[قـــصـــيـــة]

موضوع ممتاز .. شكرًا اختي a m2aa

اقتباس المشاركة الأساسية كتبها مدحت شوقي بريده أما عـــاد اذا مرض هو .. تعااااااااال شف الونيين .. تحلف إن مابهالدنيا مريض غيرة .. ماغير يتبطح وينقل فراااااشة .. من الصالة للمجلس للمقلط .. تقول وحدة تبي ( تضني ) ..

والعجيب انها تعالجه وتشيله وتحطه وتوكله لحد ما يشفيه الله وياويلها تطلع من البيت تصير الزوجة المهملة اللي ماتراعي زوجها وهو مريض ><

بس تستاهل ماتاخذ حقها !

اقتباس المشاركة الأساسية كتبها خادم الوطن وش تبينه يسوي يجلس يهد الولد معك

ايه نعم هو يهد الولد وهي تروح تنام وترتاح .. حرام ؟

اقتباس المشاركة الأساسية كتبها خادم الوطن أنا مدري ليش كل شيء تحشرون الرجال المساكين فيه

مب الرجل شريك ؟

اقتباس المشاركة الأساسية كتبها خادم الوطن طيب يمكن عنده دوام أليس هذا من التعاون أنك تسعين لراحته

فرضًا هي بعد عندها دوام .. أليس من الرائد قصدي من التعاون انه يسعى لراحتها أو يتناصفون الوقت للسهر على مرض ولدهم ؟

اقتباس المشاركة الأساسية كتبها خادم الوطن وش هالحسد أنتي شاقيه بولدك الي مرض وهو شاقي برزقكم

اللهُ أكبر يالشقى اللي يقرا شاقي برزقكم
يحسبه يطلع قبل آذان الفجر وياخذ بعيره ويمشي 6 ساعات تحت الشمس بالبر يدوّر رزقهم و6 ساعات راجع

اقتباس المشاركة الأساسية كتبها خادم الوطن وبعدين إذا احتاج الأمر أنه يوديه للمستشفى ما أعتقد أنه راح يقصر

أعتقد ان هذا شي غصب(ن) عليه

اقتباس المشاركة الأساسية كتبها خادم الوطن من جد ما هو منطق تبينوه يسهر معك

ومب منطق مايشارك زوجته بمعالجة ولدهم

[احلام 99]

والله انك صااادقه يكثر الرجال اللي كذا بس الله يصبرنا عليهم...

[مرادي الذكريات]

معليش مانبيه يسهر..لانه بالاصل موب عارف كيف يتعامل مع طفل اما مريض او حقنه...بس المطلوب انه بعد هالسهرة مايطالبها بغداء ويوفر لها نومة هنيئة..ويتعاطف معها لو بالكلام وعادي لو سوا القهوة والشاهي وجابهم لها عشان تصحصح...

[DLOoOoO3h]

اقتباس المشاركة الأساسية كتبها مرادي الذكريات .بس المطلوب انه بعد هالسهرة مايطالبها بغداء ويوفر لها نومة هنيئة..ويتعاطف معها لو بالكلام وعادي لو سوا القهوة والشاهي وجابهم لها عشان تصحصح...

احـــلام سعـــيده

[متصفحة]

اقتباس المشاركة الأساسية كتبها a m2aa السلام عليكم ورحمة الله وبركاته الحياة الزوجية مبنية على المشاركة بين الطرفين في جميع الأمور ,اليس كذلك !!,

في السؤال يقع الجواب

المشاركة ليست بمعنى الإشتراك بل هي الإقراع و المساهمة

كون الرجل مرتبط بعمل صباحي هذا يعني أنه من الواجب أن تهيئي له الجو المناسب لكي يصحو مبكرًا وهذا لك أولا .. لأن تقديمه سيتميز بتميز من تقف خلفه .. وكلما تميز هو ستربحين اكثر

مثالية و مكانة و اشياء اخرى


ومن باب أولى أن يتحمل هو وأن يطيب خاطرها ولو بكلمات قلائل فقط لتسكن نفسها

من أعباء البيت و الأطفال

[Toop]

^^^^ يامتصفحة هذا الكلام الصحيح والمتزن
غريب امركم يا حريم ... وراه بعد ماينظف البيت ويطبخ وينفخ ويحفظ البزارين..
المرآة لها شغلها والرجل له شغله هو مطالب بجلب الرزق وهي مطالبه بالبيت ورعاية الاطفال...
مشكلة حريمنا بدن يقارنن انفسهن بالرجال ومحاولة تقمص شخصياتهم واخذ ادوارهم..

[متوسطة ابن عبد البر]

جـــزاك اللـــــه خـــــير

[معاني17]

اقتباس المشاركة الأساسية كتبها كَـارِيـزْمَـا © . حلوة الحتوتة .................. لو كانت حقيقية + الزوج لزوجته / تصدقين أستانس إذا طلعتي عن البيت ..؟ الزوجة / ولــيه ..؟ الزوج / يفضي لي الجو وأنعم بالهدوءء دون ضجة وإزعاج ..! ]الزوجة / مُسببوا الضجة والإزعاج ما جبتهم معاي من أهلي

مشهدي الحالم حقيقة ... ومشهدك الساخر أيضا .
ولو أن للبيوت السعيدة والبائسة ألوانا متباينة , تشع فوقها
لارتسم قوس قزح في , فضاءات المدن


شكرا.. كاريزما

[إليـن اليـوم..!]

ما عنده استعداد لتحمل المسؤولية ابدا ,,

والي يقول عنده دوام , يا شيخ تقولك ابنه " ولده " يعنـي هو ابوه !!

[فهد - الرسي]

حضن الأم و دفاها . .

هو الأكثر للطفل
لايوجد شي لاتعجب ؟
هذا امر طبيعي ومعتاد عليه ومعروف

[DLOoOoO3h]

اقتباس المشاركة الأساسية كتبها Toop ^^^^ يامتصفحة هذا الكلام الصحيح والمتزن مشكلة حريمنا بدن يقارنن انفسهن بالرجال ومحاولة تقمص شخصياتهم واخذ ادوارهم..

[ونـاسه]

والله ياجماعة الخير اقرى ردود بعض الاخوات واتعجب
كيف البعض كذا .. وين عايشين بالمريخ ..؟؟

معروف ان الام هي اللي تلد وترضع وتسهر على مرض ابنه وتتعب عشان وليده ..
وهذي هي شغلته .. كل ميسر لما خُلق له ..

الرجل بطبيعته لايعرف للطفل كيف يتعامل معه ..!!

والغالب ان الرجال عندهم دوامات ولازم يرتاحون وهو مكلف انه يوفر
لاهل بيته المال ولاوازم اغراض الاسرهـ ..!!

والمرأه غير مكلفه بالاغراض والاحتياجات .. شغله البيت والاطفال والزوج فقط .. وهذا المعروف

حلوهـ اقعد امرض البزر ..وزوجتي تشاخر.. كان اخقله .. بعد بعد مابقى غيره ..!!


عموماً ان من رأيي اننا نرجع للاصول دائماً عشان مانختلف في الفروع..!!
واتركو عنكم خرابيط الاعلام الي غيرت افكار المجتمع وبدلت مفاهيم
لم تكن لتتبدل .. !!

[ajmn]

أيتها المرأة . .

اتركي المقارنة بالرجل . .

و ابحثي عن ذاتك . .

بترتاحين . .

[آبو عمآر]

المسؤولية هي تكليف رباني للمسئول وهى تشريف لمن يقدرونها وليس كل مسئول هو مسئول . فواقع اليوم يوضح ذلك فالكثيرون يتهربون من مسؤولياتهم فالهروب من المسؤولية هو ضعف في النفس وانفصام في الشخصية وعدم ثقة في المقدرة على القيام بالواجب الملقى على عاتق المسئول .
الهروب من المسؤولية له اثأر سالبة كثيرة وهذا الكلام مبنى على دلائل ومؤشرات كلها من الرؤى الشخصية .
فا المسؤولية وعظمتها بينها ديننا الحنيف حينما قال رسولنا الكريم (( كلكم راعى وكلكم مسئول عن رعيته))