[فيتـامين]

السلام عليكم


فيه موضوع كلنا مقتنعين انه خطا بس تدرون وش المشكله ان مافيه احد يقدر يتجرا يكتبه
ليش؟
يخاف يجرح ناس وناس ويخاف يزعج ناس وناس
صح اني اسوي الخطا هذا دايم يالله انك تغفرلي
وانشاءالله بتوب عنه بس احيانا انسى واسويه والله
ولا يعني ماهو قصد شي بس تعودنا عليه وصرت اسويه اعوذبالله
صدز انه عيب وقلت حيا
بس تعودنا وهنا المشكله لازم نقضب فرامل يمل الغنيمه والله ماصارت عاد

الخطا هو:

(((((الضحك مع الحريم بالمنتدى وضحك الحريم بالمنتدى مع الرجال)))))


اول شي البنات
انتن سبب المشكله تراكن للامانه يعني سواليف اختي الرقيقه ماودي اجرحك وتسذ لا والله اسمحي لي
بقول الصدز والله
/////////////////////
فيه بنات بالمنتدى ابن امه يقدر يضحك معهن
هيبه جد ولا يعطنك مجال تضحك معهن
فيه بنات لا والله من جنبها بصراحه هن اصلن يبدن بالضحك معك
طيب انتي يافاضله ياضحوكه ترضين على امك انها تضحك مع رجال ولا بنتك
طيب يافاضله اللي تضحكين معه هذا اساليه وش رايك لو اختك تسوي نفس اللي سويته انا
انتي اسالي نفسك زوجك اخوك ابوك يرضاه
شي مايرضاه ابوك وش لك فيه؟
شي مايرضاه هو العضو على اخته وش لك فيه؟
/////////////////////
انت يا عضو ياحبيبي يافاضل
اسالك ترضاه على اهلك ولا بس بنات الناس؟
انا والله احسن الظن فيكم اي والله واقول اننا تعودنا على الشي هذا وهنا المشكله يعني انا مثلكم بس انتبهت للوضع زين وان الشي هذا مارضاه انا لاختي ولا لزوجتي وشلون يعني ارضاه لتس انتي ياعضوه
/////////////////////
طيب نجي لمشاكل المنتديات الناتجه من سواليف الحريم مع الرجال ودقة الحنك
يصير فيه مشاكل بين الاعضا وزعل وليش البنت ذي كلمت العضو ذاك وماكلمتني
والعضو ذاك وصخ مشبك بنات المنتدى كله ماخلا لنا شي عاد يالله بالتالي وشو
يفتح العضو موضوع مايلقى احد يرد عليه من الاعضا لان العضوات هن بس اللي يردون
على مواضيعهن
اذا سوا شي مايلقى احد ينقده حتى لو نقد بناء
بس البنت تصور شباصتها كلهم يجون يمدحونها يقولون waaaaw او ماي قاد حاقه فنتاستك بتقنن تسلم يدينك يامبدعه لبى قلبك
بالاخير وش يصير المنتدى يصير زباله بصراحه
يصير منتدى غير هادف
/////////////////////
طبعا الندا اوجهه اولا واخيرا للبنت انها تمسك نفسها عن السواليف هذي لانها يوم تصير محترمه
من ورا خشمه العضو يحترمها
/////////////////////
ولحد يجيني يقول انت اول كتبت تسذا وتسذا
ايه انا كتبت وكنت شخص داشر لكن الحمدلله والشكر يعني الحين عقلت وصرت من العاقلين

[أوتار الفرح]

[size="5"][/ گل الطرفين يحترمون أنفسهم ()/-
والوآحد ماينسآ أن الله فووووق/-

[ورد ~]

وهو كذلك

بس ي أخي عندي ملاحظة : إن شاء الله <~ تكتب هكذا وليس إنشاء الله
لأن بينهم فرق في المعنى ـ أبحث عنه وراح تحصل ماهو الأختلاف ..

وجزاك الله خير

[مسكين قلبي كم يعاني]

جزاك الله خير اخي

[girnaaas]

°
°
أراك قد بالغت كثيرا
°
°

[فيتـامين]

اقتباس المشاركة الأساسية كتبها أوتار الفرح [size="5"][/ گل الطرفين يحترمون أنفسهم ()/- والوآحد ماينسآ أن الله فووووق/-

المشكله حتى اللي ماعنده دين المفروض يكون عنده احترام
السالفه سالفة غيره وشسمه بعد
سالفة ان من طق باب الناس طقو بابه
والله يهدينا بس هذا اللي اقوله
شكرن لمرورك

[فيتـامين]

اقتباس المشاركة الأساسية كتبها ورد ~ وهو كذلك بس ي أخي عندي ملاحظة : إن شاء الله <~ تكتب هكذا وليس إنشاء الله لأن بينهم فرق في المعنى ـ أبحث عنه وراح تحصل ماهو الأختلاف .. وجزاك الله خير

ايه صح بحثت ولقيت انه صح عليك شكرن لك على المعلومه هذي
والله يجزاك خير انك دخلتي الموضوع

[فيتـامين]

اقتباس المشاركة الأساسية كتبها مسكين قلبي كم يعاني جزاك الله خير اخي

بالغتي بالثناء علي لان الرسول يقول من قال لاخيه جزاك الله خيرا فقد بالغ بالثناء
او بمعنى الحديث ناسي والله بس يعني الحين انتي مااثنيتي علي بل فوق الثناء
يعني انا ممتن لك شكرا اختي

[فيتـامين]

اقتباس المشاركة الأساسية كتبها girnaaas ° ° أراك قد بالغت كثيرا ° °

وليش يااخا العرب انني بالغت
ليش تقول اني بالغت
طيب يعني لون الكلام اللي بالغت فيه وعطني رايك لان اللي قلته موجود بصراحه
وهنا بقولك شغله الاعضا هنا محترمين بس هم ينسون ويقولون الكلام ذا يعني تذكير لهم
لكن غيرهم انا حطيته بمنتدى ثاني تنبيه لهذولاك بالغلطه اللي مسوينها الله يهديهم
وبعدين ياحبيبي انت ياقلبي ياعمري خذ هالفيس ذا
ترا السواليف مع البنات قسم بالله قسم بالله يجيبن المنتدى من ساسه ويصير ماله فايده
انا تراي بقولك شغله والله ماكذب قسم بالله
لي اكثر من خمس سنوات بالمنتديات ويمكن تعرف الساحة العربيه شحدتهم معرف وعيو يقولون لا
بس بالساحات الحره كان عندي معرف هناك وغيرهن الله يذكرهم بالخير الشله الطيبه دفتر كشكول
وتم روسكو وشهيد الواجب ياحبيلهم وايدن هذا حبيب قلبي
يعني اقولك انا شايف ان المنتديات اساس البلا فيهن ازالة حاجز الادب بين البنات والعيال
والله العظيم لو زال حاجز الحيا بين البنات والعيال لصار منتدى بريده ستي هذا خرطي
بس الله يجزاكم خيرا انتم محترمين
تراي ماخفت

[الدختور]

اقتباس المشاركة الأساسية كتبها فيتـامين لصار منتدى بريده ستي هذا خرطي

ههههههههه ياحليلك والله وسنعوك بالتوقيف
أسمع موضعك ذا لي تعليق ثاني علية ولكن أبحتفظ به لنفسي
وحبيت أشارك بنقطتين
الأولى وهي ياليت يلغون خاصية رسائل الخاص لأن عندنا الوضع مآش
الثانية ترى التظلل خلف معرف ذكر وهي بالأساس أنثى هذا أمر وآرد ويكثر هنا
وأعتقد هالنصيحة تنطبق عليهم أولا

[فيتـامين]

اقتباس المشاركة الأساسية كتبها الدختور ههههههههه ياحليلك والله وسنعوك بالتوقيف أسمع موضعك ذا لي تعليق ثاني علية ولكن أبحتفظ به لنفسي وحبيت أشارك بنقطتين الأولى وهي ياليت يلغون خاصية رسائل الخاص لأن عندنا الوضع مآش الثانية ترى التظلل خلف معرف ذكر وهي بالأساس أنثى هذا أمر وآرد ويكثر هنا وأعتقد هالنصيحة تنطبق عليهم أولا

هلا حبيبي الدختور
ازيك يا باشا عامل ايه يابني
وبعدين تعال وش عليك من البنت اللي متخفيه ورا معرف ذكر هذي مير تبي ترتاح من الازعاج هذي شريفه نزيهه
بس المصيبة بالشنب اللي لابس شلحه او ابو سروال وفنيله مسمي نفسه اريج بنت ابوها
هيدا هي المصية
عاد وشسمه ياليت نكبر بعقولنا ونخلي التنغيز بالكلام ويعننا ولا الفيسات اللي مال امهن داعي
عندك هرج قله ماعندك شي الله يصلحك رح نم
بعد تسبدي والله تساني اغليك
بس وشسمه هذاك العضو حق الصداع نسيت اسمه ريماكس مدري فلوتاب مدري اسبيرين
مدري وشسمه ناسيه هذاك انا احبه اكثر ياخي محترم ازين منك
عاد مالحب الا الحب في الرحمن
يفنى ويذهب كل حب كاذب
وتبدل الاشواق بالاضغان
اما اذا كان الوداد لخالقي
فهناك تحت العرش يلتقيان

الى هنا نكون وصلنا ختام ردنا على المدعو دختور
في امان الله وحفظه
نستودعكم مالله
رافقتكم السلامه

[الفجــــــــر]

يأمرون بالمعروف وينسون انفسهم

جزاه الله خير ابو ربى

اقتباس عاد مالحب الا الحب في الرحمن يفنى ويذهب كل حب كاذب وتبدل الاشواق بالاضغان اما اذا كان الوداد لخالقي (

والله من الصدز

[حلـم الطفولـة]

اقتباس ليش البنت ذي كلمت العضو ذاك وما كلمتني

اقتباس العضو ذاك وصخ مشبك مع بنات المنتدى كله و ماخلى لنا شئ

عن مين تتكلم أنت ؟؟؟؟؟؟؟؟؟؟؟

وين حنا ساكنين فيه (ياخي أشك إنك تتكلم عن منتدى بريدة ستي)

هالكلام المقتبس لا واقع له

[الناعسه]

ياربي اجل اختتي الفاضله لبى قلبسس؟؟؟؟؟؟!!