[محتاااااار]

السلام عليكم ورحمة الله وبركاته
اخواني واخواتي حبيت اخذ رايكم في موضوع يهمني كثير وراح اتكلم معاكم بكل صراحه وبكل شفافية وبدون زعل لاني راح اقول اللي بخاطري بدون تجريح لاي كائن كان
انا من سكان مدينه الرياض وقررت اني انقل واستقر في القصيم وتحديداً في بريده
اخواني واخواتي انتم تعرفون الحياه بالرياض تختلف جذرياً عن القصيم من نواحي كثيره جداً راح اذكر منها على سبيل المثال
الخدماات متوفره المولات الكبيره والمستشفيات والمطار الدولي وغيرها كثير
نوعية الناس من جميع الجنسيات والمذاهب والديانات ومن جميع مدن المملكة
الناس في الرياض كل شخص بحاله ولايتدخل بشؤون غيره لدرجة الجار مايعرف جاره
بالنسبة للعمل تلاقي زملائك واحد من دولة عربية والثاني توه اخذ الجنسية السعودية والثالث تلاقية من مذهب غير سني والرابع من الجنوب والخامس من الشمال والسادس غير مسلم وهكذا وتلاقيهم على قلب واحد وبينهم احترام متبادل جمعهم مكان واحد هو العمل
اخواني واخواتي بصراحه انا اخاف انقل بعدين اتوهق ولا اقدر ارجع لمكان عملي السابق
باختصار هل بريده تصبح للسكن ام لا
لاني لما خبرت زملائي اني افكر بالنقل للقصيم
فية ناس قالولي الديره حلوه ومنطقة هادية وجميع الخدمات فيها وقريبه من العاصمة
وفية ناس قالولي ماتصلح ووضحولي بعض الاسباب مافي داعي اني اذكرها لاني احترم اخواني واخواتي وجميع سكان هذه المدينه المباركة واخاف اذكرها بعدين ياخذ الموضوع منحنى اخر لكن جميع اللي قالوه موجود في جميع مدن المملكة وجميع دول العالم يعني ماجابوا شي جديد
احواني واخواتي لاتبخلوا علي بأرائكم لانها تهمني جداً وخاصة انكم اهل الديره
لاني بصراحه تعبت من التفكير في ذا الموضوع
وشكراً للجميع

[متأملة......]

مافيه مثل الاستخارة

لكن مادام انك حاط ومكون فكرة في بالك عن بريدة....واعتقد انها خاطئة نوعا ما.......فأتوقع انك راح تصدق هالفكرة
وتعيش على اساسها............

من رأيي المتواضع.......انك تجي فترة مؤقتة وتشوف الوضع .عجبك بها ونعمت
ماعجبك ياقربك يالرياض
لكن......حبيت اصحح لك بعض الافكار الي في بالك عن القصمان........

بريدة كغيرها فيها الخير وعكسه وليست المدينة الفاضلة....
اهلها اصبحوا كغيرهم لايعرف الجار جاره ولو حصل ماحصل....واقرب مثال حنا توفت ام الجيران مادرينا الا بعد6 شهور للاسف الشديييييييد

الحسد في كللللللللللللللللللللللللللللللللللللللللللللللللل لللللللللللللللللللللللللللل مدينة وفي كل بيت
المراقبة خفت قليلا............
الشوارع مزدحمة...والمراهقين يملؤن البلد
الاستخارة الحل الوحيد
الله يكتب لك مافيه خير لك

[شهبندر]

أنت شكلك تبغى تقعد في الرياض ...

لكن بريدة حلوه ولا فيه شي ينفّرك منها

[محتاااااار]

اقتباس المشاركة الأساسية كتبها متأملة...... مافيه مثل الاستخارة لكن مادام انك حاط ومكون فكرة في بالك عن بريدة....واعتقد انها خاطئة نوعا ما.......فأتوقع انك راح تصدق هالفكرة وتعيش على اساسها............ من رأيي المتواضع.......انك تجي فترة مؤقتة وتشوف الوضع .عجبك بها ونعمت ماعجبك ياقربك يالرياض لكن......حبيت اصحح لك بعض الافكار الي في بالك عن القصمان........ بريدة كغيرها فيها الخير وعكسه وليست المدينة الفاضلة.... اهلها اصبحوا كغيرهم لايعرف الجار جاره ولو حصل ماحصل....واقرب مثال حنا توفت ام الجيران مادرينا الا بعد6 شهور للاسف الشديييييييد الحسد في كللللللللللللللللللللللللللللللللللللللللللللللللل لللللللللللللللللللللللللللل مدينة وفي كل بيت المراقبة خفت قليلا............ الشوارع مزدحمة...والمراهقين يملؤن البلد الاستخارة الحل الوحيد الله يكتب لك مافيه خير لك

الله يعطيك العافية اختي ماقصرتي وبصراحه استفدت من النقاط اللي طرحتيها

[محتاااااار]

اقتباس المشاركة الأساسية كتبها شهبندر أنت شكلك تبغى تقعد في الرياض ... لكن بريدة حلوه ولا فيه شي ينفّرك منها

والله انك صادق ما ابي انقل لكن مجبر لظروف قاهره
والنعم ببريده واهلها لكن حبيت اسأل واستفسر مافيها شي ونا اخوك ومنتدى الاستفسارات ماحطوه الا لأي شخص تنقصه المعلومة ويسأل اللي مثلك وشرواك
مشكور على الرد وتقبل تحياتي
وننتظر مزيداً من ردود الاخوان والاخوات

[شموخ3>]

حبيت أفيدك بس أنت عندك أفكار مسبقة فكل موقف تبي تؤولة للأفكار اللي مسيطرة عليك والابريدة مثلها مثل غيرها والأحياء الجديدة مثل وصفك بالضبط كل جار من بيئة ومنطقة مختلفة والناس صاروا ما يتعارفون أنا سكنت بيتي من ثلاث سنوات وبالاحياء القديمة وما احد من الجيران جالي والا عزمن والحسد والفضول والخرابيط هذي موجودة بكل البيئات حتى الأجنبية بس أهل بريدة مشوهة صورتهم من هالناحية مع اني ما اذكر اني عانيت منها أبد عموما هالأشياء تكثر بالبيئات اللي يكثر اختلاطهم مع بعض لكن مع تغير الأوضاع في الوقت الحالي لم يعد يعاني منها أحد وكل مشغول بنفسه وبالنسبة للخدمات والمولات والمطاعم متوفرة بقدر معقول وقريبة مع ان بريدة اصبحت قريبة من الرياض بالزحمة وبعد المسافات الاأنها اهون قليلا قد تكون الخدمات في الرياض أكثر لكن لاتستطيع الحصول عليها كلما أرتها بسبب الزحمة والبعد والقصيم قريب من الرياض كثير من اهل القصيم يتسوقون من الرياض ويتعالجون وما يعانون لانها قريبة صح اني طولت بس حبيت أفيدك

[دربك تدله !]

-



المهم اهل بريده وخصوصاً بعض الاحياء أهم شي أنك تصلى لو ماصليت بيجي واحد يسألك
و لا اظن أنك من ضمن الناس الي مايعرف باب المسجد .



بالنسبه للمستشفيات متوفره و لله الحمد ، سواء الاهليه او الحكومية
و معروف بكل المملكه الامراض الي تحتاج علاج مطول يتم ارسال المريض للرياض .

[نصراوي عسل9]

شف أهلك وين وخلك حولهم والله يوفقك

[محتاااااار]

اقتباس المشاركة الأساسية كتبها شموخ3> حبيت أفيدك بس أنت عندك أفكار مسبقة فكل موقف تبي تؤولة للأفكار اللي مسيطرة عليك والابريدة مثلها مثل غيرها والأحياء الجديدة مثل وصفك بالضبط كل جار من بيئة ومنطقة مختلفة والناس صاروا ما يتعارفون أنا سكنت بيتي من ثلاث سنوات وبالاحياء القديمة وما احد من الجيران جالي والا عزمن والحسد والفضول والخرابيط هذي موجودة بكل البيئات حتى الأجنبية بس أهل بريدة مشوهة صورتهم من هالناحية مع اني ما اذكر اني عانيت منها أبد عموما هالأشياء تكثر بالبيئات اللي يكثر اختلاطهم مع بعض لكن مع تغير الأوضاع في الوقت الحالي لم يعد يعاني منها أحد وكل مشغول بنفسه وبالنسبة للخدمات والمولات والمطاعم متوفرة بقدر معقول وقريبة مع ان بريدة اصبحت قريبة من الرياض بالزحمة وبعد المسافات الاأنها اهون قليلا قد تكون الخدمات في الرياض أكثر لكن لاتستطيع الحصول عليها كلما أرتها بسبب الزحمة والبعد والقصيم قريب من الرياض كثير من اهل القصيم يتسوقون من الرياض ويتعالجون وما يعانون لانها قريبة صح اني طولت بس حبيت أفيدك

يعطيك العافية اخت شموخ عا الرد وماقصرتي

[محتاااااار]

اقتباس المشاركة الأساسية كتبها دربك تدله ! - المهم اهل بريده وخصوصاً بعض الاحياء أهم شي أنك تصلى لو ماصليت بيجي واحد يسألك و لا اظن أنك من ضمن الناس الي مايعرف باب المسجد . بالنسبه للمستشفيات متوفره و لله الحمد ، سواء الاهليه او الحكومية و معروف بكل المملكه الامراض الي تحتاج علاج مطول يتم ارسال المريض للرياض .

خف من ذا معقولة يجي يطق عليك الباب يقولك ليش ماتصلي ههههههههههههه ليش شغال بالهيئة
تصدقون اغلب الجيران ماقد شفتهم بالمسجد
واكثر من مره الامام يقيم للصلاه واشوفهم راجعين للبيت بدال مايروح للمسجد يدخل البيت ويقفل الباب ولا احد قالة ليش ماتصلي هو حر ولا راح احد يدخل معاه في قبره
وبصراحه يا اخوان لو يجي يقولي ليش ماتصلي بقولة كيف الحال وذا طولها الله يعينه

[محتاااااار]

اقتباس المشاركة الأساسية كتبها نصراوي عسل9 شف أهلك وين وخلك حولهم والله يوفقك

والله انك صادق يالعالمي لكن تجري الرياح بما لاتشتهي السفن
اهلي بعيد وذقت مر وعواقيب

[حربي القصيم]

والله اذا مالك احد يقرب لك مآنصحك تجي لانك بتمل
خآصه آنك بتستقر موب بتجلس كم سنة
والجيران كلن بحاله موب زي اول

[سومي 90]

صراحه لو يخيروني بين بريدة والرياض اختر البقاء ببريدة مع ان كثير سفراتي للرياض لاكن بما اني جلست فترة بالرياض تقريبا عرفت الفرق بيننا وبينهم 1-بريدة اصغر واهدا 2-اهل بريدة حبوبين وخدومين بقوه ولايهينون اهل الرياض ولو بتجي بتلاحظ لاكن تعال اجلس فتره هنا واجزم لك بتقتنع ببريدة واسال الله ان يخيرك بما فيه خير لك

[ابن بريدة.]

خلك بالرياض مليانين وزحمة