[ام نايف]

لاتسيؤن الظن ولاتدخلون بـ النيات

[ajmn]

انتقي الشيء الجميل بالفيس بوك . .

ولا تفتشي . . أو تحبي الاستطلاع . . فتنقبي عن الجانب المظلم . .

فذلك سرداب . . من ولجه . . أظلم نهاره . .

في الفيس بوك . . مشائخ . . دعاة . . مفكرون . . شعراء . .

و فيه ظلاميو الشهوة و الشبهة . .

فلا تلتفتي . . إلا للجيد منهما . .

اما أن أنقب عن الخبيث . . ثم أبكي عليه . .

فأعجب لذلك أشد العجب . .

[بريداوي2000]

المشكلة انك عنصرية قوووة

[غيث بريدة]

لكلآ من اسمه نصيب

اذا كانت فعلآ انثى فهي مصيبة

الله يصلح الحال .... ولا يبلانا

[بدلها]

واقع مؤلم ... ربي يصلحهم ويهديهم

[عبدالله الرقيعي]

انا بس ابقول شي ابتشعب عن الموضوع شوي
هاللي يكتب مزيزن وما مزيون<<تلقينه وووع ماتشتهي تاكل وهو عندك
ودلوع واللي مادلع
كلهم يجدعون التسبد
شينين بالواقع وعندهم صدمة من شين اشكالهم ويبي يتظاهرون بالزين من خلف الشاشات
واكثرهم يحطون صور مهب لهم بس يكذبون على هالبنات
واخيرا الفيس بوك مالي به ابد
لكن كلامك ينطبق على المعرفات بالمنتديات
وعلى التوبيكات بالمسنجرات

لاكن الله يصلح الحال

[نمله متحنيه]

الله يصلحهم ان شاء الله
الا وش لون هو قايل الفيس بوك

[رنة الخلخال]

اقتباس المشاركة الأساسية كتبها ريــآض ( دلــــوووووع بريدة ) ؟! ويــــن المشكلة ؟؟

صبحك الله بالخير ,,
اقر الموضوع كامل وافهم المقصود

وجزاك الله خير

[رنة الخلخال]

اقتباس المشاركة الأساسية كتبها نايف2342 اوافقك وكلام جميل ويحتاج كلامك ان ينشر بشكل اوسع

احس مافيه في الموضوع احد فاهمن غيرك ..
جزاك الله خير واتمنى ان مقصدي ياصل للجميع ,

[رنة الخلخال]

اقتباس المشاركة الأساسية كتبها ام نايف لاتسيؤن الظن ولاتدخلون بـ النيات

حبيبتي اكره وابغض ماعندي اللي يسيء الضن ولا يدخل بالنوايا ويفسرها عكس
ولاني من هالنوع الحمدلله ابد

انا ماكتبت شي من خيالي ولاكتبت شي شاكه فيه
شي قدامي عيان بيان تبون اوضح من كذا !يعني نصير اغبياء ونفسر الشيء الواضح انه ماهو هذا المقصود !!
وش فيكم ماتفقهون ..!

شكراً

[أطوي جروحي بضحكتي]

أية والله أنك صادقة ...

الله يهديهم ..

[رنة الخلخال]

اقتباس المشاركة الأساسية كتبها ajmn انتقي الشيء الجميل بالفيس بوك . . ولا تفتشي . . أو تحبي الاستطلاع . . فتنقبي عن الجانب المظلم . . فذلك سرداب . . من ولجه . . أظلم نهاره . . في الفيس بوك . . مشائخ . . دعاة . . مفكرون . . شعراء . . و فيه ظلاميو الشهوة و الشبهة . . فلا تلتفتي . . إلا للجيد منهما . . اما أن أنقب عن الخبيث . . ثم أبكي عليه . . فأعجب لذلك أشد العجب . .

اخوي انا مانقبت عن اشياء وكل اللي انت ذكرته اعرفه
وصفحتي الحمدلله تحمل الخير و بها من ثمار المشائخ والدعاة كنوز ..
انا الحمدلله إمراءه متزوجه وام وعاقله انا ابكي لحال ابنائنا !
ولكن ليست غايتي هذه
{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }
غايتي انهم ليش يكتبون بريدة ويشوهون سمعتها ..

واتمنى انكم ماتسيئون الضن بي ~ انقب وافتش وابكي !!
وش هالكلام سبحان الله لازم تلومون الواحد وتسيئون الضن به
انا ذكرت بالصفحه الأولى اني كنت ابحث عن (بريدة) وطلعت لي اشياء ماتوقعتها
طبعاً مارحت افتش الكتاب باين من عنوانه
وللمعلوميه فيه واحد ينصح وكاتب هذا وانتم من بريدة وواحد راد كاتب هذا هم اهل بريدة
لايمكن تعدل بهم ومالهم الا رايهم واغلبهم يميلون لهذا الشيء شيء يقلق
لاتجي وتقول ليش تنبشين هذي اول صفحه شفتها .. وكنت ناويه اسوي له تبليغ

[رنة الخلخال]

اقتباس المشاركة الأساسية كتبها بريداوي2000 المشكلة انك عنصرية قوووة

وافتخر اني احب ديرتي
هذي ماتمسى عنصريه تسمى انتماء للوطن .. وللمدينه اللي ولدت وربيت فيها ,

والله مالي دخل بالرياض وبالدمام وجده وغيره انا اتكلم عن ابنائنا ليش يشوهون سمعة ديرتنا
رح شف وش يقولون عن بريدة بسبب تهاونا مع هالأشكال اللي تنتمي لبريدة بالأفعال القبيحه وتجاهر ببريده كانها تفخر به وبأفعاله ..

مشكله الواحد إذا صار غيور على ديرته وقلبه عليها وغيره من اهل الديره مادروا عنها ولاهم يعينونه على فعل الخير لها !!

إذا كان ماعندكم كلام زين بليز انا غنيه عن ردودكم ,اللي تعكس عقلية اصحابها !

[رنة الخلخال]

اقتباس المشاركة الأساسية كتبها غيث بريدة لكلآ من اسمه نصيب اذا كانت فعلآ انثى فهي مصيبة الله يصلح الحال .... ولا يبلانا

تقصدن !





حسبي الله ونعم الوكيل على كل من دخل ضنوني بإساءه ..