[مناير بريدة]

بسم الله الرحمن الرحيم...


كليات بريدة الأهلية ....
ظلم تفرقه لأبعد الحدود بين الطالبات ..

مالي بالمقدمات ....

من بداية السنة يطلب أعمال ونجيب اللي تبي دكتورتنا الفاضله مشيرة
بس مايعجبها ليه ؟؟؟ الوسيله صغيرة او بالأصح أسمها صغير مو واضح

ب الله عليكم وسيله طفل من ذوي الاحتياجات الخاصه كيف بيكون حجمها !!!!!!
والله كل طالبه تقول ماخسرت اقل من 200 يال وليته بالمنهج اللي مطلوب
لا والله كله عشان ترفع اسمه على حسابنا ويروح مطويات وفازات وخرابيط

هذا غير الاسلوب الي تكلمنا فيه اجل معطينها تصريح تقدر تسحب المنحه من اي طالبه مدري ش تحس بصراحه ,,
وتزعل وتقلب القاعه لو احد قالها أستاذه تبي ينقالها دكتورة ليييه قهههر هالكلمه ماتقال الا للي يتعب وياخذها صدق

وفتحت مجال للاستاذات الي غيرها صارو يطلبون بالهبل مطويات وكل مطوية شكل وكرستال مايبون التقليد اللف ووسائل وفديوو عن الاعاقه
جبنا وجبنا بس مو بهالطريقة صار تنافس بينهم على حسابنا ..

مرآاح افتح موضوع الجدول لانه حدث ولا حرج 3 اسابيع ل6 مواد عشان الضغط مايصير عليهم وعشان بنات من بلدهم يبون الجدول بهالطريقة..


أتمني نلقي حل ياربي رحممتك فينا وربي تعبنا لاجدول ولا معامله مثل الكليات اللي غيرنا....

[▪ بــيــتــــر ▪▫]

الله يعين .. وللأسف هذي تصير كثير والبعض مايقدر ظروف " الأسرة " ، يمكن لأنكم بأهلية قاسوا على هالشي ، ولا ترى البعض من الأسر ماعندها استطاعة حتى توفر ( الفسحة ) ، فمبالك راح توفر مثل هالأشياء ، وهالأشياء تصير بالمتوسط والثانوي خصوصاً اذا كانت المدرسة جديدة وبحاجة إلى لوحات وأعمال ، أما تصير بكلية ما أعتقد إلا لتأخير التخرج ، هذا غير أنه يكون البعض من العاملين مندفعين وهنا المشكلة ..

أتمنى أنه يوضع حد من الجهة المسؤولة بأنهم يراعون معيشة بعض الطالبات والطلاب أيضاً ، أو يتم انشاء حملة من الطالبات حول هذا الشي ، ويذكرون الأسباب سواء الايجابيات منها والسلبيات ومن ثم مقابلة المسؤول عنها سواء المديرة أو الوكيلة او المشرفة ..

ربما يدخل من ضمن هذه الأشياء ( الخجل ، أو الخوف من التأثير في الدرجات ) ، ولكن إذا تم بإجماع من الطالبات ، لا أعتقد أن هنالك خوف ..

[مناير بريدة]

المشكله مافي من يسمع لنا بالكلية
غير الأستاذة فاطمه الميموني ربي يجزاها خير وتقدر
بس واضح مابيدها شي

واذا قالنا خلاص مو جائبين حطو حرتهم بالدرجات من كثرة ياربي
تخيلو ويوم الحفل وش صار !!! كل الدفعات طبعا جايبن وسائل ومطويات وخرابيط
منعو اكثر من نص الطالبات من دخول الحفل يعني قهرر اتعب واتعب وغيري
يتجمل بشغلي قدامهم ,,, قالو زحمه اماكن وكذا بنعيد لكم الحفل السبت
ماجاء حضور كثير وسبتهم اللي بنعاد فيه الحفل ماجاء للحين

وصدقت اخوي فيه بعض الطالبات ميزانيتهم والله ماتسمح
انا الحمد الله عيشتنا كويسة بس وربي احيانا يجي يوم مابشنطتي
ريال اشتري فيه موية فما بالك باللي عيشتهم تحت المتوسط


يارب اتخرج وانا بكامل قواي العقليه

[.شـقــ الصمت ــا.]

الله يعينكم ويثبت قواك العقليه حتى تنبسطي بالتخرج وتفرحي اهلك ياالله ياكريم فرجها عليها وعلى المسلمين اجمعين

[متفائله2011]

حسبي الله على هاالاشكال


بس بسالك وش الفرق بين كليات القصيم وكليات بريده ؟؟؟

[مناير بريدة]

شقـــا الصمت آآآآميييين يارب
وعجل به يارب ولا احس بالايام وهي تمشي



متفائله ^_^
والله مدري عن كليه القصيم

[متفائلة بغد أجمل]

يااختي وش اللي حادك تقعدين بهالكليه ..؟ فيه قسم تربية خاصة بجامعة القصيم ,,,وهذا وانتي تدفعين لهم فلوس كذا يعاملونكم ,,,الله يكووون بعونكم ويخلصكم منهم ,,,

[Miss Reema]

ليه تدرسين بالكليه هذي و الحكومه ماقصرت انشأت جامعات ع مستوى
واتوقع ان طلبات الدكتورات جايه من فوق علشان الكليه نفسها تتباهى بالنشاطات على حسابكن
حولي لجامعة القصيم وريحي راسك

[فوفتي]

الله يعينكم بصراحه اغلب الكليات ظلم في ظلم\\\\\\\الحمدلله اللي افتكينا منها