[يربش بريده]

بسم الله الرحمن الرحيم

حياك الله بموضوعي الي يقهر كل سعودي في هذا الوطن الغالي

ماطول عليكم انا موظف راتبي 1800 ومتزوج ولله الحمد طبعا مستووووره ولله الحمد واطمح الى وظيفه افضل وابحث يمين ويسار ومره من المرات كنت مع اصحابي نتمشى يوم الخميس قبل اسبوعين

بمحافظه عنيزه طبعن اغير جو وبصدفه مريت من عند مؤسسه بن عثيمين يرحمه الله

ولقيت لافته لوحه كبييييره وظايف بكلريوس دبلوم ثنوي طرررررررت من الفرحه انا قلت ان شاء الله ابحصل على وظيفه اكثر راتب من الى انا به استبشرت بالخير وقلت ان شاء الله السبت عندهم ودعيت الله انه يسدد

خطاي الى الطريق السوي

يوم صااار السبت طلعت من بريده مشاء الله نصف ساعه وانا عندهم

ودخلت لللاستقبال وقلت انا ابي اتكلم مع مدير الموظفين عشان ابي وظيفه عندكم ماقصر صراحه رجال سعودي ابتسامه ولااروع جزاه الله خير

وقال رح لدور الاول وتلقاه توكلت على الله ورحت

ودخلت ونصدمت صدمه مايعلمها الا الله اغلب الموظفين اجانب قلت بيني وبين نفسي وين السعوده الي اشغلونا عنده وبديت اسأل عند مدير الموظفين

ودلوني عليه صااااار مصري والله العظيم قهر حسبي الله ونعم الوكيل

ودخلت عليه وقلت انا ابي وظيفه

وقال حياك الله اجلس

وعطيته السيره الذاتيه وقراه

وقال الاخ من وين

قلت من بريده

قال حياك الله

قال انت موظف

قلت ايه وابحث عن الافضل

قال والله ياخي احنا نبي من عنيزه

قلت وراه

قال المسافه بعيده

قلت عادي اسكن عندكم انا بديت احجرله

قال حنا فترتين

قلت عاااااااادي

قال لا ماينفعش

حسيت انه يبي يصرفني قلت بيني وبين نفسي خربانه خربانه

قلت له طيب انت جااااااااي من مصر من اخررررر الدنيا وش علشانه عشان الرزق والوظيفه

انا نصف ساعه وانا عندك طفرته

وقال خلاص راح ندق عليك

انا فهمته وهي طايره انه تصريفه حلوه ومعروفه عند السعوديين

انتهت قصتي

اوجه رساله الى مكتب العمل الموقر انت وش الفايده من يرصد لك مزنيه ورواتب موظفين على غير فايده


واخيرن ادعووووولي بالوظيفه الحكوميه

[صمت النار]

يربش بريده

تبي نصيحتي لك

عليك بالشغل الحر .. وصدقني بإذن الله بتشوف خير وبترتاح .. ولا تنسى إنك متزوج وراح تلاقي التوفيق من الله ...

[عطشــانة دم !]

الله يوفقنا واياك بساعة هالمطر..

[نالا]

اللله يرزقك ويفتح لك الدنيا بخيراتها
ياارب وجميع العاطلين

[احساس خواطر]

الله يرزقك بالوظيفه ويباركلك فيها انت وجميع العاطلين




اذكـــــــرو الله يـــــذكــــركـــــم

[خلفان]

يا عزيزي بربش بريدة عليك التوكل على الله حق التوكل


إضغط هنا حقيقة التوكل من موقع صيد الفوائد
http://www.saaid.net/Doat/almosimiry/43.htm

[سُـقيا]

أسأل الله العلي العظيم أن يرزقك ماتطمح اليه وزياده
وأن لايحيجك الى أحد من خلقه

[ديـالا]

الله يرزقك من فضلة ويصب رزقك و اخوي صبا ياحي ياقيوم ويرحمكم برحمتة

[روونيا]

قل امين الله يرزق ويرزقني الوضيفه الرسميه اللي ببريده ياحي وياقيوم عاجلا وليس اجل

[غربة غريب]

أخي الغالي يربش بريدة أسأل الله أن يغنيك ويكثر مالك وولدك ويبارك لك فيهم ،،،

الشغل الحر كما قال صمت النار أفضل بنظري من راتب 1800 وبإذن الله
سيفتح الله عليك أبواب فضله بحول الله وقوته فجد واجتهد .

وما قلته شيء غريب ويقهر كيف مدير الموظفين مصري !!

[هــيـبـتـي بـعـثـرتهم]

الله يرزقك ماتتمنى ويبارك لك في رزقك...آمـــين
عليك بالصبر والإستــغــفـار بنية الرزق..

[الشيهانهـ]

الله يرزقك الوظيفه السنعه

وش تبي بالمؤسسه رجل اختي به فترتين وراتبه 1800
خلك بمحلك ازين
لا وازيدك من الشعر بيت له خمس سنين وراتبه مازادوه بس هالايام
زادوه ميه ههههههههه من دونه ازين

[يعجبني تفكيري]

اقتباس المشاركة الأساسية كتبها صمت النار يربش بريده تبي نصيحتي لك عليك بالشغل الحر .. وصدقني بإذن الله بتشوف خير وبترتاح .. ولا تنسى إنك متزوج وراح تلاقي التوفيق من الله ...

كلام اخوي صحيح"

ولكن الاصح "قول رسول الله صلى الله عليه وسلم :
عَنْ الْمِقْدَامِ رَضِيَ اللَّهُ عَنْهُ:
"عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ مَا أَكَلَ أَحَدٌ طَعَامًا قَطُّ خَيْرًا مِنْ أَنْ يَأْكُلَ مِنْ عَمَلِ يَدِهِ وَإِنَّ نَبِيَّ اللَّهِ دَاوُدَ عَلَيْهِ السَّلَام كَانَ يَأْكُلُ مِنْ عَمَلِ يَدِهِ

ودائماً مانرى التجار"من كسب ايديهم"اعمال حره

رزقك الله لما تحبه وترضاه"

[كلاسيكي بريدة]

الله يرزقك ان شاءالله ...

مثل ماقال ::صمت النار