[شاعر راعي مشاعر]

جلسنا أنا وواحد من خوياني في كوفي شوب إلا أقبل علينا واحد من الشباب وكان توه ماله كم يوم متعرف على أخوي ألي أكبر مني بسنتين وشوي وأسمه عبدالعزيز المهم يوم جلس سلم علي وقام ياخذ ويعطي معي على أساس أني عبدالعزيز ألي توه متعرف عليه المهم حس بتغير بسيط في الطباع وسألني وشبك صرفتها وقلت له متضايق شوي ومقفله معي
إلا رد علي وقال:كيف ذاك اليوم بالكابرس؟
سكتت شوي وبعدها قلت له لا تذكرني ياشيخ
وأنا أصلا لا أعرفه ولا أعرف وش سالفة الكابرس
بس صرفتها يسار وجت معي
وشوي قام ذكر شيء عن أخوي
أنا ما أعرفه وانا أهز راسي وأعطيه على جوه
المهم فجاءه جاء واحد من الشباب ودخل الكوفي وخرب الشغله ومع الأخذ والعطا فضحني بحكم أنه يعرفني ويعرف الشخص ويعرف أخوي
المهم الا الولد أنتفض كانه مصفوع على وجهه وبغا يتشابك معي وهو يقول أعرفك أنا عشان تمزح معي؟
هديته وقلت له خذها بروح رياضيه
وبعدها تعرفنا بس للحين أشوف أثار في عيونه ياهي قهر أو أنه شايل علي أوشيئ من هاذا القبيل

[مجد الجاسر]

ابدااااااااااااااااااااااااااااااااااااااااااااااا ااااااااااااااااااااااااااااااااع

[دفا..]

سمعت موقف من قوته اغمض

واحد توه معرس وجاي عند اهله

وفيه وحده تصلي بالغرفه بابه يفتح ع الصاله

المهم ابو الشباب يحسبه زوجته قال في نفسه ابشيل اللي على راسه

يقول سبحان الله مدري وش اللي خلان اصبر واهون

شوي والبنت اللي تصلي سلمت يمين ويسار والرجل حط رجله
عرف من صوته انه موب زوجته زوجت اخوه

تخيل الموقف لو زووود المزح وش يصير



وحده نفس السالفه بس تخلي جسمك يتكعرش هههه

زوجة حبت تمزح مع زوجه المهم شافت زول رجال وتحسبه زوجه واقف يتوضى من المغسله

المهم جت وعطته طراق مع راسه وهو مطمس يمسح راسه

فجأة صار اخو زوجه ههههههههه


المهم يقولون الزوجه جلست شهر بالغرفه
وبعدها طلعوا من بيت اهلهم

[ابن الإسلام]

لك شو خو من الجماعه والله من المواقف عندي
وإن شاء الله أبكتب ألي أذكره

[ابن الإسلام]

موقف حصل لي يمكن كثر حصل لهم مثل هذا الموقف
مره دخلت أنا واحد الشباب مطعم وكان ناوي على كلامه أنه يباشر على
يوم جاء يدفع لقى مامعه فلوس طبعا أكيد صارت على راسي ودفعت أنا


وبعد فترة ذهبنا أنا وإياه لمطعم وكنت أنا ألي أبدفع مع العلم إني ناسي
الموقف السابق وناظر وألقى ما معي فلوس المهم دفع عن وبعدها تذكرت الموقف
قلت له هذي بتلك

[ابن الإسلام]

موقف حصل لي يمكن كثر حصل لهم مثل هذا الموقف
مره دخلت أنا واحد الشباب مطعم وكان ناوي على كلامه أنه يباشر على
يوم جاء يدفع لقى مامعه فلوس طبعا أكيد صارت على راسي ودفعت أنا


وبعد فترة ذهبنا أنا وإياه لمطعم وكنت أنا ألي أبدفع مع العلم إني ناسي
الموقف السابق وناظر وألقى ما معي فلوس المهم دفع عن وبعدها تذكرت الموقف
قلت له هذي بتلك

[الـعـابـر]

اقتباس المشاركة الأساسية كتبها حربي عابر دربي قبل كم اسبوع جيت للمسجد ابغئ اصلي المغرب ( اللهم لا ريا ) الجماعة اطلعوا من الصلاة تجمعنا 3 اشخاص وجاء واحد ملتحي يظهر عليه سيما ( الكيف حال ) حتى ملابسه تدل انه ( الله يعافيه ولا يبلانا ) -المراد- كلنا يقول للثاني تقدم وصلبنا قالوا للملتحي ..... ماكذب خبر تقدم ابوالشباب ........ كبر للصلاة اخوكم بالله ما ارتاح ..... حسيت ان فيه شي يبي يصير الامام قراء سورة الفاتحه الى حد ما مقبوله ...... واستفتح باخر ايتين من سورة البقرة صوت الامام غريب ومتذبذب بين شدة الصوت الى اقل درجة للسماع مع تغير نبرات الصوت في كل حرف يقرئه اغلب الجماعة يتفرج علينا ......... ياخي ( كلن ) حاس ان فيه شي مهب طبيعي المهم فيه واحد نذل ( من البزران ) قدامنا بالضبط التفت لمنا وقابلنا وظهره للقبلة وجهه لنا ويتفرج علينا وحاط ايده على خده ( كانه يتفرج على تلفزون )... والله ماحنا ناقصينك انت الثاني الحقيقة انا جاني حال ثاني ودريت اني تورطت من الامام ومن البزر ما ادري اقطع صلاتي والا اضحك ( الله لايواخذنا ) ما ادري وشلون صلاتي والله يتوب علينا المهم اول ما سلم الامام وقبل مايلتفت لنا كلن مسك الباب ( على قاعدة ... حط رجلك )

اعجبتني سيما كيف الحال
سيما جديد هذا
ههههه
شكراً لك حربي لتواجدك مرة اخرى سيما انك شاركت من قبل

اقتباس المشاركة الأساسية كتبها شاعر راعي مشاعر جلسنا أنا وواحد من خوياني في كوفي شوب إلا أقبل علينا واحد من الشباب وكان توه ماله كم يوم متعرف على أخوي ألي أكبر مني بسنتين وشوي وأسمه عبدالعزيز المهم يوم جلس سلم علي وقام ياخذ ويعطي معي على أساس أني عبدالعزيز ألي توه متعرف عليه المهم حس بتغير بسيط في الطباع وسألني وشبك صرفتها وقلت له متضايق شوي ومقفله معي إلا رد علي وقال:كيف ذاك اليوم بالكابرس؟ سكتت شوي وبعدها قلت له لا تذكرني ياشيخ وأنا أصلا لا أعرفه ولا أعرف وش سالفة الكابرس بس صرفتها يسار وجت معي وشوي قام ذكر شيء عن أخوي أنا ما أعرفه وانا أهز راسي وأعطيه على جوه المهم فجاءه جاء واحد من الشباب ودخل الكوفي وخرب الشغله ومع الأخذ والعطا فضحني بحكم أنه يعرفني ويعرف الشخص ويعرف أخوي المهم الا الولد أنتفض كانه مصفوع على وجهه وبغا يتشابك معي وهو يقول أعرفك أنا عشان تمزح معي؟ هديته وقلت له خذها بروح رياضيه وبعدها تعرفنا بس للحين أشوف أثار في عيونه ياهي قهر أو أنه شايل علي أوشيئ من هاذا القبيل

غالباً تحدث هذه المواقف
لكن فعلاً محرجة للغاية وانت ماشاء الله عليك ضبطت الدور
شكراُ لتواجدك اخي