[أسير]

اقتباس المشاركة الأساسية كتبها الراتينجية بالنسبه لكلامك موضه ومادري إش بضاعه شهر 7654هي نفس بضاعة 9وإذا صار نص 8 دخلوها مايطلعونها إلا نص 9 ويقولون موضه عشان يشغلون الناس بشهر العباده وخاصه بالعشر أن كوني أنثى لم ألاحظ هذه الموضه بس كلام هنود والناس تصدق والله لقيناها لك على ماقلت أختي"فزة خفوق"من شهر 8 ونجهز كل شيء الخايط فاضي لاتضطر ترجع كل مرة عكس رمضان مرتين أوثلاث وياليته يجي على اللي تبي والأسواق خفيفه تشتري اللي أنت تبي ويهتم فيك عكس رمضان زحمة ولا يناظرك تقل يوزع مجاني وبعد هذا كله رمضان شهر عبادة وصلاة ماودوه الواحد يصير شغله الشاغل السوق

حياك الله خيتي ..

بالنسبه لكلامك .. عشان يشغلون الناس عن شهر العباده . لا عاد بصراحه كبيره .. وما اعتقد انهم صهاينه عشان يكون تفكيرهم بهذا الشكل ..
هو تخطيط تجاري .. يزنقون الناس آخر الشهر .. واذا طلعت الرواتب نزلوا البضايع اللي يقولون انه جديده
ندري ان موضه مكرره وبعض الاحيان يرجعون لأشياء قديمه وهي المسكه ..
لكن عاد وش نسوي باخواتنا وامهاتنا وبناتنا .. صار شغلهم الشاغل الله لا يفتنا الا بطاعته ..

تحية لك

[أسير]

اقتباس المشاركة الأساسية كتبها أبورامي ماعندك أحد ومن يوم السعودية واقفه عظم وحنا على الحال مع أصحاب المحلات ولكن الحل مثل ماذكرن الأخوات خلص مقاضيك قبل رمضان بشهر أو شهرين تفتك من النصب ومن الزحمة وتتفرغ للشهر الكريم

ماهو صحيح يا اخي قبل الناس تستحي .. وتشره على اللي يسوي مثل هذي الاشياء ..

لكن المشكله عصريه .. وجديده وهذا بسبب ذنوبنا والله لا يسلط علينا

والحل يا اخوي ماهو حل والله العظيم .. يعني اللي يدبل السعر اضعاف يسكت عنه ..
واللي يزود اللبن اللي مافيه فايده اصلاً لا للمركز ولا للمنتج ريال واحد تقوم الدنيا ولا تقعد !!!

[أسير]

اقتباس المشاركة الأساسية كتبها بدربريدة أناعاجبتني قاعدة الي مامعهوش مايلزمهوش خاصة بالكماليات؟أماالضروريات فلا وبعدين سالفة الموضة والله إن ربعناإنهم أغبيا من رجل يطيع المرأة ومرأة تصدق ابويمن؟ تقولون وش لون اقولكم؟ أغلب حريمناتدخل المحل ماتدري وين الله حاطةولاشافة ابويمن تلفت وتدربي الدميجة؟ومن أسئلتها يدري إنة تبي تشتري بس ماتدري وش تاخذ من بهرةمن كثر المعروض وبنفس الوقت متخوفةوش يبي يعجب الناس والموضة الدارجة؟ نجي لدور المنقذابويمن؟وتأثيرةبانتشارالموضةوتسويقة تبي تشاورةالذهينةوهومحل ثقة طبعالأنة كماتدعي إنة زبونةوضحكت علية بهالكلمةوتعتقدإنة ضحكت عليةوصدقة المغفل؟! وش رايك وين البضاعةالجديدة والماشية وهوبسرعة فرح؟وعطاة السلعةالي ناشبة بحلقةوزودبسعرة ورجع وعطاة فوق اسعرالصحيح؟لأنة زبونة ولازم يكسبة(كلن يضحك على الثاني) وتشتري المطفوقة دون ترددوتعلم خوياتةإنةإكتشفت موظةالسنةحسبماخبرةسراالبائع بأن البنات متوجهات هالسنةلهل البضاعةلأن الفنانةالفلانيةلبست مثلة بفلمةالاخيرأوالكلب الجديدويصدقن؟وراعي المحل فرح لأن البضاعة مشت وهوكان بلش بة؟ ولاتقدرتسذبة لأنةتبي تلاقي خوياتة كلهن مثلة صدقنةوطلعت موظة غصب المصيبة لجتمعن بطقم واحدتقل فرقةلبس واحددون تميزواحدة عن الثانيةإلابالون

ما ادري يمكن انت تتكلم من شي قريب منك .. !!!
لكن ما اشوفه تقليد لفنانه معينه او مغنيه ثانيه .. لأن بعض البيوت اساسا ماعندهم الا المجد او بعض القنوات المحافظه ... ولا يهتمون لهذي السخافات ..

اما باقي النقاش فلست المعني به ولا اوافقك فيه .

[أسير]

اقتباس المشاركة الأساسية كتبها أمة الرحمن قال رسول الله صلى الله عليه وسلم : "فَوَاللهِ مَا الفَقْرَ أَخْشَى عليكُمْ ولكنِّي أَخْشَى أَنْ تُبْسَطَ الدّنْيا عليكُمْ كما بُسِطَتْ على مَنْ كانَ قبلَكُم فَتَنافَسُوها كَما تَنافَسُوها فتُهْلِكَكُمْ كما أهلَكَتْهُم". فل تقرأ خواتي المسلمات هذ الحديث وتتامله جيداً ... فالمشكله الاساسية هي التنافس على الدنيا المرأة تريد ان تكون بالقمة ولا احد احسن منها , وياليت هذا من ناحية دينها واخلاقها , بل المؤسف ان التنافس على الدنيا الدنيئة , واذا كان هذا فكر المرأه فلآ غرابه ان تستغل من اناس لا خلاق لهم ... فياليتنا بدل ان نلوم التجار واصحاب المحلات حبذا ان نهتم بتربية المرأه سواءً كانت زوجةً او ابنه او اخت ... تربى على الفكر السليم المعتدل , وليس ترك الحبل على الغارب وتلبية مطالبها سواء كانت معقوله و مقدور عليها او لا بحجة ان كل الحريم كذا او كل الناس كذا ونذكرها بقول الله تعالى ( وَإِنْ تُطِعْ أَكْثَرَ مَنْ فِي الأرْضِ يُضِلُّوكَ عَنْ سَبِيلِ اللَّهِ ) وبحديث النبي صلى الله عليه وسلم ( لا تزول قدما ابن آدم يوم القيامة من عند ربه حتى يسأل عن خمس عن عمره فيما أفناه وعن شبابه فيما أبلاه وعـن ماله من أين أكتسبه وفيـم أنفقه وما عمـل فيما علم ) وأن هذا المال لله -سبحانه-لاتتصرف به على هواك ومزاجك بل على مايرضي الله , ولنسال انفسنا هل مانفقنا من امول في اشياء ليست ضرورية فقط مجارات الناس هل هذا يرضي الله عنا ؟ اخواتي يامن ينفقن الامول على الملابس ومايتبعها من احذية وشنط إلخ ... تذكري ان هناك من لايجد مايستر عورته ومن لايجد لقمة يسد بها رمقه , فنصف ماتنفقيه قدميه لهؤلاء , واعلمي انك انما تقدمي لنفسك فما عند الله باق وماعندنا يفنى ويبلى , احبتي عذراً على الاطالة فالموضوع مهم وذو شجون . وفقني الله واياكم لما يحبه ويرضاه وجعل همنا رضاه .

لآفُض فووك ولا أهانوگ .. بارك الله فيك وجزاك الله خيراً ..

ولكن الله يحب أن يرى النعمه على عباده " المحمود منها " بلآ أسراف ولا تبذير ولا مباهاة ..
وخصوصاً إذا كانت المناسبه قائمه .للعيد وغيره ..

تحية إجلال ...

[أسير]

اقتباس المشاركة الأساسية كتبها مهزله صــراحه شي مو معقوول من 150 الى 340 حررررررررررام والله حررررررررررررام وفعلا ا ي كلمة تقوله سبقوك وقالو موسم المفروووض يتقضون قبل لايجي الموسم على قولتهم قبل بشهر اولا يفتكون من الزحمه وثانياااا مادبلو الاسعااار ..

اي والله يا اختي .. الله حسيبي على هذا الموقف ..
من 150 الى 340 ريال ..

شكرا لك

[بدربريدة]

اقتباس المشاركة الأساسية كتبها أسير ما ادري يمكن انت تتكلم من شي قريب منك .. !!! لكن ما اشوفه تقليد لفنانه معينه او مغنيه ثانيه .. لأن بعض البيوت اساسا ماعندهم الا المجد او بعض القنوات المحافظه ... ولا يهتمون لهذي السخافات .. اما باقي النقاش فلست المعني به ولا اوافقك فيه .

اولاشكراعلى ردك؟ثانيابدون تعجب لأن الأمرليس قريب من وحدي بل قريب للغالبية؟!
وبالنسبةلقولتك بعض البيوت ماعندة غيرالمجدصحيح كلامك؟بعض؟يعني أقليةوالغالبية عندةوالي ماعندةفية بديل وهوالنت+المدرسة+الإجتماعات العائليةولاتقولي مافيةبنت مامعة بلاك بيري أوآيفون ووووالواهدكثيرة؟
وباخذتفسيرآخرلقولتك قريب منك؟أي قريب من الاهل يعني اروح معهم للسوق وشوف بعض التصرفات المذكورة؟فهذافخرلي إني بساقت أهلي واقضي لزومهم ومهب السواق؟!ولاأدري عنهم
ولوكنت قريب من أهلك لعمت مالم تعلم!!!!!!!!!!!!؟
وبالنسبة للسخافات؟هذامانتكلم عنة وننكرة بشدةلاكن وش نقول

موضة ؟!

[خالد عبدالرحمن -]

عادي وطبيعي جداً وين المشكلة
هذا موسم تعرف كيف موسم

يعني بالعربي المحل جالس سنه ما فيه دخل يسد الأجار أو راتب العمال أو قيمة البضاعة اذا كانت ممتازه
وفي رمضان يدبل السعر مرتين على النوعية الفريدة والجيدة

من باب تعويض السنه في هذا الشهر الفضيل


يا أخي أرتفاع الأسعار مو بالسوق بس بكل مكان ليه حبكت على السوق

أنا عندي محل تجميل بالسوق واسعاري دابلهم يعني أبو 20بـ 60 ريال وين المشكلة هذي تسمى تجارة
وبعدين الي ما معه لا تشتري فيه ناس قادرة على كذا وفيه مو قادرة
وهذا باب رزق لنا ...


واتمنى لا أحد يزعل من صراحتي

[أسير]

اقتباس المشاركة الأساسية كتبها خالد عبدالرحمن - عادي وطبيعي جداً وين المشكلة هذا موسم تعرف كيف موسم يعني بالعربي المحل جالس سنه ما فيه دخل يسد الأجار أو راتب العمال أو قيمة البضاعة اذا كانت ممتازه وفي رمضان يدبل السعر مرتين على النوعية الفريدة والجيدة من باب تعويض السنه في هذا الشهر الفضيل يا أخي أرتفاع الأسعار مو بالسوق بس بكل مكان ليه حبكت على السوق أنا عندي محل تجميل بالسوق واسعاري دابلهم يعني أبو 20بـ 60 ريال وين المشكلة هذي تسمى تجارة وبعدين الي ما معه لا تشتري فيه ناس قادرة على كذا وفيه مو قادرة وهذا باب رزق لنا ... واتمنى لا أحد يزعل من صراحتي

هلا وسهلا فيك أخوي حياك الله ..
اسمح لي اقولك ان شغلك هذا هو الطمع بعينه .. وماهو طبيعي ابد
لكن الجشع اللي خلاكم تسمونه طبيعي ..

والا على مدار السنه الحريم يترددن عليكم وش اللي تقول لي المحل جالس سنه ..
وكل السنه هذي وانتم تنصبون عليهن .. ومن الامارات اللي بخمسه تحطونه بـ 40 وهلم جرا

ياخي زياده على كذا يجي موسم العيد وتقولون موسم .. ياخي والله ان كل السنه عندكم موسم للحريم ..
بعض الناس بايام العيد يرفع شي بسيط .. عشان ضغط العمال بالموسم والكهرباء وغيره
لكن السعر يتدبل .. وهو اصل متدبل بمكسب .. هذا اسمه طمع وجشع ...
وانت تبيع ابو 20 بـ 60 غيرك يبيعه 170 يعني مافيه اي ضوابط
وانت تشرف على المحل بنفسك " ممكن "<< حط تحته خط ؟؟
غيرك وياكثرهم يمسكونه الأجانب ابو يمن والهنود والبنقالية .. ويعطيك آخر الشهر الفايده وماتدري عن ابو المحل ..
وهو دابل ام الاسعار ويتصرف على كيفه ..

اي موسم ياعم بكرا تطفر وتندبل تسبدك وتخليه مثل اللي قبلك لاعبين على الخلق وراحت قروشه سحت بسحت .. وتذكر كلامي .

شكرا لصراحتك ..
واتمنى تكون متفهم وتحط نفسك من متوسطي الدخل بحيث تشوف معاناتهم ...
وقاعدة اللي مامعوش مايلزموش هذي ادفنها بمحلك وكبرّ عليها ..
لأن الرسول صلى الله عليه وسلم يقول : أحب لأخيك ماتحب لنفسك .