[جنوني بريده]

اقتباس المشاركة الأساسية كتبها جاسم . .. سببببحان الللله اكثر اللي مئيد هالشغله ( بنات ) ..! تحسبونا مانبي لكم الخير يعني لما نرفض لكم هالشغله مانعرف مصلحتكم فيها ,, المفروض كل وحده تفتخر باللي نتكلم فيه وتنساء شي اسمه شغل بالطب الا لما يكون شي خاص فيها ,, احنا نشوف اشياء مانرضاها لك ولغيرك لاتقولين انا مو مثل هذي مارح اسوي لا والله تبي تسوين لو تفكرين بالطب ,, وواللللله دنييييا جد غرييبه ..!! ...

انتم حاطين ببالكم ان التمريض خلاااص خليط وخرابه ومامدري وشو
لكن اللي تعرف ربه ماراح يصيبه شئ
الله يكفينا شر الدنيا

[إليـن اليـوم..!]

يا ليت نشووووف ممرضات متمكناااااات


لآنها ما اتوقع غير اي مجال مضمون ومفتوح بالنسبة للبنت


ورجاء الافكال السوداء والخورافية ما تلزمنــــآ

[جنوني بريده]

الوساويس ماتصلح

[عيوون الغلا]

اقتباس المشاركة الأساسية كتبها عبدالله الرقيعي السلام عليكم ورحمة الله وبركاته شكرا موضوع في قمة الروعة لا أؤيد ابدا وانا اتكلم من واقع تجربة وبحكم اني سبق وان عملت ممرض لمدة ستة اشهر فعن نفسي انا ابتعدت عن هذا المجال وانا يمكن ضيعت كم سنة من عمري بالدراسة ودفعت مايقارب 50 الف ريال لكن بعد تطبيقي بالمستوصفات لمدة سنة تقريبا وتطبيقي بالمستشفى لمدة ستة اشهر فقررت اني ابحث عن مستقبلي في مكان اخر بعيدا عن هذا المجال ففيها من الفتن مالله به عليم فما بالكم بالبنت وتتوظف بالمستشفى ممرضة ففيه من المعاكسات والاختلاط مايشيب منه الرأس ولقد رأيت اشياء بأم عيني فالبنت عزيزة علينا ولا نرضى الا بمهنة تليق بعفتها وكرامتها التي اكرمها الدين الحنيف بها اتمنى تقبل رأيي بصدر رحب فهي وجهة نظر تخصني لكم كل الحب والود **** وللتوضيح معارضتي ليست على عمل المرأة كممرضة معارضتي على عمل المرأة ممرضة في مكان به اختلاط مع الرجال فلو كان هناك مستشفى خاص تماما بالنساء فلا يوجد مانع من عملها

يعطيك العافيه
كلام جميل والله يوفقك بمستقبلك وكل شاب يفكر مثلك بمأأنك تركت المستشفى
لانه أختـــلاط وما شبه ذالك.....
انا بنسسبه لي مأحب هالمكان أبد
حتى اني ماأحب يكون الرجل موظف بالمستشفى
حتى حنا مانرضا يختلطون مع البنات
اما البنت تشتغل هناك ششينه قووه وماأيده ابد ابد
بمكانه تشتغل بي مكان >قضت الوظايف يعني
ومعروفـــــه عند كل الناس مستحيل شاب يرضى يتزوج فتاه تشتغل يمستشفى
الا ماأقــــــل
وبس هذي اللي عندي(f)

[جاسم .]

اقتباس المشاركة الأساسية كتبها جنوني بريده انتم حاطين ببالكم ان التمريض خلاااص خليط وخرابه ومامدري وشو لكن اللي تعرف ربه ماراح يصيبه شئ الله يكفينا شر الدنيا

اييه يااختي التمريض لما يكون فيه اختلاط خراابه وبقووه خراابه ,,

انا شفت بعيوني هالخرابه محد قالي عنها ,,

اصلن كل وحده تعرف ربها ماراح ترضاء لنفسها تدخل هالمجال وفيه اختلاط ..!!

لاتلعبون على انفسكم وتقولون احنا نعرف الصح والغلط ونعرف مصلحتنا لو تعرفين مصلحتك كان مادخلتي لمستشفي فيه اختلاط ,,

وقبل ماتفكرين بالشي هذا اسئلي اي وحده متوظفه هناك وقولي لها انتي مبسوطه بوظيفتك ..!؟

صدقيني تبي تقول اني ندماانه ع هالوظيفه وقليل تحصلين دكتوره متزوجه عادي يوصل عمرها 30 وماتزوجت وليه عشان كلام الناس اللي يجيها ..!؟


...

[هيفا بنت القصيم]

بالعكس أنا مع الفتاة بمهنة التمريض السبب >> لأن المراأة تفضل يكشف عليها
طبيبة وممرضة بدلآ من الطبيب إذا لا يجوز الطبيب يكشف على أقل سسبب إلا إذا
كان شي مستعصي في هذي الحالة يستدعي تدخل الرجل الطبيب مافيه مشكلة لأن إذا
رفضنا تدخل الطبيب في حالة حرجة هذا من تلبيس أبليس وطبعآ بيد الله كل شي
سبحانه والقادر ولكن هناك حالات تستدعي أن يكشف الطبيب عليها أقصد فقط بالحالات
الحرجة فقط وغير ذلك لا أفضل الطبيبية والممرضة \ تحياتي لك عزيزتي

[وليدبن عبدالعزيز]

السلام عليكم ورحمته وبركاته

والله الموضوع حساس شوي لاكن انا لا أرى خروج البنت من بيت زوجها لوضيفة تشغلها اي كانت الوضيفة لاكن كل له رايه بالموضوع
اما بالنسبة لموضعنا هذا فاني ارى انه إذا كانت المستوصفات والمستشفيات لايوجد إختلاط ولا تبرج فيكون مثله مثل التعليم كل قسم منعزل عن الثاني فهذا لاباس به

وتقبلي مررروري واشكرك على الموضوع الحلو.

[آخر شياكه]

اقتباس . رايك ف عمل الفتاة ف مجال التمريض او الطب>> مع التفريق بين المجالين !!

. على حسب شخصية البنت و المكان اللي تشتغل فيه ،، اذا البنت محترمه والمكان محترم ... طبعا أؤيد ...

اقتباس . و ماهي نظرة المجتمع للفتاة العاملة بهذا المجال ؟؟

. غالبا نظرة المجتمع "ضد" لكن اعتقد في السنوات الأخيره تغيرت كثير و الناس بدت توعى ،،،.

اقتباس .وما هي نظرتك انتي كفتاة إلى الفتاة ف هذا المجال؟؟

. لربما أعمل في هذا المجال يوما ما ^___*

[ღذبζـنيً عّنآدِڪْღ]

موضووووع خطيرررررر يستااهل النقآآش..~

مشكووره يارنيم


وهل توافق ع عمل اختك او بنتك ف هذا المجال ,, والسبب ؟؟
""امر بجد عآدي "" بس بضوابط منهآ
*متزوجه..*محآفظه ع حجابهآ"خصوصا اذا فيه اختلاط"..*
وسبب الموآفقه ..ماعندي اي اعترااض بهي حره باي عمل تريده..لانهآ متزوجه
و ماهي نظرة المجتمع للفتاة العاملة بهذا المجال ؟؟
نظره جداّ رائعه .. وقيل ان الممرضه السعوديه اكثر رحمه وشفقه من الممرضات الاجآنب..
وما هي نظرتك انت كشاب إلى الفتاة ف هذا المجال ؟؟
فخور .. واحمد ربي ع ان مثل هذه الفتيات تعتمد على روحهآ..لكن لا اسمح بمعآلجتي اينمآ كآن الامر
وما هي نظرتك انتي كفتاة إلى الفتاة ف هذا المجال؟؟
""آسف مآني بنت<< لووول



..شآكر ومقدر ع الطرح الجمييل
يستآهل تقييم مئه بالمئه..~

[بدون اسم...]

اقتباس المشاركة الأساسية كتبها جاسم . ... اصلن الوحده لما ترضاء لنفسها تشتغل مع شباب صدقيني ماراح يكون عندها احترام ,, والله ثم والله قبل كم شهر مسوي عمليه بالمتسشفي الملك فهد ببريده ,, وكانت الدكتوره سعوديه اهي مسويه لي العمليه قلت خلني اجرب معها حركات الشباب واشوفها ترضاء ولا لا ,, وطلبت منها ايميلها وربي ماتوقعت توافق على طول وتلبي لي طلبي ,, انا ماقلت هالكلام عشان اتفاخر فيه لا وربي بس حبيت اعلمك حركاتهم من وراكم ,, من سااابع المستحيلات تحصلين بنت تختلط مع شباب وماتسوي شي يخالف قوانينها حتا لو هي متزوجه ..!! تحياتي لك ..! ...

شي طبيعي تعطيك الايميل والدي شفاه الله معه ايميل كم دكتوره حتى وحده معه رقم جوالها اتوقع طريقة طلبك للايميل مابينت من وراها سوء نيه عشان كذا هي عطتك الايميل من باب حسن الظن وانك ممكن تحتاج لها


والمفروض دايما تحسن الظن

[بدون اسم...]

اقتباس المشاركة الأساسية كتبها سلطة فواكه المشكلة ليست بمهنة التمريض .. بل في عقلنا المريض .. وجود طبيبات وممرضات مسلمات ضرورة لأي مجتمع مسلم .. والاختلاط أو التبرج أو التقصير بناحية ما ليس مبررا للتخلي عن مزاولة المهنة بالكامل .. ودائما كل إناء ينضح بما فيه .. حفظنا الله واياكم من كل سوء

أحلى رد

[خوآطر مكسوره]

اقتباس المشاركة الأساسية كتبها linda المحترمه محترمه لو هي وسط مية رجال واللي فيها بلى بتسويه بتسويه حتى وهي ربة بيت وكيبورد الكمبيوتر ماتعرف تستخدمه ! بالنسبه للاخ الي قال يدرس تمريض والخ .. البنت (بالفطره) قادره تمسك نفسها عن الشاب عكس الولد!.. لايمنع وجود حالات شاذه اتمنى فهمت قصدي الله يستر علينا وبنات المسلمين

عجبيني ردك بقووووه..صح كلامك انا معك..

[عبدالله سليمان]

اقتباس المشاركة الأساسية كتبها قلـــ تعب ـــبي بـمأأ اني ادرس تمريض .. واعرف ممرضين يشتغلون في المستشفيات مستحيل اتزوج ممرضة اوطبيبة مين الي يرضى انا زوجتة تتختلط برجال في اليل والمستشفى فـأضي

لا تألف ياهداك الله

ممنوع ممرضة سعودية تستلم شفت الليل اخرها ايفينينق

[عبدالله سليمان]

اين الغيره يقول بعض الاخوة من هي اول ممرضة في الاسلام

ماعملت زوجة ابو سفيان رضي الله عنه في اخر حياتها

الم تذهب الصحابيات لمساعدة الجيوش الاسلامية من خلال تطبيب الصحابة الفاتحين

ثم ان يكون للشخص وجهة نظر تحترم ولكن ان يتحدث عن غيرة غيره فهذه والله هي مايقال عنها شين وقوي عين

الم يعرف البعض الذي يحاول ان يكون وصي على المجتمع من خلال سد الذرائع ان القاعدة الاخرى المقابلة لا انكار في خلاف

وشكرا