[آפـآسيس™ «●•]

..


مساء الخير

بسألكم عن كانون D600 ..
الظاهر اني لعبت ب ام الاعدادات -.-

لا جيت اصور يتأخر عشان يلقّط الصورة : $
وتطلع الصورة موشوشة حبتين ..
المشكلة الثانية لما ارسل الصور من الكام للاب م تفتح !

ولحد يقولي شوفي السي دي اللي جاء مع الكام , كل ابوه انقلش وانا مَ أدبر شي : (

ومعليش تراي بزعجكم

[فيتـامين]

شوفي وشسمه بسم الله اول شي اول شي
يمكنتس حاطته على الموقت الذاتي وهذا له فايده بس ماهو وقتها نهرج فيها

اول شي روحي واختاري الوضع الاوتوماتيكي او اي وضع
فيه فوق الشاشه على اليمين بزاويتها قدام زر عليه صورة كاميرا اضغطيه
اذا ضغطتيه يبي يطلع لك قائمه وفيها كلام وتسذا اضغطي الزر اليسار
يبي يطلعن لك ثلاث خيارات
الاول / تصوير منفرد
الثاني / مؤقت ذاتي: 10 ثوان/ وحدة تحكم عن بعد
الثالث / مؤقت ذاتي مستمر
اختاري الاول اللي هو تصوير منفرد

بالنسبه لوشوشة الحبه في زر فوق مكتوب عنده ISO خففي الايزو اختاري لتس يعني 200 الى 400 بالكثير
وترا الايزو الزايد المصورين ماينصحون فيه ابدن ابدن ابدن
يوم تحطينها بالكمبيوتر يبي يطلع فيها تشششوووييش تقولين وش تبي ذي




والصوره هذي توضح لك الزرار الاول اللي تضغطينه لاحظي كتبت عليه رقم واحد بعد ماتضغطينه تروحين تضغطين السهم اليسار كاتب عليه رقم 2




ومن زين حظتس ان الكاميرا موجوده الحين عندي متسلفها من واحد الله يجزاه خير ويزوجه بزوجه ثالثه

[آפـآسيس™ «●•]

^


طيب اقولك لا جيت اصور يتاخر على بال مايكشط الصورة :/

فهمت شلون ؟
يعني الغالق ذا يتاخر ابيه بسرعه يصور ..

[آפـآسيس™ «●•]

وهذا وشو ؟
لاني قعدت افرفر به لين قلت امين : (

[بولوهي]

الحل بسيط انتي لعبتي بسرعة الغالق وبنفس الوقت رفعتي الايزو ..
سأعطيك حل مؤقت ضع اعدادات الكاميرا في المربع الاخضر Auto للتصوير التلقائي

لابد ان تتعلمي من شروحات فيديو وهذا احدها \http://www.youtube.com/watch?v=_VOwVLFlYgI

[فيتـامين]

بولوهي ماشاءالله عليك ياخي تسذا انت تختصر الحل
انا يمين يسار ديور لف يمين بعد ثاني بقاله خذ يسار وديور
وانت بسرعه جبت الحل ماشاءالله عليك


اختي مثل ماقالتس بولوهي حطيهن بالوضع الاوتوماتيكي وابد ان شاء الله مايصير الا كل خير


بس اذا انتي يعني ودتس تسذا تصيرين محترفه واللي انتي حاطته هذا بالصوره اللي جبتي هذا يغير سرعة الغالق
ويغير فتحة العدسة يعني اذا خليتي سرعة الغالق اقوى من ثانيه ولا خليتيها عشر ثواني هذا للتصوير الليلي ولازم يكون معك حامل ثلاثي حتى تصورين زين بالليل
وفتحة العدسه كل ماصارت فوق الخمسه كل ماصارت الصوره قاتمه
اذا انتي ودتس تعرفين ترا السالفه سهله نساعدتس وتصيرين تعرفين ان شاء الله

[آפـآسيس™ «●•]

-


شششكرا لكم , م تقصرون والله :*

طيب فيتامين , تقول ان ذاك حق سرعة الغالق !؟
يعني اللي لعبت به انا :|

كيف اخليه طبيعي الفّه يمين او يسار : (

[بنت المشاري]

العفو ماسوينا شي ��

[فيتـامين]

ليش؟ خرب هو يعني؟
بس انتي اول تقولين انه كان زين وجلستي تفرينه وتلعبين فيه
وشلون يعني خرب الحين؟!
يعني خرب صار مايتحرك؟؟

[فيتـامين]

واذا هو على قولتس خربان يعني خلاص وشسمه تسذا روحي فكي العدسه وركبيها مره ثانيه
يمكن يصير زين ان شاء الله وتجلسين تصورين المناظر الطبيعيه