 |
|
|
|
|
27-01-2014, 11:08 AM
|
#1 |
|
عـضـو
تاريخ التسجيل: Jan 2014
البلد: بريدة
المشاركات: 9
|
يليس سقف الصاله ب 500 ريال ؟!
السلام عليكم
عندي سقف الصاله فيه شقوق على اليمين وانا مااعرف اسعار اللي يليسون السقف المهم مالقيت الا رقم واحد وقال ابي 500ريال وطلب مني اجيب اسمنت وعندي فتحات مكيف بسكرها وبياخذ عليها 300ريال واجيب له اسمنت ورمل وبليك عاد ابي رايكم فيه ارخص ولا اتوكل على الله |
|
|
|
27-01-2014, 01:16 PM
|
#2 |
|
وفي حياتي مشاعل
تاريخ التسجيل: Dec 2008
البلد: بين حنايا ذاك القلب
المشاركات: 3,916
|
كم مساحة السقف ؟
بطريقته هذي يبي ياخذ الشغل شغل قطوعه اسأله او اسأل غيره بكم سعر تلييس المتر ثم اذا عرفت تعرف اذا سعره معقول او مبالغ فيه صراحة مادري كم مساحة الغرفة حتى اذا صار الاتفاق قطوعه المفروض ماتتحمل انت شي ابد هو يحدد لك سعر و كل شي عليه هو وعموم السالفة على توفر العمالة احيان يصير عندك شغل بسيط ولا تحصل عامل و ودك تدفع اللي تدفع لكن تحصل عامل |
|
|
|
|
27-01-2014, 07:34 PM
|
#3 |
|
عـضـو
تاريخ التسجيل: Jan 2014
البلد: بريدة
المشاركات: 9
|
ياخوي انا مااعرف بريدة زين توي ساكن فيها
وسألت هنا بالمنتدى عن عامل ومحد رد علي الله يعين دورت بكل مكان بشارع الصناعه ومالقيت عامل يليس السقف بالصدفه شفت واحد يمشي بالشارع وسألته تعرف احد يليس السقف قال انا المهم التلييس مو كل السقف بس متر اللي كان سببه تسرب الحمام (تكرم) يقول بيتك نظيف مصبغ ويبي يشتغل بشويش عشان مايبي يخربه بالاسمنت وحسيت سعره غالي اذا احد يعرف رقم عامل او يقولي السعر مبالغ فيه يقول لي |
|
|
|
|
28-01-2014, 12:07 AM
|
#4 |
|
وفي حياتي مشاعل
تاريخ التسجيل: Dec 2008
البلد: بين حنايا ذاك القلب
المشاركات: 3,916
|
اذا كان على كلامك فالسعر مبالغ فيه بالمرة
لكن اذا ماحصلت احد وانت محتد فالشكوى لله مالك الا ترضى لكن كاسره وحاول فيه والعماله ماهي زي اول متوفرة وقليل تحصل احد يطلع لشغل بسيط مثل حاجتك هذي واذا رفض يخصم لك خل البلك و السمنت عليه هو انت ماعليك الا تشرف على الشغل و تدفع بس لأن سعره خيالي مرة حتى تسكير فتحات المكيف مع اني مادري كم فتحه لكن بالمعقول الفتحه تكلف 25 ريال او 30 واذا كان يبي يليسهم تصير الفتحه الوحد بالكثير بـ 50 كلها بلكتين وشوي اسمنت وركبهم فوق بعض وخلصنا لاتعتمد كلامي ولا يلخبطك لكن انا اقول حاول فيه ولاتصير سهل عشان مايغلبك بالمرة الله يكون بعونك |
|
|
|
 |
| الإشارات المرجعية |
|
|
النمط المتتابع
