[المحتار111]

السلام عليكم ورحمة الله

استغرب من موضوع نزل عن السعوديين الي يشتغلون في المحلات وان البنات ضدهم

وحبيت اقول كلمه في موضوع ابي كلن يشوفه

اول شي ابي يكون عندنا شعار (( لانشتري الا من محل في بائع سعودي ))

وصحيح ان فيه بعض قليل من الشباب انه ماعنده مهارات في التسويق والبيع بس لازم نتحملهم شوي الي مايعرفون لانه يجيك اليماني من ديرته مايعرف شي ويتعلم عندنا الى يطلع محترف

مع ان في شباب اشوفهم قمه في مهارات التسويق والبيع واذا تبي تشوفهم روح للسوق الداخلي والعثيم وساكو وكثر من الاماكن التسوق تبي تشوف شباب مبدع في التسويق والبيع

وبنسبه للسباب الي تخليك تشتري من سعودي
1- ابن بلدك (الأقربون أولى بالمعروف)
2- تشجيع الشباب على العمل لا تطفيشهم
3- اعانه الشباب على اكتساب الخبر في العمل التجاري
4- اكتساب دراهم
5- الابتعاد عن الدوران والجلسات الغير مفيده
والاسباب كثيره

واعرف شباب كثير توظفو في محلات والان تزوجو وسترو على انفسهم وعلى زوجاتهم

وخل يصير شعارنا (( لانشتري الا من محل في بائع سعودي ))

وشكرا

[حبيبتهم]

الله يعطيك العافيه أخوي

وترا اغلب ردود البنات بذاك الموضوع مؤيده للشباب السعودي اكثر من الاجنبي ..

السعودي يظل محترم وذوق بالتعامل اكثر من الاجنبي وغير كذا ابن ديرتي

وبالنسبه لي اكره شيء عندي ادخل محل اللي يبيعون فيه من الجنسيه اليمنيه
حتى لو حاجتي بذا المحل ماأدخله ..


ارجع واقول نبي كل اللي يبيعون بالمحلات سعوديين مانبي اجانب او يمنيين ..

[دينـآ]

بالعكس انا شخصياَ مع السعودي
هو اولى من الاجأنب اللي يجبونهم

[المحتار111]

اقتباس المشاركة الأساسية كتبها حبيبتهم الله يعطيك العافيه أخوي وترا اغلب ردود البنات بذاك الموضوع مؤيده للشباب السعودي اكثر من الاجنبي .. السعودي يظل محترم وذوق بالتعامل اكثر من الاجنبي وغير كذا ابن ديرتي وبالنسبه لي اكره شيء عندي ادخل محل اللي يبيعون فيه من الجنسيه اليمنيه حتى لو حاجتي بذا المحل ماأدخله .. ارجع واقول نبي كل اللي يبيعون بالمحلات سعوديين مانبي اجانب او يمنيين ..

كفووو

[المحتار111]

اقتباس المشاركة الأساسية كتبها دينـآ بالعكس انا شخصياَ مع السعودي هو اولى من الاجأنب اللي يجبونهم

كفو .

[أم الوليد]

من تجربتي
أنا شاهدت نماذج للشباب السعودي الواعد
شاهدتهم في محل مذركير لملابس الأطفال في النخيل بلازا
قمة في الوعي ومعاملة الزبونة باحترام وصبر والله يوفق الشباب السعودي لكل خير

[Leader.20]

الصراحة أشوف الشباب السعوديين اللي بالنخيل قمة في الاحترام والذوق
وعمليين وكثير أرتاح لهم إذا دخلت محل مع الاهل وأحصلهم

الله ييسر أمورهم ويوفقهم لكل خير

[شــموـوـوخ]

بالعكسسسس السعوديين اخلااااااااااق
مستحيييل يجدع كلمات او ششي مثل السوري وغيره
انا مع الموووظفين السعودييين

[عمر الزهور]

السلام عليكم ورحمة الله وبركاته

اخوي والله العظيم حنا مو ضد الشباب السعوووووودي ابد بالعكس معهم وبقوووووووووووووووووووووووووووووه
وقسم بالله انه امنيه عندي اني اروح السوق واللاقي كل اللي يشتغون فيه سعوديين بس الشي اللي يقهرررررررر ان بعض الموظفين السعوديين مايحاولون يطورون انفسهم وبعكس الاجنبي يحاول يطور نفسه ويجتهد لين يتمكن ويوصل لاعلى منصب ...

اتمنى من كل موظف سعودي يطور من نفسه ومهاراته ويفرض شخصيته على الاجنبي ويحسسه انه هو احق منه بالوظيفه لان الديره ديرته وهو احق بكل شي به من الاجنبي ووالله العظيم اننا نفرح بشوفة الموظفين السعوديين ونتمى لهم كل خير والشي اللي يفرح لارحت لم هرفي وشفت الموظفين كلهم سعوديين والله انه ينشرح صدرك وتفرح وتمنى لهم كل خير .....
مره رحنا مع اخوي نطلب بالسيارة من هرفي اللي بالراشديات ترى توصيف حريم مادري يمكن الراشديات اوقريب له المهم ويطلع شاب سعودي لين السيارة وقمه بالاحترام سم وامر ان شاء الله ثواني والطلب جاهز ويكتب الطلب وماشاء الله مثل ماقال ماابطينا الاوالطلب جاهز والنفس ماشاء الله تبارك الله الصراحه شي يشرح الصدر موب مثل الاجنبي اللي يكد عليك تقل طالبينه الجنه ..

وياريت ندعم كل محل يوظف سعوديين واولهم هرفي واللي يعرف محلات توظف سعوديين يكتبهن ونتعاون مع بعض لين الله يقدرنا على الاجانب وتزيد نسبة السعودة وتكون اقل شي يعني امنيه توصل لو سبعين بالميه والله مافيه شي صعب حنا نتعاون مع بعض وكل فرد بمجتمعنا يأثر ادعموهم بكل شي تقدرون عليه والله بالنهايه نوصل للي نبيه هذي ديرتنا وعيالنا اولا من الغريب ...............

[ممدوح الطرس]

الله يعطيك العافيه أخوي
لكن اقول يقاطعون سواء ولد البلد او الوافد نطالب بالنساء للبيع بشروط

[بنت كفو]

مرة صار لي موقف بمحل اجهزة الي يبيع فيه سعوديين ، حسيت الرجل السعودي أناني وفيه حسد ،
ويمكن تستغربون من كلامي لكن هذا الصدق ،
بعضهم يخليك تكره السعودي بسببه .

[قمه افرست]

انا شفت اللي بالعثيم كلهم زينين والمفروض انه ماتعم لهم كلهم اذا واحد غلط وش دخل الباقين واحسن من هاليمنين اللي يشغلوننا بالقرق بس مشكله اللباس يلبسون جنز وتيشرت طيب انا وشلون اعرف اذا هو زبون ولا البياع
يعني لو يكون لباسهم موحد مثل اللي بمانقو خاصه اذا صارو كثارين
والله يوفقهم

[trke]

5- الابتعاد عن الدوران والجلسات الغير مفيده
هههههههههههههه
الدوران منتب مفتك منه امسح من راسك قسم بالله فيه عساكر تدور بعد التسليم شلون تبي اللي يشتغل باليوم 4 او8ساعات مايدور
بصراحة كل كلامك صحيح بس شفت شي اسمه دوران قلت ابعطيه المعلومه فقط

[رنيم2]

لابلعكس انا اول مره اشوف سعوديين بالعثيم احسن من اليمني ينشب بلحلق كانه مافيه محل غيره ابضاعتوه هي الي مافي مثلها يقهر<<<<بسسس لبسهم المفروض يلبس لبس رسمي عشان ندري انه يبع احسبهم يشترون