[الشمس المقمره]

^^حياكم الله وراجعه للتعقيب بأذن الله

بشرى نزول روم تعريب جديد بلامشاكل..
^^
الموضوع لماذا نقل؟الجهاز كمبيوتر لوحي وليس جوال ..

[د.هنا]

^
الاخت مشبهه

اقتباس المشاركة الأساسية كتبها غرومه د هناء حياتي توني مسجله بالمنتدى ومتابعه الموضوع من كم شهر تشجعت وشريت التاب لي شهر تقريبا وانا اتعلم عليه واحاول فيه وابحث عن بر امجه نوعا ما تمام معاي وطبعا ماننحرم من مساعدتكم لان خبرك المشاكل ماتخلص شفت ردك عن مسنجر الهوت ميل وطرت من الفرحه لاني انتظره وحملته امس وكل ماحط ايميلي يطلع لي بريد خاطئ او ايميل خاطئ وبعدين وين ووين لين ضبط وقام يسجل دخول الا وتطلع لي رسالة تنبيه مكتوبه بالصيني وتحتها اضغط نعم اذا ضغطت طلعني من تسجيل الدخول ورجعني للصفحه الرئيسيه الي اكتب فيها الايميل والباسورد. ياليت تحلين المشكله مع العلم ان موضوع المسنجر هو السبب الي خلاني اسجل بالمنتدى ومشكورؤه ياعسل ردودك تفتح النفس

اولا حياك الله وبارك ربي فيك
احذفي البرنامج تماما من الجهاز وارجعي ثبتيه من الرابط ادناه

http://www.3rbco.com/vb/redirector.p...msn_pc/568.apk

[عمة صلوحي]

والله انا ودي اشتري جالكسي تاب بس خااااايفه واحتاج مساعدتكم الله يزيدكم من واسع فضله


===صدق جالكسي تاب بعد التعريب يصير باللغه الايرانيه ؟؟؟
===وانا سمعت ان مو كل البرامج تدخل فيه واذا حبيت افتح برنامج يقول خطاء برمجي؟؟؟
===واني ما اقدر ارسل ولا استقبل رسائل نصيه ولا وسائط بسب خلل فيه ؟؟؟
=== طيب اقدر احمل برنامج الواتس اب ؟؟؟
=== طيب صناعته انا سمعت فيه نوعين كوري و فيتنامي صدق او لا؟؟؟
=== وانا سمعت ان فيه جهازين فيه بدون شريحه يعني بدون اتصال وفيه جهاز بشريحه ؟؟؟
=== وايش افضل محل ببريده يبيعه و لارحت وش اقول له اقول ابي كل البرامج اول لازم احدد له لاني اخاف يدخل لي برامج عاديه ؟؟؟؟
== وابي وش البرامج المهمه الي اطلب منه يحمله ع الجهاز؟؟؟؟
=== وسعر الجهاز كم ؟؟؟؟
=== انا جالكسي تاب اعجبن شكله خفيف وراقي وحجمه متوسط وعملي يعني اقدر اضعه بشنطه بسهوله وجمع بين الشكل والمكالمات علما انا ابيه لتسليه والمكالمات فقط وليس العمل

ادري والله كثيره اسئلتي بس الشكوى لله ما عندي اخوان اقدر اسئلهم ودي اعرف منكم وين المكان عشان ماودي اتعب ابوي وهو ما يتحمل كثر المشاوير ووالله مالي غيركم
و اقول كل من رد و ردة علي الله يفتح لك ابواب الخير ويرزقك من حيث لا يحتسب والله يجعل الجنة مثواه

[nada abdullah]

الله يعطيك العافيه اختي د.هنا انا عندي مشكله بالمتصفح واتمنى انكم تحلونه
بالبداية استخدمت المتصفح اللي جاي مع نفس الجهاز, لاحظت انه بطيء بشكل مو معقول,
وقريت ببعض المنتديات يمدحون متصفح الدولفين وحملته صحيح هو سريع
بس بين كل فتره وفتره يهز الجهاز مره و يعلق بعد كذا يجلس خمس ثواني تقريبا ويهز مرتين ويطلع برا المتصفح
او احيانا وانا اتصفح يطلع للقائمه بدون مايهز,
وحملت متصفح الفايرفوكس وماقدرت اتصفح فيه لأن الصفحه ماتطلع كامله مقصوصه بالنصف,,
الله يخليكم ابي حل غير الفرمته وضبط المصنع لأني محمله برامج كثيره صعبه احملهن مره ثانيه..

[غرومه]

يالاهي
هنا ء
حاولت انزل المسنجر مره ثانيه. يعطيني انه محتوىغير مدعوم ويوقف التحميل
وش السوات

[غرومه]

هناء شوفي

حملت البرنامج ع الكمبيوتر ونقلته على التاب
ونفس الحكايه لكن الفرق ان الكلام صيني



هذي باخر رابط تحميل حطيتيه لي


-------------------------


وهالصوره كانت تطلع بنفس البرنامج لكن برابط التحميل القبلي

[د.هنا]

حياتس انتي واللي سمعتي منهم

اقتباس المشاركة الأساسية كتبها عمة صلوحي والله انا ودي اشتري جالكسي تاب بس خااااايفه واحتاج مساعدتكم الله يزيدكم من واسع فضله بسم الله ===صدق جالكسي تاب بعد التعريب يصير باللغه الايرانيه ؟؟؟ اللغه الايرانيه هذي قويه التاب ماكد جا باللغه الايرانيه اذا كان معرب اساسا يكون عربي عادي اما اللي يتعرب مثل حقي حتى عربي ومافيش اي ايراني ===وانا سمعت ان مو كل البرامج تدخل فيه واذا حبيت افتح برنامج يقول خطاء برمجي؟؟؟ صحيح فيه وفيه فيه برامج تصلح للتاب ولا تصلح للجالكسي اس عموما الاغلب يفتح ===واني ما اقدر ارسل ولا استقبل رسائل نصيه ولا وسائط بسب خلل فيه ؟؟؟ لا ابدا انا استقبل وارسل === طيب اقدر احمل برنامج الواتس اب ؟؟؟ نعم === طيب صناعته انا سمعت فيه نوعين كوري و فيتنامي صدق او لا؟؟؟ فيتنامي؟! لا كله صناعه وحده === وانا سمعت ان فيه جهازين فيه بدون شريحه يعني بدون اتصال وفيه جهاز بشريحه ؟؟؟ كله 3 جي بس فيه جهاز يجي معه شريحه وجهاز لا === وايش افضل محل ببريده يبيعه و لارحت وش اقول له اقول ابي كل البرامج اول لازم احدد له لاني اخاف يدخل لي برامج عاديه ؟؟؟؟ طيب انتي عندك الماركت حملي اللي تبين يعني مب لازم المحل ع فكره الجهاز سلس جدا == وابي وش البرامج المهمه الي اطلب منه يحمله ع الجهاز؟؟؟؟ كل البرامج المهمه في الصفحات اللي قبل.. الواتس اب المسن برامج الصوتيات === وسعر الجهاز كم ؟؟؟؟ وصل حد الان 1800 === انا جالكسي تاب اعجبن شكله خفيف وراقي وحجمه متوسط وعملي يعني اقدر اضعه بشنطه بسهوله وجمع بين الشكل والمكالمات علما انا ابيه لتسليه والمكالمات فقط وليس العمل ايوه تقدري ادري والله كثيره اسئلتي بس الشكوى لله ما عندي اخوان اقدر اسئلهم ودي اعرف منكم وين المكان عشان ماودي اتعب ابوي وهو ما يتحمل كثر المشاوير ووالله مالي غيركم و اقول كل من رد و ردة علي الله يفتح لك ابواب الخير ويرزقك من حيث لا يحتسب والله يجعل الجنة مثواه لا حياتس ياخيتي بأي وقت وحنا اخوانتس من الاسلام

اختي رأي انك تشترين جالكسي تاب 2 بما انه نزل
ومب غالي

[عمة صلوحي]

د. هنا

الله يجزاك خير ويرزقك من اوسع ابوابه

[عمة صلوحي]

د. هنا


طيب تكفين بسألك كيف افرق بين جالكسي تاب1 و 2 وكم سعره جالكسي تاب2

الله يوفقك

[بولوهي]

^
فيه الحين جالاكسي تاب 2 16 قيقا بـ2000 ريال تقريبا ولكنه بدون شريحة .. واللي بشريحة راح يصدر قريبا . يمكن برمضان ..

[عمة صلوحي]

بولوهي

الله يجزاك خير

[د.هنا]

اقتباس المشاركة الأساسية كتبها nada abdullah الله يعطيك العافيه اختي د.هنا انا عندي مشكله بالمتصفح واتمنى انكم تحلونه بالبداية استخدمت المتصفح اللي جاي مع نفس الجهاز, لاحظت انه بطيء بشكل مو معقول, وقريت ببعض المنتديات يمدحون متصفح الدولفين وحملته صحيح هو سريع بس بين كل فتره وفتره يهز الجهاز مره و يعلق بعد كذا يجلس خمس ثواني تقريبا ويهز مرتين ويطلع برا المتصفح او احيانا وانا اتصفح يطلع للقائمه بدون مايهز, وحملت متصفح الفايرفوكس وماقدرت اتصفح فيه لأن الصفحه ماتطلع كامله مقصوصه بالنصف,, الله يخليكم ابي حل غير الفرمته وضبط المصنع لأني محمله برامج كثيره صعبه احملهن مره ثانيه..

بالبدايه احب اطمنك ان مشكلة المتصفح مشكله جميع من يمتلكون جالكسي تاب
ولا زالت للاسف! انا نفس وضعك بالضبط لكن فيه متصفح ينصح به
اللي هو تاب توك tapatalk في الماركت

[د.هنا]

اقتباس المشاركة الأساسية كتبها غرومه هناء شوفي حملت البرنامج ع الكمبيوتر ونقلته على التاب ونفس الحكايه لكن الفرق ان الكلام صيني هذي باخر رابط تحميل حطيتيه لي ------------------------- وهالصوره كانت تطلع بنفس البرنامج لكن برابط التحميل القبلي

بسيطه..
فيه برنامج اسمه ميركوري ماسنجر البرنامج مدفوع بالماركت
وهذا رابطه
انقليه للتاب ثم ثبتيه من الملفات ..

[د.هنا]

مختارات..

ChompSMS




يساعدك هذا البرنامج على منع ازدواجية تنبيهات الرسائل النصية SMS، حيث تستطيع من خلاله ضبطه على نظام معين ليمنع تكرار تنبيهات الرسائل النصية التي تكاد تكون مملة بالنسبة لبعض مستخدمي هواتف أندرويد.

My Backwards up pro

تطبيق لا يقدر بثمن، قادر على استعادة جميع ملفاتك والأرقام والرسائل التي قمت بمسحها من على بطاقة الذاكرة في هاتفك، وذلك عن طريق عدد من الخطوات المحددة عند فتح البرنامج.






FeedR



تعديل حديث من خدمة الـ RSS المميزة والتي تطلعك على الأخبار والأنباء العاجلة. يمكنك تحميل هذا البرنامج ووضع بعض الروابط المهمة عليه، والتي بها خدمة الـ RSS ليقوم البرنامج بإبلاغك بكل ما هو جديد وعاجل




Advanced Task Killer




يقوم هذا التطبيق بإغلاق البرامج المفتوحة التي لا تريدها، ويقوم بعمل فحص شامل لأي مشكلة في البرامج ليقضي عليها، حيث يجمع البرامج المفتوحة جميعاً على سطحه لتقوم أنت بتحديد البرنامج الذي تود إغلاقه عن طريق الضغط على زر Kill فقط.