[اقدار مكتوبه]

السلام عليكم ورحمة الله وبركاته ..
اما بعد ..
والله ماطرحت هالموضوع ولااناديت بمواضيعي السابقه الا بدافع غيره , وأمر بمعروف ومن باب
( حب لأخيك ماتحبه لنفسك )
الجميع يعرف ان التطور الحضاري اللي يحصل ببريده ملحوض وهذا دافع جيد للتقدم والتحسين وبالعكس نحن من اول المناشدين بالتطور من كافة نواحية العمرانيه والتعليميه والخ من التطورات التى تعود على المجتمع بالرخاء والسخاء ولاكن ...
هل بعد التطور يجب ان ننسلخ من حيائنا وحشمتنا ؟
هل مابعد التطور من الواجب انك تلبسين كتف وتكحلين عينك وتلبسين جينز اسكيني.؟
هل اللي لازم تتطور تشري ايفون وبلاك بيري وتعلقه على صدرها حيث يطمع بها القريب قبل البعيد ؟
هل علي يوم اتطور ان احضر بارتيات ؟ واعياد ميلاد ؟ وحفلات موسيقى .؟
هل علي ان البس قصير واضهر اكثر مما اخفي ؟
هذا ورب الكعبه ورب الكعبه المنتشر الأاان بين اوساط بناتنا القصيميات ..
انا مدري وين اولياء الأمور ؟ مدري ليه الأم ماتصير واعيه وتدرك هالأمور ؟
والله عيب يابنات والله عيب حتى الرجال ماسلمو من حركاتهم ونضراتهن السخيفه .
وهذا صوب والمناكيرر المنقاوي المعتق صوب أأخر ؟
والا الي جايه للسوق كأنها رايحه عرس اشك انها مضيعه طريق الرصافه .
والا العطر اللي انا يوم شميته رحت اسأل شسمه ؟ بعدها نصحتها اشوي الا بتعطيني بوقسسس ؟
والا التمايل ولفت الانتباه والكعب العاالي ؟
ليه كل هذااا ؟ شعليه ؟ تغضبين رب الكون لأجل يقولون ( حضاريه .. متطوره ) طز فيهم وحضارتهم
طززز بكل واحد يدعي التقدم من خلال هالأشياء
طززز بكل بنت تتخلى عن الحياء والحشمه وتعلو السلالم لوصول اقصى درجات الأنحطاط وهي كما تدعيه بالأنفتاااحيه ..
وين رجال الهيئه ماقمت اشوفهم ؟ وين اسود الحسبه ماصرت المحهم ؟ ويين الغيره وين الحميه ووالا على الدنيا السلااام ؟ تتكلمون بكل المواضيع وعالجتو بعضها الا هالضاهره ماعطيتوها وجه والمفروض تتصدون لها قبل تتفشى وهي للأسف تفشت وبشكل ملحوووض ؟
مااقول الا :
تفوووو على كل اب مهيت بنته ولايدري وين تروح وتجي مع السواق .
تفووو على كل ا م لاهيه بطلعاتها ومكياجها لأتسأل عن صديقات بنتها ولاحتى تعرفهم
تفووو على كل اااخ ينزل اخته لحد المجمع ويقول الوجه من الوجه ابيض
تفووو على كل بنت ماتحافظ على حشمتها وعفتها وحيائهاا
وتفووووو كبير على التقدم والحضاره الي فاهمينه بنات البلاك بيري ..

[سيد الحلى]

عادي لو تكتبين موضوعك بعد بأسلوب راقي وتحذفين (( تفوووو )) عادي بنفهم ترى !! ما ادري وش تحسين فيه

[طيب الاخلاق]

كلمات مثل (طز) و (تفوو) لا تليق بك أختي الكريمة !!
هل تعلمين معنى كلمة (طز) ؟؟؟؟؟
لو اهتم كل بما يليه لأختفت مثل هذه الظواهر السالبة ..
ومن أراد الحسنة بدعوة من لا يعرف الى الطريق القويم فعليه بأن يدعو بالتي هي أحسن .. أو ليصمت ..

[بيتراك]

هي وقفت على البلاك بيري ؟؟؟؟؟؟؟؟

من زمان و المجتمع ينسلخ شيئاً فشيئاً وانتي توك تصحين إلا يوم جاء البلاك بيري ؟؟؟ظ

إذا هي على البلاك بيري تهونن لكن المسئلة على العبايات المسخرة اللي في كل سوق نشوفه

[سُـقيا]

عزيزتي
فعلا هذا هو الواقع

ولكن يبدو انكي من حراره قلبك
وقهره على ماشاهدتيه
خرجت كلمات لم توزن

هدى الله فتيات المسلمين
اللهم ثبتنا على القول الثابت

شكرياتي لك

[نسمات الفجر]

أسأل الله لنا ولهنَّ الهدايه

الله يفتح على قلوبنا

[ajmn]

الله يسلمك . .

أولياء الأمور . . متسدحين بالاستراحات . .

و بيجنون خزي هالجلسات في يوم ما ينفع الندم . .

الله يستر على بنيتي . . و بنات المسلمين بس . .

[شـآآدن ^_^]

حال فتياتنا يندى له الجبين
والله صرنا نكره الاجتماعات بسبب مانراه من منكرآآآت
واذا تكلمتي ونصحتي صرتي انتي المعقده
لكن اقل درجات المنكر الانكار بالقلب
شكرآآ لك اختي على غيرتك ..

[•°انكسار الأماني°•]

إي والله , يايوه من اللي قمت أشوفه تعذبت بالحيل ,
جداً راق لي العنوان ,


* أصلح الله الجميع , وجزاكِ الخير الوفير .

..

[فارس العرفج]

دائما ما أقول أن المشكلة ليست بالفتاة ..

وإنما بأشباه الرجال وليسوا رجااااال بالحقيقة ..

الذين يرون بناتهم تخرج وكأنها تبحث عن من يفترس شرفها ..

الحمد لله الذي عافنا مما أبتلاهم به وفضلنا على كثير من خلقه تفضيلا ..

[ديـالا]

والله مااطلعت (تفووو) الا من غيرتك
الله يهديهم و يثبتك و يصحي الناس النايمة.. ايو الله قالو تطورر؟؟ عقول مابة الا عضام جمجمة بدون مخ
معذورة الصراحة اللي ينشاف ما ينصبر علية المشكلة تبلدنا صار كل شي عادي ما نستغرب شي..

[اقدار مكتوبه]

اقتباس المشاركة الأساسية كتبها سيد الحلى عادي لو تكتبين موضوعك بعد بأسلوب راقي وتحذفين (( تفوووو )) عادي بنفهم ترى !! ما ادري وش تحسين فيه

لا بأعتقادي استخدام كلمة تفووو وطز هي الي تنفع هالأيام ولى زمان ( الله يجزاك خير )
الشئ الثاني " لاتنصحين وانتي تعليقك نو كومنت ..
الشئ الثالث : لو كتبتي جزاك الله خير بيكون افضل من ناحية الحسنات من المجاهره والتصغير والتحقير

[اقدار مكتوبه]

اقتباس المشاركة الأساسية كتبها طيب الاخلاق كلمات مثل (طز) و (تفوو) لا تليق بك أختي الكريمة !! هل تعلمين معنى كلمة (طز) ؟؟؟؟؟ لو اهتم كل بما يليه لأختفت مثل هذه الظواهر السالبة .. ومن أراد الحسنة بدعوة من لا يعرف الى الطريق القويم فعليه بأن يدعو بالتي هي أحسن .. أو ليصمت ..

انا ماقلت كلام بذئ لاكن بأعتقادي هناك من يحب يصطاد بالماء العكر تركت الموضوع بأكملة وجت على كلمة طز ؟ ياشيخ المكتوب باين من عنوانه حنا سواء نصحنا بكلام طيب او بكلام طيب عصري نقابل بالرفض ! لاكن اسألك بالله نسيت المناقشه الموضوعيه بأكملها والنصيحه العصريه عشان اوصلها بأسلوب عام عشان الي يفهم واللي مايفهم وجيت على كلمة ( طز ) شر البليه مايضحك

[1مهستر]

الله يكثر من امثالك ..

فعلا نحن بحاجه الى التمييز بين ماهو من صالحنا وماهو في غير صالحنا ..

وناخذ المفيد فقط ..

اشكرك على غيرتك ..