[روح عذبه]

بسم الله الرحمن الرحيم
السلام عليكم ورحمة الله وبركاته
أعزائي وعزيزات أريدك أن أقدم شكواي عن مستشفى التخصصي ياناس ي عالم كل شي صار بالوسطات ملينا من هذا شي يعني لآزم الواحد عنده واسطه لاصار مريض حتى بالمرض أعوذبالله
أنقل لكم قصت قريبه منقوله بالحدث أمراءه تسكن بأحد قرى القصيم وتم تحويلها لمستشفى التخصصي وبعد تحويلها هي عندها الصفائح الدمويه المهم دخلت على الدكتور وسئلها أسئله على الهامش بدون كتابه مانقول ليش ماسئل زين خلينا من هذه بعد بشوي رن الجهاز اللي معهم اللي يستخدمونه الدكاتره راح يدق ويقول أي معليك جبها ومأدري أيش ويتكلم
قال الدكتور أنتظرونا برى أنتظرت برى وهي جايه طبعا من 8صباحا وماجاها الدور إلا 10 ماقلنا ليش تدخلونا متأخرين بس أكملكم وأنتظرت وجاء دكتور ثاني ومعه حرمه ودخلوا وحنا لسى ننتظر يعني مو هذا قهر الدور دورنا يعني لازم واسطه واسطه واسطه والأنتظار حتى الكراسي ممافي من الزحمه يعني مأقول إلا الله يأخذ الحق لنا ولكل متظظظرر بقينا على أنتظار وتم خروجهم وقالوا هذا حاله خاصه لازم تناقش يقصدون الحرمه اللي دخلت على الدكتور طيب حاله خاصه ميخالف بس حل موضوعنا وموضوعها بعدنا لو هي تمشي بعربيه يمكن أقول أو مغمي عليها يمكن لكن واســــــــــــــــطه وهي تتتظر وقالنا وموضوعكم كلمت فيه يعني وش هالخرابيط وش كلمت سئلت أسئئله عاديه حدا أي أحد يسئلها ولسى بعد أنتظروا ومشت وخلتهم ,,~~
إلى متى !!ولماذا الأهانه يعني المشكله سعوديه واللي دخلوها موب سعوديه بس عشان زوجها دكتور!!
تعبنا من هالحال كل شي واسطه أو عشان موب بفلوس تراكم تستلمون فلوس لراحتنا وين الراحه ماشفناها وترى رحنا لمستشفيات خاصه بفلوس بس مالقينا أستشاريين ويوم جينا للي حاطينهم الحكومه أعزاها الله لنا وهي من حقنا مالقينا حل لكن لآقول غر يأسفاه أنا سعودي وغير يتهنى بوجودي !!
والله يرى عملكم وكل عمل محاسب عليه
..~~
شاكر لكم

[دُرر مضيئة]

هو ماذبحنا الا عيال ديرتنا لتوظفو عندنا
قدمو مصالح اهلهم واصدقائهم على مصالح المرضى

حسبي الله على كل من تلاعب بمصالح غيرة

[حربي عابر دربي]

الله يرحم الحال
فيه ناس تتنتظر اسره بالاسعاف مالقوا سرير

وانا حصل معي والله اني اكلم خدمة المرضى ويقولون لي فيه شغاله مكتوب لها خروج بس ماجاء كفيلها يستلمها وجدتي الله يرحمها بالاسعاف يوم كامل

مشكلتنا ان الضيعه ضايعه

[روح عذبه]

ولا نسيت أضيف معلومه أن السكرتير سعوووودي حق الأستشاري ترى هو اللي قال هذه حاله خاصه ويدورلهم عذر
وتكلمت المراءه من حرارة ماتحس به تكلمته عليه وقالت شكل المستشفى لمصر موب للسعوديه اللي قهرني بالموووووضوع أنه سعوووودي يدااافع عنهم ويتعذر عنهم قمة القهر هذا اللي نسيت أضيفه...
وشاكر لكم الرد ي وهج وي حربي نورتوا الموضوع ومانقول إلا حسبنا الله وكفـــــــــــــــــــــى