[الحبّوب]

ظهر اليوم واثناء عودتي من العمل .. مشغل المكيف فجأة قلب صار حار .. ناظرت امبير الحرارة لقيته اعلى شي المهم ما امداني اوقف الا المرور جاي وقف جنبي : تامر شي ؟؟ قلت : تسلم يا غالي ابي سطحة !!

قال دقايق وهي عندك

انا موقف عالبحص اللي بعد تقاطع القاهرة اذا تعرفونه متجه شمال .. وهالناس ما غير تمر وتناظر "" صرت فلم هندي "" شوي وقف كامري وبغى ينزل لكن اشرت له اجلس .. جيته وسلمت عليه : قال تبي فزعة ناقصك حاجة ؟؟

قلت له قل امين .. الله ييسر لك طريق الجنة ومشكور وما قصرت السطحة جاية !!

قال الله يجزاك الجنة على دعاك ومشى ..

شوي ووقف وراي هايلكس مظلل : تامر حاجة يالطيب يلزمك مساعدة ؟؟

شكرته وقلت السطحة جاية ثم قلت له قل امين ..

الله يدخلك الجنة ومن تحب ..

بغى يصيح والله ..

المؤثر في الشابين انهم كل واحد سيارته فيها بكت دخان واشرطة اغاني .. يعني يمكن لو تشوفهم في الشارع تقول مستحيل يطلع منهم خير !!

الله يسعد قلوبكم بالطاعة وسامحوني

[الناعسه]

سبحان الله ترى فيهم خير

[الحبّوب]

صدقتي ..

[فوفتي]

مازالت الدنيا فيها خير..

[ونـاسه]

النآس بشكل عآم فيهم طيبة وقلوبهم على بعض
واهل الخير وآجد ,..


شكرا لك

[معلم مغترب]

كانت الفزعة والنخوة والشهامة أكثر بكثير من هذ الزمن
ولكن لا زال الخير موجود

وفقك الله ولا تحرمنا من دعواتك

[غريبة اليالي]

لايغركم حركات الشباب ..والله فيهم خير ...

مرة تعلق موتري بالنفود اخر اليل ووقت مدارس ولحالي ...انطقيت 4 ساعات ولا عدت اي سيارة ..يوم قرب الفجر واشوف شاص بعيد .اشرتلة بالنور ..وصل وكانو 3 شباب اقسم بالله يوم شفتهم بغيت اصيح كل واحد اطول من الثاني ومطولين على الاغاني ودخان ..وانا يحول لحال ..ماقصرو طلعو سيارتي وعطوني ماء وراحو ...

[قائد المجد]

لازال الخير موجودا وليس مختصا على فئه عن اخرى
ومهما بلغ الشر والعتو في الانسان تبقى فيه نقطة خير مضيئه بخفوت
تحتاج من يشعلها ويقويها
ولا يخفاكم ان الناس للناس والفزعه موجودة عندنا بشكل كبير ولله علوم الرجال لازالت
^
والله من الفلسفه

[عُيُوْنِ الْقَصِيْمِ]

الشباب فيهم خير بس يبون احد يوجهم ويلبي مطالبهم

[عبدالله]

الكلمة الطيبة صدقة............