[manedl]

اقتباس المشاركة الأساسية كتبها al axsat هههههههههههههههه مؤهل ثنوي وين حنابه ياعزيزي مؤهل ثنوي لا وليلي تقول تبي تسذب قل زي الي كاتب الموضوع يمكن تدخل العقل ونا اختي الاسبوع الي راح والده به ولا شفت الي يقوله ومع ذالك نمشيه بس اما تقول مؤهل ثنوي تراك محاسب علا كلامك ذا كله

ردك الأول وقلنا من حماسك أما ردك هذا شاطح فضحت نفسك الله لايفضحنا , لاتكون انت القسومي ولانايبه ولامن من المسترزقين

[ابوميعاد]

حبل الكذب قصير

[ابوميعاد]

اقتباس المشاركة الأساسية كتبها manedl افضل حل وقفة رجل واحد ونترك الإتكاليه والتشكي فهذا لايجدي نفعا , باب الوزير مفتوح إما إنه يسنعنا ولا باب خادم الحرمين مفتوح والدوله ماقصرت ميزانيه بمليارات ولاشفنا فايده , والله ياخوي طابت النفس وملينا وحنا نشوف التخاذل والتهاون وعدم القيام بالأمانه من قبل المسئولين

المشكله بالتخاذل والتهاون وعدم القيام بالأمانه ومن المتظرر المريظ
لو كانت دائره عاديه مجرد موظفين كان يسهل التهاون ومع أنه سحاسب عنه يوم القيامه
أما تهاون بمستشفى مصيييييييبه ........

[متى نلتقي ؟؟]

حسبي الله والنعم الوكييييييل

[ابوميعاد]

اقتباس المشاركة الأساسية كتبها ام ريفاان والله كل مستشفيات بريدة تفشل ربي يكون بعوننا

وبالأصح مستشفياتنا تخوف إذا لم يكن على الأطباء والممرظين
رقابه قلت اهميتهم للمريظ وإذا قلة أهميتهم للمريظ تكثر الوفيات
وإذا كثرة الوفيات تكثر الدعوات على مدير المستشفى .............

[الظـــامي]

أبو ميعاد
أسعد الله صباحك
لاتستغرب .. من المؤسف أن تصل الأمور إلى هذه الحالة
مشكلتنا إنعدام المتابعة من قبل المسئول
الأمر يحتاج إلى أشخاص متحمسين أصحاب فكر وخبرة
لايقيم مثل هذا الإخفاقات مع الأسف إلا كثرة الشكاوي
أما الرقابة الداخلية فأجزم أنها معدومة
شكرا لك ولملاحظتك
وألف مبروك هذا المولود لإختك الكريمة

[الافضل]

اخوي ابو ميعاد

والله انك صادق

الوالده الله تمم ولادتها على خير


امس داخله مستشفي الولاده

وجت من الظهر الى المغرب تنتظر انه يفضي لها سرير

والولد تعب معهم الصراحه ومن معاملتهم بعد

يروح لحق الاستقبال ثم يقوله حق الاستقبال رح لحق الطوارئ ويروح لحق الطوارئ ثم يقوله رح لحق الاستقبال

لين حمق الوالد وتناقر هو وياهم

طبعا هم معطين الوالده موعد لوهم ماعطوها موعد اعذرهم لكن المشكله بالموعد

لا وازيدك من البيت شعر قصدي من الشعر بيت مأدري وشي المهم الي يقلونها بالعاميه

امي من الخراز والمدير من الخراز يعني المفروض يكون فيه احترام او فيه واسطه او اي شئ

نظرآ لتعارف بينهم فكيف بالمواطن العادي ...!

ومشكور لأنك رفعت شكوى للأدآآره

والسلام مسك الختام

[برنس الملاعب]

السلام عليكم
أنا أشكرك جدا أخي أبو ميعاد لأن هذه قضيه يتألم منها الكثير في بريدة بل بمنطقة القصيم كلها أنا أسغرب من المسؤلين وينكم عن هذه المهزله وين المليرات والملايين التي تصرف لوزارة الصحة نحن بمنطقة كبيرة لسنا في قريه مع العلم أن مستشفى الولادة والأطفال هو الأبرز في بريدة وهو الذي في الواجهه فمن المفروض انه يكون متكامل وفي أفضل حاله من من المسؤل من المسؤال من المسؤل من المسؤل
شكرااااااا لك أخي أبو ميعاد مرة أخرا واتمنى من الأعضاء في منتدى بريدة ستي أن يرد رد مهذب أولايرد

[حنان بريدة]

اجل امس انا بالطوراي بتحط للولدي مغذي وتبط فيها ثلاثة مالقت عرق ليش جابين هنود شكلهن مايعرفن شي بس مهعن لغة انجليزية وولد بس يصيح وبعدين يوم عجزن حولون لقسم الرجال وجت الاستشارية وبطت ولدي ماشاء الله ولا السستارت مخلصين ودي ارفع شكوى للوزير الصحة علشان يرى في امر الاطفال من منكم مرة شافت القسومي يتفقد المستشفى ولا الطورى

[الأسلوب الراقي]

اقتباس المشاركة الأساسية كتبها أبو رُبـــــى لا تشكيلي أبكي لك .. !! يا حبيبي مستشفى الولادة والأطفال ببريدة منذ نقل الدكتور / عبدالكريم الصايغ وتعيين الموظف / صالح القسومي مكانه وهو في انحدار وتحزبات وواسطات .. !! أتكلم من واقع تجربة سابقة مع القسومي ..

لا ينبغي أن نتكلم عن أسماء أشخاص محددين

لاااااااااااااااااااااااااااااااااااااااا للغيبة

[شوكولاتهw]

رد من الردود يقول باب وزير الصحه مفتوح روح اشتكي
هههههههههههاااي وربي ميت الضحك ههههههههااي

[ابوميعاد]

اقتباس المشاركة الأساسية كتبها الظـــامي أبو ميعاد أسعد الله صباحك لاتستغرب .. من المؤسف أن تصل الأمور إلى هذه الحالة مشكلتنا إنعدام المتابعة من قبل المسئول الأمر يحتاج إلى أشخاص متحمسين أصحاب فكر وخبرة لايقيم مثل هذا الإخفاقات مع الأسف إلا كثرة الشكاوي أما الرقابة الداخلية فأجزم أنها معدومة شكرا لك ولملاحظتك وألف مبروك هذا المولود لإختك الكريمة

الله يبارك فيك اخوي الظامي


بالنسبه لتجاهل حقوق المرظى من المفترظ أن يكون فيه لجنه تتابع التجاهل والإهمال
بالمستشفيات لتردع من كان المتسبب بهذا

[...~بدون اسم...~]

قولوا لي بـرـبكم . .

هل أنتم مخلصين في أعمالكمـ . . ؟!! بـ معنى آخر , المدرس منكم هل يحافظ مثلا على فهم الطلاب للدرس ؟

أم يقول " بالطقآق .. يفهمون ولا مايفهمون وشْدَخْلِي منهم ! "

لا تنهَ عن خلقٍ وتأتي بمثله ... ... عآرٌ عليكـ إذا فعلت عـ ظـ يم ,,

[رعشة خجل]

تصدقون ان عددالسرر150 معقوله مدينه مثل بريده مابه مدينه طبيه ولا دخلت ع المدير قاللك ماعندنا الا 150 سرسير وععدد الولاده 300طيب ياسعادة المدير مواقف السيارات حطبه خيمه وسرير ورفعه للوزارتك حتى يزودون السرروالا مدينة طبيه لهالي بريده انا لله وان اليه راجعون تصدقون المير له غرفه خاصه فيها سرير ومكيف وتلفزيون بلازما لاجت وحده من اقاربه دخلوها الغرفه الخاصه وبناتنا بالكوشك يجلسن يومين حسبي الله عليهم