للكل,,,

[mo00om_1]

اقتباس المشاركة الأساسية كتبها مدمن نت اشكرك اخوي على طرحك الموضوع تجاه كارفور ولكن رقم اثنين من ملاحظاتك مالها داعي تذكر تقول ليش ماكان محله بالشمال الشمال بارك الله فيك اراضيه غاليه وفوق كل هذا الشمال شمال بعيد فالبتالي لن تجد من يتسوق فيه لبعد المكان فانا اعتقد ان مكانه من احسن المواقع المميزه ثاني شي تقول ان التكييف والترتيب ماعجبني اصبر شوي هذا قليل سترى الترتيب والتنظيم قريبا لأن الحين لسى توه فاتح مامداه يسمي أسال الله لنا وله التوفيق في ماله وان يكون هذا السوق مبارك على الجميع وان ينفع به البلاد والعباد اللهم آمين

يعني بالشماال مابه احد ؟!!!

اللي بالشمال اكثر من اللي بالجنوب وعلى فكره اللي بالشمال قرنقش ياخوي يعني لاراح مهيب مكفيته 500 اللي بالجنوب 50 ريال ويطلع

[سكاكين بريدة]

انتم يالقصمان مايحطلكم شيءماله ولا اسبوعين الا بادين بالسلبيات بعدين الاسعار اليوم كل شيءغالي وموقعة سمن على عسل :i121:i121

[عآلمي فوضوي]

وجهة نظر يآبو عزيز.. وبالنسبه لكارفور اشوف جداً رآقي ومرتب لكن مثل ماتفضلت الاسعآر كآنت غاليه المفروض يكون فيه تخفيض بمناسبه افتتاحه .. وشكراً ..

[أبـــو خـــالـــد]

اقتباس ليس هناك مكان لراحة الموظفين سوف اذكرمثالا يدل على على صدق كلامي ؛؛؛؛ اليوم انا ذهبت اليهم ونا داخل المركز الجديدبحلته البهيه الاواذااشوف الموظفين واقفين عند الباب شرب من الدخان الريحه واصله الى الداخل وذا ماصدقتو اذهبو الساعه12 وشو ف بام عينك..

حتى راحة الموظفين تهمك !!!!

الفراغ مشكلة