[البلح]

حقيقة لا أعلم سبب غياب أسم بريدة عن جلّ الدوائر الحكومية من التعليم والأمن
والبلديات!

بينما فروع هذه الدوائر عندما تفتح في مدن أخرى تسمى بإسماء المدن التي
أفتتحت بها,, بل سابقاً كان هناك بلدية مدينة بريدة والآن أصبح مسماها وكالة
الخدمات!

فهل الأهالي بمدينة بريدة تبلد لديهم الإحساس وأصبح كثر ماتحمل الإدارات
الحكومية اسم اولفظ القصيم نسوا أن ينسبوا أنفسهم إلى بريدة!

ونحن نعرف أن مدينة بريدة وصل ذكرها إلى كل مكان وحتى خارج المملكة

من وجهه نظري يجب أن تعيد الإدارات والمؤسسات الحكومية تسميتها بمدينة
بريدة أسوة بالمدن الأخرى............

[حبق]

والله انك كلام واقعي واللي يقهر جالس انا بالرياض
وعندى ثلاثة اصدقاء واحد يقول بالإجازة ابسافر للرس
والثاني يقول ابسافر لعنيزة والثالث يقول ابسافر للقصيم مع انه
من بريدة ما ادري وراه مايقول ابسافر لبريدة

[حلمي العذري]

أهم شي الاخلاق بريده والا القصيم ..!
ي أخي ليه تدققون على أشياء تآفه يعني وش بيصير لو سمينآ الدوآئر وماشبههآ بأسم المدينـه بيوظفوننآ أو يعلوآ شأن مدينتآ ..؟!
أنظروآ لاشياء أكثر أهميـه ..!

[الرادو]

اقتباس المشاركة الأساسية كتبها حبق والله انك كلام واقعي واللي يقهر جالس انا بالرياض وعندى ثلاثة اصدقاء واحد يقول بالإجازة ابسافر للرس والثاني يقول ابسافر لعنيزة والثالث يقول ابسافر للقصيم مع انه من بريدة ما ادري وراه مايقول ابسافر لبريدة

يارجال شف فندق موفنبيك يسوون دعاية يقولون فندق موفنبيك بالقصيم
ولايقولون ببريدة حقيقة لغز محيّر

[الدحرجة]

انا اعتبرها ميزة لأن بريدة هي القصيم

[الطيف المسافر]

القصيم هي إسم الشهره واكلت الجو محليا وخارجيا


لكن ابناء المنطقه نفسها هم من يحددون ان يذهبون لبريده او عنيزه او البكيريه او الرس


خير دليل اغلب الناس يقولون يازين الشرقيه !!!! ليه مايقولون يازين الدمام او يازين الخبر او الظهران او الجبيل ؟



لابد ان يكون هناك إسم تجاري قوي لجذب إسم مدينة بريده ليتداوله الناس ، على سبيل المثال لماذ يذكر ( برج بريده ) ولايذكر برج القصيم !!!!! وعليه اقول يجب ان يكون هناك إسم جذاب و مشروع قوي جدا خاص ببريده كناطحة سحاب في بريده مثلا


على العموم مسميات المناطق اشهر من مدنها إلا بعض المناطق التي تحمل نفس اسم المدينه كالرياض ومكه المكرمه والمدينة المنوره وتبوك وغيرها


لكن القصيم والشرقيه والجوف اشتهرت كاسماء مناطق فقط وعواصمها الدمام وبريده وسكاكا

[أبوسياف]

اقتباس المشاركة الأساسية كتبها الدحرجة انا اعتبرها ميزة لأن بريدة هي القصيم

صدقت وهذا اللي حاصل

[أبوسياف]

الحسد عرف عن بريده وهذا غير صحيح لاطلعت عن بريده تعرف الدليل كل مناطق المملكه تحسدك لانك وصلت لمكانه هم اقدم منك ماتوصلو لها القضاه كان مايختار قاضي الا من نجد المسؤلين اغلبهم من نجد يعني القصيم عموما محسوده من الجميع وانا شخصيا لامست هذا الشي بالجنوب والشمال بحكم عملي والحسد موجود بكل مكان ولم يحدد بمكان معين يكفينا فخرا اغلب العلماء من القصيم ووتتلمذ على ايديهم علماء من كافة المناطق.................ز

[دفا.]

مادام معنا القمر مالنا ومال النجوم
بريده قمرنا

خلهم يقولون اللي يقولون ؟؟؟

اذا اتبي تعرف قيمة بريدة
اطلع عنها فترة وتعرف غالتها

وثانيا غالبية من يسكنون خارج مدينة بريده
لايستغنون عنها

والحـــــــــــــــــر تكفيه الاشارة !!!

[اموت ببريده]

عاااااااااادي

[خواطر انثى ـآ]

طيب ؟؟
بريدة هي القصيييم واجلس مع ناس وقل لهم انا من القصيم يقولون ايه بريده وقل بريدة يقولون القصيم ,.>>تجربيه
بعدين ادخل على المواقع الحكومته لايوجد ششئ بـ أسم بريدة الا القليل منهاولكن يوجد شئ بـ أسم الرس البدائع البكيريه عنيزة ولما تبحث جيداً تتفاجأ بوجود مسمى (القصيم)والمقصود بها بريده لاتها جمييع المحافظات ذكرت !
وكلنا واحـــــــــــــــــــــــــــــــــــــد اهم ششئ عايششين مرتاحيين

اقتباس المشاركة الأساسية كتبها الاسلام هو الحل عطني شي مميز في بريدة نفتخر فيه بين الناس ...... غير الحسد

عفوآ أخوي تكلم عن نفسك فقط ! يُقال ( كلـ(ن) يرى الناس بعين طبعن )واللبيب بالاشاره يفهم !!

[الربو]

اقتباس المشاركة الأساسية كتبها الرادو يارجال شف فندق موفنبيك يسوون دعاية يقولون فندق موفنبيك بالقصيم ولايقولون ببريدة حقيقة لغز محيّر

فعلاً شيء عجيب وازيدك يوم كان الحزم يلعب بالدوري
يقول يلعب النادي الفلاني مع الحزم بالرس ويلعب النادي
الفلاني مع النجمة بعنيزة ولاصارت المباراة مع الرائد او
التعاون يقولون يلعب النادي الفلاني بالقصيم ولايذكرون بريدة

[بريداوي 7]

ونحن نعرف أن مدينة بريدة وصل ذكرها إلى كل مكان وحتى خارج المملكة !!!!؟؟

يا أ خي قل داخل المملكه اما خارج المملكه قويه شويه ؟!!

[موسع الخاطر]

اللي يقهر زياده وأنت جاي مثلا من الرياض مع الدائري الشرقي متجه لبريده اللوحة لاتذكر اسم بريده وانما الربيعية والشماسية مع ان الطريق يودي لوسط بريده ولايشيرون لوسط بريد ه الا عند مخرج الهدية أين المجلس البلدي من هالمهزلة