[اختلفنا]

في البدايه أمسي عليكم جميعآ متفاعلين ومتصفحين

< متعوب عليها المقدمه

ياجماعه موضوع هادف ونقاش جاد حول الاجانب في المحلات التجاريه ولا حسيب ولارقيب

ماراح اخوض بالمعمعه من مواقف لأني انا واحد من ضمن مئات الشعب (الحبيب وعلى نياتهم )

اللي تمر عليهم مواقف من نصب واحتيال وخداع ولكن !!!؟؟؟ من المسوؤل عن ذلك

وهل هناك جهه معينه ومختصه لمحاكمة هؤلاء او لمقاضاتهم ..

معاناتي مع كراج السياره .. ومن يوم اسكن أبشركم علاقتي مع (مصري الموسى) دم وكل فتره

يخرب الكراج حتى لو يجي واحد وينفس هواء عنده تعطل وكالعاده ادق عليهم ويجاوبني المصري

النصاب وبكل برود (فين مكانك) متعوووووووده <

ويسحبون علي وادق كم مره حتى يجوني ويصلحونه لي وليتهم يشتغلون بذمه وضمير !!!

يضبطه بوزنيه يومين ويتعطل (متمرسين بالنصب)

وليتها على كذا وبس مره يقولي الريموت ومره الوزنيه ومره الشريط حق الباب واسحب يافلوس

يعني لامواعيد مضبوطه ولا شغل بذمه .. طيب وبالأخير اطلطل برى والاقي جاري كراجه واقف بالنص

له يومين وجاري الثاني خلقه كراجه مفتوح (سبيل) لوجه الله ..

الى متى هالتلاعب طيب ووين الجهه المعنيه عن ذلك ووين حماية المستهلك ووين ووين ..

صدقوني لو واحد له مكانته في المجتمع كان اختلف الكلام والعكس صحيح ..

ودمتم سالمين واتمنى التفاعل لانها معاناة من مئات القضايا المريره ..