[روزالينا]

السلام عليكم ورحمة الله وبركاته

وجدت اليوم بطاقة صراف للراجحي خاصة بالضمان الإجتماعي

بشارع الملك عبدالعزيز بسوق بريدة

مدري كيف أوصلها لصاحبتها

علما اني كلمت خدمات العملاء بمصرف الراجحي مابيدهم الا يوقفون البطاقة

ورفضت ليش يوقفونها وهو مافيه احد راح يتعبث فيها

أحاول ألاقي صاحبتها حتى ماتتعقد أمورها وتبتلش باصدار جديدة

لأنه سمعت أنه اجراءات الضمان صعبه بهالأمور

فأي أحد يعرف شي عن عائلة النقيز

يعطيني أي رقم عالخاص حتى أتوصل لصاحبتها

وإذا مر كم يوم ماتوصلت لها بحاول اودي البطاقة لإدارة الضمان الاجتماعي

مع أنه يقولون بيعقدونها عليها بس الشكوى لله وش أسوي

[روزالينا]

إذا فيه أحد بيتكفل بالبطاقة أكون شاكره له

[حربي عابر دربي]

سلميها للبنك

[سلاف@]

جزاك الله خير
ووفقك
رفع

[دفا..]

فيه احد يروح للضمان وهناك يتعرفون على صاحبها ويتصلون عليه
اتوقع كذا

[الحاجب]

اشير عليك بان تذهب الى الضمان الاجتماعي : بعدين اطلب منهم جهت الاتصال واتصل عليه بالجوال

[نايف بريدة]

سلمها لإدارة الضمان الاجتماعي وهم يدلون لصاحبها المكان طريق المدينة

[أبورامي]

مثل ماقال نايف بريدة هو أفضل حل لأن الضمان عنده عنوان صاحبة البطاقة
والبنك كذلك عنده عنوان صاحبة البطاقة ولن يقوم بخدمتك لأنه سوف يقوم بإيقافها من أجل تحصيل رسوم أخرى للبطاقة الجديدة

[روزالينا]

شكرا لكل اللي داخلو

بإذن الله بوديها للضمان

جزاكم الله كل خير

[torki]

انا اليوم فيه زيونه نست المحفظة وفيها فلوس وبطاقة الصراف عندي بالمحل
والله بلشة ما أدري وش أسوي

[O X Y G E N]

اكتبي أسمها ثنائي بالنمبر بوك ويطلع لك ارقام حتى واضح من اسم العائلة يعني نادر شوي فاكيد بتطلع ارقام مؤكدة لها واسئلي اذا كانت مو هي ..

أو اذا تعرفين احد بخدمة العملاء يعطيك رقم جوالها ، وبعدين كان حطيتي ورقة وكتبتي على الصرافة وكتبتي فيها رقمك وكتبتي اني لقيت بطاقة ضمان على صاحبتها الاتصال ..

وأخيراً .. روحي للضمان وادخلي النساء يمكن تعرفين احد يطلع لك بياناتها ..

وفعلا كلامك صحيح اجراءات بطاقة الضمان اتوقع فيها تعقيد شوي ..

ولاتجلسين تعطينها أحد يتكفل فيها ، ترى الناس هاليومين لاذمة ولاضمير ألا ماندر .. حتى النادر احيانا يخونها ..

سلام

[مآلي شبيه]

حياك الله لك رساله على الخاص الله يوفقك لان فيه وحده مضيعه بطاقته ويمكن تكون هي صاحبته