[..هوجــااس..]

وعليكم السلام ورحمة الله وبركاته
..

أهلين أختي سدير
..

أولاً مشكوره على الموضوع ووجهة النظر..

ثانياً حبيت أبدي رأيي مثل البقيه..

أنتي قلتي إننا متشددين وهذا كله ليش؟؟...
ليش إنه البنت إستغربت يوم قلتي بتكلمين أخوه..
شي طبيعي إنه بتستغرب لأنه شي بجيح صراحه..
أنا معك كلميه وتبادلو الآراء وشوفي طبيعته ويشوف طبيعتك ..بس مو قبل الملكه..
لأنه قبل الملكه يعد غير محرم .. مايجوز تكلمين غريب..
المنشر بيننا إنه تكلم زوجه شوفي انا قلت زوجه لأنهم مملكين مو خطيبه.. هذا اللي حتمه علينا الشرع لاتمشين على العادات لأنه بدت تطلع عن معالم الدين..
..
..
..
هذي وجهة نظري..
مع تحياتي...
اختك ...هوجــــاااس

[سوسو البحر]

اقتباس المشاركة الأساسية كتبها ..هوجــااس.. وعليكم السلام ورحمة الله وبركاته .. أهلين أختي سدير .. أولاً مشكوره على الموضوع ووجهة النظر.. ثانياً حبيت أبدي رأيي مثل البقيه.. أنتي قلتي إننا متشددين وهذا كله ليش؟؟... ليش إنه البنت إستغربت يوم قلتي بتكلمين أخوه.. شي طبيعي إنه بتستغرب لأنه شي بجيح صراحه.. أنا معك كلميه وتبادلو الآراء وشوفي طبيعته ويشوف طبيعتك ..بس مو قبل الملكه.. لأنه قبل الملكه يعد غير محرم .. مايجوز تكلمين غريب.. المنشر بيننا إنه تكلم زوجه شوفي انا قلت زوجه لأنهم مملكين مو خطيبه.. هذا اللي حتمه علينا الشرع لاتمشين على العادات لأنه بدت تطلع عن معالم الدين.. .. .. .. هذي وجهة نظري.. مع تحياتي... اختك ...هوجــــاااس

اوافق اختي هوجاس بالراي

[Joop]

?
?
?
?
انا يوم شفت بعض الأقسام لايسمح بمشاركة الرجل بها والعكس صحيح

وأنا غاسل يدي ؟
؟
؟
؟
؟

[بريماكس]

الأخت الفاضلة / تالي حياتي موووت !

إن كانت مشكلتي مع التعميم فقط ، فنحن نشاركك الرفض .



الفاضل صاحب الحرف الطريف / مدحت شوقي بريدة

طيب إذا إستخدمنا نفس السيناريو الوارد في ردك الأخير مع (الرؤية الشرعية)
هل نرفض الرؤية الشرعية أيضاً .!
المسألة ليست بهذه السهولة و ليست من الباب للطاقة ، هناك منتصف للقضية جيد لو أستقرينا فيه
بلا تشدد و لا إنفلات .

ردك ساخر بشكل رائع




شكراً لكم يا سادة ..
و دام الجميع في حب و سعادة .

[الصباخ]

ههههههههههههه أبوابراهيم الله يقطع ابليسك ، من وين تجيب هيك هرج ،،


خخخخخخخخ قسم بالله تقطعت من الضحك ،،

[الـصـمـصـام]

..



شكراً للأخت هوجاس على ردها ..
فأقول أختي ( سدير ) ..
التشدد ينظر إليه بالمعيار الشرعي وليس بالعادات و التقاليد ..




أخي معارض لكل عارض /

هذا أمر لا تدري ما نتائجه ، فأنت لا تدرك ما يدركه الإشراف ، و لهم في هذا المنع أسباب ، من أهمها التجاوزات ، و الكلام الغير منضبط ..
أنصحك أخي نصحية .. إذا كنت ( غاسل يدك ) من أي شي فاتركه ، فإن جودك فيه يدل على عدم إدراكك لمصلحة نفسك ..


و شكراً للجميع .

[سدير]

أشكركم جداً . على تفاعلكم الجميل
ساعود إن شاء لله لكم

[سدير]

اقتباس المشاركة الأساسية كتبها المتزن أهلاً وسهلاً بكِ أختي سدير . نحن فعلاً متناقضون .. نبلع البعير ونغص بالزبدة !! ( طبعاً المقصود بـ " نحن " الكثير من أهل نجد والسعوديين عموماً ) لو تروح تخطب من ناس وتشوف بنتهم وتسأله بعض الأسئلة وتطلب انها ترد عليك وجهاً لوجه , كان يطردونك من بيتهم ويمكن يشهـّرون بك !!! والمصيبة لا من قالوا لك : حرام !!!!!!!!!! يا أخي : قولوا ماودنا , لكن لا تقولون حرام .أما الوسطية والاعتدال , فهي متأصلة عندنا كما هي الجلافة والتشدد متأصل عندنا أيضاً , ولا أرى فرقاً كبيراً بين القصيم وسدير في هذا الصدد . وتقبلي تحياتي 00 المتزن

كثر الله من أمثالك
فعلاً متزن .

[سدير]

اقتباس المشاركة الأساسية كتبها تالي حياتي موووت ! الله يخلي بنات القصيم لعيال القصيم .... ملينا من هالكلااااام ... وش تبون 10 تعالوا نعطيكم 20 خلاااص كيفنا أحنا احرا وشو هاللقااااااااافه ..... وبالنسبه للكره ... معروف الزين يكره .... المسلمين يكرهون ,,, والسعوديه لانها ازين دوله تكره ,,, والقصيم ازين منطقه تكره وبــــــــريــده أزين مدينه تكره .... هذا شي معرررررروف الزين يكره ... مابقى الا حارتنا هههههههههههههههه لان بصراحه تامه عقول الناس فاسده نوعاً مااا ,,, وخلاص صبغها الفساد يعني مايحبون الصلاااااااح والدين .... تصدقين عاد بالكونقرس بيل كلونتون يقول كسيم كسيم للمعلوميه حتي امريكا تكهرنا * ـ * يسلموا حبوبه * ـ ^

لازم نعترف بـ أخطائنا ومانكابر ...
أنتم طيبين كثير بس بحاجه لـ إتزان يشبه إتزان "المتزن"
وبعدين تصيرون "أقدع" ناس :D
وتحكمون العالم بدال كلينتون
وأسحب أهل سدير وشقراء وثادق ,.. كلهم تضامنا معكم

[سدير]

اقتباس المشاركة الأساسية كتبها صفراوي ههههههههه حلوه كسيم كسيم بس عموماً اللي من برا بريده محد طقه على يده وقاله خذ من بريده واللي يبي من بريده من بغى الدح ماقال اح . بكل بساطه شكرا على الموضوع.

صحيح
الموضوع ليس إجباراً
هو خياراً

لكن .. مشكلتي أحبكم يا أهل القصيم
لذا
لاأريد أن أسمع ما يسيء إليكم .

العفو ,

[سدير]

اقتباس المشاركة الأساسية كتبها اكحيلان ماكان الحياء في شي الا زانه وما نزع منشي الا شـــــانه اخوكم اكحيلان...

لاحياء في الحلال
يجدر بالمرء أن يستحي من الحرام أو من التطرف .

[سدير]

اقتباس المشاركة الأساسية كتبها مدحت شوقي بريده والله ياهي حرة تسبدي .. والله ياهي شبت تسبدي بعد .. عجزت قلت لازم ارد .. اقول يالسديراوية .. تحسبينه واقفتن عليتس هاللحين .. ترى يوم تقولتس نبيتس لأخوي .. راحمتس رحمة .. ومسوية بتس خير .. تبي ترفع من قيمتس إنك أخذتي قصيمي .. بس أنتي ماينفع بتس .. بعدين يالسديراوية .. انتي ماتعرفين القصيمية .. هذي تجس نبضتس وإختبرتس .. وأنتي تدودلين دميجتس عنده .. عااااااااشت ايامه بعد .. وعاااااد يوم شافت هالرد منتس .. قالت إيـــــــــــه .. اللي هذا أوله ينعااف تاليه .. هذي لسانه يلوط إذانه .. ولاتنفع .. ××××× خلاااااص ابلتزم الأدب ××××× سي يو ..

حلوه ترفع قيمتي !! :D

عموماً مايجوز ( أسلوب أنحن أحسن منكم ) وإلا ترى لساني يلوط آذاني , وأقدر أفحمك بمثل أسلوبك .

لكن عيب , انا ماجيت هنا أشرشحكم
انا جيت نمد يد وحده لهدف واحد

[سدير]

اقتباس المشاركة الأساسية كتبها بريماكس كنا قبل أسبوع تقريباً مع مجموعة من الزملاء ، نتحاور بهذا الموضوع بالذات .. و أنا أتبنى رأي الأخت المخطوبه ، حيث أنه من حقها أن تتحدث مع خطيبها بما تشاء بأي وسيلة في ظل وجود محرم أو عدم تعارضه مع الشرع . دائماً نشاهد نسائنا تقضي نصف ساعة أمام (الخياط) و تبدي شيء من يديها و لم نعارض ذلك ، و في مسيرة بناء أسرة جديدة نقف بصلابه أمام حقوق مشروعة للطرفين .! شكراً للجميع ، و أشكر صاحبي بالماسنجر الذي دعاني لهذا الموضوع ، لأني مللت هذا النوع من المواضيع .

الشكر لله ثم لهذا الكلام الجميل ,
لقد تخبط أبناءنا وبناتنا في بحر التناقض
قد تستحي الفتاه من محادثه خطيبها بينما لاتجد حرجاً من محادثه السواق وأصحاب المحلات والمطاعم والأعمال وتأخذ وتعطي معهم في أدق التفاصيل !

تحيه كبيره يابريماكس .

[مُسعر قلم]

وهل كونها لا تجد حرجاً في مخاطبة السوّاق أو غيره يعتبر مبررا .. !
أعمال الناس لا يستدل بها على الأحكام الشرعية
ختاماً : أظن أن كلمات الصمصام قد أصابت الهدف وتغني عن كثير كلام
أنسخه للفائدة
التشدد ينظر إليه بالمعيار الشرعي وليس بالعادات و التقاليد

شكراً لكم