[ما أجمل الاخلاق]

بسم الله الرحمن الرحيم
ايها الاخوة
السلام عليكم ورحمة الله وبركاته
لا شك كلا منا لابد ويكون له حاجة في الاسواق أو لاحد من عائلته اماام او زوجة او اخت او ابنه
ومع قرب الاجازة وبداية موسم الزواجات نسأل الله للجميع التوفيق لهم في حياتهم الزوجيه ولكن بودي ان اضع بعض النقاط في حال الذهاب الى الاسواق :
ـ الحذر ثم الحذر من ان تذهب المرأة لوحدها بل لا بد من محرم (هذا ليس عدم ثقه بها بل عدم ثقة بأصحاب المحلات ولا اريد ان اذكر مواقف شاهدها بنفسي )
ـ الحذر من لبس الملابس او العبايات الفاتنه
ـ الحذر من التبرج ولبس النقاب والتعطر
ـ بعض النساء تذهب هي وبعض القريبات للاسواق وعند مشيهن وتنقلهن من محل الى محل تسمع الضحكات بينهن
ـ كثرة الاسترسال وطلب التخفيض من صاحب المحل من قبل المرأة والخضوع له بالقول
ـ بعض النساء تطلب من صاحب المحل البحث لها عن الملابس المناسبة لها ( تجميع الالوان )
ـ بعض اصحاب المحلات يضع للمرأة كرت المحل للاتصال عليه
ـ بعض الرجال ينزل اهله في السوق وقد تغلق المحلات ليلاً وتجدهم في ركن من الاركان ينتظرونه وقد شاهدت ذلك مراراً
ـ ان المراة اذا كانت لوحدها تكون ضعيفة ولكن في حال وجود المحرم لا يستطيع من في نفسه شيء ان يفعله
وهناك الكثير من المحاذير ولكن نسـأل الله ان يحمي اعراضنا وان يقينا شرور انفسنا والشيطان وان يحفظ علينا امننا وايماننا وان يحفظ نساء المسلمين من كيد الكائدين وعبثهم وشرورهم

[وحيد المعنى]

باركـ الله فيكـ

[مدحت شوقي بريده]

ماأجمل الأخلااااااق ..
مشكور يالبي على هيك كلااااااااااام ..
المشكلة إن الأسواااق صارت هي المتنفس لبعض البناااااااات ..
يعني الموضة هاللحين .. إذا ضاق صدر البنت نحرت السوق ..
بدال ماتقوم تصلي ركعتين وتقراء لها آيتين همن يستاسع صدره ..
تلقاه مثل إبليس بالسوق .. ماغير تطامر من محل لمحل ..
وباليوم لازم تشقر على سوق سوقين يعني مايكفيه واحد ..

اقتباس ـ الحذر ثم الحذر من ان تذهب المرأة لوحدها بل لا بد من محرم

يالبي بعضهن ماتبيك تروح معه .. علشااااااان تآخذ راحته بالفسقة ..
الله لايبلااااااانا ..

اقتباس ـ الحذر من لبس الملابس او العبايات الفاتنه

هذاك انت قلته .. الفاتنة .. هي مالبست هالعباة الا علشان تكون فاتنة ..
( إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق )
<<((== عاشت ايام بس شوي واحدث عليكم ..

اقتباس ـ الحذر من التبرج ولبس النقاب والتعطر

النقاااااااب ..
تصدق يالبي يقولون إن تاثير هالنقاب على الرجال اكثر من تاثير الفياقرا ..
أما العطر فحدث ولا حرج يالبي ..
أحياناً تمشي بالسوق وتمر من عندك وحده تشم عطره ويقعد إسبوع بخشمك ..
الظاهر إنه سابحتن سباحة بعطر ..

اقتباس ـ بعض النساء تذهب هي وبعض القريبات للاسواق وعند مشيهن وتنقلهن من محل الى محل تسمع الضحكات بينهن

يالبي هذولي اللي مثل كذا .. مسيكينات مريضات نفسياً .. ياويلي يحسن بالنقص ..
ولايعرفن يغطن هالنقص الا بهالحركااااااااات ..
يعني ناظرونا ياعالم ياهوه .. ترانا موجودين بهالدنيا ..
مسيكينات ياويلي والله إني ارحمهن ..
والمشكلة تلقى وحدة تضحك .. ولو تسأله وش قالت خويتس يوم تضحكين كان ماتدري ..
بس سمعتهن يضحكن لازم تضحك .. لزوم الوناسة ولفت الانتباه ..
وكل هذا علشااان اذا رجعن للبيت قالن ..
والله سوينا اليوم رجه بالسوق كل الشباب يناظرونا ..
هع .. سي يو ..

اقتباس ـ كثرة الاسترسال وطلب التخفيض من صاحب المحل من قبل المرأة والخضوع له بالقول

ياشينه اللي مثل هذي ..
تكفى انا زبونة عندك .. ماعمري شريت الا من عندك ياحبيلك نزلي لو هالمرة ..
وش يبي يضرك عشرة ريال .. تكفى نزلي اياااااه ..
الا الا الا يكفيك هالأربعين ..
والطامة إذا قالت .. علشااااااااااااااااااااااني .. واوك هذي اللي ماتنبلع عاد ..
أنا مأدري ليش تسترخص نفسه وتقول مثل هالحتسي علشان عشرين ريال ..
حنا يالرجال ماذلينا أنفسنا لعشرة مثل هالذلة ..
وبعض الحريم مابقي الا تنط على البترينه وتمطخه علشان ينزل له السعر ..

اقتباس ـ بعض النساء تطلب من صاحب المحل البحث لها عن الملابس المناسبة لها

ههههههههههههههههههههههههههههههه
يادبشهن .. إذا دخلت الوحدة وقالت لك ..
عندك شلحة موف مقاسي ..
شلق عااااااااد .. يعني ناظر جسمي .. وتمقلن زين ..

اقتباس ـ بعض اصحاب المحلات يضع للمرأة كرت المحل للاتصال عليه

عاشت ايامه ..

اقتباس ـ بعض الرجال ينزل اهله في السوق وقد تغلق المحلات ليلاً وتجدهم في ركن من الاركان ينتظرونه وقد شاهدت ذلك مراراً

ياشينه اذا دقوا عليه وقال .. اصبرن شوي ..
وهو قاعدن يلعب بلاااي ستيشن .. ودك تلفعة من القهر ..
وهن ياويلي كل مامرت سيارة .. قالن وش عنده هذا كل شوي يمر ..
وراعي هالسيارة مسيكين اول مره يجي للرياض بعد ..
بس من الروعة يخافن حتى من بعضهن ..
والحبيب متسدح بالاستراحة يحتري ستار اكاديمي يقضي ..

اقتباس ـ ان المراة اذا كانت لوحدها تكون ضعيفة ولكن في حال وجود المحرم لا يستطيع من في نفسه شيء ان يفعله

طيب وإذا صار هالمحرم ماغير يدربي ديمجته ويناظر بنات خلق الله ..
هذا اللي ودك تبخق عيونه ..



وسلاام يالبي ..

سي يو ..