[الليـزر]

موضوع أعجبني فأحببت أن أقدمه لأحبابي
ملحوظة الكاتب هنا يقصد بـ ( دفيتر ) نفسه تصغيراً
لأن اسمه في المنتدى ( دفتر أبوعشرين )
في منتدى شواطئ
والذي جلبت منه هذا الموضوع

ــــــــــــــــــــــــــــــــــــــــــــــــــ ـــــــ
..

دفيتر .. طفل لايتجاوز السابعة ..

والده من النمط التقيليدي ،،، (((((على البركة)))):af8:

استمع لبرنامج في الاذاعة ..عن ( تربية الابناء بالترفيه والحب )

ووالد دفيتر كبقية الآباء يطمح بأبناء قمة في اللباقة والجرأة<<< وهذي الأخيرة يتمناها بقوة

* * *

ابتدأ مقدم البرنامج بذكر الهدايا ...

لكن أبو دفيتر ماصدق خبر وزنط صوت ضيف البرنامج .. وركض لابنه..





الوالد / يلله يادفيتر .. اليوم عيد ,, بسرعة تعال معي أشتري لك لعبة

دفيتر /ياسلام أحلى عيد ..:af3: أبغى أروح المحل الكبيييييييييييير اللي فتح جديد

الوالد / ولا يهمك ..

( اليوم ابربي ولدي بالحب وهذا اللي يعطيه الثقة ... كذا يقول ظيفهم
.. والله لأترسن ولدي من الألعاب ترسا سائر اليوم )


دفيتر / هذا هو المحل ... هيييييييييييييييييييييييييييييييييييييه ياحظي:

الوالد / أف أف .. هذا وانا أبوك ناااااااااار نااااااااااار .. وين أنت ؟:


دفيتر / طيب المحل اللي مع اللفة الثانية ؟؟
الوالد / طيب طيب ,, ويخب بعد عليك ..
دفيتر / وششششششششو يبه ؟:an8:
الوالد / لاتلجنا



* * *


دفيتر يمشي في محل الألعاب ،، ويتفرس في اللعب .. وكلما أمسك لعبة التفت ، ليرى ملامح الوالد ..:az8:

دفيتر / يبه شف هالزحليقه تهبل ..
الوالد / وبعدين تطيح منها وتنكسر ..لالالالا:as4:



دفيتر / شف شف سيارة على الريموت .. نطلع البر واخليها تطعس على الرمل ياسلالالالالالالالالالام ..
الوالد / هذي تحتاج كل يوم بطارية ... ماصارت أكد عليك والا على السيارة


يلله خذ لعبة.... ثنتين...... ثلاث .. على كيفك

دفيتر ( بصوت خافت ) : أما على كيفي ..:aw6:






دفيتر / خلاص لقيتها .. شف هالبندق .. مثل اللي مع ولد الجيران .. أقوله من وين ؟؟ ولا يعلمني ؟
الوالد : عاد الا سيرة الأسلحة .. بكرة تصير ارهابي:as4:



دفيتر ( بصوت أصابه الملل ) / شف هالكورة من جلد ...زينه

الوالد وهو يضع كف على الأخرى / ومن فاضي يجيبها لك اذا سطحت على الجيران ؟؟
دفيتر ( بصوت مرتجف ) / يبه مايقولون شي جيراننا

الوالد / لا،، ويرد
لك وجه .. كملنا ساعة وانت مااخترت ولا شي ..



دفيتر / طيب نروح للبيت ..:ad2:

الوالد / مايصير .. شف هالكورة من قطن ، وش زينها ..
دفيتر / أخاف أختي تغص بها وتمووووووووت بعد


الوالد / طيب شف هالقلم
دفيتر / أنا شكلي جاي لمكتبة ..

الوالد / وش تقول ؟؟؟
دفيتر / أقول أخاف القلم يفضخ عين أخوي:ah8:




الوالد / أقوووول ... الشرهة ماهب عليك ..
على اللي جابك
واللي شغل هالاذاعة ..

واللي جاب هالمذيع
واللي اختار ضيفهم ..يللللله ..
وشدة أذن... مع معطه ... يليها رفسه .. وشوته وصلته للبيت دايركت








ملحوظة / دفيتر ,,, شخصية من الخيال تحكي واقع تربوي يعيشه الكثير
وليست شخصية ناطقة بماضي دفترابو20 ... حياتي على العكس ..<<< مسوي نفسه :as2:

ــــــــــــــــــــــ

المصدر

والموضوع للنقاش
ننتظر التفاعل من الجميع

[الليـزر]

الموضوع حسافة
لذا جرى الرفع
!!

تعليقكم الطيب
ومناقشتكم المفيدة !

[سفروت المسفرت]

موضوع زينن مرتن

[قاهر الأمريكان]

مشكور يا اليزر

دفيران زين خخخخخ