[معلم مغترب]

اقتباس المشاركة الأساسية كتبها المنخرش واحنا هنا ذابحنا النفاق عندنا نفااااااق دسم نفاق عينك عينك نفاق وضوح الشمس نافقني وانافقك يكفي ياعالم يكفي والله عيب وربي عيب تسوي النون ومايعلمون خارج منطقته واذا جا لديرته خلاص تقي نقي وهو في نفسه وده بالشي الفلاني لكن يقول لا وش يقولون عن الناس خلنا ننافق معهم

وصلت بك يالمنخرش تتهمنا بالنفاق
وا ننا نسوي نون وما يعلمون كلا يشوف الناس بعين طبعه

حنا مهوب منافقين ولو تعرف تعريف النفاق وحكمه وحكم من يتهم الناس فيه ما قلته


في احد الردود قلت عنا متخلفين وقلت معقدين

يارجال وش بقيت ما اتهمتنا به

الله يهديك ارفل في اختيار كلماتك وتوزيع اتهماتك


والمصيبه تطالب في سينما وخرابيط


الله يهديك غصب عليك

اقتباس السينما والله وربي سيدخل السعوديه قريبا وسيدخل بهدوء وستتبناه قناة ام بي سي او غيرها من هالقنوات الداشرة وسيدخل كل منطقة لن ولن ولن تستطيعوا منعه استحاله وربي استحاله والله استحاله

استغفر الله تقسم على الله تعالى على امر غيبي علمه عند الله ؟؟؟؟؟؟

هذا تدخل في امور علم الغيب لا يعلمها الا الله

سبحان الله كيف تجزم على هذا الكلام ؟ هذا يسمى اعتداء وتجاوز

لا وكاتب التفاصيل من يبي يتبناه ويحلف ويحلف على عجزنا على منعه
المنخرش الله يهديك قل خيرا او اصمت وتفائلوا بالخير تجدوه

وان شاء الله تعالى يحفظ بلدنا من توقعات المتشائمين امثالك بخرابه والجازمين بذلك

اركد الله يهديك

[قائد المجد]

اخي العزيز ارجو ان تطرح الحلول والطرق المناسبة
نحن في انتظارك...

[قــــراقــــوش]

أخوي المنخرش كلامك والله عين الصواب كله وأوافقك عليه كله

أخواني ..

بخصوص السينما ولاهو خروج عن نقطة البحث كما قال أخوي المنخرش داخلة داخلة والي يقول هذا تجاوز وتدخل بعلم الغيب ... فأعتقد أنه اما جاهل أو مكابر ووشلون ربط السالفة ..
الرجل شايف له مقدمات انها تبي تدخل وتوقع وجزم بدخولها وأنا معه فيما قال..

أما العيد ببريده.
فليس له طعم وعذرهم بالالعاب النارية أقبح من ذنب..

العام الماضي والي قبلة والي قبلة والي قبلة كلها حروب وأزمات .. فلماذا لم تمنع الالعاب النارية ..!!
السلمان وما أدراك مالسلمان بالعربي الفصيح " يصرفكم"..

ولكم تحياتي.

[حوت البئر]

الحمدلله لنا ثلاثين سنة نتعيّد وحنا مرتاحين ولافيه اشكال بلا طهبلة بلا خربطة

[الصريح جدا]

بالنسبة لي انا عيدت في دبي وجوها وعيدها كان الاروع مرة اربع ايام كأنها يوم واحد ما اجملها من ايام
موالات ( طبعاً عادي يدخلون الشباب يعني مو عوائل ) والقرية الثلجيه والمائية وبرج خليفه وبرج العرب والنافوره الراقصه وشعبها طيب جداً ويااكثر الشعب السعودي هونيك من عوائل وشباب والوناسه فاقعه وجيههم


الا نبي بحر عندنا في بريده ما يقدرون يسحبون من البحر الاحمر ؟؟؟؟

كل الود لك يا صاحب الموضوع

[برفسور ملتمس]

طبعاا ً.. أنا أعارض على أغلب الموضوع والردود والأسباب :

1) بريدة يعتبرها الكثير مدينة محافظة وتختلف عن باقي المدن ببساطتها وعدم انفتاح أهاليها وهي مكان استجمام ديني وتربوي تمسكت بالعادات والتقاليد من القدم والتي ميزتها عن مناطق المملكة بل حتى عن محافظاتها ، فإذا صار فيها سينماء وطهبلة ومهرجانات تصل إلى حد الدعارة ، فماصارت بريدة ولا صار فيها راحة بال ، وصرنا متساوين مع باقي المناطق .

2) أذا وجد السينماء والمهرجانات اللاذعة وياليت تدققون على اللاذعة " والله لايقولها " في بريدة ، من الطبيعي راح يؤثر على المدينة اقتصادياً واجتماعياً .. فمو ناقصين والي يقول تبي تصير نقوله ماصار الحين ولو صار بيحط بالرياض وبجدة والشرقية وبعد 100 سنة يجينا والله يطول بأعمارنا ..!

3) جرت العادة أن الشيء القريب غير مرغوب فالسفر إلى مكان آخر لتغير الجو وأمكان الترفيه يحدث اثراً كبيراً وتغيراً جذرياً حتى لو كان إلى مكان صحراوي ناهيك وبالعامية : أن بريدة لو تحط مهرجان أهله مايطبونه والسبب هههه مايبون يشوفون بعض ، وهذي معروفة فبيكون مهبط للمحافظات والمناطق المجاورة ..

ملاحظة : أتفق بوجود المفرقعات وفرحة العيد التي كل عام وبحدود عاداتنا ، لكي نحافظ على بريدة التي وصفها حتى الأجانب راحة البال ..

[كبرياء الجرح]

اول شي..بسم الله الرحمن الرحيم..

اخوي المنخرش..كل عام وانت بخير

بالنسبه للعيد انت تقول بريده عزاء ومادري ايش..

بالعكس انت ماشهدت النهضه والحفل الي به يوم العيد..
مع احترامي لاهل جده..

وبعدين بريده معروفين بيوم العيد استراحات واجتماعات..
ومايهتمون للمهرجنات..

جده اتوقع ماعندهم عيد استراحات وكدا عيدهم الشاطئ والملاهي وكدا..

وكل مدينه وله عوايده الخاصه..

تحياتي..

[المنخرش]

أهلاً وسهلا ومرحباً

عدنا لكم ..

أرى الردود فيها زيادة إصرار على الإصرار سواء مخالف او موافق
والشغل ليست أنني متمسك برأيي .. إنما أنا ولد بريدة ومن حقي أتكلم بما أراه مناسب وصحيح لديرتي وموطن مولدي
أنتقدها لأني أحبها وأريد لها كل خير

ولو كانت لاتعني لي شي كما يقول البعض .. إذا ليش أكلف نفسي وأتعب وأرد وأتحمس ؟
كان بالعكس يعجبني هالوضع والسلام

اقتباس المشاركة الأساسية كتبها نوره العلي هذ العيد الي يفتح النفس مو بالقصيم حمدلله وشكر تشدد ونفسيات

مرحبتين نورة
وحياك ربي

اقتباس المشاركة الأساسية كتبها قــــراقــــوش أخوي المنخرش ... أنا معك بكل ماقلت .. والناس وناسة وألعاب نارية وعادي وأنت شاب تلعب وتمرح بالحديقة.. أما في الجنة اححح أقصد بريده "" لأن بعضهم يحسبها جنة"" لو يشوفونك تركض أو " تهرول" بالحديقة انقدوا عليك يقولون كبير ويركض ومع أن في جده والرياض والمدن المتطورة عنا بكثير اااادي الشي عندهم.. أما هنا الاحتفالات ياربي لك الحمد ماودك تروح لها... وان شاء الله سيكون الفرج قريبا.. أشكرك سيدي .. وتقبل ودي ..

يبدوا أن حفيد عقيل أبونا فهمك غلط ولا ألوم الرجل وكلنا ذاك الرجل ..

وفهمت قدك ياغالي وقد رددت عليه في ردي السابق .. أن ولد بريدة شفه إذا خرج خارجها ماذا يفعل .. يسوي كل شي ولكن في بريدة لا .. ينقدون علي .. وش يقولون عن .. اخاف يهوشونن

اقتباس المشاركة الأساسية كتبها شنتر ابن عداد مهما كان عيد بريده فهووو عزيز علي قلوبنا العيد نوم هذا عيد بريده وش تبون نسوي نروح نسوي مظاهرات عند البلديه نقول حطو لنا محل احتفالات بالعيد

لا مايحتاج مظاهرات
المنتديات والبرامج هي من توصل أصواتنا

اقتباس المشاركة الأساسية كتبها حفيد اعقيل . . إذ كانت بريـدة لاتعني لك شـئياً وأنا أعلم ذلك , فإنا والله إنه يجري حبها في دمائنا لك الحق أن تمدح ماشئت من المدن فهذا شأنك , أما أن تسئ لمدينتنا وفي منتدى يمثلها وكان الأحرى أن يقدم فيه صورة مشرقة عن هذه المدينة أنت بالغت بالإساءة ولن نغفرها لك حينما قلت الجنة سـاخراً ومستهزءاً وأنا أقول من أين أتيت أنت ؟؟ هي والله عندنا من جنان الأرض .. لاأدري لماذا إذا أراد أحدنا أن يتحدث عن موضوع راق له فإنه لابد أن يقحم بريدة فيه . .

حبيبي

ولأجل ذلك وضعت هذا الموضوع لنرتقي
شكراً قلبي

اقتباس المشاركة الأساسية كتبها ممدوح الطرس كلام سليم 100%

تشرفت

اقتباس المشاركة الأساسية كتبها انكساري شموخي والله انك صادق هذا من الدهر الي بهم والقراده وحبهم للقروش لا بعد نفطر وننام من الكسل وان كان الحين منجميعين الرجال بالعيد ذا العيد الجاي ما فيه تجمع اشكرك على موضوعك الصريح والي يعكس عيد الاغلبيه

صحيح .. كالعزاء بالزبط ..
وهذا مانحن عليه ايضاً

اقتباس المشاركة الأساسية كتبها دفا. طبعا رأيك احترمه وكل المشاركات مفترض تحترم من الجميع لان المواضيع تطرح للنقاش وليس للاتهام كما يفهمها البعض ويبداء مسلسل الحذف والايقاف \ \ \ \ بالنسبه للمهرجانات بالعكس بريده هذه السنه توقفت عن الاحتفالات لاسباب انسانيه فكيف تحتفل على انغام ومصائب اخواننا مثلا في الصومال واخواننا يقتلون في سوريا وليبيا لازالوا في محن ومصر العزيزه بمعنى العالم الاسلامي جسد واحد \ \ \ إذآ الاحتفالات توقفت لاسباب انسانية فالمؤمن يفرح لفرح اخوانه ويحزن لحزن اخوانه \ \ \ هنا رأيت ان اذكر سبب توقف المهرجانات فالعتب المفروض يكون على أهل جـــــــــــــــــــــــدة كيف تستأنف المهرجانات على انغام وحزن اخواننا المسلمين اما مبداء الاحتفال فكلما توافق مع الشرع فهو مطلوب فالفرح في العيد من العبادة اي انك تظهر الفرح والسرور فالوسائل سواء مهرجانات او اجتماعات اسريه هي وسائل تعبيرية لاحياء شعيرة فرحة العيد الاهم ان تتوافق مع الشريعة ومسئلة المحاذير الشرعية المفترض هي الاساس وهي من مهام ومسؤولية من يقوم بتنظيم تلك الوسائل فكلكم مسؤول عن رعيته على العموم اشكر لك طرحك للموضوع ويكفي ان في النقاش ادراك ووعي

غريبة ؟

هل يعقل أن فلسطين مهب أخواننا ؟
أو العراق ؟

ليش أحتفلتوا العام ؟
وفلسطين تقتل ؟ والافغان والعراق ؟

أو ذولاك قديمين ؟ عجبي والله

لا وتشرهون على جدة ؟ والله بكل جدية ..شي غريب وربي

يعني فعلاً عزاء
حتى بيوم العيد مانفرح ؟
والله وضعه لنا للفرح

وكان الرسول صلى الله عليه وسلم يفرح فيه ويفرح الصبيه والنساء

ولما كان يدق الدف قال رسول الله انه يوم عيد

يعني صرتوا أحسن من الرسول ؟
يوم واحد فقط في السنه ولازلتوا تحاربون وتقتلون الفرحة بأعذار واهيه
ولا ألوم السلما نبصراحة لما صرح بالأعذار القبيحه
لأنه وجد من يستقبلها ويصدقها


آسف لكن شي لايدخل العقل وفيها تعارض كبير جداً

اقتباس المشاركة الأساسية كتبها خطوط ابداع الحممدلله حنا بنعمه كبيره .. وهذا طبع ابن آدم يشوف دايم الي اعلى منه ويتذمر فلو انه شاف الي اقل منه وحمد ربي على النعمه الي هو فيها كــآن أحسسن .. ...,

نحمد الله ونشكره على ما أعطانا ولكن ولله الحمد نحن لم نعترض عن قدر أو مشكلة إلهية أو أعتراض على شي مستحيل

شغله فيها حلال وانبساط وفرح .. ؟

أجل ليش مانتذكر اللي أقل مننا ولانشتري أثواب جديده للعيد ولا نفرح ونذكر بعضنا بألاتضحك ولا تشتري الجديد لأنه لك ناس أقل منك خف ربك واتق الله في نفسك يامن لبس الجديد واخوانك لايجدون ما يأكلون

اقتباس المشاركة الأساسية كتبها رهين الذكريات موضوع في الصميم شكرا لك

حياااااااااااك ربي

اقتباس المشاركة الأساسية كتبها بريداوي 7 مشكور أخوي المنخرش .... على الموضوع الرائع أخوي كيف يصير عندنا عيد مثل جدة أو الرياض أو الشرقية وحنا لا منتزهات حلوه ولا ملاهي وغيرها منتزة الحضاري والله أنواع الملل فيها ولا تقول ملاهي النخيل حوشنا أكبر منها حتى أخواني الصغار يضحكون لو قلتلهم نروح للملاهي النخيل ...

بهذي صدقت وربي

منتزهات كلها شوك وفي ظلام ومكان غبص

والملاهي نصفها مغلقه واللمبات مغلقة ومتكسرة والألعاب سرقة على قدم وساق وفي الرمق الأخير

فعلاً لاتوجد مؤهلات أبداً أبداً لايوجد أساس لها ولم يفكروا حتى فيها

أحسب الشرقية كم فيها من مدينة ألعاب
جده لولم تكن فيها إلا ملاهي الشلال لكفا

فضلا عن الفنادق والمتنزهات والملاهيات الأخرى

كذلك الشرقية

الرياض على أقل تقدير

هل ينقصنا مال؟ صناع ؟ أفكار ؟ مواقع ؟ أراضي ؟

كل شي متوفر لكن للأسف ...

اقتباس المشاركة الأساسية كتبها جرماني ههههههههـ احلى ما بالعيد انك تنام لين العشاء محد يقومك يقول المغرب قم افطر

انتبه لايجون يطبون ببطنك
قلهم أنك تنام للمغرب بس تقوم تصلي وترجع .. ولا والله ماتسلم منهم
لأنه لازم تعلمهم وش تسوي بالحرف الواحد ولا ترا تصير كافر

اقتباس المشاركة الأساسية كتبها ام البنات99 صدقت والله بريده منفيه من الفرح باالعيد العيد فرح واعلان والمفروض يكون غير وبنسبه لقولهم الظروف لدول المجاوره الحمدلله حنا ماشلنا رشاشات ورحنا نحارب ضدهم ولادعينا عليهم باالعكس كل رمضان والمساجد تدعي لهم والله يقبل ومن عمر الدنيا فلسطين يذبحون مامنعهم من الفرح وبعدين هذا عيد لازم الفرح والتغير شوفو بااليوم الوطني وش يسووون انواع الهبال مادرو عن احد

هذا عين الصواب

اليوم الوطني
فيه تكسير ورقص وخراب وتبذير وإسراف ..
كيف سمحوا لهذا إذا ؟ والعيد لا

لكن أكتشفت شي أنا


إذا جاء اليوم الوطني .. الحروب توقف لين يخلص اليوم الوطني .. همن ترجع الحروب
أما في العيد ماتوقف فعشان كذا الناس ماتبي احتفال عشان اخوانهم يقتلون

اقتباس المشاركة الأساسية كتبها جرماني مربوش (اللي كاتب الموضوع نكك كيذا) قدام قدام عليك بهم

اقتباس المشاركة الأساسية كتبها أخر حروفي الله يخلينا بريده بس لو حنا بعزاء اهم شي الصحه والعافيه

أيضاً مافيه تعرض مع الصحه والسلامه .. أيضاً الفرحه والبهجه والوناسة

اقتباس المشاركة الأساسية كتبها قلب من ألماس غالبية العوائل أحتفالهم عائلي فقط منهم مايسوونه ليلة العيد او صبح العيد او بالليل وبعدين يروح نصف اليوم نوووم

طيب حلو هذولا غسلوا ايدهم من المهرجان وخلوها عائلية
طيب اللي عندهم شايب ولاعجوز بالعائلة

صجيتنا وازعجتنا .. وين يروحون البزران والبنات والعيال ؟

اقتباس المشاركة الأساسية كتبها كاسبر القصيم والله درر وكلامك سليم بس كل شي عند التجاااااار جيدين برفع الاسعار

والله ليست قضية تجار .. إنما قضية أكل أموال ونهب باسم الدين وعدم الازعاج

ماشاء الله خايفين عليهم من نسمة الإزعاج وهم مسوين حفريات خطر على الأوادم بكبرها مو ازعاج وبس ..
يارجل الشق أكبر من الرقعه

اقتباس المشاركة الأساسية كتبها عزتي في شموخي والله ياخوي معاك حق بكل كلمه قلته ولا حد يجي يتفلسف علينا لا بريده حلوه اقول ماعندك سالفه ابد لان لو تعايد بره بريده كن تكره اليوم اللي جلست فيه ببريده والله اللي خالقتني اني اتكلم من الحره اللي فني ابي نستناس نفس جده ولا بتلفزون جايبن احتفلات المناطق عاد احتفال منطق بريده مشفر هع <<علي قولت وحده من الا عضاء لو يحلتون جثه ماحد درو عنها انتهي عيدنا الصباح نبي نستناس طلعنا مافي تقل بعزاء<<طبعن هذي معانتن مع كل عيد يارب لك الحمد رحنا بمسطحات الاستاذ قسم ضيقه ذبحتني ابو اونس نفسي عجزت اقول يالله ان شالله الحين بطلقون العاب ناريه للاسف ماصار فيه العاب ناريه بسبب السلمان الله يسامحه وين رحنا للعثيم والله لو تشوفن الدور الثاني جمهوريه مصر العربيه ترحب بك انا امشي احس نفسي غريبه بينهم تفشلت من جد مافي سعودين الا نااااااااااادرن جدا والعثيم تحس انك بعزاء ياناس نبي نصير مثل احتفالات العالم فعلن مره من السنين سافرنا بالعيد لجده ثاني عيد وكانك باول عيدد مافاتك شي متي قريده اقصد بريده تطور<<بس لو يخلوني ا نضم الحفل ياسلام كن تدعو لي ليل ونهار اخلي بكل شارع حفل حتي بالخبيب عشان الهنود يستناسو مو يصير مثلي مايدور وين تعيد المفروض العيد يصير مثل اليوم وطني لا بعد 3 ايام وناسه والله خساره بس من جد ربي يجزك الف خير علي الموضوع اول موضوع بحايتي يعجني

اقتباس متي قريده اقصد بريده تطور

بريدة لن ولن تتطور مادام فيها مثل السلمان واشكاله ..
بل ننعكس على أم التخلف وعلى أصوله وعلى أشده


تخلف .. معنا تخلف للي مايعرفها .. أنا الناس سوت ووصلت واحتفلت وانبسطوا واحنا تخلفنا عن الركب وصرنا بمؤخرة القافلة .. مع أننا نملك كل مايجعلنا في الأولين



اصلاً

يحاولون يسكتون الموضوع

جائو للدين مالقيوا من يفتيهم بالحرمه وأن الاحتفال لاشيء فيه ويوم عيد
حاولوا مافيه حل
السنه هذي لفو على المرضى والصائمين يعني علها تمشي وتلعب عليهم

والعالم تصدق هههههههه



أحد الشباب في مكة .. لا أعرفه بصراحة لكن سمعت منه كلمة ألقاها على صاحبه وقال
(مطوع بريده)

حتى كلمة بريده ينطقها

بِريده

يكسر الباء ويخفف الراء هههههههه

رحت لمه ومسكت الرجل وقلتله ليش قلتله مطوع بريده

قال يقول لاتمسي بنعالك في الحرم لازم تفصخها حرام تلبسها

ههههههه

صرنا مصخره وربي ( ع فكرة هو مايعرف إني من بريدة او من القصيم عموماً)

اقتباس المشاركة الأساسية كتبها أبو إياس بكل صراحة ،، الأعياد والزواجات عندنا لاتفرق عن مراسم العزاء إلا أن العزاء مايقال لك عند السلام " هذي الساعة المباركة اللي شفناك فيها " وأذكر إن أشرت للكلام هذا في موضوع لك أخي المنخرش عن المحرمات التي أصلها العادت دون دليل شرعي . بل حتى الدف الذي أباحه الشرع في الاعياد وفي الزواجات أصبح محرماعند كثير من النساء لدرجة إنها تتورع عن العرس اللي فيه دف لكن تبيح لنفسها الحش بالناس والقيل والقال وشفتي فلانة وشفتي علانه ،،

بالمقص

صحيح وأنا اشكرك ياغالي من كل قلبي وأشكر لك إشادتك ياغالي



كواحده من الحريم الكبار تكلم بالتفلون وتحش وتحش وتحش ومن ضمنها سألتها زميلتها عن سبب تغيبها عن الزواج وقالت بسم الله علي حاطين دف او طق الله لايخسف بنا


هذا أحد رموز وعناوين الكثير الكثير من مجتمعات بريدة إلى من رحم الله ..
يستهين بالغيبة وكأنها شي عادي

آسف عن الخروج للموضوع


شكرا لك يالغلا

اقتباس المشاركة الأساسية كتبها خالديه هيبه كل سنه المنظمين المهرجان يقولون حضور بريده ضعيف وراه يوم امنع السنه ..اهل بريده سووا شوشره ولجه...؟ ~ ~ يااليت تكون عندنا مثل مهرجانات دبي وجده وغيره بس نبيها محافظه مانبي مثل جده كأنه بااوروبا استغفرالله لكن تكلف مبالغ طائله.. <<مافيه احد يتبرع لبريده

لايلامون
فبريدة لاتسوي إعلانات وليس لديها أي شي يفتح النفس إلا مسرحية لمحمد اليحيى
ولا زيارة للبرج
ولاملاهي ولامتنزهات والعاب زي الناس

بالتأكيد بيكون ضعيف .. وأحمد ربك إنه فيه احد يحضر ههههههه

والمال كل سنه يطمعون فيه ويخفظون الميزانية .. حتى وصل شي بسيط وقالوا (أهه بالمخبات) مايحتاج مهرجان


الناس الي عندها ريالين يخرجون خارج بريدة

لكن بعضهم مايقدرون .. ارحموهم وسولهم مهرجان هنا لو شي بسيط عن قولة يعني

الآن مافيه خير شر

وهذا مازاد الطين بله وخلانا ننقهر

اقتباس المشاركة الأساسية كتبها لؤلؤة القران والله صدقتَ وجبتهٍآ ع آٍلججرحَ وآللهَ بريدَه الصرٍآحة مَ فيهَ شيَ يونسَ لكَنَ آلشكًُوىَ لله الحمٍدلله ع ٍسٍلآمتكَ وٍآلله وآزينَ لكَ وخذ آلعبآره منيً ( كلَ عيٍد تعيًٍََـد بعيٍـد ٍ) وتستٍآهلَ تقييمَ + فآٍيفَ ستٍآر+ كٍل عٍآم وآٍنتَ بآلف صحٍة وسٍلآمه تحيٍآتيَ للكلَ

شكراً لك لؤلؤة .. هذا من طيبك

اقتباس المشاركة الأساسية كتبها قائد المجد أخي وصديقي العزيز المنخرش اختلف معك في حاجتين 1-الألعاب الناريه سلبيتها اكثر من ايجابياتها يعني لو يدورون شي فيه تسليه اكثر من الالعاب الناريه يكون افضل بدلا من ترويع الامنين بأصواتها المقاربة لأصوات القنابل 2-بالنسبة للسينما فانا اقول لك المثل الشهير(ابعد عن الشر وغني له)وانت تدري ان الناس اول مادخلو الدش بداية بقناة المجد ثم انفرطت السبحه بعد ذلك.

أعطيك ماعندي في هالحاجتين ياقليبي


1) تستطيع من حد خطورتها وحصرها بأماكن معينه وفسيحه وخاصة بجهه منظمة وإن شاء الله وسائل الأمن والسلامه موجوده .. وهذي محلوله كما يفعلونها في جده والدمام والخبر والرياض ..
ليش خطيره فقط في بريدة ..؟ هي فيها مخاطرة بسيطة لكنها مبهجه وتحد من الخطورة بتنظيم معي متبع


2) هذانا أبعدنا عن (المجد .. وغنينا) ولكن مانفع الغنا ودخلت بالقوة وفرطة السبحه
هل تضن أن لديك قوة أقوى من قوة منع قناة المجد ؟ لتستطيع منع السينما ؟

أنا للحين ماحد جاوب على سؤالي ..
ماذا تسمون الاحتفال والافلام على البروجكتر في المراكز والنوادي الصيفية ؟ أحد يجاوب الله يخليكم

اقتباس المشاركة الأساسية كتبها بنت السفير لان جــــــــدة غييير...

أنا أشهد

اقتباس المشاركة الأساسية كتبها رنيم2 احمدو ربكم على الاقل انتم عندكم عيد ياعيال بعيد العائله حنا يالحريم نصلي ونرجع ننام كانه عيد نوم ماندري لابالعيد ولابغيره بس الحمدالله مو اهم شي يصير عندنا عيد فيه الاهم والي هو الصحه والعافيه ومانفقد غالي والحمدالله ياربي يتقبل صيامنا وقيامنا مشكور

والله أن عيدهم مثل وجيههم .. أحنا ليتنا نقدر ننام
رح سلم وكل لقمتين واقضب الباب

اقتباس المشاركة الأساسية كتبها قاآآآآسم يا رجال تعرف أنت ماحد متعب نفسه الأفضل تسوي انت وعيآل عمك مسابقات و فله طرطعان حنا سوينا لحد 3 أيام العيد سراحه هالعيد السنه توووب

أهنيكم وربي .. ماعتمدتو على المهرجانات الخارجية

اقتباس المشاركة الأساسية كتبها عنيزاوي منصف تعال عندنا بعنيزة الله يحيك إذا براسك طرب سامري كل عيد فطر نسوي إحتفال أنا أذكرها تقام من عام 1395كانت تقام عند منطقة تقاطع الساعة كان أرض فضاء وذلحين على الدائري الجنوبي أخر منطقة الشباب حتى الحريم ممكن يتفرجن إذا كانن من جهة مركز الملك فهد الحضاري يجلسن بالثيل ماعندهن أحد

والله أنك صادق .. على الأقل أنتم أفضل مننا بنواحي كثيرة ولا استطيع أذكرها لينحرف مسار الموضوع ويدخلون المتعصبين ويسوون مشاكل
خلنا حبايب
لك

اقتباس المشاركة الأساسية كتبها شــموـوـوخ العيد عندنا سلام عليكم عيدكم مبارك اشرب فنجالين قهوه وكل رز ولحم ومع السلامه كل هذا بنص ساعه من يوم كامل!! وباقي اليوم نوم+احباط

ياللقهر والله
هذا هو الحال اكتشفته عن الأغلب وليس بيئتي ومجتمعي الصغير

بل أرى الوضع كامل تقريباً

اقتباس المشاركة الأساسية كتبها akr لماذا كثرة المهرجانات ومهرجان العيد ليس كاهتمام مهرجان الصيف ؟؟؟

لا مهرجان الصيف يقولون أن اخواننا المسلمين مايقتلون
مايقتلون إلا في العيد
عشان كذا مانفرح بالعيد عشان اخواننا



كما قلت

تعارض وتخلف للأسف وعلى هوياتهم




كل الشكر

اقتباس المشاركة الأساسية كتبها e7ssas بـــالـــــعــــــربـــــي : مالنا قيمة عندهم ولا جابوا لنا خبر = / أقصد بلدية بريدة : (

وهذا الصحيح ..
مو بس مالنا قيمة
بل معتبريننا همج لانفقه ويُلعب علينا بكلمتين تسكيتيه

اقتباس المشاركة الأساسية كتبها ...< الساحر >... يارجال هو قال وش علينا منهم بصريح العباره الله لا يبلانا نحن في عصر قست فيه القلوب واصبح حب الملذات يطغى على وحده المسلمين الله يهديه ويرد عليه صوابه

ههههههههههه

طيب شف ربعك بهرجان الصيف .. وش قدمتلهم؟
وراه ماقلتلهم وقلت للمنضمين
يالكم من قساة أتسوون مهرجان الصيف وأخوانكم يقتلون

ولا جيد فقط بالأشياء اللي تناسبكم .. عجبي

اقتباس المشاركة الأساسية كتبها ربي الله وراه واوقات الصلاة مسهوجة يعني اهم ماهنا تملاء بطنك والصلاة الله يخلف قل لامك ترى هناك وادي بجهنم خاص للي يجمعون الصلاة او يأخرونه عن وقته

كما قلت لك عزيزي المردود عليك

يابنت الحلال هو يقوم يصلي ويرجع بس يقصد أنه مافيه أحد يقومه بدري للفطور ..
نغصتوا عليه بنومته بعد

اقتباس المشاركة الأساسية كتبها اخو دريحم بعض الناس يريد فرحة انتهاء شهررمضان حتى يرجع الى ملذات بطنه وفرجة وعينه وأذنه وحتى يفرح بالطرطعان . ونسي فرحته المشروعه ان الله ابقاه حتى اكمل مدة صيام شهر رمضان حيا يرزق معافى في جسمه وبدنه وآمنا في بيته ووطنه اللهم اجعلنا ممن صام الشهر واستكمل الاجر وفاز بليلة القدر اما هذا العيد فهو أفضل عيد فطررمضان مر على مدينة بريدة والسبب : أفضل عيد فطر رمضان منع الطرطعان من قبل حمد السلمان

إن شاء الله أنك ماتقصدنا ياغالي
فنحن نطلب بمطالبات شرعيه عاديه ..

ونحمد الله في كل وقت أنه أتمم علينا رمضان وأن يعيده إلينا سنوات عديده
لكن موضوعي عن العيد وفرحته وبهجته


هل تريد كل واحد عند كفر سيارته ويصيح ويقول الحمد لله أني كملت رمضان ؟ ولا يفرح بالعيد ؟

حبيبي اخو دريحم

أنت كبير بالسن وأبو عيال
ولاتقارن نفسك بصغار السن ومن لهم فرحة العيد
فأنت أشد أيام فرحك بان تأكل مفطح وتتقهوا وتشرب الشاهي وتسمر مع صحبك ..

غيرك يريد فرحه تخرجه عن الجو العادي وفرحه تبهجه وتحسسه أنه عايش في يوم عيد
ويرى الالوان والسماء تتزين بجميع ألوان الألعاب الناريه ..
والبعض يريد مهرجانات وسيرك وزيارات للملاهي ..

فأنت حصلت على مطلبك .. حمد لله
ولكن غيرك لا


كل الود صديقي

اقتباس المشاركة الأساسية كتبها الافضل اخوي المنخرش س سؤال ليش ثلاثة ارباع مواضيعك انتقادات صدق انا معك ان العيد ممل بس مايوصول انك تتكلم بهالطريقه وثانيا العيد يختلف من عائله الى اخرى يعني فيه عوائل معجبها العيد على هذا الحال وفيه ناس لا وان كنت تقصد الصواريخ الي يطلعن الوان شف برج بريده كل عيد يطلقون صواريخ وجهة نظر اختلاف الارآء لايفسد للود قضيه

سأجوابك حبيبي حبه حبه

تريدني أن أجاوب .. ؟
سأجيب بعد مايتم الرد على سؤالي للصحف والمجلات

لماذا المدح والنفاق والزياده في التبجيل كل يوم في الصحف ؟
سواء هم أهل المدح أو ليسوا أهله ؟
لماذا نرى أن أمور كثيرة تحدث في البلد تمدح بالصحف وهي غير الحقيقه ؟



ياحبيبي
ملينا من المدح ملينا من الايجابيات .. ذكروها ناس متخصصين وانتهى .. وليس في المدح تغيير للحال

لكن الانتقاد يغير وقد يغير للأفضل بإذن الله
وهذا مانسعى إليه ..

وهذه وجهة نظري أطرحها والكل حر


تريد مدح وتبجيل .. شف أقرب جريده

تبي أنتقاد .. أدخل هنا ..

لاتستطيع أن تقول لهم أنتقدوا .. ولا تستطيع أن تغير من حالي

اقتباس يعني فيه عوائل معجبها العيد على هذا الحال وفيه ناس لا

لا أريدك أنت تتكلم عن الرجال وكبار وكبيرة السن ..

رح كلم هالأطفال الكاشخين بيوم العيد وأسألهم

جالسي بالشارع في عند استراحاتهم ويطرطعون عند السيارات
والأب يقول أزعجتونا ..
والأم تضرب ولده وصخ ثوبه
والأخ الكبير يرفض يودي أخوانه لشي يفرحون في (ماعندنا شي عاد يفرحون فيه)


هذولا من يسألون .. أما السلمان وغيره فهم كذا مبسوطين ومرتاحين

اقتباس المشاركة الأساسية كتبها C R Λ S H العيد عندنا قلق قسم بالله انا اكره العيد كره مب طبيعي والسبب البيئة اللي حنا فيها اقرب مثال يوم العيد بالليل اخذت قنبلة من احد الاطفال وقمت بتوليعها بجنب جلوس الرجال كلهم بصراحة كلهم قعدو يهاوشون ويقولون مب وقتك ومن هالحتسي ياخي خلونا نستانس تقل مولعها فوق روسهم .. قسم بالله شي يقهر عيد قلق كل واحد يكشخ ويجامل الثاني مافيه اي معلم من معالم الفرح ان طلعت بالشارع تلقى الشوارع فاضي وان قعدت مع اقاربك = قلق وهم .. قسم بالله ودي العب بالالعاب النارية بس كله خوف الملامة من الاقارب كله علشان ما يقولون كبير ويسوي تسذا .. الله يرحم الحال كلامك جداً جميل المنخرش لافض فوك

الله يعينك أجل ..
خذ عفشك ورح لعنيزه ولا البكيريه هههههه
ولا طول لأي منطقة أكيد تبي تاخذ راحتك

اقتباس المشاركة الأساسية كتبها شــادن أقول احمدو ربكم بنعمة تراكم ..غيركم فوقه قنابل بحروب وتقولون جدة والشرقية عند البحر مستانسين ..طيب انتم ماعندكم بحر اطلعو بالطرفية فوق النفود وعبو الطشت ماء وبربسو بوة هههههههه

هاهاهاها
شكراً

اقتباس المشاركة الأساسية كتبها دينـآ مو حاله كل سنه نتعيد برا القصيم وش يضر القصيم لسوت احتفالات مثل الناس العيد بعد صلاة العشاء يبدا الهدوء والاكتائب مااكنه العيد عكس اللي برى 3 ايام تحس انك بعيد وفرحه غير .. وياليت القصيم تطور شوي وتسوي مهرجانات حلوه تحسسنا بااجواء وفرحة العيد .

كلام

وهذا مارأيته بأم عيني

شكراً لك

اقتباس المشاركة الأساسية كتبها ليت حزني دمع وبكيه الحمدلله علا كل حال مشكور يا صاحب الموضوع مع ان فيه شي من المبالغه

مثل أيش ؟

اقتباس المشاركة الأساسية كتبها ابوصالح878 السلام عليكم يسعد صباحكم كلام في الصميم العيد بدون طعم

حياك ربي يالغلا

اقتباس المشاركة الأساسية كتبها كَـارِيـزْمَـا © . أبي أفهم الحين .. الناس اللي قاعدهـ تقول / احمدوا ربكم .. وأنتم تدورون الملذات ونسيتوا إخواننا وو طيب إحنا مسوين حرآآآم ..!! اللي يطالب بالفرحة حرآآم ..! الكثير من أهالي بريدة مو معجبهم الوضع بالعيد ..؟! كلل اللي أعرف من قريب ومن صديق يقول العيد يكسل ..إلآ فئة قليلة .! .. طيب ... مو العيد هدية من الله لعبادهـ ..؟ هدية بعد الصيام وسد الشهوآت ..؟! والهدية مو المفترض الوآحد يحس فيهآ ويستآنس ...؟! أليس من سوء الأدب مع الله إن الإنسان يتشاءم ويتكاسل بيوم العيد وهو يوم فرح وسرور ميز الله به المسلمين ...؟ هل هناك ضـير إذا فرحنا و إبتهجنا و " طرطعنا هه " ..؟ الطراطيع والحلويات والوناسة لآ تعني أننا لآ نحس بإخواننا ونشاركهم مأساهم ..؟ .. إذا جاء الطفل مستانس " يطرطع " .. خوذوا منه الطرطعان أشغلنا الله لا يوفق من عطاه ...!! ** إذا إشترى زيد وعمر أشكال حلويات و عيديات وهدايا ..ليه يا زيد وعمر هذا إسرآآف ..!! ** إذا إشتغل المسجل بالدف .. عيب حرآآم عليكم طفوهـ ..!! وهلم جرآآ ..

كلام غاب عني
فعلاً كلام ورد جداً رائع ..
وهذا الواقع للأسف

اقتباس المشاركة الأساسية كتبها نايف123 لم أتوقع من أخي المنخرش هذا الموضوع مثل سينما وغيره

أكيد .. لأنه أمر جديد .. والحكمة تقول

(كل جديد في بريدة مرفوضُ)

توقع مني أي شي ياغالي من اليوم وطالع

اقتباس المشاركة الأساسية كتبها سر الوجود الله يخلف بس

امين

اقتباس المشاركة الأساسية كتبها سعوووودي سلمت يميينك على الموضوع العيد في بريده لايوجد فيه مظاهر العيد الا عند صباحه فقط لا فعاليات ولا مسرحيات ولا العاب ناريه ولا سرك وغيره نعم كلامك ياصاحب الموضوع جده والرياض والشرقيه 4 ايام احتفلات العيد في بريده نريد يوم او يومين للاحتفالات

صدقت وهذا الواقع وربي


كل الود

اقتباس المشاركة الأساسية كتبها خمائل مختاله موضوع جميل.. انا اعرف انه لو وضعوا مهرجانات..راح تكون للشباب.. ومع ذلك انا أيدها بقوه.. ومن يدعي المثاليات..فهو خصيم نفسه.. لو تعلمون ماللفاعاليات من فوائد ..ماتتوقعوها.. وكلها من مسئوليين معتبرين..ومطلعين على وضع الشباب.. يقولون جرائم الشباب تنخفض ..كثير..عن الايام الاخرى.. واعتقد هذي تكفي.. شبابنا..بفراغ..والفلوس متوفره..واذا ماوجد الاحتواء الجيد..لهم.. راح يكون انصرافهم..للاسوء.. فاياعقلاء..انتم فكروا بشكل اوسع..اذا انت شايف نفسك..ملتزم ..وتنظر للاشياء بعدم اهميه.. فغيرك..محتاجها..لينصرف للافضل.. والسينما..عباره عن وسيله..بأمكاننا..نوصلها بقدراتنا..الى اهداف راقيه.. وربما تغير حال الشباب اكثر من المحاضرات..والمواعظ.. فنتمنى نكون اكثر مرونه..مع الحياة العصريه.. لاننا لو ماواكبناها..بأمكانياتها.. و سخرناها لحياتنا وطبيعتنا...وبضوابطنا.. راح ينصرف ابنائنا..لما يلفظه لنا الغير..من ترهاته..

لو كان أهل بريدة يحملون تفكيرك .. لكنا من أنجح المناطق وربي


لك تقديري

تشرفت في ردك الرائع ياغالي

اقتباس المشاركة الأساسية كتبها سجينة الحجاز اقوول انا اضحك على اللي اشوفهم يرحون بايام العيد للمهرجانات وملاهيات احس وقتهم فاضي احس العيد اجتماع العائله وتواصل وتسامح وتصفية قلوب والحمد لله والشكر

أحساسك غير والواقع غير
شكراً لك

اقتباس المشاركة الأساسية كتبها ...< الساحر >... وصلت بك يالمنخرش تتهمنا بالنفاق وا ننا نسوي نون وما يعلمون كلا يشوف الناس بعين طبعه حنا مهوب منافقين ولو تعرف تعريف النفاق وحكمه وحكم من يتهم الناس فيه ما قلته في احد الردود قلت عنا متخلفين وقلت معقدين يارجال وش بقيت ما اتهمتنا به الله يهديك ارفل في اختيار كلماتك وتوزيع اتهماتك والمصيبه تطالب في سينما وخرابيط الله يهديك غصب عليك استغفر الله تقسم على الله تعالى على امر غيبي علمه عند الله ؟؟؟؟؟؟ هذا تدخل في امور علم الغيب لا يعلمها الا الله سبحان الله كيف تجزم على هذا الكلام ؟ هذا يسمى اعتداء وتجاوز لا وكاتب التفاصيل من يبي يتبناه ويحلف ويحلف على عجزنا على منعه المنخرش الله يهديك قل خيرا او اصمت وتفائلوا بالخير تجدوه وان شاء الله تعالى يحفظ بلدنا من توقعات المتشائمين امثالك بخرابه والجازمين بذلك اركد الله يهديك

اقتباس وصلت بك يالمنخرش تتهمنا بالنفاق وا ننا نسوي نون وما يعلمون كلا يشوف الناس بعين طبعه

هل أتهمتك انت هههههه
على هونك لاتفضحنا .. لاحد يقرا كلامك من برا وينقد عليك


يارجل النفاق ليس منافق يعني يخفي الكفر ويظهر الاسلام .. وش فيك انت ههههههههه

مصطلح كلمة نفاق مصطلحات كثيرة
وهي تعني أخفاء شي غير الظاهر للناس ..


عشان أفهمك الوضع ولاتدحدر وتجيب حاصلك


قصدي أن الواحد مسوي نفسه مبسوط ويضحك (وهو حزين ومقهور)

فهو أخفى الحزن وأظهر الفرح
فهمت حبيبي



يعني ينافقك كأنهم مبسوط


تبين أقول (مجاوملات) ماتمشي لأنه شوي تختلف

إن شاءا لله فهمت

اقتباس في احد الردود قلت عنا متخلفين وقلت معقدين

نعم متخلفين عن باقي المناطق
ومعقدين من ناحية الدين
مسويلي مطاوعه ولا أهل الدين ومانعين كل شي باسم الدين
وهو مافيه مانع ولا حرمه ولا شي .. لكن تعقيد أكثر من الازم


أكررها ألف مره وأنا مقتنع بما أقول

متخلفين ومعقدين للأسف

اقتباس تعالى على امر غيبي علمه عند الله ؟؟؟؟؟؟ هذا تدخل في امور علم الغيب لا يعلمها الا الله سبحان الله كيف تجزم على هذا الكلام ؟ هذا يسمى اعتداء وتجاوز

ههههههههههههه
والله ودي أتكلم لكن عجزت
معي تفكر ..

عموماً في حبيبنا رد عليك رد حلو وإن شاء الله كفا ووفا ..

وكأنك توك جديد بهالامور

اقتباس المشاركة الأساسية كتبها قائد المجد اخي العزيز ارجو ان تطرح الحلول والطرق المناسبة نحن في انتظارك...

ياقلبي ياقائد .. الطرق لايحتاج لها تفكير أصلاً
والسبب واضح

شف منطقة مجاوره
وعلى الأقل قلدها في أول مهرجانين .. وبعدين تفرد بفعاليات خاصة فيك

الحل
أننا نبني بيئة خصبة للمهرجانات وجاهزه كالذي في الصيف

وتكون هناك ملاهيات ومتنزهات على مستوى كبير واحترافي ينافس المناطق المجاورة

حديقة حيوانات سيرك .. فعاليات في الطرقات
أبداعات الأهالي مشاركاتهم

أمور كثيرة جداً جداً ولافيها حرام أو محظور شرعي

وتناسب جميع الطبقات ..




كنا زمان نرى الصقور السعودية
ثم فجأه انقطعت وكنا في منتهى السعادة والفرح


ثم مهرجانات بسيطة
وشكلها خلاص بتندثر وكلها أعذار واهيه للأسف







كل الود

اقتباس المشاركة الأساسية كتبها قــــراقــــوش أخوي المنخرش كلامك والله عين الصواب كله وأوافقك عليه كله أخواني .. بخصوص السينما ولاهو خروج عن نقطة البحث كما قال أخوي المنخرش داخلة داخلة والي يقول هذا تجاوز وتدخل بعلم الغيب ... فأعتقد أنه اما جاهل أو مكابر ووشلون ربط السالفة .. الرجل شايف له مقدمات انها تبي تدخل وتوقع وجزم بدخولها وأنا معه فيما قال.. أما العيد ببريده. فليس له طعم وعذرهم بالالعاب النارية أقبح من ذنب.. العام الماضي والي قبلة والي قبلة والي قبلة كلها حروب وأزمات .. فلماذا لم تمنع الالعاب النارية ..!! السلمان وما أدراك مالسلمان بالعربي الفصيح " يصرفكم".. ولكم تحياتي.

شكراً حبيبي فقد كفيتني الكثير الكثير بردك الواضح ياغالي


تقبل

اقتباس المشاركة الأساسية كتبها حوت البئر الحمدلله لنا ثلاثين سنة نتعيّد وحنا مرتاحين ولافيه اشكال بلا طهبلة بلا خربطة

لأنك شخص كبير في السن
ولو عشت 50 سنه أمام (والله يعطيك طول العمر مع عمل صالح) برضه الأمر لايعنيك

لكن هناك طبقات يعنيهم هالشي
ولسنا أنانية لهذا الحد

ففرحة الأطفال تغني عن فرحتنا والله

اقتباس المشاركة الأساسية كتبها الصريح جدا بالنسبة لي انا عيدت في دبي وجوها وعيدها كان الاروع مرة اربع ايام كأنها يوم واحد ما اجملها من ايام موالات ( طبعاً عادي يدخلون الشباب يعني مو عوائل ) والقرية الثلجيه والمائية وبرج خليفه وبرج العرب والنافوره الراقصه وشعبها طيب جداً ويااكثر الشعب السعودي هونيك من عوائل وشباب والوناسه فاقعه وجيههم الا نبي بحر عندنا في بريده ما يقدرون يسحبون من البحر الاحمر ؟؟؟؟ كل الود لك يا صاحب الموضوع

يابن الحلال مانبي دبي نبي مهرجان مثل المسلمين ..

خلها مستورة يارجل
وحمد لله ع السلامه

اقتباس المشاركة الأساسية كتبها برفسور ملتمس طبعاا ً.. أنا أعارض على أغلب الموضوع والردود والأسباب : 1) بريدة يعتبرها الكثير مدينة محافظة وتختلف عن باقي المدن ببساطتها وعدم انفتاح أهاليها وهي مكان استجمام ديني وتربوي تمسكت بالعادات والتقاليد من القدم والتي ميزتها عن مناطق المملكة بل حتى عن محافظاتها ، فإذا صار فيها سينماء وطهبلة ومهرجانات تصل إلى حد الدعارة ، فماصارت بريدة ولا صار فيها راحة بال ، وصرنا متساوين مع باقي المناطق . 2) أذا وجد السينماء والمهرجانات اللاذعة وياليت تدققون على اللاذعة " والله لايقولها " في بريدة ، من الطبيعي راح يؤثر على المدينة اقتصادياً واجتماعياً .. فمو ناقصين والي يقول تبي تصير نقوله ماصار الحين ولو صار بيحط بالرياض وبجدة والشرقية وبعد 100 سنة يجينا والله يطول بأعمارنا ..! 3) جرت العادة أن الشيء القريب غير مرغوب فالسفر إلى مكان آخر لتغير الجو وأمكان الترفيه يحدث اثراً كبيراً وتغيراً جذرياً حتى لو كان إلى مكان صحراوي ناهيك وبالعامية : أن بريدة لو تحط مهرجان أهله مايطبونه والسبب هههه مايبون يشوفون بعض ، وهذي معروفة فبيكون مهبط للمحافظات والمناطق المجاورة .. ملاحظة : أتفق بوجود المفرقعات وفرحة العيد التي كل عام وبحدود عاداتنا ، لكي نحافظ على بريدة التي وصفها حتى الأجانب راحة البال ..

سأجيبك عزيزي
1) هل تتعارض المهرجانات مع ديننا الحنيف ؟
تمسك العادات ليس ذنبنا نحن فهذه عادات قبيحه جداً ولا أصل لها في ديننا ولانريد أن نتعلق بها لقباحتها وسخفها وسماجتها


2) الوقت يتسارع عزيزي ولو نزل السينما لنزل على الكل تقريباً ونتمنى أن نكون من الآوائل بأمور تخدم ديننا ودنيانا

3) نرى كل سكان جده لايذهبون للشرقية وأهل الشرقية في امكانهم
وأهل دبي وغيرها لايسافرون للبحث عن هالأمور .. لأنها قريبة منهم


لكن قل عندنا في بريدة فقط .. نعم أجي معك ..
ولكن إذا وضعنا بشكل جميل وتحقق كل شي في المهرجان .. لما وجدنا من يخرج منها




بريدة ستصل إلى مرحلة (الإنفجار)

فالمتمسك بهذه العادات هم ناس بسيطين وكبار بالسن ..
مرحلة بسيط وسياكلهم الدود .. وستجد بريدة ستنفجر على أشدها ..

وبيننا أقل من 10 سنوات وسترى




شكراً للكل ولكل من أنتقد وناقش


شكراً أحبتي

[وطني فخور]

انا يوم العيد اروح اصلي العصر بجامع الخليج لعلي القا جنايز نصلي عليها لأن بريدة كلها في عزا بس بدون اجر وبالمقبرة عزا مع اجر
ثم كيف تطالب بوناسة وكل شي حرام وعيب
الشيبان يتولجوننا صبح العيد بالهواش - وراك ياهالي ما تستحي ما تجي تسلم الا بالعيد- وحاله بس خله على ربك
وبنت عمي اسلم عليها ما ترد واعيدها ما ترد وش القصة - شارحين لها (الحمو الموت)غلط
وخله على ربك
الفكر عندك بهالديرة فكر سد الذرائع

[عزتي في شموخي]

اللي يقول ليه تو ماتطلع الهرجه

وتقول عيد بريده مو حلووووو بعد السنين

لا والف لا كلن مو معجبه الوضع وساكت مادرئ ان كلن مثله
وجاء الوقت اللي كلنا نتكلم ونعترض
وهذا من اسباب الكتم مايقدرو يصبرو اكثر مو معقوله كل عيد اروح لمنطقه ماصارت الا اذا بلديه بريده تعوضني مبلغ اسافر فيه استناس بالعيد تعويضن عن الحفل

وزين ان امنوع الطرطيع عشان الناس انتقدو وكلن طلع اللي بقلبه وكلمتهم صارت وحده وانكشف المخفي ولله الحمد
وانا ماتكلم عن اللي ملهين انفسهم يوم العيد ولا راح احسدهم الحمدلله دامك مستناس
ليه تبي تخرب علي غيرك اسمه نجاسه هذي <<<اسمحو لي حب لاخيك ماتحب لنفسك هذا هو عين العقل
دام في ناس عايشه بعذاب بايام العيد مافي من يونسهم و مايقدرو يستناسو وانتي تستناس لاتجي وتقول مانبي مهرجانت
ماحد مسك يدك وقال لاتروح للاستراحتك ولاتستناس



اناشد نائب القصيم يشوف وضعنا ويحطو اقتراحات من الشباب والبنات حول مهرجانت بريده وينفذوه ((فقط شباب وبنات مو شيبان الا اذا كان الشايب فله نرحب باقتراحه لانه يبي لنا الخير)))

[معلم مغترب]

اقتباس أنت كبير بالسن وأبو عيال ولاتقارن نفسك بصغار السن ومن لهم فرحة العيد فأنت أشد أيام فرحك بان تأكل مفطح وتتقهوا وتشرب الشاهي وتسمر مع صحبك

مشرفنا الفاضل اخو ادريحم على قولتك كبير وابو عيال

طيب هو يحب لعياله كل خير ويبحث عن كل ما يسعدهم ولا يتكلم على اساس نفسه
وكل عضو لا يتكلم عن نفسه ولكن عن مجتمعه وياليت تحترم شوي ردود الاعضاء


وفي ردك هذا تثبت انك صغير وتبحث عن طرطعاااان يونسك !!

اقتباس نعم متخلفين عن باقي المناطق ومعقدين من ناحية الدين مسويلي مطاوعه ولا أهل الدين ومانعين كل شي باسم الدين وهو مافيه مانع ولا حرمه ولا شي .. لكن تعقيد أكثر من الازم

رجع يتهم اهل بريده انهم منافقين ومتخلفين وانهم يحرمون ما احل الله بالدين

والحمدلله اذا انت تشوفهم كذا نشوفهم اهل خير ودين الله يثبتهم ويكفيهم شر سفائهم

ما اقول الا الله يهديك بس

[المنخرش]

اقتباس المشاركة الأساسية كتبها ...< الساحر >... طيب هو يحب لعياله كل خير ويبحث عن كل ما يسعدهم ولا يتكلم على اساس نفسه وكل عضو لا يتكلم عن نفسه ولكن عن مجتمعه وياليت تحترم شوي ردود الاعضاء

هنا يقول

اقتباس اما هذا العيد فهو أفضل عيد فطررمضان مر على مدينة بريدة

يعني عمم على أهل بريدة كلهم .. ومادام تم التعميم فأنا أدخل ضمن تعميمه
وهنا عارضته وبينت له وجهة نظري

[معلم مغترب]

خلاص اقنعتنا اننا في بريده منافقين ومتخلفين مثل ما تقول .....

طيب ما قلت لنا يا المنخرش وش تعليقك على حلفك بالله على امر غيبي هنا؟؟

اقتباس السينما والله وربي سيدخل السعوديه قريبا وسيدخل بهدوء وستتبناه قناة ام بي سي او غيرها من هالقنوات الداشرة وسيدخل كل منطقة لن ولن ولن تستطيعوا منعه استحاله وربي استحاله والله استحاله

[ام حمودي..]

اقتباس المشاركة الأساسية كتبها الافضل اخوي المنخرش س سؤال ليش ثلاثة ارباع مواضيعك انتقادات صدق انا معك ان العيد ممل بس مايوصول انك تتكلم بهالطريقه وثانيا العيد يختلف من عائله الى اخرى يعني فيه عوائل معجبها العيد على هذا الحال وفيه ناس لا وان كنت تقصد الصواريخ الي يطلعن الوان شف برج بريده كل عيد يطلقون صواريخ وجهة نظر اختلاف الارآء لايفسد للود قضيه

انا أشهد انك الافضل
وأنت يا المنخرش فتحت باب مسكر الله لايصلطك0
لكن ما أقول الا اللهم اني اسئلك عيش السعداء وموت الشهداء