[ذيب متلطم]

السلام عليكم


أقترح هذه الشروط للصلح مع شركة المراعي:


الشرط الأول :
اعتراف شركة المراعي بخطئها الفادح وتقديم إعتذار صريح للشعب , ويتم نشر هذا الاعتراف والاعتذار في جميع وسائل الإعلام المرئية والمسموعه والمقروءة لمدة شهر كامل بشكل يومي.


الشرط الثاني:
تخفيض سعر جميع منتجاتها بنسبة ( 50% ) , إلي سعرة 7 ريال يصير بـ( 3,5 ) ريال , وهكذا جميع منتجاتها.


الشرط الثالث:
التزام المراعي بهذه الأسعر إلى الأبد.


إذا وافقت المراعي على هذه الشروط وقتها ( يمكن نفكر ) نشتري منتجاتها.


( لا تستغربون ... هذي شروط المنتصر على المهزوم )


وش رايكم ؟؟؟؟

[اسيرالصمت2011]

كلامك صحيح وهذا المطلوب اللي لازم يصير
أتمنى الكل يواصل المقاطعة لشركتي المراعي والصافي وصدقوني حنا الكسبانين وهما الخسرانين
لأن لدينا بدائل كثيرة وحلوووة وأحسن من المراعي والصافي بمراحل ويجب علينا دعم الشركات اللي وقفت معنا والشراء منها وهذا اقل شيء ممكن نقدمه لها جزاء ماعملته معنا .
وإلى الأمااااااام ولا لا لا لا للمراعي والصافي .

[خلفان]

انا والله بشتري وماعلي من احد

وبحرض كل من اعرفه على شراء منتجات المراعي وهي فعلاً منتجات ممتازة يكفي انها بديلة عن الدنمارك

و يكفي انها من بلدنا تفهم ذوقنا

[انسان من بني آدم]

اقتباس المشاركة الأساسية كتبها خلفان انا والله بشتري وماعلي من احد وبحرض كل من اعرفه على شراء منتجات المراعي وهي فعلاً منتجات ممتازة يكفي انها بديلة عن الدنمارك و يكفي انها من بلدنا تفهم ذوقنا

طبيعي دامك تاجر باهض مراح يهمك زود ريال


لاكن غيرك يتنمى ريال واحد

وحنا نقاطع من باب حديث الرسول صلى الله عليه وسلم (لايؤمن احدكم حتى يحب لاخيه مايحب لنفسه)

المفروض تقاطع عشان اخوانك اللي مايستطعون

المشكله انك تدعي التطوع في هذا المنتدى

للاسف اشكالك هم من خرب سمعت الاسلام

[الـعـابـر]

كلام صحيح
المشكلة تدري وين ؟
المشكلة ان عند المراعي انهم ماجابوا خبر مقاطعتنا و ان الرجوع للسعر القديم كان بطلب من وزارة التجارة
يعني انت يالمستهلك ما درينا عن مقاطعك
الحين لازم نستمر على المقاطعة حتى تقدم المراعي شيء تخص به المستهلك ك اعتذار او اعتراف بجدوى المقاطعة
.....
خلفان
شكلك من الي ياكل قشور الفصفص و يرمي الي بالداخل
يعني مابالسوق الا المراعي انتاج وطني !!!!!
نادك نجديه وين راحن ؟
انت نموذج زبون مناسب للمراعي

[نهوض امة]

اقتباس المشاركة الأساسية كتبها خلفان انا والله بشتري وماعلي من احد وبحرض كل من اعرفه على شراء منتجات المراعي وهي فعلاً منتجات ممتازة يكفي انها بديلة عن الدنمارك و يكفي انها من بلدنا تفهم ذوقنا

ويستمر الشذوذ في ردودك ومن قالك قاطع اشرب منها لحالك واستانس بتصير متوفرة بالبقالات قوه
نعم للمقاطعة وللابد فقد عاهدت نفسي الا ادخل جميع منتجات المراعي ماحييت

[فتاة الهدى]

جزاك الله خيرآ وبإذن الله من المقاطعات ...

اقتباس للاسف اشكالك هم من خرب سمعت الاسلام

ليس في رده مايسيء أو يخرب سمعة الدين الاسلامي
لتحكم عليه بهذا الحكم الخطير ..
مادخل عدم مقاطعته بالاساءة الى الاسلام ..
للاسف تصدرون احكاما و ترمونها على الناس جزافا ..
وكأنكم دار الافتاء..

[نويت أرحل]

الغريب من المقاطعه يوم جربنا شركات غير المراعي افضل طعم وخاصه الحليب الطازج
واللبن كنا معلقين ع المراعي من سنين لكن خلاص حتى يوم رجع سعره الاول ماراح نرجع لهم

بس المشكله بـ الفطاير مالقيت بديل غير لوزين
ومااستغني عنه خاصه بالسفر لاني ماحب المطاعم كثير وش السواة؟

[MEHWAR]

اقتباس المشاركة الأساسية كتبها من الجماعة كلام صحيح المشكلة تدري وين ؟ المشكلة ان عند المراعي انهم ماجابوا خبر مقاطعتنا و ان الرجوع للسعر القديم كان بطلب من وزارة التجارة يعني انت يالمستهلك ما درينا عن مقاطعك الحين لازم نستمر على المقاطعة حتى تقدم المراعي شيء تخص به المستهلك ك اعتذار او اعتراف بجدوى المقاطعة ..... خلفان شكلك من الي ياكل قشور الفصفص و يرمي الي بالداخل يعني مابالسوق الا المراعي انتاج وطني !!!!! نادك نجديه وين راحن ؟ انت نموذج زبون مناسب للمراعي

هع من قالك انهم ماجابوا خبرنا

ياحبيل الناس اللي ما تدري وش السالفه

كل عمر الشركات ترفع السعر والوزاره ما قالت شي

لكن هذي لعبه لعبته المراعي مادري هي تحس ان الشعب غبي الى هالدرجه او مادري ايش

وزاره ما عمرنا سمعنا عنه اي شي وينه اول ما رفعت المراعي السعر ولا بعد ما تكبدتالمراعي من خسائر

المراعي عطت راعي الوزاره كم من مليون او مليون عشان يطلع ويقرر هالقرار ذا

ولا المفروض يعاقبها بغرامه ماليه عاليه

عموما باذن الله مقاطع الى الابد ساجعلها مع المنتجات الدنمركيه بالمقطعه ( مقاطعه الى الابد )

[الـعـابـر]

اقتباس المشاركة الأساسية كتبها mehwar هع من قالك انهم ماجابوا خبرنا ياحبيل الناس اللي ما تدري وش السالفه كل عمر الشركات ترفع السعر والوزاره ما قالت شي لكن هذي لعبه لعبته المراعي مادري هي تحس ان الشعب غبي الى هالدرجه او مادري ايش وزاره ما عمرنا سمعنا عنه اي شي وينه اول ما رفعت المراعي السعر ولا بعد ما تكبدتالمراعي من خسائر المراعي عطت راعي الوزاره كم من مليون او مليون عشان يطلع ويقرر هالقرار ذا ولا المفروض يعاقبها بغرامه ماليه عاليه عموما باذن الله مقاطع الى الابد ساجعلها مع المنتجات الدنمركيه بالمقطعه ( مقاطعه الى الابد )

اخي الكريم ممكن تفهم قبل ما ترد ؟
ترى عادي تطلب توضيح إذا ما فهمت
انا اقول

اقتباس المشكلة ان عند المراعي انهم

يعني بنظرهم هم .. بتصريحاتهم هم
وليس بنظري انا  

[ذيب متلطم]

اقتباس المشاركة الأساسية كتبها خلفان انا والله بشتري وماعلي من احد وبحرض كل من اعرفه على شراء منتجات المراعي وهي فعلاً منتجات ممتازة يكفي انها بديلة عن الدنمارك و يكفي انها من بلدنا تفهم ذوقنا

بالعافيه على قلبك

وإن بغيت اشتر الجالون بمليون ريال

وتذكر ......

( المقاطعه لا تحمي المغفلين )

[خوي خوي آلوحيد.]

[QUOTE=فتاة الهدى;3081650]جزاك الله خيرآ وبإذن الله من المقاطعات ...



ليس في رده مايسيء أو يخرب سمعة الدين الاسلامي
لتحكم عليه بهذا الحكم الخطير ..
مادخل عدم مقاطعته بالاساءة الى الاسلام ..
للاسف تصدرون احكاما و ترمونها على الناس جزافا ..
وكأنكم دار الافتاء..[/QUO

إلا مخرب سمعة الإسلام ونص وين قول الرسول صلى الله عليه وسلم (( لا يؤمن أحدكم حتى يحب لأخيه ما يحب لنفسه )) وهو بذلك خالف قوله صلى الله عليه وسلم بأن لم يراعي من هم فقراء من المسلمين وشجع على مخالفة الحديث وبذلك تصبح صورة الإسلام سيئة بالنسبة لغير المسلمين

[الزلزال الكبير]

اشكرك ع الموضوع يالغالي ,,

هههه الشرط الثاني ويتبعه الثالث ماتلاحظ انه قويه ؟؟ اتوقع تعلن افلاسه نهائيا ,,ولا تخفض بنسبة 50%

وجهة نظر لا اقل ولا اكثر

[أبورامي]

كلامك مزبوط نبيهم يوزعونه ببلاش ويمكن نفكر نآخذه