[مطرق الريحان]

ياحليلكم تخيليكم بقهوه طين النقاش حاامي الوطيس.

والزحمه ماله حل الا هالشيبان والعجز اللي يطيعون أعيال,

وقبل يفقش يشتريه سياره .وسببوا زحمه

وراء ما يجحزون هم وعجزهم بالقرعاء.

[قلم البرادعي]

اقتباس المشاركة الأساسية كتبها عذيب يقولون بريده ديرت مقاريد وحسودين ومتفتفين وماهنا شي شين إلا قالوه ببريده وهالسنه مير الله يدفع البلاء صارت بريده زحمه وصار الواحد ماوده يطلع من البيت أو الأستراحه

الأخ عذيب [[[ هماه ]]] ذي لحالها في كفة

والموضوع في كفة أخرى

بالنسبة للزِّحام الحاصل سبق أن تم الإشارة إليه

بأن هناك تخطيط سابق سيء ..

وهناك تخطيط لاحق أسوأ

لكن [ هماه ] زيادة السكان كشفت السوء .

الحسد ... وهماه .. وش حيثه .. وش كاره .. وشسسمه

( لغة من لا لغة له )

كمْ نتمنى أن تكون بيئة بريدة بيئة جاذبة

وليست طاره... أليس كذلك ..؟

والحسد مذموم ... وإذا كانت هذه الصفة موجودة

يجب تركها

والحسد كان موجودا من إخوة يوسف ..

.. قال تعالى : الآية

[ قالوا ليوسف وأخوه أحب إلى أبينا منا ونحن عصبة ]

يجب تركها .. وعدم الاتصاف بها


....

[ام القمرين1]

اشبكم يالقصمان زعلانين عشان سكنا ببريده

من حبنا لكم اخترنا بريدة من بين مدن المملكة

[رولكس]

اقتباس المشاركة الأساسية كتبها ام القمرين1 اشبكم يالقصمان زعلانين عشان سكنا ببريده من حبنا لكم اخترنا بريدة من بين مدن المملكة

لا تعليق .. أحرجتينا بردك الكريم .. الله يحييكم بديرتكم الثانية
بس .. خلي الشباب يفضفضون شوي

[نورالايمان]

اقتباس المشاركة الأساسية كتبها ام القمرين1 اشبكم يالقصمان زعلانين عشان سكنا ببريده من حبنا لكم اخترنا بريدة من بين مدن المملكة

الله يحيتس نورت بوجودتس ماعليتس منهم يعني انتي بتسببين زحمه بس هاه موب لارحتي لديرتك سبيتينا

[جووولي]

بسراحه كلي فخر اني من بريده

وبعدين مايسب بريده الا واحد غيوووووور
يكفينا فخر اننا منبع العلم والبطوله واكبر دليل ان مدينتنا طلعت وزراء وومشايخ واغلب المناصب العاليه ورجال الاعمال قصيميه
عاد كل اللي يتطنزون هالقصيم واهلها وخصوصا اذا كانو من برا نجد لو تجي تسالهم وشي اصولكم قالو بكل فخر بريده وهم اصلا مايعرفون وش بريده بس تلقاه يعرف واحد يعرف احد من معارف اللي يعرفون جيرانهم
لانهم يعرفون ان بريده اصول صح فالكل يفخر بالانتماء له
يكفيكم ان اهله رجال لا نخيت الواحد منهم طق الصدر وفداك بكل ماعنده ·
لان اهلها يمثلون عائله وحده واللي يمس غيرهم يمسهم
كل هذا وماتبغوننا نحسد
انا معكم انه فيها اشياء مو زينه بس الاشياء هذي كله بس شكليات والا واقعه شي الكل يحسدنا عليه

وه بس يالبى ابوي واخواني وكل من يمثل بريده
ربي يحفظنا ويجعلنا دوووووم يد وحده ويبعد عنا كل من فيه شر

[نورالايمان]

اقتباس المشاركة الأساسية كتبها اموت ببريده وزعو المستشفيات والادارات والاسواق والطرق والمناقصات وووووووووو على جميع المحافضات والقرى واتركوا عنكم الواسطات وشوفوا ان جاء احد عندكم والله ما تلقى غير البنقاليين تاخذون كل شي ولا تبون احد يجي مع اني من اهل بريده لاكن ما ارضى بالسب لاي ضيف يجينا واهلا وسهلا بالجميع

نقعد بدون مستشفى واسواق ....الخ
عاد هذا الناقص ترى بريده مدينه موب قريه

[جووولي]

اقتباس المشاركة الأساسية كتبها مطرق الريحان ياحليلكم تخيليكم بقهوه طين النقاش حاامي الوطيس. والزحمه ماله حل الا هالشيبان والعجز اللي يطيعون أعيال, وقبل يفقش يشتريه سياره .وسببوا زحمه وراء ما يجحزون هم وعجزهم بالقرعاء.

حبيبتي وه من يحصله قهوة الطين اللي تكلمين عنه يالله من فضلك براد ووناسه وسوالف وفلة حجاج مع شاهي خادر بذاك البريق اطلق شي السراحه
بعدين حدك حسني الفاظك يوم تتكلمين عن من طلعنا على هالدنيا
بعدين ياقلبي هذي الدنيا وش تبغينهم يسوون يشترون لعيالهم حمير وسياكل
وبعدين اللي انا اشوفه والمعروف ان الواحد مايعطي ولده سياره الا اذا وصل لمرحله صار كفو بانه يمسك السياره وبعدين يا ماما انتي مو احرص من الاب والام على ولدهم وراح تخافين عليه اكثر منهم
واذا كنتي شأيفه بزر او بزرين ماسكين السياره انتي تعرفين ايش ظروفهم
يمكن ابوهم متوفي وامهم ماعنده غير الولد وتلقين ماعنده اخوان يخدمونه وش تبينه تسوي بهالحاله تجي تشحذ اخوانك وتمنن الناس عشان يوصلونه

احسن كلمه قلتيها بكلامك ( القرعاء ) فز قلبي لما جاء طاريها ديرت ومنبع خوالي
ولولا البعد والمسافه والخدمات اللي موجوده ببريده كان مالقيتي احد هنا كل الناس وده تبعد عن جو المدينه وتروح تعيش بالمزارع وتشم الهواء الطلق اللي يشرح النفس لكن الشكوى لله...
وسوف نظل نعشق برييييييييييده بكل مافيها من عيوب

[الطيف المسافر]

اقتباس المشاركة الأساسية كتبها بكسل ياجماعه بريده اصبحت خليط من كل الفئات والحضارات وعلينا ان نفتخر انها استقطبت الكل القاصي والداني المتعلم والجاهل فعلينا نحن اهلها الرفعة والسمو بها والفكير بتطويرها ربما نرى اشياء لايراها المسؤولين علينا بالنقاش الحر المحترم وذكر السلبيات للتطوير لا للتدمير رعاكم الله ووفقكم

كلام سليم 100 %


اتفق معك وبقوه مدينة بريده لابد وان تكون خليط بين كل الفئات والحضارات وهذا من صالحها وصالح المنطقه وخير دليل لاحظوا مدينة الرياض ومدينة جده والمنطقه الشرقيه هذه كل خليط من الفئات والحضارات وشاهدوا تطورها الهائل

اي مدينه تكون زحمه يقل فيها الحسد والعكس صحيح فالمدن قليلة السكان يكثر بينهم الحسد والمدن كثيرة السكان والمختلطه من جميع المناطق يقل فيها الحسد بشكل كبير

الحسد في بريده اكثر مما هو عليه في المدن المزحومه والمختلطه كالرياض وجده والشرقيه
وخير دليل الحسد لايكاد يذكر في تلك المدن !

ولكن بريده ولله الحمد في السنوات الاخيره بدأت تستقطب نوعا ما الحضارات والفئات من جميع المناطق وان شاء الله نرى بريده مثل تلك المدن وافضل


اي مدينه ينتشر فيها الحسد يفر منها الناس

[عذيب]

اقتباس المشاركة الأساسية كتبها ام القمرين1 اشبكم يالقصمان زعلانين عشان سكنا ببريده من حبنا لكم اخترنا بريدة من بين مدن المملكة

الله يحييكم اللي يحب بريده بريده ترحب بكم

بس كلامي للي ينكت ويستهزيء ببريده وشعب بريده

وتلقينه يحلم يكون من سكانها

مرة أخرى حللتم أهلا ووطأتم سهلا

[عذيب]

اقتباس المشاركة الأساسية كتبها اموت ببريده موضوع سخيف جدا ,,,,,, لا تكون بريده باريس وانا نا ادري

؟؟؟؟؟؟؟؟؟؟؟؟؟؟؟؟؟؟؟؟؟

[المسلهم]

مالك الا خشمك لو هو عوج
وشنسوي مره نكره الديره بسبب يقع
واذا ابعدنا عنه نوله عليه
هههههههه مالنا حل

[تركي الفريدي]

اقتباس المشاركة الأساسية كتبها نورالايمان نقعد بدون مستشفى واسواق ....الخ عاد هذا الناقص ترى بريده مدينه موب قريه

لا قصده توزيع الخدمات العامه !!
وهذا وجهي ان جاء احد بريده

[غرب بريدة]

انا اقول وش مطلعكم من بيوتكم .اللحين تقولون زحمه وحاله وكل واحد يقول الشارع لي ان اقترح تروحون وتجون على سياكل عشان تقدر تشيل السيكل معك لابيغيت ترقى الرصيف.اجل المطاعم يادفع البلاء والبلاوي الناس ماعندهم مطابخ ببيوتهم .به واحد لعوط وش رايكم نكلمه عشان يلعط الزحمة وتنخف شوي....تصدقون عاد مرت ابي غرض بالاسكان مت ماوصلت مساقط وكل واحد يجدع الموتر علي مرة والله العظيم تقل يطلبونن شئ ش هالعالم الدايخة..
العطلة جاية وتبي تكثر الزحمه بس نصيحتي لاحد يطلع من البيت الا مظطر اماء مريض اوبين الحاية والموت والا يبي مقاضي للبيت والا لاتتطلع الا الظهر لأن الزحمة اخف شوي والناس ماتطلع الى بعد الاخير تقل خفافيش.........................................بري دة ليس لها مثيل ...............بريدة غير ......بريدة مخاريش........بريدة يحول اللي مالة بريدة........بريدة بردي على الارواح..........بريدة عاصمة الشرق الاوسط