|
|
|
07-11-2011, 04:22 AM | #1 |
عـضـو
تاريخ التسجيل: Nov 2011
البلد: بجنب بيت جيراننا وبيت جيراننا بجنب بيتنا||~
المشاركات: 25
|
مستحـيل آللي يصيـر :( انقذت الشعب ):
كنت أتمشى بالحارة .. وماكان لي اي هدف أو هوية بالحياة .. إن شفت لي بزر سطرته .. وان
شفت بس شعثته ( لحقته ) .. وان شفت كفر نسمته .. وان شفت لمبة زينة اقعد اوازن عليها بالنبيطة لين الحطهآ .. وان شفت لي حرمة تبي تركب سيارة الحقه علششان اقوله .. انتبهي لاتصكين الباب على عبايتس .. وان شفت لي قعس قعدت اطامر وراه لين امسكه .. همن اقعد احقق معه .. واللي احس انه مجرم اخليه برئ .. واللي احس انه برئ اخليه مجرم .. والخه بالزبيرية .. يعني بإختصآر .. قوطي النيدو احسسن منى؟؟ .. على الاقل قوطى النيدو .. العجز يجمعن به فلوس البسطة لكن بذآك اليوم لف انتباهي شي غريب .. ان القطاوة تمشي بالحاآرة .. شي غريب القطاوة من حرب الخليج ماادري من معركة نهاوند ماوطوطت على حارتنا .. وش جآها اليوم ؟؟ .. قلت يمكن مبزرة الحارة طالعين منآ ولا منآ .. ولا عندهم مهمة في غاية السرية .. يا لاقين بنقالي يحارشونه .. يايكسرون لمبات الحارة الثانية .. عقب ماخلصوا من حارتنا .. ولا يشنون غارة على بيت ابو يمن اللي جنبنا .. علشان كذا القطاوة ماخذة راحته هاكاليوم ...!! لكن برضة شي لفت نظري وبقوة بعد .. مريت من قدآم شيبآن الحارة .. بدون مايتكلمون ويحشون ويأشرون بعصاينهم علي .. ولا بالعادة اذا مر احد من قدآمهم .. ماتشوف إلا انواع الحش والتقطيع واللي غاثن انهم اذا قضوآ مقطعينه .. لحطوه بعييين .. المهم اني قلت بنفسي .. يمكن الله بلاهم وشل السنتهم .. ولا مسأله ان الله يهديهم فما ظنيت .. وآصلت مشيي .. لكن رجولي بدت تراعد بغيت اطيح من اللي شفته .. مرت ام فهد وولده بدون ماتهاوش ولا تدعي على .. شي ماكنت اتوقعه ومستحيل اني اتصوره .. خمس وعشرين سنة مانست يوم واحد تدعي على او تهوش .. " لآ بارك الله بك انت اللي مخربن ولدي لو ماعرفك تسان الحين شرطي " .. حتى يوم مات رجلها دخلت علينا بمجلس الرجال .. كنت عندهم يقالي اعزيهم وانا احتري الجريش .. قامت تدعي على عند الناس .. تقول انت السبب بموتت رجلي .. مع انه ميتن عقب عملية فتاق لا وبأمريكا مسويها .. مآعلينا كملت مشيي لرأس الحارة .. عند بيت مصلح بن فاسي .. وهناك صار شي خلاني أعرق .. واحط يدي على قلبي .. واطيح على ركبي لولا اني تسندت على الشاص حقهم .. كان بيت مصلح بن فاسي مايطلع منه ريحة غنم .. وموقفه قدامة بيوك .. والادهي من تسذا .. ان ولدهم فليحان قاصن شعره .. ولا بسن ثوب أول مره أقدر أميز ألوانه .. رحت لم فليحان اللي كان واقف قدام باب بيتهم .. بخطئ متثاقلة عشان استفسر عن الغرايب والعجايب اللي شفتهن بالحارة لكن فليحان يوم شافي مقبلن يمه وهو اللي يدخل ويصبخ بالباب .. آخر من قام بالتعديل [ لــمّــآح ]; بتاريخ 12-11-2011 الساعة 01:16 AM. |
12-11-2011, 02:36 AM | #2 |
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
اسلم ...
|
12-11-2011, 02:47 AM | #3 |
عـضـو
تاريخ التسجيل: Sep 2011
البلد: القصيم
المشاركات: 416
|
يابعد قلبي اجل صبخ بالباب ماله حق ..
ورن اياه اتوطاه..<<مشتهي اليوم فزعه.. والله ضحكت من الخاطر..ذكرتن بمنول الجيران عند بابهم شجره عبري.. وخذ تنبيط وكل يوم ابو جيراننا يشتكين كسر لمباتنا فلق عيالنا,,, المشكله مظلوووم ياجماعه..<<ايه هين والبساسه محرمه اصلا تمر من عند الباب..ههههههههه
__________________
اللهـ يـعـوضـنـيـ ): بـ خـسـآرتـ ـي :( |
12-11-2011, 09:40 AM | #4 |
Guest
تاريخ التسجيل: Nov 2011
البلد: في قلب من كنت في قلبه
المشاركات: 306
|
مشاء الله اجل صبخ الباب فليحان ولد مصلح بن فاسي
والله كويس كويس وغير هالسوالف ماعندك |
12-11-2011, 01:46 PM | #5 |
عـضـو
تاريخ التسجيل: Oct 2008
المشاركات: 643
|
اقول
اسلم وحاول يكون التشويق عال العال وخل فيه تسذب شوي
__________________
يعجبك الي يصدق نفسه |
12-11-2011, 02:55 PM | #6 |
عـضـو
تاريخ التسجيل: Dec 2010
البلد: بريدة
المشاركات: 3,320
|
^^^
__________________
|
12-11-2011, 03:12 PM | #7 |
عـضـو
تاريخ التسجيل: Apr 2008
البلد: وددت لو حويت العالم بقلبي ..!
المشاركات: 2,548
|
لمّاح | وش أنت معدّل بالموضوع ؟
__________________
لا أستطيع إستقبال الرسائل و السبب / صندوق الرسائل الخاص بك ممتلئ بنسبة 100%. ___ سبحان الله و بحمده , سبحان الله العظيم (f)
|
12-11-2011, 08:29 PM | #8 |
Registered User
تاريخ التسجيل: Oct 2011
البلد: القصيم
المشاركات: 447
|
إيــــــــــــــــــــــــه كمـــــل,,, إسسسسسسسسسسسسسسسسسسسسلــــم.. |
12-11-2011, 11:07 PM | #9 | |||||||||||||||||||||||
عـضـو
تاريخ التسجيل: Oct 2008
المشاركات: 643
|
اتوقع هو الي حط الفيسات
__________________
يعجبك الي يصدق نفسه |
|||||||||||||||||||||||
14-11-2011, 03:39 AM | #10 |
Guest
تاريخ التسجيل: Oct 2011
البلد: في الأحلام
المشاركات: 372
|
سوالف آخر الليل
|
14-11-2011, 03:46 PM | #11 | |||||||||||||||||||||||
مُــدَانْ
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,624
|
الخط نمل، غيرت التنسيق
__________________
|
|||||||||||||||||||||||
14-11-2011, 11:51 PM | #12 |
عـضـو
تاريخ التسجيل: Nov 2011
البلد: بجنب بيت جيراننا وبيت جيراننا بجنب بيتنا||~
المشاركات: 25
|
وش هآلتحطييم ذآ . . خلآص هونت |
15-11-2011, 02:58 AM | #13 |
عـضـو
تاريخ التسجيل: Oct 2008
المشاركات: 643
|
وين التحطيم بس ؟!!
__________________
يعجبك الي يصدق نفسه |
15-11-2011, 05:56 AM | #14 |
Guest
تاريخ التسجيل: Oct 2011
البلد: في الأحلام
المشاركات: 372
|
لا كمل أنت فللللللللله
روايه حلوة لك مستقبل شاعر>>وش دخلها يالله لا تمن كمل |
الإشارات المرجعية |
|
|