[الملاس]

اقتباس المشاركة الأساسية كتبها قلب من ألماس الصبح فطور الظهر فقط تصبيرة العصر شيبس بالليل تصبيرة فقط بدون غداء وعشاء < هكذآآآ حاآآآلنا

اقتباس المشاركة الأساسية كتبها قـــصـــيّـــة الساحر وشهد شاهدٌ من أهله : ) -------------------------------------------------- اللي معروف ( أقرب طريق لقلب الرجل معدته ) يعني املي بطنوه يحبتس!

اقرب وليس افضل

اقتباس المشاركة الأساسية كتبها دفا. + اذكر الله وبعدبن البنات يستحن واتوقع حبهن للاكل من زود التطفيش من الرجل بكل طالعه ونازله يستنزل عليه وتحط حرته بالاكل ههههههههه

لا اله الا الله

المفروض الطفشانه تنسد نفسه

اقتباس المشاركة الأساسية كتبها المحرومه الله يرحم حالنا لاقعدنا على الغدا والا العشا ماناكل هذا توكلينه وهذا تصبيله ماء وهذا يبي لبن وهذا يبي بيبسي ويروح الوقت وما اكلت الوحده

بهذي صدقتي والله وجزاكن الله خير

اقتباس المشاركة الأساسية كتبها المتميز 2 لانهم ياكلوا وهم خارج التغطية عشرة يسولفو ووحده تسمع فطبيعي يكونوا شرهين بالاكل

سبحان الله عليهن قدرات عجيبه الله لايضرهن

اقتباس المشاركة الأساسية كتبها خلفان كفو شب عليه

الله يصلحك ياخلفان شكلك متاثر بمجلة ماجد

اقتباس المشاركة الأساسية كتبها هيبـــــارآ ، . اولاه ماستحيت يوم إنك تكتب هالموضوع !.. موضووع كامل وأخرته وراكن يالحريم تحبن الأكل.. إرقي بتفكيرك شوي

الموضوع للمناقشة ليس الا ..
وليس بالضرورة ان تعجبك كل المواضيع
انا مثلا لا تعجبني 70% من المشاركات
ولا ادخل ولا ارد
اهم شي لاتعصبين

اقتباس المشاركة الأساسية كتبها أحمر شفاة أن هامت بالطعام عشقا !! فهوُسم تحتسيه !! طمعاً في الوصول لمذاقٍ يعجب الرجل !!

ماشاء الله عليك رد دبلوماسي

اقتباس المشاركة الأساسية كتبها صَـُآحِبّـةُ اَلإمْتِيَـــٌـآزٌَ ~ من يوم شفت معرفك الملاس وانا غاسله ايدي منك كل تفكيرك باالمطبخ صدق عقول فارغه ~ *** عقول فارغة مره وحده وغاسلة ايدك بعد لاتتسرعي بالحكم يا امه الله هذا الموضوع لابداء الراي ليس الا ويبقى راي

اقتباس المشاركة الأساسية كتبها سُـقيا عساك للي منب قايله مااستحيت وأنت تكتب العنوان !!!!!!!! >>>>>ماسبب حب النساء للطعام ؟؟؟ تبيه توفره لك عساك لمرره >>>>>عصبت بعدين كل يتكلم عن واقع يشاهده؟؟؟؟؟

لاتدعين علي الله يهديك
ترى الموضوع مايسوى
الله يبارك فيك

اقتباس المشاركة الأساسية كتبها ...< الساحر >... يمكن قصده اكثر من يتفنن في طبخ الاكل والرجل اكثر من يأكله بس بيني وبينكم في إحصائيات حديثه تقول : لقد أنتشرت السمنة في السعوديات بشكل مزعج وعللت الإحصائية السبب لقلة ممارسة الرياضة وأنا شك بالخبر لأن السعوديات اكثر نساء العالم يتمتعن بالرياضه والسبب الاسواق الله يعمرهن

والله حنا ودا السعوديات دائما رشيقات

اقتباس المشاركة الأساسية كتبها جوليــــــــــــاء على قولتك بالأعراس وبالعزايم إتكيت بس ،، ولا رح شف الفضلات الباقية من بعدهن تعشي حارة كاملة من القهر والمتعارف الرجال هم اللي يحبون الطعام أكثر ولا وش طلع كروشكم وانتم لا ولد ولا تلد يابعدي بس مرة وحده شن هجوم علينا بالأكل ههههه

والله وجه نظر جيده وشكرا لك

اقتباس المشاركة الأساسية كتبها ξــزتــےِ مَالهَـآ כــد م اقول الا الحمممدلله والشكر وانتم ابد ماتاكلون اسم الله عليكم وش كبر كروشكم الا هالبلع الله يدييم هالنعم اجل انتم الصومال رقم تو ياحول ماتاكلووون ابد عايشين على الطل

الا ناكل بس الاختلاف ان اكل الحريم وعدد الوجبات اكثر
وشكرا لك

اقتباس المشاركة الأساسية كتبها مجرد ذكرى والله ياأنتن فاضيات تردن عليه هو فاضي مخلصين منه وبعد لو أتوقع وزنه ميه وأنتي جايه لو نسوي بس إحصائيه هنا بالمنتدى بالاوزان كان تطلعت الفضايح [COLOR="Red"]بنات لاتردن اتركوووه البزر الملاس وشكله أكبر مابه راسه أسم على مسمى يعرف يفكر كويسس [/COLOR]

الموضوع للنقاش اختي الكريمه
ولا دخل لحجم راسي بالموضوع

اقتباس المشاركة الأساسية كتبها قـــصـــيّـــة ^^ سبب تواجدهن بالمطاعم .. تغيير جو لأنهن 24 س بين 4 جدران مب مثلكم البيت مثل الفندق للأكل وللنوم فقط !! وسبب ازدياد السمنة .. ضغوطات نفسية وإلا لو تشوف أكل بعضهن مثل أكل الطير ووزنها 80 - 90 والضغوطات منكم يامعشر الرجال! فـ خفوا عليهن علشان ينحفن

والله معك حق بعض الرجال الله يعين اهله عليه
شكرا لك

اقتباس المشاركة الأساسية كتبها فيري يقولون الواحد اذا صكت به الدنيا وجاه اكتئاب ياكل حلا هذا ان دل على شي فهو يدل على ان اغلب نسائنا مكتئبات هع عاااااد لييييش مكتئبات ؟ كل وحده وبلاويها بس على مااعتقد ان الضغط اللي يوجد على المره من المجتمع هو السبب

ما اعتقد اكتئاب
وشكرا لك

اقتباس المشاركة الأساسية كتبها سُـقيا وه بس يالبى قلبتس قصيّه بردتي تسبدي جعل ملاسه تموطك قل آمين

ارجو الا يكون الموضوع شخصي
الملاس من اهم ادوات المطبخ
ولا يستحق هذا التجريح

اقتباس المشاركة الأساسية كتبها رمز الابداع / وإذا كانت الحريم تاكل كل اليوم .. تـكـدّون عـليهن مثلا ,,, عليهن بألف عـآآفـيـه .. /

الف عافيه على الجميع ما نكد لاعلى الحريم ولا الرجال

اقتباس المشاركة الأساسية كتبها امبراطورة القلوب♥ الحمدلله والشكر.. ليش اكلين وشاربين من حسابك مثلآ..؟؟؟؟ أصحاب العقول في راااااحه..

الله يرزقنا واياهم

اقتباس المشاركة الأساسية كتبها بدون اسم... . موضوع تافه للغايه ومايليق بمنتدى مثل منتدنا

لا يجبرك احد على دخول المواضيع التافهه

اقتباس المشاركة الأساسية كتبها ام البنات99 امحق حنا ناكل وحنا نركض رجل وبزارين وكرف اما الرجل همه بطنه والنوم ومع ذالك الله بخليهم لنا

شكرا لك
الرجال بعد يتعب بالدوام ويكد عليكم
والحياه تعاون

اقتباس المشاركة الأساسية كتبها MESO ماشاء الله شفناكم يالرجال مساويك من قل الاكل..ترمون اكثر منا..

الاختلاف على عدد الوجبات وتعددها لدى النساء وليس الرم بحد ذاته

اقتباس المشاركة الأساسية كتبها [[[ أمــيــره ]]] يقول المثل: اللي في القدر يطلعه الملآس بعدين مو كل الحريم مثل هذي الشآكلية اللي أنت قلتهآ ؟؟ أمممم في مقولة: الطريق إلى قلب الرجل معدته . س/ أيش رآيك ؟!

صحيح هذا المثل رائع اشكرك على المشاركه
المقولة الصحيحة اقصر طريق لقلب الرجل معدته

لا تعليق لاتعليق خلينا بالحريم الحين

اقتباس المشاركة الأساسية كتبها حربي عابر دربي لالالالالالالالالالالالالالالالالالالالالا انا اقول ان الحريم اكثر اكل من الرجال ..... هاهــ وش رايكم بكلامي .... تهقون صحيح احلم يا طويل العمر ..... وتحمل هــ الاشكال ذي

سم طال عمرك واسف

اقتباس المشاركة الأساسية كتبها @سجى@ هههههههههههآآآآآآآآآآآآآآي الفاضي يعمل قاضي لوشه حنا نطبخ وننفخ أوب لكروشكم الي مترين قدام حنا ياقلبي علينا شوكلاته وانتم عند سوق الغنم مير تشترون بذا الغنم عشان المفاطيح ولا بقسم للحوم هه مالت عليك وعلى موضوعك الى مثل وجهك

والله لويحصل لكن تروحن سوق الغنم ما تقصرن

والشكولاته تراها دهون في سكر

اقتباس المشاركة الأساسية كتبها بنت كفو ههههههههههههه اضحك الله سنك ، اخونا صاحب رز ومفاطيح مو ليز .........

شكرا لك الرز افيد للجسم وترا الليز دهن

اقتباس المشاركة الأساسية كتبها المدلهم الحريم لو اكلن يحق لهن لأنهن هن اللي يطبخن لكن الكلام عليك أنت اللي ما غير ترم وتتنقش همن تجي تحط هالموضوع

لا استطيع الرد على هذه المشاركة لانها حقيقه مؤلمه
بس اجي من الدوام واطبخ بعد
شكرا لك

اقتباس المشاركة الأساسية كتبها فــ ـهـ ــد الرجال يا ملاس يحبون الاكل اكثر من الحريم وخاصه الاكل الدسم والحريم يحبون الحركات الخفيفه اللي ما تشبع ولا تغني من جوع وبعدين علشان تعرف ان الرجال هم اللي يحبون الاكل شف كروشهم هههه الواحد منهم كنه حامل بالشهر التاسع اللهم يا كافي وكله من الاكل ولاحظ اغلب الحريم مالهن كروش الا وقت الحمل يا ملاس هذا الموضوع ذكرتهن فينا ليتك ساكت ومشكور على الموضوع التحفه

الشكلت كله دهون وهو عشق النساء الابدي
تحياتي لك
وشكلي تورطت بهالموضوع

اقتباس المشاركة الأساسية كتبها بنت كفو بنات جربن تاكل وحده منكن مع رجال ماتلقى إلا الصحن وهي لسا باللقمة الثانية وتنتبه لنفسه إذا مالفه واكله هي بعد . قال الحريم يحبن الاكل .

صدقتي كلامك صحيح
وانا هنا للمناقشة وهذه المشاركة اعجبتني

اقتباس المشاركة الأساسية كتبها كتكوته مو صحيح بالعكس قهوة حول الظهر ثم غداء حول العصر ثم قهوة المغرب وعشاء اخر الليل.. اما الفشارات والعصيرات للمراهقات وتعرفون الفراغ وبالعكس تلقى الرجل يعلف اللحم مع ا لرز وانتي لساتك بادية بالسلطه..

يمكن لانك كتكوته ماتاكلين بس ما اتكلم عن الكتاكيت
اقصد النساء اجمالا

[الطاوؤس]

السعوديات اكثر سمنه احصائيه خاطئه وش دراهم عن بنات الناس
نسبه معينه فيهم مرض السمنه عممو قالو السعوديات

[الـعـابـر]

ازين ما بالمرأة ان وزنية اكلها خفيف لكن مستمر
يعني ماشاء الله تقل طاحونه تشتغل على خفيف لكن ماتريح ابد
ولو تجمع وزن مأكولاتها ليوم واحد كان حصلتها اكثر من وزن مأكولات رجل واحد ليوم كامل
لأن الرجل ثلاث وجبات باليوم و المرأة المجال مفتوح من النوم حتى النوم
الكلام اعلاه مجرد كلام لا يُقدم ولا يؤخر

[الملاس]

اقتباس المشاركة الأساسية كتبها من الجماعة ولو تجمع وزن مأكولاتها ليوم واحد كان حصلتها اكثر من وزن مأكولات رجل واحد ليوم كامل لأن الرجل ثلاث وجبات باليوم و المرأة المجال مفتوح من النوم حتى النوم الكلام اعلاه مجرد كلام لا يُقدم ولا يؤخر

هذا ما اقصده بالضبط

باكر خميس عاد شف البرنامج حق الحريم الي عندهم دوريه ولا طلعه

[هيبـــــارآ]

،
.

واللــــــه موضوع غريب عجيب بصراااحــــــــه
اممم للحين مالقيتوا السبب...؟
عالعمـــوم نحن معگم قلبآ وقالبآ إلى أن تنتهوا من البحث عن أسباب
../حبنا للأگل\..

[محب الاصلاح]

ترى مالي دخل انا بس دخلت اتفرج مع السلامة

[انكساري شموخي]

ههههههههههه
لا موكل ذا مانقوم الصبح الا للمدارس >>> وقت الاجازات ما نقوم الا الظهر
اما التصبيره ههههههههههههه عجزززات ,,, وحنا بعصر السرعه

[النجوم الصغار]

الاهتمام بالاكل يكون ناقص الشخص شىء يكملة بالاكل

[roosh]

سقيا تراي ميييته من الضحك على ردودتس ي مطرطعه
بتله المواضيع السسخيفه ترتفع كثير : (
وهذا موضوع استفزازي درجه اولى , الله يكفينا شركم بس =(

[تيجان]

صاحب الموضوع يستفسر فقط
لكن حسيت انكم تعانون من ضغوطات نفسية وتجون تطلعونها ببعض بالمنتدى
الله يهديكم
سبحان الله وبحمده

[هبوب النسيم]

اقتباس المشاركة الأساسية كتبها المحرومه الله يرحم حالنا لاقعدنا على الغدا والا العشا ماناكل هذا توكلينه وهذا تصبيله ماء وهذا يبي لبن وهذا يبي بيبسي ويروح الوقت وما اكلت الوحده

والله انك صادقه بس دايم ظالميننا قسم اكثر ما يبلع هم

[مستحيل أجرح~!]

أعتقد أختك أو أمك أو بنتك تحب الأكل ..
لذلك عممت على كل الحريم يآحول ..
عاد هذي مشكلتك رح قل لأختك لاتاكلين كثير .. ماتجي تهاوشنا بذا

شايف اسمك ؟؟

صدق اسم على مسمى ..

ملاس = مخ مافيه للأسف هههآي


وعلى قول المثل

كلن يرى النآس بعين طبعه : ) ..

[Exceptional girl]

اغلب الردود تنم عن افتقار كبير لثقافة الحوار
صاحب الموضوع طرح موضوع غير مستفز من وجهة نظري ربما هو عايش او سمع عن فئه من النساء تاكل بشكل مستمر بدون انتظام لوقت الوجبات وحاب يعرف الاسباب ومن واجبنا ان نتعامل مع موضوعه بكل مرونه وبدون تعصب
اخي الكريم ماذكرته ربما يرجع لعدة اسباب هناك من النساء لاتستطيع ان تاكل مثلا وجبه صحيه كامله بوقت الفطور او الغداء لذلك تتبع اسلوب تقسيم الاكل ع فترات متفاوته او بعضهم تمر بضغوط اجتماعيه وضروف نفسيه تجعلها تهمل نفسها صحيا وتلجاء لاكل التسالي مثل الشوكو والشبس على فترات متقاربه بعيدا عن الاكل الصحي وبالنسبه لمسالة السمنه انا من وجهة نظري وبحكم اني ارى في المولات والمستشفيات والتلفاز والمطار ارى بان الرجل السعودي اعلى نسبه بالسمنه مقارنه بالمراءة السعوديه وخاصه ان رجال السعوديه يتمتعون بالكرش البارز الذي سبب للمتزوجات حاله نفسيه مؤرقه
تحيتي

[أمة الرحمن]

الله يهديكم لا تتهاوشون .
من أراد أن يضيف مايفيد فل يفعل ,وإلا فالترك أولى .

عموما الإكثار من الأكل عادة سيئة ,فلا يتبع الإنسان نفسه هواها وكل ما اشتهى شيء أكله ,بل يأكل إذا احتاج لذلك ,فإن هذا أصح للجسم .
(حسب ابن ادم لقيمات يقمن صلبه )