[خيالك مايفارقني]

السلام عليكم ورحمة الله وبركاته ..

أنا طالب من مدرسة عين جالوت في الصَف الثآلث متوسط ..

فقد فاجئتني خيبة أمل لم اتوقعها في المبنى الجديد الي نقلنا له أو بالأصح ( مبنى إبتدائية الحسن البصري)

اول نقطة أن المدرسة حوشها ماشاء الله , يمديك تسوي فيه سباق للخيل

لكن وين المقصف ؟ ! في دورات المياه أكرمكم الله

بالنسبة ل لجنة نظام المدرسة ,

ياخذ مني العلك وبعد شوي اشوفه ياكله في الفصل ؟ طيب انا لما اشوفه هو يتقيد بالنظام اكيد انا

بتقيد مثله , للأسف يا مرشدنا الطلابي ووكيل المدرسة ( فشل )

لا وإذا كان شخص من لجنة النظام خويه جايب جوال اتحداك لو يعلم عليه

وإذا جاب شخص غيره جوال راح ماشي مليون يبلغ ابو علي ولا المرشد الطلابي

والجوال يقعد أسبوعين عندهم , بأي حق تاخذونه اسبوعين ؟!

وبعدين بعض المدرسين لما يمسكك معك الجوال يقعد يفتش فيه , ماعمري شفت بجاحه زي كذا



طيب وشسمه الحين بمناسبة انكم حطيتوا البرادات

مو معقوله بتمنعون المقصف من بيع الماء ؟ يعني البرادتين الي حاطينهم بتكفي 300 طالب ؟

ولا تأخرنا على الفصل يوقفنا نص ساعه بره ومن المرشد للوكيل ومن الوكيل للمدير و بالأخير يخلين

ادور العصا عشان يسطعني فيها .. سلامات ؟

لا والحين طالعين لنا بالنظام الجديد , إذا تأخرت 5 دقايق عن الطابور , ماتحضر للدرس الأول

حزر ماذا نفعل في إنتظار انتهاء الدرس الأول ؟

يخلونا نتدرب في الحوش 10 دقايق , قيام جلوس ,

وبعدين ننتقل للدور الأول من المدرسة وقيام جلوس

وبعدين ننتقل للدور الثاني من المدرسة وقيام وجلوس

وبعدين ننتقل من للدور الثالث من المدرسة وقيام وجلوس

وهكذا لين يخلص الدرس الأول ,

- - - - - - - - -

الحين بالنسبة للإذاعة المدرسية الي يمسك المكرفون ماتسمع منه شي وش يقول ؟ !!

أجل جاينا الصباح معلن حالة وفاة والطقس والرياضة والمشكله والله ماندري وش يقول

- - - - - - - - -

وأتمنى يا إدارة المدرسة تقدروا جهود وزارة التربية والتعليم في توفير وسائل التعلم

, أجل سجادات الصلاة مالها شي جديده وتوسخت وش الإهمال هذا

السجادات جديده والطلاب يدعسون عليها بكنادرهم اكرمكم الله ,

لو ف بيتكم ماسويتوا كذا

- - - - - - - - - -- - - - -

طالب في مدرسة عَين جالوت .. 3 متوسط

بالتوفيق ياصف 2 متوسط و أول متوسط

[خيالك مايفارقني]

...
..

[مدرسة عين جالوت]

مشكووور
و انا زيك من مدرسة عين جالوت و اشهد ان كل الي قلته صحيح وراح انقل كل الي قلته لوزارة التربيه و التعليم

[أبو نايف1999]

ترا كلها سنه واتروح لثانويه >>> ولي العهد يعني الامور ذي عادي اتصير بأي متوسطه
لكن صراحه اهنيك على اسلوبك بكتابة الموضوع >>>>>>>>> هاذا >> الاسلوب الحضاري <<

وصراحتن لو اني منك وشفته يآكل العلك اللي اخذه من كان امسكه واخلطه خلط
على العموم انتم الحين بمتوسطه يعني الامور هاذي عادي اتصير
لكن الثنويه غير نوعاً ما .............. تختلف الثانويه عن المتوسطه

واذا على البرادات انا اذكر يوم انا بمتوسطه ما كانت فيه برادات وحتى الماء يوم يبيعون ويوم لا
وحتى المبنى مستاجر وغير ذالك كنا بعز الصيف ما نفتح الا مكيف واحد لانه يظغط على عداد الكهرب والكهرب
ما يتحمل يعني الوضع كان مـزري اشوي
بعدين اذا على التمارين وشوله اتمرن قلهم انا تعبان اظهري راسي بطني ما اقدر اذا ما ذا خل امك ولا اخوك يدقون عليهم >>> تراي تسذا انا منول اخلي امي تدق عليهم

على العموم الله يكون بعونكم

[بآقي امل]

توني ادري ان العيآل يآكلون علك

[2013]

مثل مدرستي

[متى يابريدة ؟]

التقيد بالأنضمة والشدة هي من تخرج لنا رجال في المستقبل

أما أذا كنت تريد الدلع ولعب الأطفال فالأفضل أن تجلس في بيتكم عند أميمك

تأكل معه كراث الضحى

تحياتي لك أخي الكاتب المميز خيالك مايفارقني

[R j R j]

وإذا جاب شخص غيره جوال راح ماشي مليون يبلغ ابو علي ولا المرشد الطلابي

@@

هههههههههههههههههههه الله يذكره بالخيـر أبو علي ,

شكله إلى الحيـن شاد عليكُم .. ,

يا بعدي إصصبرر لك سنه وتجي لولي العهد وتشوف المدارس وشلون !!

أجل عيـن جالـوت , < حرررام تسمى مدرسه

[ابــوع ــلوش^..^]

خيالك مايفارقني
انا طالب من مدرسة عين جالوت وكلامكك كل الي قلتة صحيح

ولي يقول مو صحيح هاذا ماعندةة سالفةةة
نبي نبتل زي سذاء......!!؟؟

[ذكوري]

الله يعين المدارس اغلبها دماااااااااااااااار

[ابو صالح1]

اقتباس المشاركة الأساسية كتبها خيالك مايفارقني - - - - - - - - - , أجل سجادات الصلاة مالها شي جديده وتوسخت وش الإهمال هذا السجادات جديده والطلاب يدعسون عليها بكنادرهم اكرمكم الله , لو ف بيتكم ماسويتوا كذا - - - - - - - - - -- - - - -

الله يهديك بس من وسخ السجاآدآت ..؟

أنت وربعكـ الطلاب والمدرسة مالها دخل بذلك

[اهات1]

تبي حل ااااشششششحط مدرسينك

[mezzo]

والله انك صاااادتس كل الي قلتة صحيح لكن الحين يجيك متخلف ويكذبك رووووح يااااحبيبي والى الامام

ولا تنسى مدرس التاريخ والجغرافيا الجديد الي الفاظة مثل وجهه

[خيالك مايفارقني]

اقتباس التقيد بالأنضمة والشدة هي من تخرج لنا رجال في المستقبل أما أذا كنت تريد الدلع ولعب الأطفال فالأفضل أن تجلس في بيتكم عند أميمك تأكل معه كراث الضحى تحياتي لك أخي الكاتب المميز خيالك مايفارقني

أخي حنا مانتدلع حنا نطالب بحقوقنا ك طلاب , شف ابوي رباني بدون ضرب واطيعه وكلمته على عيني وراسي ,

وغيري ماتدلع وقاعد ينضرب كل يوم واتحداك لو يسمع كلمه .. ولعلمك اخوي انا مانيب راعي لعب

ومن أوائل الصف الثالث المتوسط ولله الحمد

غير كذا فيه مدارس طلابها اساسا مشاغبين لكن المدرسه عدلت اوضاعهم واخلاقهم

بدون ضرب بدون شي