[خمائل مختاله]

سبق وكتبت علاج عن الصديق الملازم لربع البشر في الكره الارضيه

وهو القوولون....

ولكن كتبت هالكلام تعقيب لاحد الاخوان..وقلت ابكتبه بالساحه موضوع مستقل لتعم الفائده..

1-اولا المرض يحتاج هدوء نفسي ..وبعد عن المشاكل والجدال والحوارات العقيمه..لاتسمع اخبار محزنه ..خصوصا الذبح والقتل..ابحث عن التفاؤل..والاشياء المفرحه..واللي توسع صدرك..والاهم ورد يومي من القران طبعا..

2-وضع حمية غذائيه..بحيث تتجنب مايزعجك ويتعبك من الاكل..

على سبيل المثال..تترك المقليات والزيوت..تترك كثرة البهارات بالاكل..تترك الدسم ..لاتكثر قهوه وشاهي..لاتاكل التمر بقشره..قشر التمر وكلها والتمر البسر.. وتجنب المعجنات او الخبز العجين ..خذ لك خبز رهيف....عليك بالبرتقال ..ممتاز..هو والتفاح..اطلق شئ لاتخلي ثلاجتك تفضى منها..وانت طبيب نفسك اي اكل يتعبك ابعد عنه..وخل واجباتك الغذائية مرتبه..

3- لاتشبع ولاتجوع..خلك وسط..لو شبعت استفرغت وانحاست امورك وجاك عسر هضم ولبكة معويه...وان جعت انتفخ بطنك..خلك وسط..

4-اشرب زهورات..مثل الكمون=البابونج=البردقوش=الزنجبيل =واشرب شاهي اخضر ممتاز حيل..خذ كل عشبة لحالها او اخلطها كلها طيبه..اغلي الماء وحط شوي بالكاس من الاعشاب..وخله ينقع عشر دقايق واشربه..

5=تجنب الامساك..لوجاك امساك ..اشرب لك سنا مكي ينظف القولون عندك ..لان مشكلة القوولون الاخراج فيه سئ للغايه..مشكلته يخرج نص الفضلات والنص يبقى ..وهنا يتوجب عليك تنظيفه كل شهر مرتين بالسنا مكي..او الخروع..او الحتيته..لان اثار الامساك سيئة لو اهملتها قد تصيبك بالبواسير واشباهه..

6-عندك بذرة القاطونا والكتان ممتازات جدا للتليين البطن..وتسهيل الهضم وتخفيف الالتهاب والانتفاخ..لوحسيت بأن قولونك منتفخ ومتعبك..خذ ملعقه صغيره مع كوب ماء..وابشر بالعافيه..

7-انصحك بالزبادي ممتاز جدا يوميا تناوله ....لان القولون اقشر مع اللبن..مستحيل يتهضم اللبن عند مرضى القولون تلاقيك يجيك حموضه..وكل بلاء ..
فالزبادي يطهر الامعاء..ويليين البطن خصوصا لو اخذت معه ملعقة قشر رمان ..كل اسبوع..

وبالاخير تجنب السهر ..والصيام ممتاز للقولون يريحه..

والمستشفى لاعمرك تطبه .. ماغير يأكلون قروشك والا يحطون بك علة ماهي بك..لان القولون راح يلازمك طول عمرك..فخله صديقك الصدوق..وحبه ولاتزعله..
اي شئ يبيه عطه ..ولاترده..واي شئ يضايقه ابعد عنه وراضيه..

واولا واخيرا..نسبة مرضى القوولون عالميا عاليه جدا..فلذلك لايضيق صدرك ..بأنك تعبت منه..

وكل شئ بأجره..حتى الشوكه تشاكها يكتب لك حسنه..بس اصبر واحتسب..
بالاخير دعواتكم لك بالشفاء من الجرثومه

[الحياة مدرسة]

جزاكِ الله خير الجزاء
وأجزل لكِ عظيم ثوابه
حقيقة معلومات قيمة ويجهلها الكثير
أخوالي وخالاتي يعانون كثيراً من القولون
وكثيراً مايفعلون عكس ماقلتي في مقالك ربما هو جهل منهم بأخطار ذلك .
جاري تبليغهم لعلهم يستفيدون
+
شفاكِ الإله وعافاكِ ومنّ عليكِ بلباس الصحة والعافية

[بنتها وافتخر]

الحمدلله مو عندي القولون
ومشكوره على الملعومااات
وربي يعافيك من الجرثومه المزعجه