[ام لسانين]

السلام عليكم ورحمه الله وبركاته ::

بصراحه انا مستغربه قووووه بالعاده الشام شامك مشوياته لذيذه وماهي بايته


تجيكم السالفه اول شي انا امس شسموه صرت عازمه خوياتي ومير اطلب من الشام شامك مشويات وياليتني ماشريت كرم لله النعمه تاخر علي واخر شي بايت انا مادري وراه تسذا طعموه فشلت عند البنات واتصل عليهم اقول وراه المشويات بايت وتقل مسوووا له سبوع تعال خذوه مابيه مادريت الا وسكرت السماعه ( بالله يعني عشاننا طالبين من البيت تجيبون لنا الخايس عندكممم)

نــــــــــــــصيـــــــــــــحه لحد يطلب من بيته ازين يروح الواحدد لهم عشان يخافون

[إليـن اليـوم..!]

غريبـة بالعادة آلشآم شآمك لآ يعلـى عليه!!

وتعــآأمل موضفينـــه جدآ رآقي!!!

[ام لسانين]

اقتباس المشاركة الأساسية كتبها إليـن اليـوم..! غريبـة بالعادة آلشآم شآمك لآ يعلـى عليه!! وتعــآأمل موضفينـــه جدآ رآقي!!!

صادز

يمكن عشانه حرمه اللي تطلب وبالبيت مايهتمون لها

[شوكولاتهw]

سوي حركه تقهرهم - مثلا-09

دقي عليهم واطلبي فوق ال200ريال ووصفيلهم مسجد بحي انقع:

كذا تصير وحده بوحده والبادي اظلم

[إليـن اليـوم..!]

8


آلحمد لله والشكـر على التفكيـر!!!

ي آأخي وش الله حآدك!!! ررجعوا الاكل لهم او لآ عمركم تطلبون منـه!!

لكن مسالة تقول الحركة هذي!!! مو زينــة ابدآ ابدآ ابدآ مع احترآأمي لك!!! وماهي حل!!

[ام البنات99]

اقتباس المشاركة الأساسية كتبها شوكولاتهw سوي حركه تقهرهم - مثلا-09 دقي عليهم واطلبي فوق ال200ريال ووصفيلهم مسجد بحي انقع: كذا تصير وحده بوحده والبادي اظلم

هههههههههههههههههههههه

قسم بالله انك جبته صح

[ام لسانين]

اقتباس المشاركة الأساسية كتبها شوكولاتهw سوي حركه تقهرهم - مثلا-09 دقي عليهم واطلبي فوق ال200ريال ووصفيلهم مسجد بحي انقع: كذا تصير وحده بوحده والبادي اظلم

والله مهيب شينه ابطلب من جوال جدي واذا وصفت لوه وجى حول المكان اللي دليتوه عليه ودق ابخلي جدي يرد ويقول وش تبي انت انزلع لا بارك الله فيك جدي يصير مايدري وش السالفه يحسبوه احد يلعب هههههههههههههههههههههههههههههههههههههههههههههههههه ههههههههههههههههههههههههه

[ريلانو]

منحينه ولله شين تكرم النعمه كموون اصرف ..
وعموما كل اللي يطلبون من البيت يجي بايت
شيي يقهرر ..

[ممدوح الطرس]

[color="orange"]

الله يكون بالعون

[/color]

[عيار]

ماليين اللحم هيل علشان يضيعون نكهته الخايسه
نصيحه
اهم شي بالدنيا صحتك لذلك لا تدخل معدتك اكل الا من مكان تاثق فيه
وصراحه لا يمكن الوثوق باي مطعم لا يضمن لحمه ودجاجه عدا مطاعم المندي
مره شريت شيش طاووق الالياف الي باللحم حسستني انهن الدجاج الي يعدمن في مزارع الدواجن
الدجاج الي يستخدم في انتاج البيض واذا قطت يتم اعدامه
يقالي حريص ماشريت كباب دجاج علشان خايف من جلد الدجاجه يفرم مع اللحم
طلع شيش الطاووق اخس من الكباب

[buraydah]

اختي الكريمة ام لسانين والاخوة الكرام ، يجب علينا ذكر الحق ونقول للمحسن أحسنت ، فمثل هذا المطعم المشهور والمعروف في بريدة لايمكن أن يصل إلى درجة الإسائة للزبون أو فوات الطعام ، فأصحاب المحل حريصين كل الحرص على المحل وعلى نوعية اللحوم وجودة المشاوي وعلى نظافة العاملين ، وحتى وقت التوصيل للمنازل فكل هذا مجرّب من عندهم والحمد لله من أفضل المطاعم على مستوى بريدة .. أرجوا أن تصححي معلوماتك فقد يكون الخطأ من عندك بتخزين العشاء حتى فواته ..

[(ابو علي)]

أين حماية المستهلك

[شاطي الغروب]

اقتباس المشاركة الأساسية كتبها buraydah اختي الكريمة ام لسانين والاخوة الكرام ، يجب علينا ذكر الحق ونقول للمحسن أحسنت ، فمثل هذا المطعم المشهور والمعروف في بريدة لايمكن أن يصل إلى درجة الإسائة للزبون أو فوات الطعام ، فأصحاب المحل حريصين كل الحرص على المحل وعلى نوعية اللحوم وجودة المشاوي وعلى نظافة العاملين ، وحتى وقت التوصيل للمنازل فكل هذا مجرّب من عندهم والحمد لله من أفضل المطاعم على مستوى بريدة .. أرجوا أن تصححي معلوماتك فقد يكون الخطأ من عندك بتخزين العشاء حتى فواته ..

شكلهم معطينك نسبة
انا طلبت منهم قبل سنتين وإلى يومك الحمدلله ماوقفت عليهم
واللبيب بالاشارة يفهم

[MEA]

صراحه اول شغلهم ازين